Махмадсаид Убайдуллоев, архивное фото

Убайдуллоев хостори бунёди боз як мактаби русӣ дар Тоҷикистон шуд

330
(Таҷдидшуда 13:56 25.10.2018)
Маҳмадсаид Убайдуллоев, раиси Маҷлиси миллӣ дар шашумин Форуми байнипарлумонии “Русия – Тоҷикистон: нерӯи ҳамкории байниминтақавӣ” таъкид намудааст, ки забони русӣ дар Тоҷикистон талаботи зиёд дорад

ДУШАНБЕ, 25 окт – Sputnik.  Маҳмадсаид Убайдуллоев, раиси Маҷлиси миллӣ  аз мақомоти Русия хостааст, дар Тоҷикистон боз як мактаби русӣ ифтитоҳ намоянд.

“Мехоҳем бо он омӯзгороне, ки ба Тоҷикистон барои тадриси забони русӣ рафта буданд, дидор намоем. Инчунин мехоҳем бо омӯзгороне, ки дар Тоҷикистон фаннҳои риёзӣ, физика рафтаанд мулоқот намоем”, - гуфтааст Убайдуллоев зимни мулоқот бо раиси Парлумони Русия Вячеслав Володин.

Ба гуфтаи вай, яке аз омӯзгори рус ки дар шаҳраки Ғарм дарси забони русӣ медиҳад аз набудани мактаби русӣ дар ин минтақа изҳори нигарони кардааст.

“Барои бунёди панҷ мактаб дар Тоҷикистон сипосгузорам. Мо ба шумо ва ҳамкорони шумо пешниҳод мекунем, ки дар бораи ифтитоҳи боз як мактаби русӣ дар шаҳраки Ғарм андеша намоем. Ин омӯзгор ҳамагӣ дар ин минтақа як моҳ зиндагӣ кардааст ва дар тӯли ин муддат чунон ба мардуми маҳаллӣ дил бастааст, ки хостори ифтитоҳи мактаб шудааст. вай мехоҳад, ҳар фарди ин минтақа бо забони русии бузург суҳбат кунад. Маҳз ба ҳамин хотир ӯ ин масъаларо матраҳ кардааст. Бо омӯзиши забони русӣ мо бо ҷаҳон ошно мешавем, чунки забони русӣ яке аз забонҳои асосии муошират мебошад”, - таъкид кардааст Маҳмадсаид Убайдуллоев.

Дар соли равон, дар доираи барномаи гуманетарӣ миёни Русияву Тоҷикистон беш аз 50 омӯзгор ба ҷумҳурӣ равон карда шуд.

Русия ба омӯзгорон моҳона медиҳад, Тоҷикистон дар навбати худ омӯзгоронро ба ҷои зист таъмин намуда, пардохтҳои комуналиро бар душ гирифтааст.

Омӯзгорони рус дар шаҳрҳои мухталифи Тоҷикистон фаъолият мекунанд.

Аз 26 омӯзгоре, ки 1 сентябр вориди Душанбе шуданд, 6 нафараш дар Душанбе кор мекунад, 7 нафараш ба шимоли кишвар ба вилояти Суғд, 7 нафар ба  вилояти Хатлон, 3 нафар ба ВМКБ ва 3 нафари дигар ба ноҳияҳои тебеъи марказ равон карда шуданд.  

Ёдрас мешавем, ки беш аз 20 омӯзгор тасмим гирифтанд фаъолияти худро дар Тоҷикистон тамдид карданд. Онҳо дар як соли хониш ба ин кишвар дил бастанд.     

 

330
Барчаспҳо:
ифтитоҳ, мактаб, Русия, Маҳмадсаид Убайдуллоев, Маҷлиси Миллӣ, Тоҷикистон
Вступительные испытания в Таджикском национальном университете

Кай донишҷӯёни хориҷӣ метавонанд ба Русия раванд

293
(Таҷдидшуда 11:29 30.09.2020)
Таҳсили рӯзона дар макотиби олии Русия барои донишҷӯёни хориҷӣ аз кушода шудани марзҳои кишвар вобаста аст

ДУШАНБЕ, 30 сен — Sputnik. Донишҷӯёни хориҷӣ танҳо пас аз бардошта шудани маҳдудиятҳои равуо ба Русия, метавонанд ба таҳсили рӯзона пардозанд, хабар медиҳад Вазорати маорифи ФР.

