Рустам Эмомали

Эълони озмун: Рустами Эмомалӣ ба беҳтарин толибилмон стипендия медиҳад

154
(Таҷдидшуда 13:57 27.09.2019)
Шаҳрдори Душанбе барои дарёфти стипендияи раиси пойтахт миёни хонандагону донишҷӯёни фаъолу аълохон озмун эълон намудаст

ДУШАНБЕ, 27 сен — Sputnik. Ба иттилои дафтари матбуоти Кумитаи кор бо ҷавонон ва варзиши Тоҷикистон, довталабони стипендияи раиси шаҳри Душанбе бояд ба талаботи зерин ҷавобгӯй бошанд.

"Рафтори намунавӣ дар байни ҳамсинфон ва ҳамкурсон дар як соли охир, бо дарназардошти тавсияи хаттӣ аз ҷониби директори муассисаи таълимӣ, таҳсил бо баҳои хубу аъло мувофиқи маълумотномаи хаттии ҷамъбасти баҳоҳо дар як соли охир, иштироки фаъолона дар корҳои ҷамъиятии муассиса ва берун аз он", - ро шаҳрдорӣ аз шартҳои асосӣ барои довталбони озмун номидааст.

Манбаъ афзуд, довталабоне, ки хоҳиши ширкат дар озмун барои стипендияро доранд, бояд то соати 17-00-и 1ноябри соли 2019, бо нишони шаҳри Душанбе, хиёбони Рӯдакӣ 80 асноди заруриро пешниҳод намоянд.

Шаҳрдорӣ дар феҳрасти ҳуҷҷатҳои зарурӣ, аризаи довталаб бо дастхати худаш,  тавсиянома аз тарафи маъмурияти муассисаи таълимӣ,  рӯйхати баҳои солона, ҷамъбастӣ ва аттестатсияҳои давлатӣ, ки бо имзои директор ва муҳри муассисаи таълимӣ тасдиқ карда шудааст,  3 дона расми андозааш 3х4 ва нусхаи шиноснома, ё шаҳодатномаи таваллудро ном бурд.

Рустам Эмомалӣ барои донишомӯзони аълохон 382 500 сомонӣ ҷудо кард

Манбаъ таъкид намуд, ки озмун дар шакли санҷиш дар доираи барномаи таълимӣ тариқи тестӣ гузаронида мешавад ва шаҳрвандон барои иттилои бештар метавонанд тариқи телефонҳои 221 - 72 – 83,  934 - 60 - 30 - 31;    919 - 07 - 66 – 66 муроҷиат кунанд.

154
Барчаспҳо:
толибилмон, стипендия, Рустами Эмомалӣ, Душанбе
Тотальный диктант в Душанбе

Хобгоҳҳо каму иҷорахонаҳо қимат: шикваи донишҷӯёни тоҷик аз гаронии нарх

194
То оғози таҳсил дар омӯзишгоҳу донишгоҳҳои Тоҷикистон, камтар аз 4 рӯзи дигар боқӣ мондааст, аммо мушкили камбуди хобгоҳ ва гароншавии арзиши хонаҳои иҷоравӣ бисёре аз донишҷӯёнро ба тавшвиш овардааст

ДУШАНБЕ, 13 авг – Sputnik. Донишҷӯёни тоҷик мегуянд, ба фарқ аз соли гузашта дарёфти хонаҳои иҷроравӣ дар шаҳрҳои Душанбеву Хуҷанд душвортар шудааст.

Иқбол Раҳимов шуморе аз донишҷӯёни Донишгоҳи тиббии ба номи Абӯалӣ ибни Сино дар шаҳри Душанбе мегуяд, қимати хонаҳои иҷоравӣ аз ҳар вақт дида ҳоло баланд шудааст.

"Ба 1000 сомонӣ ҳам ёфтани хонаи иҷоравӣ дар шаҳри Душанбе қариб ки номумкин шудааст. Соли гузашта мо бо ин қиммат хона иҷора гирифта будем, аммо имсол соҳибхона бо ин нарх хонаро ба иҷора намедиҳад", - гуфт Раҳимов.

Донишҷӯёни Хуҷанд низ аз мушкили дарёфти хонаҳои иҷоравӣ таъкид меварзанд.

Санҷар Шаропов, аз ҷумлаи донишҷӯёнест, ки баъди хатми таҳсили Коллеҷи тиббии шаҳри Хуҷанд азм дорад, имсол барои гирифтани маълумотии олии тахассусаш ба Донишгоҳи давлатии Хуҷанд ба номи академик Бобоҷон Ғафуров таҳсил намояд, аммо гарон шудани қиммати хонаҳои иҷоравӣ ӯро дар ташвиш гузоштааст.

