Кишвар Абдулалишоев - мудири иҷроияи Бунёди Оқохон дар Тоҷикистон

"Мактаб - 2030": Директори Иҷроияи Бунёди Оқохон аз тарҳи нави таълимӣ хабар дод

955
(Таҷдидшуда 16:22 28.10.2019)
Бунёди Оқохон лоиҳаи навро таҳти унвони "Мактаби 2030" таҳия мекунад, ки имкон медиҳад муаллимон ва роҳбарони мактабҳо талаботи низоми маорифи Тоҷикистонро дар оянда қонеъ гардонанд

ДУШАНБЕ, 28 окт — Sputnik. Рӯзи 26 – уми октяби соли 2019 бо ташаббуси Бунёди Оқохон дар маркази исмоилиёни шаҳри Душанбе бо ширкати муовини вазири маорифи Тоҷикистон, хонум Латофат Назирӣ, раиси иттифоқи нависандагони Тоҷикистон, Низом Қосим, намояндагони академияи таҳсилот, вазоратҳои маориф ва фарҳанг, олимон, мунаққидон, рассомон, адибон ва устодони донишгоҳҳои Тоҷикистон "Форуми китоби бачагона" баргузор гарид.

Дар ин бора Сафо Алиназар роҳбари таҳияи маводҳои хониш ва барномаи рушди барвақтии кӯдаки Бунёди Оқохон, ба Sputnik Тоҷикистон хабар дод.

Дар ин ҳамоиш муовини вазири маориф хонум Латофат Назирӣ дар бораи ҳамкориҳои Вазорати маориф ва Бунёди Оқохон суханронӣ намуд.

Хонум Назирӣ дар бораи фаъолияти Бунёди Тоҷикистонии Оқохон изҳори қаноатмандӣ намуда, гуфт ки Вазорати маориф минбъад низ ҳамкории хешро бо Бунёди Тоҷикистонии Оқохон густариш медиҳад.

Муовини вазири маориф хонум Латофат Назирӣ
Muhabbat Gardonshoev
Муовини вазири маориф хонум Латофат Назирӣ

Раиси Иттифоқи Нависандагони Тоҷикистон Низом Қосим дар бораи “Ташаккул ва такомули адабиёти бачагона, саҳми Бунёди Тоҷикистонии Оқохон дар самти нашри китобҳои хониш маъруза тайёр намуд.

Маркази назорати сарҳади Тоҷикистон, акс аз бойгонӣ
© Официальная страница пресс-службы президента РТ в Facebook.

Директори Иҷроияи Бунёди Оқохон Кишвар Абдулалишоев дар суханронияш гуфт, "бо ба даст овардани истиқлоли давлатӣ ва дар доираи сиёсати хирадмандонаи Президенти Ҷумҳурии Тоҷикистон, ҳар як фарди тоҷик имконият дорад, ки дар рушди иқтисодиву иҷтимоии кишвар сащм гузорад. Бо мақсади дастгирии ин ният, Бунёди Оқохон дар Тоҷикистон аз соли 1991 инҷониб фаъолият дорад. Бунёди Оқохон дар шаш самти асосӣ кор мекунад, аз ҷумла амнияти озуқаворӣ, фарогирии иқтисодӣ, табобат ва ғизо, таълим, рушди барвақти кӯдакон ва ҷомеаи шаҳрвандӣ.

Ӯ афзуд, саҳми Бунёди Оқохон дар таҳсил ва рушди барвақтии кӯдак се самти муҳимро фаро гирифтааст. Бунёди Оқохон мақомоти маҳаллиро дар барқарорсозӣ ва сохтмони мактабҳо дар деҳаҳои дурдасти кӯҳистони Тоҷикистон дастгирӣ мекунад. Ҳамзамон, дар ҳамкории зич бо мақомоти соҳаи маориф, Бунёди Оқохон барои омӯзгорон ва роҳбарони соҳаи маориф омӯзишҳо ва мубодилаи таҷрибаҳо ҷиҳати нигоҳ доштан ва беҳтар кардани сифати таълим дар Тоҷикистон ташкил менамояд.

Дар айни замон, Бунёди Оқохон Вазорати маориф ва илмро барои таҳия ва нашри китобҳо барои муассисаҳои таълимии томактабӣ ва мактабҳои ибтидоӣ дастгирӣ мекунад. Бунёди Оқохон инчунин дар гузаронидани тренингҳо барои муаллимони муассисаҳои таълимии томактабӣ ва таъсис додани марказҳои рушди барвақти кӯдакон фаъолона кор мекунад.

"Барои густариши ҳамкориҳои оянда, Бунёди Оқохон як лоиҳаи нав бо номи "Мактаби 2030" - ро таҳия мекунад, ки имкон медиҳад муаллимон ва роҳбарони мактабҳо талаботи низоми маорифи Тоҷикистонро дар оянда қонеъ гардонанд", хабар дод Директори Иҷроияи Бунёди Оқохон.