"Иҷозаи донишҷӯёни хориҷӣ барои таҳсили рӯзона дар ФР аз бардошта шудани маҳдудиятҳои воридшавӣ ба кишвар вобаста аст. Имрӯз маҳдудиятҳои равуо барои Белорус, Қазоқистон, Қирғизистон ва Куреи Ҷанубӣ бардошта шудаанд", - омадааст дар хабарнома.

Вазорат ҳамчунин ёдрас кардааст, ки пештар бо Бритониё, Туркия, Танзания, Швейтсария, Абхазия, Миср, АМА, Ҷумҳурии Молдива ва Осетияи Ҷанубӣ марзҳо боз шуда буданд.

Русия ба донишҷӯёни ғайр ҳам бурсияи бештар ва ҳам шароити беҳтар ваъда кард

Қаблан хабар дода шуд, ки донишҷӯёни курси аввал, аз кишварҳои вурудашон боз, метавонанд аз моҳи сентябр ба Русия ворид шаванд.

Ҳамчунин гуфта шуд, беш аз 100 ҳазор донишҷӯёни хориҷӣ дар робита ба ҳамагирии коронавирус натавонистанд барои таҳсил ба Русия ворид шаванд.

293
Барчаспҳо:
хориҷӣ, донишҷӯён, боз, марз, Русия
Мавзуҳо:
Пайомадҳои COVID-19 дар Тоҷикистон ва ҷаҳон
Торжественное открытие здания средней школы № 33 в Спитаменском районе

Ӯзбекистон дар ноҳияи Спитамен мактаб бунёд кард

137
(Таҷдидшуда 15:14 29.09.2020)
Сохтмони муассисаи таҳсилоти миёнаи умумии №33 дар асоси супориши Ҳукумати Ӯзбекистон бо саҳми Ҷамъияти саҳомии "Ӯзбекистон темир йулларӣ" анҷом ёфта, дар корҳои лоиҳакашӣ ва сохтмонӣ мутахассисони ин ҷумҳурӣ ширкат кардаанд.

ДУШАНБЕ, 29 сен – Sputnik. Дар ноҳияи Спитамени вилояти Суғд бо ташаббуси Ӯзбекистон муассисаи таҳсилоти миёнаи умумии №33 ба истифода дода шуд.

Бино ба гузориши Вазорати маориф ва илми Тоҷикистон, дар маросими ифтитоҳи он Вазири маориф ва илми Тоҷикистон Муҳаммадюсуф Имомзода, вазири маорифи халқи Ӯзбекистон Шерзод Шерматов, иҷрокунандаи вазифаи раиси шӯрои Ҷамъияти саҳомии "Ӯзбекистон темир йулларӣ" Хуснутдин Хасилов, ҳайатҳои расмӣ, намояндагони аҳли илму маорифи давлатҳо, омӯзгорону хонандагон ва сокинони ноҳия ширкат доштаанд.

Гуфта мешавад, ки бинои мактаб аз се ошёна ва таҳхона иборат буда, дорои 28 синфхона, 8 кабинети фаннӣ, синфхонаҳои забономӯзӣ, санъати тасвирӣ, устохонаҳои таълимӣ, толори варзишӣ, дафтарҳои кории директору омӯзгорон, ошхона, толори варзишии пӯшида, майдони берунӣ ва китобхонаи замонавӣ мебошад.

Зимни ифтитоҳи муассиса меҳмонон муассиса ва сифати корҳои сохтмонӣ дидан карда, бо омӯзгорон ва хонандагони муассиса суҳбат намудаанд.

