Министр образования Таджикистана Нуриддин Саид

Нуриддин Саид гуфт донишҷӯёни тоҷик бештар кадом донишгоҳҳои Русияро интихоб мекунанд

929
Вазири маорифи Тоҷикистон Нуриддин Саид изҳор намуд, ки миёни донишҷӯёни тоҷик кадом донишгоҳҳои Русия бештар маҳбубият доранд

ДУШАНБЕ, 22 авг — Sputnik. Дар муассисаҳои таҳсилоти миёна ва донишкадаҳои олии Русия беш аз 24 ҳазор шаҳрвандони Тоҷикистон таҳсил мекунанд, хабар медиҳад РИА Новости бо такя ба маълумоти вазири маориф Нуриддин Саид.

"Хоҳишмандони таҳсил намудан дар муасисаҳои миёна ва олии Русия миёни шаҳрвандони Тоҷикистон сол аз сол афзоиш ёфтаст. Феълан дар қаламрави Федератсияи Русия 23 791 нафар тоҷикистониён ба таҳсил фаро гирифта шудаанд. Ин раванд аз ҳамкориҳои судманди ду кишвар дар соҳаи маориф дарак медиҳад", - изҳор доштаст вазири тоҷик.

  

Ба изҳори вазири маориф, ҳамкориҳо миёни Тоҷикистон ва Русия  дар соҳаи маориф ва илм дар доираи созишномаи "Дар бораи ҳамкорӣ дар соҳаи илм, технология, маориф, тандурустӣ, информатика, варзиш ва туризм" аз 19 сентябри соли 1995 ва протоколҳои солонаи комиссияи байниҳукуматӣ оид ба ҳамкориҳои иқтисодии Тоҷикистон амалӣ карда мешаванд.

Зимнан маврид ба зикр аст, ки Русия дар соли хониши 2018 - 2019 ба Тоҷикистон 618 квота барои таҳсил дар бакалаврӣ, аспирантура ва ординатура ихтисос намуда буд.

Вазири маориф: Русия ба Тоҷикистон лоиҳаи мактабҳои минтақаҳои Қафқозро пешниҳод кард

Гузашта аз ин дар Тоҷикистон Донишгоҳи славянии Русияву  Тоҷикистон ва се намояндагии донишгоҳҳои маъруфи Русия ба номи М.В.Ломоносов  мавҷуд аст, ки беш аз 3 ҳазор донишҷӯйро дар бар мегирад.

929
Барчаспҳо:
Русия, донишгоҳ, Нуриддин Саид, Тоҷикистон
Школьная ярмарка на рынке Душанбе перед 1 сентября

Бо дастури Қоҳир Расулзода: дар Тоҷикистон ярмаркаи фурӯши либоси мактабӣ баргузор мешавад

274
(Таҷдидшуда 15:08 10.07.2020)
Дар тамоми шаҳру ноҳияҳои Тоҷикистон аз авоили моҳи август ярмаркаи фурӯши либос ва дигар маводи зарурии мактабӣ оғоз меёбад

ДУШАНБЕ, 10 июл — Sputnik. Тибқи иттилои Вазорати маорифи Тоҷикистон ин якмарка бо пешниҳоди Вазорат, дархостии Вазорати саноат ва технологияҳои нави Тоҷикистон ва дастури бевоситаи сарвазир Қоҳир Расулзода баргузор мешавад.

"Оғоз аз 1 августи соли 2020 дар тамоми шаҳру ноҳияҳо ярмаркаи фурӯши либос ва дигар маводи зарурии мактабӣ оғоз меёбад", - омадааст дар хабарнома.

Тибқи маълумоти Вазорати саноат ва технологияҳои нав, дар миқёси ҷумҳурӣ иқтидори корхонаҳои дӯзандагӣ баҳри пурра таъмин намудани хонандагон бо либоси мактабӣ басанда мебошад ва дар ҳолати саривақт, сифатнок ва назорати ҷиддии масъулин имконияти истеҳсоли либоси мактабӣ дар корхонаҳо дар давоми сол фароҳам оварда шуда, хонандагон ба пуррагӣ бо маҳсулоти воридотивазкунандаи хушсифат таъмин мегарданд.

