Толибилмон. акс аз бойгонь

Раисҷумҳур номаи кӯдаки 10 соларо хонда ба вазири маориф супориш дод

1221
(Таҷдидшуда 12:32 08.11.2019)
Толибилми 10 - сола дар мактуби худ унвонии раисҷумҳурии Қазоқистон дархост намуд, то шумораи рӯзҳои истироҳат зиёд карда шавад ва фанҳои мушкилфаҳм аз ҷадвали дарсӣ комилан бардошта шаванд

ДУШАНБЕ, 8 ноя — Sputnik. Раисҷумҳури Қазоқистон Қосим - Жомарт Тоқаев номаи хонадаи 10 - солаи қазоқро хонда, ба мақомоти дахлдор супориш дод, ки ба дархостҳои толибилм фавран посух диҳанд.

Навраси 10 - сола бо ирсол намудани мактуб унвонии раисҷумҳур дархост намуд, ки мӯҳлати рӯзҳои таътил дарозтар ва омӯзиши фанҳои мушкилфаҳм дар мактабҳо тамоман манъ карда шавад.

Ба мактуби Нурбакит Ҳалимҷони 10 - сола, худи Вазири маорифи Қазоқистон Асхат Аймагамбетова посух дод.

"Кори Вазорати маориф ба он равона шудааст, ки шумо, Нурбакит ва кулли дӯстонат, одамони бомаърифат ба воя расед ва дар рушди Қазоқистон саҳм гузоред. Ман ҳамчунин мехоҳам бигӯям, ки ҳамаи фанҳои барномаи таълимӣ муҳиманд ва омӯхтани як фан бидуни донистани фанни дигар ғайриимкон аст." "Табиатшиносӣ" бисёр фанни ҷолиб аст, чун ҷаҳони атрофро ба шумо муаррифӣ мекунад. Фанни "Кишваршиносӣ" бошад, ба шумо  дар бораи таърихи маконе, ки  дар он ҷо таваллуд шуда, зиндагӣ мекунед, дониш меомӯзад", - навиштааст вазири маориф дар сафҳаи худ дар шабакаи иҷтимоии  Facebook.

Ба фасодкорӣ даст назанед: ҳушдори Раёсати мубориза бо фасод ба мансабдорони Суғд

Нурбакит аз бархӯрди раисҷумҳур ба номаи худ ва супориши ӯ ба Вазорати маориф болида гардида, ба кишвардор ва вазири маорифи Қазоқистон изҳори сипос намудаст.

Зимнан, Ҳалимҷон қайд намудаст, ки минбаъд дар мактаб ба фанҳои душвор бо усули дигар  нигҳ мекунад.

1221
Барчаспҳо:
маориф, вазир, раисҷумҳур, нома, кӯдак
Ҷузвдон. Акс аз бойгонӣ

Ном ба ном: таъйину барканории ректорони чор донишгоҳу донишкадаҳои кишвар

578
(Таҷдидшуда 18:38 24.11.2020)
Ҳукумати Тоҷикистон бо судури қарор ректорони чор донишгоҳу донишкадаи кишварро озод ва таъйин намудааст

ДУШАНБЕ, 24 ноя — Sputnik. Бино ба иттилои дафтари матбуотии президент, бо қарори ҳукумати кишвар Маҳмадалӣ Бахтиёр Набӣ ректори Донишкадаи кӯҳию металлургии Тоҷикистон таъин шудааст.

Ба иттилои манбаъ, ӯ дар ин мақом Фозилзода Мухтор Муродалиро иваз кардааст, ки сабаби барканорияш ба кори дигар гузаштан гуфта мешавад.

Ҳамзамон бо қарори ҳукумат Юсуфзода Гулзорхон Амиршоҳ ректори Донишгоҳи давлатии Хоруғ ба номи Моёншо Назаршоев таъин карда шуд.

Номбурда дар ин вазифа Ҷонмамадов Шермамад Бекмамадовичро бо сабаби ба нафақа баромадан иваз кардааст.

Исозода Диловаршоҳ Тариқ ректори Донишкадаи энергетикии Тоҷикистон таъин карда шуда, Назарзода Хайрулло Холназар бо сабаби ба кори дигар гузаштан аз ин мансаб озод карда шудааст.

Раҷабзода Маҳмадулло бошад бо сабаби ба кори дигар гузаштан аз вазифаи ректори Донишкадаи давлатии забонҳои Тоҷикистон ба номи Сотим Улуғзода барканор карда шудааст.

Раҳмон бо 13 фармон тағйироти кадрӣ баргузор кард: кӣ вазифа гирифту кӣ ронда шуд?

Бо қарори ҳукумат ба мансаби ректори Донишкадаи давлатии забонҳои Тоҷикистон Гулназарзода Ҷило таъйин шудааст.

