Рустами Эмомалӣ, шаҳрдори Душанбе, акс аз бойгонӣ

Кумита ба шаҳрдорӣ: “шустушӯи нақлиёт” ва “мо кушода шудем” дуруст нест

1852
Кумитаи забон ва истилоҳоти назди Ҳукумати Тоҷикистон барои ислоҳи овезаҳо бо навиштаҷоти “шустушӯи нақлиёт”, “мо кушода шудем” ва амсоли инҳо ба шаҳрдории Душанбе муроҷиат кардааст

ДУШАНБЕ, 13 фев — Sputnik. Гавҳар Шарофзода, раиси Кумитаи забон ва истилоҳоти назди Ҳукумати Тоҷикистон мегӯяд, ба зудӣ гуруҳи муштараки корӣ таъсис дода мешавад, ки ба ислоҳи ин камбудиҳо машғул хоҳад шуд.

Ӯ изҳор дошт, ки “шустушӯйи нақлиёт” дуруст нест. Кумита “шустани мошин”-ро пешниҳод кардааст, вале ба гуфтаи Шарофзода пешниҳоди ниҳоиро гуруҳи корӣ ироа хоҳад кард.

Раиси Кумитаи забон гуфт, навиштаҷоти “мо кушода шудем” низ тарҷумаи таҳтуллафзии нодуруст мебошад. Аммо масъулини Кумита феълан ҷойгузини онро ироа накардаанд.

Гавҳар Шарофзода изҳори боварӣ намуд, ки гуруҳи кории муштарак бо шаҳрдорӣ ташкил хоҳад шуд ва ин камбудиҳо ислоҳ мегарданд.

1852