Эмомалӣ Раҳмон, раисиҷумҳури Тоҷикистон ва Қурбонгулӣ Бердимуҳаммедов, раисиҷумҳури Туркманистон

Тошканд сабукӣ доду Туркманистон монеа гузошт: ба Ишқобод чӣ нафорид?

1434
(Таҷдидшуда 13:58 05.09.2018)
Туркманистон қаблан аз нақшаҳои муштараки роҳи оҳанчиёни Узбакистону Тоҷикистон, ки метавонанд боиси коҳиши боркашонӣ тариқи Туркманистон гарданд, изҳори норозигӣ карда буд

ДУШАНБЕ, 5 сен — Sputnik. Вазорати нақлиёти Тоҷикистон мегӯяд, посухи Туркманистон дар мавриди мушкилоти мошинҳои боркаш  дар марзи ин кишварро ҳанӯз дарёфт накардааст

Тибқи иттилои Вазорати нақлиёт, гузариши мошинҳои боркаши Тоҷикистон аз ҳудуди  Туркманистон маҳдуд карда шуда, айни ҳол аз гузаргоҳҳои сарҳадии Эрону Туркманистон ва Узбакистону Туркманистон нақлиёти боркаши тоҷик намегузаранд.

Ин монеа дар ҳолест, ки ахиран ҷониби Тоҷикистон аз сабукиҳои Узбакистон барои интиқолдиҳандагони бор тариқи роҳи оҳани ин кишвар хабар дод.

Вазорати нақлиёти Тоҷикистон гуфт, ширкати "Узбекистон темир йуллари" аз 15 августи соли 2018 то 31 декабри соли 2018 барои интиқоли транзитии ҳамаи намуди борҳо тавассути истифодаи қитъаи роҳи оҳани Келес-Қудуқли ва баръакс ба воситаи вагонҳои парки шахсӣ —20% ва бо вагонҳои парки инвентарӣ-30% сабукиҳо (тахфиф) пешниҳод кардааст.

Инчунин барои содироти бор аз Тоҷикистон, дар қитъаҳои роҳи оҳани Қудуқлӣ-Келес, Қудуқлӣ-Қарақалпокистон, Амузанг-Келес ва Амузанг-Қарақалпокистон ба воситаи вагонҳои парки шахсӣ —20% ва бо вагонҳои парки инвентарӣ-30% тахфифҳо пешниҳод шудааст.

Ҷузъиёти дигари созиши роҳи оҳанчиёни ду кишвар иро нашудааст. Ин дар ҳолест, ки Туркманистон оғози соли 2017 аз нақшаҳои муштараки роҳи оҳанчиёни Узбакистону Тоҷикистон, ки метавонанд боиси коҳиши боркашонӣ тариқи Туркманистон гарданд, изҳори норозигӣ карда буд.

Моҳи январи соли 2017 Вазорати умури хориҷии Туркманистон алайҳи нақшаи Тоҷикистон барои тағйири масири ҳаракати қаторҳояш дар Узбакистон, ки интизор мерафт, бидуни убури қаламрави Туркманистон сурат гирад, изҳорот дода буд.

Норозигии ҷониби Туркманистонро изҳороти Усмон Қаландарзода, ноиби раиси  "Роҳи оҳани Тоҷикистон" ба бор оварда буд, ки гуфт, агар масири  қаторҳои Тоҷикистон дар Узбакистон тағйир дода шавад, хати ҳаракат ҳудуди 150 километр кӯтоҳтар хоҳад шуд.

Дар ҳоле, ки ҷонибҳо ҳеч шарҳи расмӣ дар мавриди мушкилоти ахири боркашҳои Тоҷикистон дар марзи Туркманистон ироа намекунанд, бархе аз таҳлилгарон мегӯянд, эҳтимол созишҳое миёни Тошканду Душанбе дар мавриди боркашонӣ ба Ашқобод писанд нашуданд ва боиси эҷоди мушкилӣ гардид.

Дар ҳамин ҳол Вазорати нақлиёти Тоҷикистон ба интиқолдиҳандагони бор ба кишвар тавсия додаст, ки аз дигар масирҳо, яъне тавассути ҳудуди Озобойҷон, Қазоқистону Туркманистон истифода кунанд. Вазорат мегӯяд, ин роҳ тӯлонитар назар ба роҳи Туркманистон-Узбакистон-Тоҷикистон аст вале айни ҳол ягон а илоҷ ҳамин аст.

 

1434
Барчаспҳо:
боркашонӣ, сабукӣ, роҳи оҳан, нақлиёт, монеа, мошин, Тоҷикистон- Туркманистон
Тотальный диктант в Душанбе

Хобгоҳҳо каму иҷорахонаҳо қимат: шикваи донишҷӯёни тоҷик аз гаронии нарх

191
То оғози таҳсил дар омӯзишгоҳу донишгоҳҳои Тоҷикистон, камтар аз 4 рӯзи дигар боқӣ мондааст, аммо мушкили камбуди хобгоҳ ва гароншавии арзиши хонаҳои иҷоравӣ бисёре аз донишҷӯёнро ба тавшвиш овардааст

ДУШАНБЕ, 13 авг – Sputnik. Донишҷӯёни тоҷик мегуянд, ба фарқ аз соли гузашта дарёфти хонаҳои иҷроравӣ дар шаҳрҳои Душанбеву Хуҷанд душвортар шудааст.

Иқбол Раҳимов шуморе аз донишҷӯёни Донишгоҳи тиббии ба номи Абӯалӣ ибни Сино дар шаҳри Душанбе мегуяд, қимати хонаҳои иҷоравӣ аз ҳар вақт дида ҳоло баланд шудааст.