578
Барчаспҳо:
Тоҷикистон, донишгоҳҳо, барканорӣ, тағйироти кадрӣ
Фотография учеников школы №43 Андижана, которая распространилась по сети

Хонандагон дар берун бе либоси гарм: барканории раҳбарияти мактаб дар Андиҷон

580
(Таҷдидшуда 16:18 23.11.2020)
Мутахассисони гурӯҳи корӣ бо хонандагон суҳбат карда муайян намудаанд, ки онҳо барои аксбардорӣ дар ҳавои -2 дараҷа сардӣ бе болопӯш дар берун қарор доштаанд

ДУШАНБЕ, 23 ноя — Sputnik. Директори мактаби рақами 43-юм Д. Насирдинов ва муовини директор оид ба корҳои маънавӣ ва тарбиявӣ С. Исмонов бо сабаби баромадани хонандагон дар сармо бе либоси гарм ба берун аз вазифаҳояшон барканор карда шуданд.

Дар ин бора Sputnik Ӯзбекистон бо такя ба Раёсати маорифи халқи вилояти Андиҷон хабар медиҳад.

Чанде пеш дар шабакаҳои иҷтимоӣ аксе паҳн шуд, ки дар он хонандагони мактаби рақами 43 бидуни пӯшоки гарм ба берун баромадаанд. Блогерон ин мавзӯъро даррав пайгирӣ карданд. Яке аз онҳо Нозим Сафаров гуфт, ки кӯдаконро дар доираи барномаи тарғиботӣ ба берун баровардаанд. 

Барои омӯзиши ин ҳодиса комиссияи вижа ташкил шудааст.

Дар Раёсат қайд карданд, ки ин акс рӯзи 19 ноябри соли равон дар доираи сафари расмии гурӯҳи тарғиботӣ, ки аз олимон, кормандони фарҳангу санъат ва ҳамчунин фаъолони ҷомеъа иборат буд, гирифта шудаст.

Қайд мешавад, ки хонандагон барои тамошои онҳо ба долони мактаб баромадаанд. 

Раисҷумҳури Узбакистон шеваи бархӯрди вазирон бо хабарнигоронро шадидан интиқод кард

Мутахассисони гурӯҳи корӣ бо хонандагон суҳбат карда муайян намудаанд, ки онҳо барои аксбардорӣ дар ҳавои -2 дараҷа сардӣ бидуни либоси гарм дар берун қарор дошта ва баъдан муаллимон онҳоро ба синфхонаҳо даровардаанд.

Маъмурият аз роҳбарон, муаллимон ва кормандони маориф даъват кард, ки ба ҳар як донишомӯз ба мисли фарзанди худ муносибат кунанд ва нагузоранд, ки чунин ҳолатҳо ба саломатӣ ва амнияти онҳо таъсир расонанд.

580
Барчаспҳо:
раҳбар, барканорӣ, гармӣ, либос, Андиҷон
Гололедица , архивное фото

Ҳушдори КҲФ ба ронандаҳо: то 27 ноябр яхбандӣ ва тармафароӣ мешавад

0
(Таҷдидшуда 19:16 24.11.2020)
Тибқи пешгӯии Ожонсии ҳавошиносии ҷумҳурӣ, то 27 ноябр дар ҷумҳурӣ боридани борон ва дар доманакӯҳҳо ва ноҳияҳои кӯҳистонӣ бориши барфи шадид дар назар аст

ДУШАНБЕ, 24 ноя — Sputnik. Кумитаи ҳолатҳои фавқулода аз яхбандӣ дар роҳҳои мошингард ва ҳамзамон тармафароӣ ҳушдор медиҳад.

Ба иттилои манбаъ, дар қитъаҳои роҳҳои мошингарди "Душанбе — Чанок", "Душанбе — Ваҳдат — Лахш", "Душанбе — Рашт", "Душанбе — Сангвор", "Душанбе — Кӯлоб", "Шоҳин — Дарвоз", "Ванҷ- Хоруғ", "Хоруғ — Ишкошим — Мурғоб" эҳтимоли яхбандӣ, тӯдашавии барф дар баъзе ҷойҳо, инчунин дараҷаи баланди хатари фаромадани тарма мавҷуд аст.

КҲФ аз сардшавии ҳаво, боришоту яхбандӣ ва лағзиши тарма ҳушдор медиҳад

Ба шаҳрвандон тавсия дода мешавад, ки дар ин рӯзҳо аз мусофират, сафарҳо ба мавзеъҳои аз лиҳози фаромадани тарма хатарнок худдорӣ кунанд, ҳушёр ва эҳтиёткор бошанд.

"Ронандагон ҳангоми ҳаракат дар минтақаҳои кӯҳӣ ё қитъаҳои дорои хатари фаромадани тарма бояд фосилаи муқарраршудаи байни мошинҳоро қатъиян риоя кунанд, дар роҳҳо бодиққат ва эҳтиёткор бошанд", - шарҳ доданд дар Кумитаи ҳолатҳои фавқулода.

Тибқи пешгӯии Ожонсии ҳавошиносии ҷумҳурӣ, то 27 ноябр дар ҷумҳурӣ боридани борон ва дар доманакӯҳҳо ва ноҳияҳои кӯҳистонӣ бориши барфи шадид дар назар аст.

0
Барчаспҳо:
тармафароӣ, ҳушдор аз яхбандӣ, яхбандӣ, ҳушдор