Аз ҷониби корхонаҳои дӯзандагӣ дӯхти либоси мактабӣ дар асоси талаботи Дастурамали либосҳои тавсияӣ барои хонандагони муассисаҳои таҳсилоти умумӣ, ки аз ҷониби Вазорати маориф ва илм таҳия шудааст, роҳандозӣ карда мешавад.

Инчунин, бо мақсади ба роҳ мондани истеҳсоли маҳсулоти босифат аз ҷониби Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон стандарти Ҷумҳурии Тоҷикистон «Либосҳои мактабӣ – шартҳои умумии техникӣ» бо қайди давлатӣ СТ ҶТ 1110-2018 таҳия гардида, ба корхонаю коргоҳҳои соҳа ҷиҳати дар асоси он истеҳсол намудани молу маҳсулоти худ пешниҳод карда шудааст.

Ҳамзамон, дар робита ба баргузории ярмаркаи фурӯши либос ва дигар маводи зарурии мактабӣ ба Иттифоқи «Тоҷикматлубот» ҷиҳати ройгон ҷудо намудани нуқтаи алоҳида барои баргузории ярмарка ва ба мақомоти иҷроияи ҳокимияти давлатии вилоятҳо ва шаҳру ноҳияҳои кишвар барои дар сатҳи хуб доир намудани он дастур дода шудааст.

274
Барчаспҳо:
Вазорати саноат ва технологияи нави ҶТ, Вазорати маориф, ярмарка-намоиш, ярмарка, Тоҷикистон
Шоири мардумии Тоҷикистон Фарзона

Нашри “Найсон” китоби нави Фарзона баъди пирӯзӣ бар "вируси корона"-акс

342
(Таҷдидшуда 13:08 08.07.2020)
Китоби тозаи Фарзона, шоири халқии Тоҷикистон бо номи “Найсон” аз тариқи нашриёти “Хуросон” чоп шуд. Ба чопи он, ҳанӯз соли 2019 иҷоза шуда, вале ин китоби ҷадиди шоира Фарзона тоза дар замони “вируси корона” ба дасти адабпарварони тоҷик мерасад

ДУШАНБЕ, 7 июл – Sputnik. Китоби “Найсон” дар чанд бахш силсилаи рубоиву дубайтӣ ва тарҷумаҳои шиор Фарзонаро гирди ҳам овардааст.

Дар бахшҳои “Чаҳ-чаҳи гули сурх” ва “Чорзарби дил”- и ин асари ҷадид, ҳудуди 800 рубоиву дубайтӣ ҷой дода шудаанд, ки шоир дар онҳо мавзӯъҳои мухталифи ҳаёти ҷомеаро инъикос намудааст.

Дар бахши дигари “Найсон” тарҷумаҳои худи шоир аз осори адибони ҷаҳон, Гёте, Экзюпери, Байрон, Пушкин, Фёдор Тётчев, Анна Ахматова, Марина Светаева, Сергей Есенин, Александр Блок, Темур Зулфиқоров, Абай мунташир шудааст.  

Маҷмӯаи рӯбоӣ ва дубайтиҳои шоир қаблан бо номи “Резаборон” (Душанбе, 1984), “Қатрае аз Мӯлиён” (Хуҷанд, 2003) “Мӯҳри гули мино”, “Себарга”, “Ҳама гул, ҳама тарона”, “Сини салом” ва “Найшакар” ба нашр расонида шудаанд.

Найсон, китоби нави шоир Фарзона
акс аз саҳифаи Боҳир Раҷабов
Найсон, китоби нави шоир Фарзона

Ин китоб  бо дастгирии Раҷаббой Аҳмадзода, раиси вилояти Суғд ба дасти чоп расидааст.

Дар китоби ҷадиди шоир, Матлуба Мирзоюнус, профессори илмҳои филологӣ ва Аҳмадҷони Раҳматзод, шоири халқии Тоҷикистон ва раиси Иттифоқи нависандагони Суғд назар навиштаанд.

