Рустами Эмомалӣ, шаҳрдори Душанбе, акс аз бойгонӣ

Нигаронии шаҳрдори Душанбе аз камбудиҳо дар бахшҳои маорифу тандурустӣ

127
(Таҷдидшуда 21:02 10.01.2020)
Рустами Эмомалӣ, раиси шаҳри Душанбе дар ҷаласаи шаҳрдорӣ аз камбудиҳои соҳаи маориф ва тандурустӣ дар пойтахт гуфтааст

ДУШАНБЕ, 10 янв — Sputnik. Тибқи иттилои шаҳрдорӣ,  Рустами Эмомалӣ дар ҷаласа гуфт, бо вуҷуди фароҳам гардидани шароити мусоид ва таваҷҷуҳу дастгириҳои роҳбарияти олии мамлакат, дар соҳаи маорифи пойтахт ҳанӯз нуқсону камбудиҳо ҷой доранд. Ӯ таъкид намудаст, ки камбудиҳо бояд дар кутоҳтарин фурсат ислоҳ  гардида, роҳи ҳалли худро пайдо намоянд.

Ба иттилои котиботи шаҳрдорӣ, Рустами Эмомалӣ ба мақомдорон дастур додаст, ки бо мақсади рушди фаъолияти муассисаҳои таълимӣ ва томактабӣ ислоҳоти низоми ҳамаи зинаҳои таҳсилро такмил дода, усулҳои фаъоли таълимро ҷорӣ намоянд. Ӯ ҳамчунин зарур хондаст, ки назорат барои баланд бардоштани сатҳу сифати дониш ва омӯзиши фанҳои табиатшиносӣ, дақиқ ва риёзӣ, инчунин забонҳои русиву англисӣ дар ҳар як муассисаи таълимӣ роҳандозӣ гардад.

Раиси шаҳр ҳамчунин аз фаъолияти сохторҳои соҳаи тандурустии шаҳр, таъмини хизматрасониҳои босифат, назорати ҳолати санитарӣ дар муассисаҳои иҷтимоӣ ва хизматрасонӣ, пешгирии бемориҳои сироятӣ, тақвияти корҳои фаҳмондадиҳӣ миёни аҳолӣ ёдовар шуда, ба масъулини дахлдор ҷиҳати сари вақт бартараф намудани норасоиҳо супоришҳои мушаххас дод, омадааст дар иттилои котиботи шаҳрдорӣ.

Манбаъ илова намуд, ки шаҳрдори Душанбе ҳамчунин масъулини соҳаҳои дахлдорро вазифадор намуд, ки бобати баланд бардоштани дараҷаи хизматрасонӣ дар муассисаҳои фарҳангӣ-фароғатӣ, аз ҷумла китобхонаҳо ва боғҳои фарҳангӣ фароғатӣ чораҳои бетаъхир андешанд.

127
Барчаспҳо:
тандурустӣ, маориф, Душанбе, Тоҷикистон
Ҷузвдон. Акс аз бойгонӣ

Ном ба ном: таъйину барканории ректорони чор донишгоҳу донишкадаҳои кишвар

1369
(Таҷдидшуда 18:38 24.11.2020)
Ҳукумати Тоҷикистон бо судури қарор ректорони чор донишгоҳу донишкадаи кишварро озод ва таъйин намудааст

ДУШАНБЕ, 24 ноя — Sputnik. Бино ба иттилои дафтари матбуотии президент, бо қарори ҳукумати кишвар Маҳмадалӣ Бахтиёр Набӣ ректори Донишкадаи кӯҳию металлургии Тоҷикистон таъин шудааст.

Ба иттилои манбаъ, ӯ дар ин мақом Фозилзода Мухтор Муродалиро иваз кардааст, ки сабаби барканорияш ба кори дигар гузаштан гуфта мешавад.

Ҳамзамон бо қарори ҳукумат Юсуфзода Гулзорхон Амиршоҳ ректори Донишгоҳи давлатии Хоруғ ба номи Моёншо Назаршоев таъин карда шуд.

Номбурда дар ин вазифа Ҷонмамадов Шермамад Бекмамадовичро бо сабаби ба нафақа баромадан иваз кардааст.

Исозода Диловаршоҳ Тариқ ректори Донишкадаи энергетикии Тоҷикистон таъин карда шуда, Назарзода Хайрулло Холназар бо сабаби ба кори дигар гузаштан аз ин мансаб озод карда шудааст.

Раҷабзода Маҳмадулло бошад бо сабаби ба кори дигар гузаштан аз вазифаи ректори Донишкадаи давлатии забонҳои Тоҷикистон ба номи Сотим Улуғзода барканор карда шудааст.

Раҳмон бо 13 фармон тағйироти кадрӣ баргузор кард: кӣ вазифа гирифту кӣ ронда шуд?

Бо қарори ҳукумат ба мансаби ректори Донишкадаи давлатии забонҳои Тоҷикистон Гулназарзода Ҷило таъйин шудааст.