"Ба 1000 сомонӣ ҳам ёфтани хонаи иҷоравӣ дар шаҳри Душанбе қариб ки номумкин шудааст. Соли гузашта мо бо ин қиммат хона иҷора гирифта будем, аммо имсол соҳибхона бо ин нарх хонаро ба иҷора намедиҳад", - гуфт Раҳимов.

Донишҷӯёни Хуҷанд низ аз мушкили дарёфти хонаҳои иҷоравӣ таъкид меварзанд.

Санҷар Шаропов, аз ҷумлаи донишҷӯёнест, ки баъди хатми таҳсили Коллеҷи тиббии шаҳри Хуҷанд азм дорад, имсол барои гирифтани маълумотии олии тахассусаш ба Донишгоҳи давлатии Хуҷанд ба номи академик Бобоҷон Ғафуров таҳсил намояд, аммо гарон шудани қиммати хонаҳои иҷоравӣ ӯро дар ташвиш гузоштааст.

"Дар соли қаблӣ мо 4 нафар донишҷӯён бар ивази 600 сомонӣ дар як хонаи як ҳуҷрагӣ иқомат мекардем. Ҳоло бо ин нарх пайдо кардани хонаи иҷоравӣ душвор аст. Нархи хонаҳо то ба 800 -1000 сомонӣ баланд шудааст", - гуфт донишҷӯ.

Ҳоло дар шаҳри Хуҷанд, чаҳор муассисаи таҳсилоти олӣ аз ҷумла Донишгоҳи давлатии Хуҷанд ба номи академик Б. Ғафуров, Донишгоҳи давлатии ҳуқуқ бизнес ва сиёсати Тоҷикистон, Донишкадаи иқтисод ва савдои Донишгоҳи давлатии тиҷорати Тоҷикистон, Донишкадаи политехкиникии Донишгоҳи давлатии техникии Тоҷикистон ба номи М. Осимӣ фаъолият мекунанд ва дар онҳо бештар аз 30 ҳазор донишҷӯ таҳсил мекунад.

Бемории 7 донишҷӯи тоҷик бо таби баланд дар Вуҳан маълум шуд: шарҳи сафорат

Аммо ин донишгоҳҳо дар мувозинати худ ҳамагӣ як ва ё дутоӣ хобгоҳ барои донишҷӯён доранд. Дар ин миён танҳо ДДХ ба номи академик Б. Ғафуров дар мувозинаи худ чаҳор хобгоҳ дорад, ки дар онҳо кам ё беш аз 2500 ҳазор донишҷӯ, умдатан онҳое, ки тибқи Квотаи президентӣ дохил шудаанд таъмин мешаванд, аммо беш аз 20 ҳазор донишҷӯи дигари ин донишгоҳ аз ҳисоби худ хонаи иҷорави мегиранд.

Дар ҳоли ҳозир донишгоҳҳои кишвар имкони бо хобгоҳ таъмин кардани шумори қобили мулоҳизаи донишҷӯёнро надоранд ва дарёфти хонаҳои иҷоравӣ барои донишҷӯён мушкили аслӣ боқӣ мемонад.

191
Открытие нового детского сада в Душанбе

Кӯдакистонҳо низ дар Тоҷикистон 17 август ба кор оғоз мекунанд

574
(Таҷдидшуда 15:07 12.08.2020)
Вазорати маориф ва илми Тоҷикистон гуфт, санаи 17 август дар баробари донишгоҳу мактабҳо муассисаҳои томактабӣ низ ба кор оғоз хоҳанд кард

ДУШАНБЕ, 12 авг — Sputnik.  Тибқи иттилои дафтари матбуотии вазорат ин тасмим дар мувофиқа бо Ситоди ҷумҳуриявӣ оид ба пурзӯр намудани чораҳои зиддиэпидемикӣ барои пешгирии интиқол ва пайдоиши сирояти нави коронавирус (COVID-19) гирифта шуд.

Ба иттилои манбаъ, шоми 11-уми августи Вазорати маориф расман ба тамоми сарраёсат, раёсат ва шуъбаҳои маориф эълон намуд, ки шурӯъ аз 17-уми августи соли ҷорӣ муассисаҳои томактабӣ дар асоси “Тавсияҳои умумӣ барои муассисаҳои таълимӣ вобаста ба вазъи бемории сироятии коронавирус (COVID-19) дар Ҷумҳурии Тоҷикистон” низ ба фаъолият оғоз менамоянд.

Вазорат гуфтааст, ки бурдани кӯдакон ба кӯдакистонҳо ихтиёрӣ буда, падару модароне, ки имконияти дар хона тарбия ва нигоҳ доштани кӯдакро доранд, метавонанд кӯдаконашонро ба кӯдакистон то ба эътидол омадани вазъият наоранд.

“Дар чунин ҳолат ҷойи кӯдак дар кӯдакистон нигоҳ дошта мешавад. Илова ба ин, дар ин муддат маблағ барои нигоҳубини кӯдак пардохт карда намешавад”,- афзудааст манбаъ. 

Бар асоси дастуроти қаблии вазорат таҳсил дар донишгоҳу донишкада ва муассисаҳои таълимии кишвар бо риояи талаботҳои беҳлоштӣ, аз қабили санҷиши таб ва пушидани ниқобу риояи фосила доир мегардад.

574
Барчаспҳо:
донишгоҳҳо, мактабҳо, таҳсил, кӯдакистон, Вазорати маориф, Тоҷикистон