Мулоқоти Давлатзода бо Петер Ванг

Чин бурсияҳои таҳсил барои тоҷиконро бештар кард

87
(Таҷдидшуда 17:23 24.07.2018)
Чин дар соли таҳсили 2018-2019 барои донишҷӯёни тоҷик 350 бурсия ҷудо намудаст, ки нисбати соли қаблӣ 50 адад зиёд мебошад

ДУШАНБЕ, 24 июл — Sputnik. Тибқи иттилои дафтари матбуоти Вазорати маориф ва илми Тоҷикистон, 23 июл дар мулоқоти  Сайфиддин Давлатзода, муовини вазири маориф бо Петер Ванг Шенганг, раиси котиботи бурсиявии Чин густариши ҳамкориҳои ду кишвар дар соҳаи маориф баррасӣ гардид.

Мактаб, акс аз бойгонӣ
Пресс-служба президента Таджикистана

Ҷонибҳо таъкид кардаанд, ки дар муассисаҳои олии таълимии Чин феълан беш аз 3000 донишҷӯи тоҷик таҳсил менамоянд.

Инчунин зикр шудааст, ки дар Тоҷикистон ду маркази илмию фарҳангии Конфутсий-дар назди Донишгоҳи миллии Тоҷикистон ва Донишкадаи кӯҳӣ-металлургии Тоҷикистон фаъолият менамоянд, ки дар онҳо хоҳишмандон метавонанд забон, фарҳанг, расму ойин ва анъанаҳои халқи Чинро омӯзанд.

87
Барчаспҳо:
афзоиш, бурси таҳсилӣ, вазорати маориф, Тоҷикистон-Чин
Министр финансов республики Таджикистан Файзиддин Каххорзода

Ҷалби қариб ним миллиард қарзу грант барои бунёди 68 мактаб дар Тоҷикистон

57
(Таҷдидшуда 14:13 05.07.2020)
Маҷлиси намояндагони Тоҷикистон созишномаи қарзию грантиро ба тасвиб расонд, ки бар асоси он бунёди 68 мактаб ва 5 бинои маъмурии бахши маориф дар 18 шаҳру ноҳияи вилояти Хатлон ва шаҳри Душанбе дар назар аст

ДУШАНБЕ, 5 июл — Sputnik. Файзиддин Қаҳҳорзода, вазири молияи Тоҷикистон, зимни муаррифии лоиҳа дар ҷаласаи ахири парлумон гуфт, қарзу гранти мазкур барои татбиқи “Стратегияи миллии рушди маориф” равона мегардад.

Ба гуфтаи ӯ, дар маҷмуъ дар доираи лоиҳа,  равона намудани 46 миллион доллари амрикоӣ, аз ҷумла 30 миллион доллар қарзи Бонки исломии рушд, 10 миллион доллар доллари амрикоӣ гранти Ташкилоти ҳамкории глобалӣ дар соҳаи маориф ва 6 миллион доллар саҳми Ҳукумати Тоҷикистон пешбинӣ шудааст.

Қарз бо чӣ шарт гирифта шуду мактабҳоро дар куҷо месозанд?

Вазири молия афзуд, қарз аз ду сарчашма, маблағҳои қарзии Бонки исломии рушд ба муддати 25 сол, аз ҷумла 7 соли имтиёзӣ бо меъёри хизматрасонии 1,5 фоизи солона ва маблағҳои Фонди ҳамбастагии исломӣ оид ба рушд ба муддати 30 сол, аз ҷумла 10 соли имтиёзӣ бо меъёри хизматрасонии 0,75 фоизи солона дода мешавад.

“Дар доираи лоиҳа сохта ва ба истифода додани 68 мактаб ва 5 бинои маъмурӣ дар соҳаи маориф дар шаҳрҳои Душанбе ва Турсунзода ва дар шаҳру ноҳияҳои вилояти Хатлон, аз ҷумла шаҳри Кӯлоб, ноҳияҳои Балҷувон, Темурмалик, Восеъ, Данғара, Муъминобод, Мир Сайид Алии Ҳамадонӣ, Фархор, Панҷ, Ҷайҳун, Шаҳритус, Шамсиддини Шоҳин, Кушониён, Дӯстӣ, Хуросон ва Вахш пешбинӣ шудааст”, - хабар дод нашрияи парлумонии “Садои мардум” аз қавли Қаҳҳорзода.

Манбаъ таъкид кард, ки татбиқи лоиҳаи мазкур соли 2020 оғоз гардида, анҷоми он соли 2024 ба нақша гирифта шудааст.