Зикр шудааст, ки бунёди муассисаи мазкур баёнгари дӯстии пояндаи ҳарду миллат буда,  дар чунин шароит аҳли маориф  барои баланд бардоштани сатҳу сифати донишу тарбия донишу маҳорати хешро истифода мебаранд.

Манбаъ афзуда, ки сохтмони муассисаи таҳсилоти миёнаи умумии №33 дар асоси супориши Ҳукумати Ӯзбекистон бо саҳми Ҷамъияти саҳомии "Ӯзбекистон темир йулларӣ" анҷом ёфта, дар корҳои лоиҳакашӣ ва сохтмонӣ мутахассисони ин ҷумҳурӣ ширкат кардаанд.

137
Барчаспҳо:
бунёд, мактаб, ҳукумати Ӯзбекистон, Тоҷикистон
Производство вакцины от COVID-19

То чӣ андоза ваксина хатарнок аст: ИМА посух талаб дорад, Урупо фоида ҳисоб мекунад

0
(Таҷдидшуда 15:08 30.09.2020)
Мушкилоти ваксина AstraZeneca, ки аз ҷониби ширкати формакологии Бритониё ва Шветсия дар ҳамкорӣ бо Донишгоҳи Оксфорд таҳия шудааст, бештар шуд

ДУШАНБЕ, 30 сен — Sputnik, Ирина Алкснис. ИМА натанҳо озмоишҳои ҳафтае пеш қатъ кардаашро аз сар нагирифт, балки расонаҳои пеши ин кишвар бештар аз бехатарии ваксина суолгузорӣ мекунанд. Баландтар аз ҳама Си-эн-эн овоз баровард.

Чуноне малум аст, озмоиши клиникии AstraZeneca-ро ду маротиба мавқуф гузоштанд - моҳи июл ва сентябр: дар бадани ду нафар аз ихтиёриён нишонаҳои ғайриодии бемориҳои асаб пайдо шуд. Алоқамандии ҳарду маворид ба эмкунӣ рабт дода нашуд ва дар бархе аз давлатҳо аз ҷумла дар Бритониё озмоиши ваксина идома кард.

Вале олимон ва коршиносони соҳаи тандурустии ИМА кунҷковтар будаанд ва дар гузориш дар бораи таъсири манфии ваксина ихтилоф пайдо карданд.

Қазияи моҳи июли AstraZeneca, ҳодисаи қаблан ташхис нашудаи склеросро тасдиқ кард. Аммо дар торномаи Донишгоҳи Оксфорд онро чун "нишонаҳои номаълуми бемории асаб" таъриф кардаанд.

Дар робита ба қазияи моҳи сентябр ширкат ошкоро изҳор дошт, ки дар бадани як зани ихтиёрӣ "бемории номаълум" мушоҳида шуд. Вале, дар дохили ҳуҷҷат ин ҳолат чун миелет (бемории камёби асаб), шарҳ дода шудааст.

Дар натиҷаи чунин ихтилофот, амрикоиҳо саволи мантиқӣ мегузоранд. AstraZeneca аллакай дар бораи шаффофияти кори худ оид ба таҳияи ваксина шикоятҳои ҷиддӣ шунидааст ва баҳсҳое, ки ҳоло ба миён омадаанд, танҳо эътимоднокии дору ва бехатарии онро бештар зери суол мебарад.

Зиёда аз ин, масъалаи бемории ихтиёриён ҳамоно беҷавоб боқӣ мемонад. Чуноне яке аз профессорҳои амрикоӣ мегӯяд: ҳамин, ки ҳарду беморӣ ба асаб сару кор доранд, "изтиробовар" аст.

Шояд бахти AstraZeneca омад накард ва ин дар воқеъ як тасодуфи холӣ аст, ки ба таҳияи ваксина ҳеҷ иртиботе надорад. Аммо ақли солим ҳадди аққал равшан кардани ин нуктаро талаб мекунад - ва бояд ба мақомоти зиддахли амрикоиҳо арҷгузорӣ кард, ки чашмашонро напӯшониданд ва озмоиши ваксинаро дар манотиқи худ қатъ карданд.