Сафо Алиназар, роҳбари таҳияи маводҳои хониш ва барномаи рушди барвақтии кӯдаки Бунёди Оқохон иброз дошт, яке аз  ҳадафҳои асосии Форуми китоб густариш додани фарҳанги китобхонӣ байни кӯдакон, наврасон ва ҷавонон мебошад.

"Танҳо китоб ҳаст, ки роҳи мо ва наврасонро  сӯи ояндаи пешрафта, фарҳангсолор, мутаммадин ва инсонмеҳвар рушан мекунад. Инчунини дигар, ҳадафи форум амалан татбиқ намудани Стратегияи миллии рушди Маориф дар Ҷумҳурии Тоҷикистон то соли 2020” таҳияи нави маҷмӯаи китобҳои дарсӣ ва маводи таълимӣ, методӣ дар ҳамаи зинаҳои таҳсилот мутобиқи тағйирёбии мазмуни таҳсилот, таҳияи воситаҳои таълимию методӣ, нашри онҳо, мувофиқсозӣ ва тарҷумаи китобҳои дарсӣ  ба шумор меравад.  Маҳз дар замина, Бунёди Оқохон бо дастгирии вазорати маориф ва илми Ҷумҳурии Тоҷикистон, академияи таҳсилот, Иттиҳодияи Нависандагони Тоҷикистон, муассисаи давлатии нашрияи “Маориф” соли 2018 – 2019  теъдоди 20 номгӯи китобҳои бачагонаро таҳия ва нашр намуд.

Ҳамчунин Сафо Алиназар гуфт, “китобҳое, ки дар ин Форум мавриди баррасӣ ва муаррифӣ қарор мегиранд, ҳам аз ҷиҳати бадеият ва ҳам аз назари фаро гирифтани масоили тарбиявӣ барои мактаббачаҳо ҷолиб ва пурманфиат мебошанд.

Сафо Алиназар, роҳбари таҳияи маводҳои хониш ва барномаи рушди барвақтии кӯдаки Бунёди Оқохон
Muhabbat Gardonshoev
Сафо Алиназар, роҳбари таҳияи маводҳои хониш ва барномаи рушди барвақтии кӯдаки Бунёди Оқохон

Ӯ афзуд, ки таҳия ва дизайни китобҳои мазкур, ҷиҳати пурғановат гардидани олами маънавӣ ва шакл гирифтани тарзи тафаккури зебошиносии хонандагони хурдсол мусоидат хоҳад кард.  

Ҳадафи “Форуми китоби бачагона” - муаррифӣ намудани 20 китоби таҳияшуда  аз тарафи Бунёди Оқохон буда, имкониятест, ки олимон ва  адибони тоҷик дар бораи ташаккул ва такомули китобҳои методӣ, таълимӣ ва бадеӣ , дастовард ва мушкилот  дар ин самт ҷойдоштаро муҳокима кунанд.

955
Барчаспҳо:
нав, мактаб, Бунёди Оқохон
Тотальный диктант в Душанбе

Хобгоҳҳо каму иҷорахонаҳо қимат: шикваи донишҷӯёни тоҷик аз гаронии нарх

191
То оғози таҳсил дар омӯзишгоҳу донишгоҳҳои Тоҷикистон, камтар аз 4 рӯзи дигар боқӣ мондааст, аммо мушкили камбуди хобгоҳ ва гароншавии арзиши хонаҳои иҷоравӣ бисёре аз донишҷӯёнро ба тавшвиш овардааст

ДУШАНБЕ, 13 авг – Sputnik. Донишҷӯёни тоҷик мегуянд, ба фарқ аз соли гузашта дарёфти хонаҳои иҷроравӣ дар шаҳрҳои Душанбеву Хуҷанд душвортар шудааст.

Иқбол Раҳимов шуморе аз донишҷӯёни Донишгоҳи тиббии ба номи Абӯалӣ ибни Сино дар шаҳри Душанбе мегуяд, қимати хонаҳои иҷоравӣ аз ҳар вақт дида ҳоло баланд шудааст.

"Ба 1000 сомонӣ ҳам ёфтани хонаи иҷоравӣ дар шаҳри Душанбе қариб ки номумкин шудааст. Соли гузашта мо бо ин қиммат хона иҷора гирифта будем, аммо имсол соҳибхона бо ин нарх хонаро ба иҷора намедиҳад", - гуфт Раҳимов.

Донишҷӯёни Хуҷанд низ аз мушкили дарёфти хонаҳои иҷоравӣ таъкид меварзанд.

