Аз миёни 5 нафар: Дилафрӯз Каримова - «Омӯзгори соли Тоҷикистон-2019»

867
(Таҷдидшуда 13:20 18.01.2020)
Дилафрӯз Каримова, омӯзгори фанни забони инглисии Литсейи физикаву математикаи №1 – и шаҳри Хуҷанди вилояти Суғд ғолиби озмуни ҷумҳуриявии «Омӯзгори соли Тоҷикистон-2019» шудааст

ДУШАНБЕ, 18 янв — Sputniк. Маркази матбуоти раиси шаҳри Хуҷанд бо истинод ба иттилои Муҳайё Акмалхӯҷаева, мудири шуъбаи маорифи шаҳри Хуҷанд аз шаҳри Душанбе хабар додааст, ки ин пирӯзиро омӯзгори шаҳри Хуҷанд аз миёни панҷ ширкаткунандаи дигари озмун ба намояндагӣ аз дигар ноҳияву вилоятҳои Тоҷикистон ба даст овардааст.

Тибқи иттилои ин манбаъ, дар даври ҷумҳуриявии озмуни "Омӯзгори соли Тоҷикистон-2019" панҷ иштирокчӣ аз вилояти мухтори Кӯҳистони Бадахшон, вилоятҳои Суғду Хатлон, шаҳру навоҳии тобеъи ҷумҳурӣ ва шаҳри Душанбе роҳхат гирифта буданд.

Ба шумули Дилафрӯз Каримова дар даври ниҳоии озмун Ризоалӣ Маҳмадназарбеков, омӯзгори фанни физикаи мактаб-интернати ҷумҳуриявии ноҳияи Рӯшони ВМКБ, Некрӯз Турсунзода, омӯзгори фанни географияи мактаби президентӣ барои хонандагони болаёқати шаҳри Кӯлоби вилояти Хатлон, Саид Раҳимов, омӯзгори фанни таърих аз мактаби байнулмилалии президентии шаҳри Душанбе ва Ҳабиба Соҳибова, омӯзгори фанни ҳуқуқи литсейи ба номи Тимур Собирови шаҳри Ваҳдат ҳунару маҳорати худро ба намоиш гузоштанд.

Мақомоти Хатлон ба беш аз ду ҳазор омӯзгори ҷавон замини наздиҳавлигӣ дод

Имсол даври ҷумҳуриявии озмуни "Омӯзгори соли Тоҷикистон-2019" аз рӯи ҳафт шарт - муаррифии таҷрибаи кори омӯзгорон, гузаронидани маҷлиси падару модарон, кор бо компютер, гузаронидани дарсҳои конкурсӣ аз рӯи ихтисос, таҳлили дарс, дарси тарбиявӣ ва посух ба саволҳо баргузор шуд.

Озмуни "Омӯзгори соли Тоҷикистон-2019" дар чаҳор давр муассисаҳои таҳсилотӣ, шаҳру ноҳия, вилояту ҷумҳурӣ ва бо ибтикори Вазорати маориф ва илми Тоҷикистон баргузор мешавад.

Гуфтаҳои Раҳмон таъсир кард: роҳандозии омӯзиши забони русӣ ва англисӣ дар кӯдакистон

Дилафруз Каримова ғолиби даври шаҳрӣ ва вилоятии озмуни мазкур шуда буд. Даври ҷумҳуриявии озмун тайи ду рӯз идома ёфта, баъзе аз қисматҳои онҳо дар мактабҳои шаҳри Душанбе баргузор шудаанд.

867
Барчаспҳо:
омӯзгор, ғолиб, озмун
Школьники на уроке, архивное фото

Вазорати маориф гуфт, таҳсил имсол чигуна доир мешавад: аз ниқоб то 1 метр фосила

305
(Таҷдидшуда 11:17 06.08.2020)
Вазорати маориф ва илми Тоҷикистон расман эълон кард, ки дарсҳо дар тамоми муассисаҳои кишвар 17 август бо назардошти талаботҳои санитарӣ фосила ва ниқоб доир мегардад

ДУШАНБЕ, 6 авг — Sputnik. Ин ниҳод тартиби баргузории машғулиятҳои таълимиро бо ҳамоҳангии ситоди ҷумҳуриявӣ оид ба пешгирии интиқол ва пайдоиши сирояти нави коронавирус (COVID-19) таҳия ва дар сомонааш нашр кард.

Тибқи муқаррароти вазорат, омӯзгорон бар асоси тартиби муқарраргардида то оғози соли таҳсил аз муоинаи тиббӣ гузашта, дафтарчаи тиббӣ-санитариро ба маъмурияти муассисаҳои таълимӣ  пешниҳод менамоянд.

“Ҳангоми ворид шудан ба муассисаи таълимӣ аз ҷониби навбатдор ва ё шахси масъул ҳарорати хонандагон санҷида шуда,  маҳлули безараргардонии дастон истифода мешавад. Дар ҳолати ошкор гардидани таби баланд аз ҷониби корманди тибби муассиса, роҳбари синф ва ё маъмурият падару модари хонанда даъват ва тадбирандешӣ карда мешавад”,-афзудааст вазорат.

Шогирд ба устод ниёз дорад: норасоии омӯзгорон дар ҶТ

Ин ниҳод ба муассисаҳои таълимӣ дастур додааст, маҳлулҳои дезинфексионӣ, ҳароратсанҷҳо таъмин шудаву миёни ҳар баст пурра безараргардонӣ сурат гирифта  ташкил бозгашти бехатари хонандагон ва кормандоне, ки аз COVID-19 сироятёфтаанд сурат бигирад.