Фарзона ва Озарахш, ахиран баъд аз ҳудуди се ҳафтаи табобат бар бемории “вируси корона” пирӯз шуда, рӯзи 7-уми май аз бемористони Шайх Бурҳони ноҳияи ба номи Бобоҷон Ғафуров мурахас шуданд. Онҳо баъди бозгашт ба манзилашон аз ҳамаи табибону масъулон изҳори сипос намуда, ба дӯстону ҳаводорон ва ҳамаи мардуми тоҷик таъкид намуданд, ки худу назиконашонро аз беморӣ эҳтиёт кунанд.

Фарзона ва Озарахш, аз намоёнтарин шоирони Тоҷикистон ба шумор мераванд, шеърашон то ба маҳфилҳои адабии кишварҳои форсизабон ва Порису Инглистон расидааст. Шоир Толиби (Каримов) Озарахш дар соли 1963 дар ноҳияи Айнӣ таваллуд шудааст. Аз соли 1999 узви Иттифоқи нависандагони Тоҷикистон буда, соли 2019 унвони шоири халқии Тоҷикистонро гирифтаст. Дар 2015 сардабири маҷаллаи адабии "Паёми Суғд"-и ҳукумати Суғд мебошад.

Дар тӯли бештар аз 35 соли фаъолияти эҷодияш Озарахш як зумра маҷмӯаи шеърҳояшро бо номҳои “Аз чашмасор омадам”, “Намози мусофир”, “Чархболи Офтоб”, “Девони Ишқ” ва “Ватаннома” ба нашр расонидааст. Ҳамчунин то ин муддат матни чандин таронаи ҳофизон аз ҷумла дар васфи ватан, сулҳ, дунёро эҷод намудааст.

Фарзонаи (Хоҷаева) Хуҷандӣ соли 1962 дар ноҳияи Хуҷанд (Бобоҷон Ғафуров) таваллуд шудааст. Аз соли 1989 узви Иттифоқи нависандагони Тоҷикистон буда, соли 1995 унвони шоири халқии Тоҷикистонро гирифт. Ӯ аз шогирдони шоири зиндаёди тоҷик Лоиқ Шералӣ ба ҳисоб меравад. То ин замон китобҳои шеърии ӯ бо номи "Тулӯи хандарез”, “Шабохуни барқ”, “Ояти ишқ”, “Қатрае аз Мӯлиён”, “Сӯзи нотамом” ва “Муҳри гули мино” дар Тоҷикистон нашр шудаву дар соири кишварҳои Афғонистону Эрон, Инглистон ва Фаронса рунамоӣ шудаанд.

342
Барчаспҳо:
Шоира, Тоҷикистон
Пожилой мужчина в кепке

Шифо ёфтани пирамарди 109 сола дар Эрон аз коронавирус

0
Пирамарди 109 - сола, ки давоми як ҳафта дар шӯъбаи эҳёгарӣ дар ҳолати вазнин қарор дошт, ахиран шифо ёфт ва аз бемористон мураххас шуд

ДУШАНБЕ, 11 июл – Sputnik. Дар Эрон пирамарди 109 солаи мубтало ба коронавирус тавонист бемориро шикаст диҳад ва беҳбуд ёбад, хабар медиҳад ИРНА.

Ба иттилои манбаъ, бемори 109 - сола ба муддати як ҳафта дар бахши муроқибатҳои вижаи бемористони Гулистони шаҳри Кирмоншоҳ бистарӣ буд ва рӯзи ҷумъа пас аз беҳбудии комил аз бемористон ҷавоб шуд.

Шавҳар кардан мехоҳем: эътирози арӯсшавандаҳо барои манъи баргузории маросими тӯй

То кунун даҳҳо бемори мубтало ба коронавирус дар Эрон бо беш аз 90 сол син бо иродаи қавӣ тавонистаанд аз ин беморӣ беҳбуд ёбанд.  

Қайд мегардад, ки то рӯзи шанбе 11 июл шумори беморони коронавирус дар Эрон ба 255 ҳазору 117 нафар расида, ки 217 ҳазору 666 нафар аз онон беҳбуд ёфта  аз бемористонҳо рухсат ёфтаанд.

0
Барчаспҳо:
сиҳатӣ, пирамард, Эрон
Мавзуҳо:
Пайомадҳои COVID-19 дар Тоҷикистон ва ҷаҳон