Муҳаммадюсуф Имомзода, вазири маориф ва илми Тоҷикистон

Поафзорро аз вазири пешӣ пурсед: Вазири нави маориф гуфт, иншоаллоҳ, савдоро поён мебахшад

7856
(Таҷдидшуда 15:01 31.01.2020)
Муҳаммадюсуф Имомзода, вазири нави маориф ва илми Тоҷикистон, азмаш барои хотима бахшидан ба ҳолатҳои харидуфурӯш дар макотиб ва тамаркузи таваҷҷуҳаш ба таълимро баён дошт

ДУШАНБЕ, 31 янв — Sputnik. Имомзода дар нахустин нишасти матбуотияш ба ҳайси вазири маориф ва илм ба суол дар мавриди ташкили корхона барои таъмини мактабхонҳо бо пойафзор гуфт, муаллим асту суолҳо ҳам дар бораи ин касабааш бошанд.

“Ман устод ҳастам, ман муаллимам ва ба ман суол дар бораи касбияти худам диҳед. Дар масъалаи пойафзор Вазорати саноат ва дигар сохторҳо ҳастанд, ки аз онҳо пурсед”, - гуфт Имомзода.

Ба хабарнигороне, ки гуфтанд ин масъаларо Нуриддин Саид, вазири маорифи пешин баррасӣ карда буд, Имомзода посух дод, “вазири пешӣ баррасӣ карда бошад, рафта аз ӯ пурсед. Хоҳиш!”.

Ба суол, ки оё вазири нав ба бархе ҳолатҳои харидуфурӯше, ки дар макотиб ҷой доранд, хотима хоҳад дод, Имомзода гуфт, иншоаллоҳ.

Ин дар ҳолест, ки Нуриддин Саид, вазири маорифи пешини Тоҷикистон, дар нишасти қаблӣ гуфт, ният доранд дар назди коллеҷи техникии Донишгоҳи техникии Тоҷикистон фабрикаи истеҳсоли пойафзори бачагонаро таъсис диҳанд. Ӯ афзуд, ки барои роҳандозии ин иқдом ҳамкорон аз Ҳиндустон ҷалб шудаанд.

Вазири вақти маориф тавзеҳ дод, ки дар кишвар ба ғайр аз донишҷӯён ду миллион хонанда мавҷуд мебошад.

“Тасаввур кунед, ду миллион хонанда ба ғайр аз студентҳо дорем. Агар мавсимӣ як хонанда се ҷуфт пойафзор пӯшад, солона шаш миллион ҷуфт ва шояд аз ин бештар шавад”, - ҳисоб кард Нуриддин Саид.

Ӯ афзуд, ки дар гӯшаю канори мамлакат марҳила ба марҳила истеҳсоли пойафзори бачагона роҳандозӣ мешавад ва соҳибкорони ватанӣ низ ба ин раванд ҷалб мегарданд.  

“Гумон мекунам, ин қарор дуруст аст. Майда- майда истеҳсоли пойафзорро сар мекунем, фурӯш озод мешавад”, - таъкид намуд вазири вақти маориф ва дар идома изҳор дошт, ки попӯши ягона ҳатмӣ нахоҳад шуд.

Ӯ ин иқдомро ҳам барои иқтисодиёти мамлакату истеҳсолоти ватанӣ муфид хонда, шарҳ дод, ки бояд дар доираи чорабиниҳои воридотивазкунанда ин кор анҷом дода шавад.

7856
Барчаспҳо:
нишасти матбуотӣ, вазир, вазорати маориф ва илми ҶТ, Тоҷикистон
Ученики школы Дангаринского района

Мактаби нав дар Данғара: мақомот гуфт барои сохтмони он чанд миллион сомонӣ сарф шуд

131
(Таҷдидшуда 17:47 01.08.2020)
Раиси вилоят Қурбон Ҳакимзода, Ёрдамчии Президенти Тоҷикистон Асадулло Раҳмон, вазири маориф ва илм Маҳмадюсуф Имомзода, раиси ноҳияи Данғара Исломиддин Раҳмон имрӯз дармаросими ифтитоҳи панҷумин мактаб ширкат варзиданд

ДУШАНБЕ, 1 авг — Sputnik. Бино бар иттилои дафтари матбуоти мақомоти вилояти Хатлон, муассисаи таҳсилоти миёнаи умумии №45-и деҳаи Шаршари Ҷамоати деҳоти "Пушинг" бо маблағгузории Ҳукумати Тоҷикистон дар заминаи муассисаи таҳсилоти миёнаи умумии рақами 45 сохта шуд.

Манбаъ қайд кардааст, ки маблағи лоиҳавии иншоот 3,5 миллион сомониро ташкил додааст.

Масоҳати умумии замини мактаб 1,37 гектарро ташкил дода ва он дар маркази деҳа сохта шудааст.