"Дар соли қаблӣ мо 4 нафар донишҷӯён бар ивази 600 сомонӣ дар як хонаи як ҳуҷрагӣ иқомат мекардем. Ҳоло бо ин нарх пайдо кардани хонаи иҷоравӣ душвор аст. Нархи хонаҳо то ба 800 -1000 сомонӣ баланд шудааст", - гуфт донишҷӯ.

Ҳоло дар шаҳри Хуҷанд, чаҳор муассисаи таҳсилоти олӣ аз ҷумла Донишгоҳи давлатии Хуҷанд ба номи академик Б. Ғафуров, Донишгоҳи давлатии ҳуқуқ бизнес ва сиёсати Тоҷикистон, Донишкадаи иқтисод ва савдои Донишгоҳи давлатии тиҷорати Тоҷикистон, Донишкадаи политехкиникии Донишгоҳи давлатии техникии Тоҷикистон ба номи М. Осимӣ фаъолият мекунанд ва дар онҳо бештар аз 30 ҳазор донишҷӯ таҳсил мекунад.

Бемории 7 донишҷӯи тоҷик бо таби баланд дар Вуҳан маълум шуд: шарҳи сафорат

Аммо ин донишгоҳҳо дар мувозинати худ ҳамагӣ як ва ё дутоӣ хобгоҳ барои донишҷӯён доранд. Дар ин миён танҳо ДДХ ба номи академик Б. Ғафуров дар мувозинаи худ чаҳор хобгоҳ дорад, ки дар онҳо кам ё беш аз 2500 ҳазор донишҷӯ, умдатан онҳое, ки тибқи Квотаи президентӣ дохил шудаанд таъмин мешаванд, аммо беш аз 20 ҳазор донишҷӯи дигари ин донишгоҳ аз ҳисоби худ хонаи иҷорави мегиранд.

Дар ҳоли ҳозир донишгоҳҳои кишвар имкони бо хобгоҳ таъмин кардани шумори қобили мулоҳизаи донишҷӯёнро надоранд ва дарёфти хонаҳои иҷоравӣ барои донишҷӯён мушкили аслӣ боқӣ мемонад.

194
Открытие нового детского сада в Душанбе

Кӯдакистонҳо низ дар Тоҷикистон 17 август ба кор оғоз мекунанд

574
(Таҷдидшуда 15:07 12.08.2020)
Вазорати маориф ва илми Тоҷикистон гуфт, санаи 17 август дар баробари донишгоҳу мактабҳо муассисаҳои томактабӣ низ ба кор оғоз хоҳанд кард

ДУШАНБЕ, 12 авг — Sputnik.  Тибқи иттилои дафтари матбуотии вазорат ин тасмим дар мувофиқа бо Ситоди ҷумҳуриявӣ оид ба пурзӯр намудани чораҳои зиддиэпидемикӣ барои пешгирии интиқол ва пайдоиши сирояти нави коронавирус (COVID-19) гирифта шуд.

Ба иттилои манбаъ, шоми 11-уми августи Вазорати маориф расман ба тамоми сарраёсат, раёсат ва шуъбаҳои маориф эълон намуд, ки шурӯъ аз 17-уми августи соли ҷорӣ муассисаҳои томактабӣ дар асоси “Тавсияҳои умумӣ барои муассисаҳои таълимӣ вобаста ба вазъи бемории сироятии коронавирус (COVID-19) дар Ҷумҳурии Тоҷикистон” низ ба фаъолият оғоз менамоянд.

Вазорат гуфтааст, ки бурдани кӯдакон ба кӯдакистонҳо ихтиёрӣ буда, падару модароне, ки имконияти дар хона тарбия ва нигоҳ доштани кӯдакро доранд, метавонанд кӯдаконашонро ба кӯдакистон то ба эътидол омадани вазъият наоранд.

“Дар чунин ҳолат ҷойи кӯдак дар кӯдакистон нигоҳ дошта мешавад. Илова ба ин, дар ин муддат маблағ барои нигоҳубини кӯдак пардохт карда намешавад”,- афзудааст манбаъ. 

Бар асоси дастуроти қаблии вазорат таҳсил дар донишгоҳу донишкада ва муассисаҳои таълимии кишвар бо риояи талаботҳои беҳлоштӣ, аз қабили санҷиши таб ва пушидани ниқобу риояи фосила доир мегардад.

574
Барчаспҳо:
донишгоҳҳо, мактабҳо, таҳсил, кӯдакистон, Вазорати маориф, Тоҷикистон