1369
Барчаспҳо:
Тоҷикистон, донишгоҳҳо, барканорӣ, тағйироти кадрӣ
Фотография учеников школы №43 Андижана, которая распространилась по сети

Хонандагон дар берун бе либоси гарм: барканории раҳбарияти мактаб дар Андиҷон

589
(Таҷдидшуда 16:18 23.11.2020)
Мутахассисони гурӯҳи корӣ бо хонандагон суҳбат карда муайян намудаанд, ки онҳо барои аксбардорӣ дар ҳавои -2 дараҷа сардӣ бе болопӯш дар берун қарор доштаанд

ДУШАНБЕ, 23 ноя — Sputnik. Директори мактаби рақами 43-юм Д. Насирдинов ва муовини директор оид ба корҳои маънавӣ ва тарбиявӣ С. Исмонов бо сабаби баромадани хонандагон дар сармо бе либоси гарм ба берун аз вазифаҳояшон барканор карда шуданд.

Дар ин бора Sputnik Ӯзбекистон бо такя ба Раёсати маорифи халқи вилояти Андиҷон хабар медиҳад.

Чанде пеш дар шабакаҳои иҷтимоӣ аксе паҳн шуд, ки дар он хонандагони мактаби рақами 43 бидуни пӯшоки гарм ба берун баромадаанд. Блогерон ин мавзӯъро даррав пайгирӣ карданд. Яке аз онҳо Нозим Сафаров гуфт, ки кӯдаконро дар доираи барномаи тарғиботӣ ба берун баровардаанд. 

Барои омӯзиши ин ҳодиса комиссияи вижа ташкил шудааст.

Дар Раёсат қайд карданд, ки ин акс рӯзи 19 ноябри соли равон дар доираи сафари расмии гурӯҳи тарғиботӣ, ки аз олимон, кормандони фарҳангу санъат ва ҳамчунин фаъолони ҷомеъа иборат буд, гирифта шудаст.

Қайд мешавад, ки хонандагон барои тамошои онҳо ба долони мактаб баромадаанд. 

Раисҷумҳури Узбакистон шеваи бархӯрди вазирон бо хабарнигоронро шадидан интиқод кард

Мутахассисони гурӯҳи корӣ бо хонандагон суҳбат карда муайян намудаанд, ки онҳо барои аксбардорӣ дар ҳавои -2 дараҷа сардӣ бидуни либоси гарм дар берун қарор дошта ва баъдан муаллимон онҳоро ба синфхонаҳо даровардаанд.

Маъмурият аз роҳбарон, муаллимон ва кормандони маориф даъват кард, ки ба ҳар як донишомӯз ба мисли фарзанди худ муносибат кунанд ва нагузоранд, ки чунин ҳолатҳо ба саломатӣ ва амнияти онҳо таъсир расонанд.

589
Барчаспҳо:
раҳбар, барканорӣ, гармӣ, либос, Андиҷон
Диего Марадона

Диего Марадона номвартарин ситораи ҷаҳонии футбол даргузашт: 61 сол дошт

166
(Таҷдидшуда 22:48 25.11.2020)
Номвартарин ситораи ҷаҳонии футбол, қаҳрамони ҷаҳон дар соли 1986, Диего Марадонаи 61 - сола аз олам гузашт

ДУШАНБЕ, 25 ноя — Sputnik. Ассосиатсияи футболи Аргина дар Twitter хабари даргузашти ситораи ҷаҳонии футболро тасдиқ намуд.

Бар хабари TN, санаи 30 - юми октябр Марадонаро барои гузаштан аз ташхиси тиббӣ ба бемористон оварда буданд, зеро ӯ қаблан ҷарроҳии мағзи сар шуда буд.

Манбаъ меафзояд, Марадона рӯзи 12 уми декабр пас аз ҷарроҳии мағзи сар, аз дармонгоҳ мураххас шуда буд.

Дар ҳамин ҳол, рӯзномаи Perfil сабаби марги ситораи ҷаҳониро, аз тапидан бозмондани қалбаш рабт медиҳад. Ин манбаъ меафзояд, ки фишори хуни Марадона ба якборагӣ пас шуд ва пизишкони Ёрии таъҷилӣ натавонистанд ӯро аз чанголи марг раҳонанд.

Дар дақиқаи чорум: Роналдо аллакай ҳисоби бозии Португалия ва Марокашро боз кард

Дар робита ба даргузашти Марадона, кишвардори Аргентина Алберто Фернандес дар қаламрави кишвараш се рӯзи мотам  эълон намуд.

Диего Армандо Марадона 30 октябри соли 1960 таваллуд шудааст. Дар синни 10 солагӣ ба тими наврасони "Лос Себолитас" пайваст.

Аз соли 1977 Диего ба ҳайати тими миллӣ шомил гардид.

Бозии охирони Марадона бо тими "Ривер Плейта" санаи 25 октябри соли 1997 сурат гирифта буд. Пас аз ин бозӣ, санаи 30 - юми октябр ситораи футбол аз анҷоми "карера"- и худ хабар дод.

Ӯ аз соли 2008 то 2010 мураббии тими миллии Аргентина буд.

166
Барчаспҳо:
даргузашт, Диего Марадона