Ин ҷо бештар мавқеъи ҳамкорони урупоияшон ҳайратовар аст, ки ҳамаи инро нодида гирифтаву ба озмоиш идома доданд.

Аммо, оромии мақомоти Иттиҳоди Урупо ва худи ширкат дар чунин мавзӯъи доғи рӯз, ки метавонад мушкилоти азимро ба бор орад (агар ваксина воқеан хатарнок бошад) шарҳи оддӣ дорад.

Чанде пеш ожонсии Reuters бо истинод ба намояндаи расмии ИУ хабар дод, ки AstraZeneca қисман маснуъият гирифт.

Созишнома моҳи август баста шуд, вале бархе аз ҷузъҳояш ҳамакнун расонаӣ шуданд.

Гап сари ин, ки ширкати формакологӣ ваксинаро ба Иттиҳоди Урупо ба нархи нисбатан арзонтар медиҳад ва ӯҳдадориҳо барои таъсири манфии онро сарфи назар мекунад. Бандҳои алоҳидаи созишнома ошкор намешавад, вале муайян шуда, ки Урупо барои як дозаи AstraZeneca 2,5 евро пардохт хоҳад кард. Ширкати ваксинбарори фаронсавии Sanofi, ба Урупо ба қиммати 10 евро пешниҳод карда буд ва бе масъуният монд.

Ногуфта намонад, ки ҳарду ширкат ҳам аз ҷониби Иттиҳоди Урупо пешпардохти бебозгашт гирифтанд. AstraZeneca 336 миллион евро барои 400 миллион доза ва Sanofi — 324 миллион барои 300 миллион.

Ҳамин тавр, агар дар давраи эмкунии сартосарӣ бо ваксинаи AstraZeneca дар воқеъ маълум шавад, ки он ба саломатии инсон зарар мерасонад, барои ширкат таъсире нахоҳад буд. Ҷубронпулиро ба ҷабрдидагон ҳукуматҳои миллӣ ё аниқтараш андозсупорандагони кишварҳои дахлдор пардохт мекунанд.

Ставкаи Урупо ба ин ду ваксина, ки дар таҳияи он роҳу равишии гуногунро ба кор мебаранд, аҷиб аст.  Маълум аст, ки ин барои дастгириҳои иҷтимоӣ ва сӯистифодаи сиёсӣ имкониятҳои зиёдеро фароҳам меорад. Ҷолиби диққат аст, ки кадом давлатҳои Иттиҳоди Урупо кадом ваксинаро мегиранд ва чӣ гуна дар дохили худи кишварҳо, вобаста аз некӯаҳволии минтақаҳо ва вазъи иҷтимоии мардуми муқими он, тақсим карда мешаванд.

Чунин менамояд, ки барои урупоиҳои интихобшуда, ки саломатии онҳоро ба ҳеҷ ваҷҳ набояд зери хатар гузошт, ваксинаи фаронсавии Sanofi ҳамеша дастрас хоҳад буд, чун ширкати фаронсавӣ барои бехатарии ваксинааш бояд худ кафолат диҳад - яъне ба бехатарӣ ва самаранокии он эътимод бештар аст.

Дар ин росто воқеъияти Русия, ки бархе аз кормандони воломақом ихтиёран барои озмоиши ваксинаи ватанӣ пардохтанд, хеле аҷиб менамояд. Расонаҳои ҷаҳонӣ ҳатто мегуфтанд, ки элитаи Русия чанд моҳ боз бо ваксинаи озмоишнашуда, эм карда мешаванд.

Мавқеъи онҳоро нисбати бехатарии "Sputnik-V" дар чунин росто, танҳо тахмин кардан мумкин аст. 

Эҳтимол, Ғарб тақдиран дар робита бо Русия зери шиори "кӣ дар фикри чӣ" ба сар мебарад.

0
Барчаспҳо:
Русия, дар Урупо, ИМА