57
Барчаспҳо:
грант, қарз, Тоҷикистон
Открытие нового здания факультета политики и государственного управления Государственного университета Бохтара

ММТ даври иловагии имтиҳонҳоро доир менамояд: киҳо аз пардохти хизматрасонӣ озоданд

277
(Таҷдидшуда 13:16 04.07.2020)
Маркази миллии тестии назди Президенти Ҷумҳурии Тоҷикистон даври иловагии имтиҳонҳоро доир менамояд

ДУШАНБЕ, 4 июл – Sputnik. Маркази миллии тестии назди Президенти Тоҷикистон хабар медиҳад, довталабоне, ки дар даври асосии ИМД қисми А имтиҳон дар заминаи таҳсилоти умумӣ ё қисми Б имтиҳон дар заминаи таҳсилоти умумии асосӣ иштирок карда натавонистанд, 12 июл даври иловагии имтиҳонҳоро дар марказҳои имтиҳонии шаҳри Душанбе, Хуҷанд, Бохтар, Кӯлоб ва Хоруғ доир менамоянд. 

Тибқи иттилои манбаъ, довталабе, ки дар даври асосии имтиҳон иштирок карда натавонист ва дар даври иловагии имтиҳон иштирок кардан мехоҳад, бояд маблағи иловагии хизматрасониро пардохт намуда, ба маркази имтиҳонсупорӣ ариза пешниҳод намояд.

Хадамоти зиддиинҳисории назди Ҳукумати Ҷумҳурии Тоҷикистон арзиши хизматрасонӣ дар соли 2020 барои як довталаби дар даври иловагии имтиҳон қисми А ё Б иштироккунанда 60 сомонӣ муқаррар намудааст.

Ҳукумати Ҷумҳурии Тоҷикистон пардохти маблағро дар даври иловагии ба чунин шахсон озод намудааст:

  • ятимони кул ва бепарасторони то 21-сола,
  • маъюбони гурӯҳҳои 1-ум ва 2-юм ва кӯдакони маъюбе, ки падар ё модарашон вафот кардааст ё дар парастории яке аз онҳоянд.

Шахсони то 21-солае, ки падар ё модарашон вафот кардааст ё дар парастории яке аз онҳоянд, маъюбони гурӯҳҳои 1-ум ва 2-юм аз пардохти 50 фоиз маблағ барои хизматрасонӣ дар даври иловагии ИМД-2020 озоданд. 

Агар шахс ҳам маъюби гурӯҳи 1-ум, 2-юм ё «кӯдаки маъюб» бошаду ҳам падар ё модараш вафот карда бошад, ё дар парастории яке аз онҳо қарор дошта бошад, он гоҳ ӯ аз пардохти маблағ барои хизматрасонӣ дар даври иловагии пурра озод мебошад. Он нафаре, ки дар марҳалаи асосии бақайдгирӣ ё марҳалаи иловагии бақайдгирӣ сабти ном накардаанд, ҳуқуқи иштирок карданро дар даври иловагии имтиҳонҳо надоранд.

Муҳлати қабули аризаҳо дар шаҳру ноҳияҳо то 7 июл ва дар Марказ то 9 июл муқаррар гардидааст.

277
Барчаспҳо:
имтиҳон, ММТ, Тоҷикистон
Врачи работают с пациентами Covid-19 в отделении интенсивной терапии

Фавти 10 мариз дар як рӯз: теъдоди қурбониёни COVID - 19 дар Қирғизистон ба 88 нафар расид

0
Дар Қирғизистон теъдоди қурбониёни коронавирус рӯ ба афзоиш аст. Танҳо шабонарӯзи гузашта дар ин кишвар 10 дардманди коронавирус ба ҳалокат расиданд

ДУШАНБЕ, 5 июл — Sputnik. Дар Қирғизистон шабонарӯзи гузашта дасти кам 10 нафар аз маризони коронавирус ҷон бохтанд, хабар медиҳад Ситоди фаврӣ.

Бар хабари манбаъ, дар шаҳри Бишкек аз ин беморӣ ду нафар, ду мард ва ду зан фавтиданд. Синну соли 10 қурбонии ҷадиди коронавирус дар Қирғизистон аз 35 то 81 - сола гуфта мешавад.

Ҳамин тариқ, бо илова шудани 10 мавриди нав, шумораи умумии қурбониёни вируси COVID - 19  дар ин кишвар ба 88 нафар баробар шуд.

Фавти 10 мариз ва олуда шудани 506 нафар ба коронавирус дар Қирғизистон давоми як рӯз

Ёдовар мешавем, рӯзи ҷумъа низ дар Қирғизистон бар асари маризии коронавирус 10 бемор ҷон бохтанд ва 506 нафари дигар тоза ба ин маризӣ гирифтор шуданд.

Ба иттилои ситоди фаврӣ, феълан дар дармонгоҳҳои Қирғизистон 638 мариз қарор доранд, ки 99 бемор дар ҳолати вазнин буда, ҳамчунин 19 нафар дар шӯъбаи эҳёгарӣ қарор доранд.

Гузашта аз ин, ҳудуди 3 398 нафари дигар, ки бидуни аломат мубталои ин беморӣ ҳастанд, ба қарантини хонагӣ фаро гирифта шуданд.

0
Барчаспҳо:
маризӣ, фавт, Қирғизистон
Мавзуҳо:
Пайомадҳои COVID-19 дар Тоҷикистон ва ҷаҳон