Мактаб барои 240 нафар хонанда дар як баст пешбинӣ гардида, аз ду ошёна иборат мебошад. Муассисаи мазкур дорои 14 утоқ, аз ҷумла 10 синфхона, синфхонаи муҷаҳҳаз бо 12 адад компютер, китобхона ва майдончаи варзишӣ иборат мебошад.

Гуфта шудааст, ки ҳамаи синфхонаҳо бо ашёи зарурии хониш, мизу курсиҳо ва асбоби аёнӣ муҷаҳҳаз гардидааст.

131
Барчаспҳо:
миллион, сохтмон, Данғара, мактаб, Тоҷикистон
Таджикские студенты, архивное фото

Хонандагони вилояти Суғд 12 медали тилло ва 3 медали нуқра гирифтанд

136
(Таҷдидшуда 16:42 28.07.2020)
Хонандаи макотиби вилояти Суғд дар озмуни вижа ширкат карда, 12 медали тилло ва 3 медали нуқра гирифтанд

ДУШАНБЕ, 28 июл – Sputnik. Дар Мактаби байналмилалии ​ Президентии шаҳри Душанбе озмуни довталабон барои дарёфти ​ аттестати аълои ​универсалӣ бо медали тилло ва нуқра, аттестати ​ аълои равиявӣ бо медали ​ тилло ва нуқра ​ дар соли таҳсили ​ 2019 - 2020 баргузор гардид.​

Хадамоти матбуотии раиси вилояти Суғд бо такя ба Раёсати маориф хабар медиҳад, дар озмуни аз муассисаҳои таълимии шаҳрҳои Хуҷанд, Панҷакент, ноҳияҳои Ашт, Ҷаббор Расулов ва Мактаби Президентии шаҳри Бӯстон ​ 21 нафар барои дарёфти медалҳои тилло ва нуқра ​ ҳуҷҷат пешниҳод намуданд.​

"Аз ин теъдод 12 нафар ба дарёфти медали тилло, 3 нафар ​ ба гирифтани медали нуқра мушарраф гардиданд", - омадааст дар хабарнома. 

Ҳамчунин, 6 нафари дигар бо Ифтихорномаи Вазорати маориф ва илми ​ Ҷумҳурии Тоҷикистон сарфароз гардонида шуданд.

136
Барчаспҳо:
медали тилло, хонандагон, мактаб, озмун
Сомони в конверте, архивное фото

"3 000 деҳ, хориҷ намекунам": парвандаи декани Донишкадаи кӯҳӣ-металургии Тоҷикистон

0
Нисбати декан вобаста ба кирдорҳои содирнамудааш парванда оғоз карда шуда, айни замон тафтишоти пешакӣ ба итмом расида, барои моҳиятан баррасӣ намудан ба суд ирсол карда шудааст”

ДУШАНБЕ, 3 авг – Sputnik. Раёсати Агентии мубориза бо коррупсия дар вилояти Суғд мегуяд, декани Донишкадаи кӯҳӣ-металургии Тоҷикистон даст ба қаллобӣ зада, маблағи як шаҳрвандро аз худ намудаст.

Бино ба иттилоъи ин ниҳод, Эгамов Мухтор Ҳасанович дар вазифаи декани факултаи электромеханикаи Донишкадани кӯҳӣ-металургии Тоҷикистон воқеъ дар шаҳри Бӯстон кор карда, дар давраи фаъолияти кориаш дар асоси маслиҳати пешакӣ бо Облоқулов Воҳид Мирзоқулович, муовини декан оид ба корҳои тарбиявии факултаи мазкур аз шаҳрванд Ғ. А., барои хориҷ накардан аз Донишкадаи мазкур 3000 сомониро бо роҳи қаллобӣ тасарруф намудаанд.

“Нисбати Эгамов М., вобаста ба кирдорҳои содирнамудааш бо дастрасии моддаи 247 қисми 2 бандҳои “б, в, г” (қаллобӣ) и Кодекси ҷиноятӣ парванда оғоз карда шуда, айни замон тафтишоти пешакӣ ба итмом расида, барои моҳиятан баррасӣ намудан ба суд ирсол карда шудааст”, - иттилоъ медиҳад Ожонсии мубориза бо фасод.

Ин ниҳод дар нишасти хабариаш иттилоъ дод, ки давоми шаш моҳи соли ҷорӣ 339 ҷинояти олуда ба фасодкорӣ ва иқтисодии характери коррупсионидоштаро ошкор кардааст.

ВУД: Мудири Коллеҷи пизишкии Конибодом ҳангоми дарёфти пора дастгир шуд

Дар ин миён ҷиноятҳои коррупсионӣ байни кормандони соҳаҳои маориф, тандурустӣ, Кумитаи заминсозӣ нисбат ба ҳамин давраи соли қаблӣ бештар ошкор шудааст.

0