Санҷар Шаропов, аз ҷумлаи донишҷӯёнест, ки баъди хатми таҳсили Коллеҷи тиббии шаҳри Хуҷанд азм дорад, имсол барои гирифтани маълумотии олии тахассусаш ба Донишгоҳи давлатии Хуҷанд ба номи академик Бобоҷон Ғафуров таҳсил намояд, аммо гарон шудани қиммати хонаҳои иҷоравӣ ӯро дар ташвиш гузоштааст.

"Дар соли қаблӣ мо 4 нафар донишҷӯён бар ивази 600 сомонӣ дар як хонаи як ҳуҷрагӣ иқомат мекардем. Ҳоло бо ин нарх пайдо кардани хонаи иҷоравӣ душвор аст. Нархи хонаҳо то ба 800 -1000 сомонӣ баланд шудааст", - гуфт донишҷӯ.

Ҳоло дар шаҳри Хуҷанд, чаҳор муассисаи таҳсилоти олӣ аз ҷумла Донишгоҳи давлатии Хуҷанд ба номи академик Б. Ғафуров, Донишгоҳи давлатии ҳуқуқ бизнес ва сиёсати Тоҷикистон, Донишкадаи иқтисод ва савдои Донишгоҳи давлатии тиҷорати Тоҷикистон, Донишкадаи политехкиникии Донишгоҳи давлатии техникии Тоҷикистон ба номи М. Осимӣ фаъолият мекунанд ва дар онҳо бештар аз 30 ҳазор донишҷӯ таҳсил мекунад.

Бемории 7 донишҷӯи тоҷик бо таби баланд дар Вуҳан маълум шуд: шарҳи сафорат

Аммо ин донишгоҳҳо дар мувозинати худ ҳамагӣ як ва ё дутоӣ хобгоҳ барои донишҷӯён доранд. Дар ин миён танҳо ДДХ ба номи академик Б. Ғафуров дар мувозинаи худ чаҳор хобгоҳ дорад, ки дар онҳо кам ё беш аз 2500 ҳазор донишҷӯ, умдатан онҳое, ки тибқи Квотаи президентӣ дохил шудаанд таъмин мешаванд, аммо беш аз 20 ҳазор донишҷӯи дигари ин донишгоҳ аз ҳисоби худ хонаи иҷорави мегиранд.

Дар ҳоли ҳозир донишгоҳҳои кишвар имкони бо хобгоҳ таъмин кардани шумори қобили мулоҳизаи донишҷӯёнро надоранд ва дарёфти хонаҳои иҷоравӣ барои донишҷӯён мушкили аслӣ боқӣ мемонад.

191
Открытие нового детского сада в Душанбе

Кӯдакистонҳо низ дар Тоҷикистон 17 август ба кор оғоз мекунанд

574
(Таҷдидшуда 15:07 12.08.2020)
Вазорати маориф ва илми Тоҷикистон гуфт, санаи 17 август дар баробари донишгоҳу мактабҳо муассисаҳои томактабӣ низ ба кор оғоз хоҳанд кард

ДУШАНБЕ, 12 авг — Sputnik.  Тибқи иттилои дафтари матбуотии вазорат ин тасмим дар мувофиқа бо Ситоди ҷумҳуриявӣ оид ба пурзӯр намудани чораҳои зиддиэпидемикӣ барои пешгирии интиқол ва пайдоиши сирояти нави коронавирус (COVID-19) гирифта шуд.

Ба иттилои манбаъ, шоми 11-уми августи Вазорати маориф расман ба тамоми сарраёсат, раёсат ва шуъбаҳои маориф эълон намуд, ки шурӯъ аз 17-уми августи соли ҷорӣ муассисаҳои томактабӣ дар асоси “Тавсияҳои умумӣ барои муассисаҳои таълимӣ вобаста ба вазъи бемории сироятии коронавирус (COVID-19) дар Ҷумҳурии Тоҷикистон” низ ба фаъолият оғоз менамоянд.

Вазорат гуфтааст, ки бурдани кӯдакон ба кӯдакистонҳо ихтиёрӣ буда, падару модароне, ки имконияти дар хона тарбия ва нигоҳ доштани кӯдакро доранд, метавонанд кӯдаконашонро ба кӯдакистон то ба эътидол омадани вазъият наоранд.

“Дар чунин ҳолат ҷойи кӯдак дар кӯдакистон нигоҳ дошта мешавад. Илова ба ин, дар ин муддат маблағ барои нигоҳубини кӯдак пардохт карда намешавад”,- афзудааст манбаъ. 

Бар асоси дастуроти қаблии вазорат таҳсил дар донишгоҳу донишкада ва муассисаҳои таълимии кишвар бо риояи талаботҳои беҳлоштӣ, аз қабили санҷиши таб ва пушидани ниқобу риояи фосила доир мегардад.

574
Барчаспҳо:
донишгоҳҳо, мактабҳо, таҳсил, кӯдакистон, Вазорати маориф, Тоҷикистон