Тартиби нави таҳсил ҳамзамон аз ин талабот иборат аст:

 Кормандон баробари ба кор оғоз намудани муассисаҳои томактабӣ ҳатман аз ташхиси таббӣ гузаронида шаванд

- Бо мақсади риояи масофа байни хонандагон дар саҳни муассисаи таълимӣ ба андозаи 1,5-2 метр хатҳои уфуқӣ кашида шавад;

- Дар даромадгоҳи муассисаи таълимӣ кормандони тиб ва омӯзгорон мунтазам вазъи саломатии хонандагонро муоина намоянд;

- Хонандагон бояд дар машғулиятҳои таълимӣ ҳатман ба ниқоби муҳофизатӣ ва маҳлули безараргардонӣ (антисептикӣ) иштирок намоянд;

- Дар раванди таълим омӯзгорон бояд аз хонандагон то 2 метр фосила гиранд;

- Толорҳои варзишӣ, маҷлисгоҳ ва дигар иншоотҳои ёрирасон муваққатан ҳамчун синфхонаи таълимӣ истифода шавад;

- Машғулиятҳои тарбияи ҷисмонӣ, суруд ва мусиқӣ, омодагии ибтидоии ҳарбӣ мувофиқи имконият аз синфхона берун гузаронида шавад. 

- Дар раванди дарсҳои технологияи меҳнат духтани ниқобҳои  муҳофизатӣ ба роҳ монда шавад;

- Ҷо ба ҷо гузоштани ҷои нишасти хонандагон бо риояи фосилаи на камтар аз 1 метр (масалан, ба тартиби шоҳмот гузоштани курсиҳо);

Вазорат ҳамзамон таъкид кардааст, ҷамъшавии хонандагон пешгирӣ ва то ҳадди имкон роҳравҳои яксамта таҳия шавад.

Толибилмон дар соли хониши нав чӣ қадар таътил доранд? Тақвими истироҳати хонандагон

Ин ниҳод ҳамзамон барои нигоҳ доштани фосила миёни донишомӯзон дар донишгоҳҳо роҳандозии машғулиятҳоро дар се бастро пешниҳод кардааст.

305
Барчаспҳо:
дарс, омӯзгорон, хонандагон, таҳсил, тайёрӣ ба соли хониши нав, мактаб, Вазорати маориф
Ученики школы Дангаринского района

Мактаби нав дар Данғара: мақомот гуфт барои сохтмони он чанд миллион сомонӣ сарф шуд

138
(Таҷдидшуда 17:47 01.08.2020)
Раиси вилоят Қурбон Ҳакимзода, Ёрдамчии Президенти Тоҷикистон Асадулло Раҳмон, вазири маориф ва илм Маҳмадюсуф Имомзода, раиси ноҳияи Данғара Исломиддин Раҳмон имрӯз дармаросими ифтитоҳи панҷумин мактаб ширкат варзиданд

ДУШАНБЕ, 1 авг — Sputnik. Бино бар иттилои дафтари матбуоти мақомоти вилояти Хатлон, муассисаи таҳсилоти миёнаи умумии №45-и деҳаи Шаршари Ҷамоати деҳоти "Пушинг" бо маблағгузории Ҳукумати Тоҷикистон дар заминаи муассисаи таҳсилоти миёнаи умумии рақами 45 сохта шуд.

Манбаъ қайд кардааст, ки маблағи лоиҳавии иншоот 3,5 миллион сомониро ташкил додааст.

Масоҳати умумии замини мактаб 1,37 гектарро ташкил дода ва он дар маркази деҳа сохта шудааст.

Мактаб барои 240 нафар хонанда дар як баст пешбинӣ гардида, аз ду ошёна иборат мебошад. Муассисаи мазкур дорои 14 утоқ, аз ҷумла 10 синфхона, синфхонаи муҷаҳҳаз бо 12 адад компютер, китобхона ва майдончаи варзишӣ иборат мебошад.

Гуфта шудааст, ки ҳамаи синфхонаҳо бо ашёи зарурии хониш, мизу курсиҳо ва асбоби аёнӣ муҷаҳҳаз гардидааст.

138
Барчаспҳо:
миллион, сохтмон, Данғара, мактаб, Тоҷикистон
Парламентские выборы в Таджикистане

Замони баргузории интихоботи президентӣ дар Тоҷикистон эълон шуд

0
(Таҷдидшуда 12:08 06.08.2020)
Замони баргузории интихоботи президентӣ дар Тоҷикистон имрӯз зимни баргузории ҷаласасаи навбатии порлумони кишвар дақиқ шуд

ДУШАНБЕ, 6 авг — Sputnik. Бино ба иттилои манобеи Sputnik Тоҷикистон аз дастгоҳи Маҷлиси миллӣ қарори баргузории интихоботи президентӣ дар Тоҷикистон  дар иҷлосияи муштараки ҳар ду палатаи парлумони Тоҷикистон қабул гардид

Ба иттилои манбаъ, бар асоси қаророри қабулгашта интихоботи навбатии президентӣ дар кишвар рӯзи 11 октябри соли 2020 баргузор мешавад.

Гуфта мешавад, иҷлосия таҳти раёсати раиси Маҷлиси миллии Тоҷикистон Рустами Эмомалӣ сурат гирифт.

Дар пайи қабули қарори баргузории интихоботи президентӣ аҳзоби сиёсӣ, иттифоқҳои касаба, вилоятҳои Суғду Хатлон, ВМКБ ва шаҳри Душанбе метавонанд номзадҳои худ ба курсии президенти Тоҷикистон пешниҳод кунанд.

Ёдовар мешавем, интихоботи пешини сарвари давлати Тоҷикистон рӯзи 6 ноябри соли 2013 баргузор шуда буд, ки Эмомалӣ Раҳмон дигарбораи раисиҷумҳур интихоб гардид.

0