Бинои Вазорати маорифи Тоҷикистон, акс аз бойгонӣ

Вокуниши вазорати маориф: ягон донишҷӯи хориҷӣ аз Тоҷикистон нарафтааст

260
(Таҷдидшуда 13:02 13.02.2020)
Вазорати маориф ва илми Тоҷикистон мегӯяд, ҳеҷ як нафар аз донишгоҳҳои ҷумҳурӣ ба донишгоҳҳои дигар кишварҳо нарафтааст

ДУШАНБЕ, 13 фев — Sputnik. Вазорати маорифи Тоҷикистон ба матолиби марбут ба тарки донишгоҳҳои кишвар кардани донишҷӯёни ӯзбекистонӣ вокуниш кардааст.

Открытие нового здания факультета политики и государственного управления Государственного университета Бохтара
© Официальная страница пресс-службы президента РТ в Facebook

"То имрӯз на ба вазорати маориф ва илм ва на ба раёсати муассисаҳои таҳсилоти олии касбӣ ҳеҷ як нафар ба таври расмӣ барои интиқол ёфтан аз муассисаҳои таҳсилоти олии Тоҷикистон ба муассисаҳои олии дигар кишварҳо муроҷиат накардааст", - омадааст дар ин вокуниши Вазорати маориф.

Қаблан хабар дода шуд, ки Вазорати маълумоти олӣ ва миёнаи махсуси Ӯзбекистон аз донишҷӯёни ин кишвар дар Қазоқистон, Қирғизистон, Тоҷикистон ва Туркманистон даъват кардааст, то ба ватан баргарданд ва бидуни супоридани имтиҳон ва дигар талаботу санҷиш таҳсили худро дар донишгоҳҳои он кишвар идома диҳанд. Расонаҳои ӯзбекӣ хабар доданд, ки дархости донишҷӯён дар Ӯзбекистон аз 7 то 15 феврал пазируфта мешавад ва онҳо бо пешниҳоди танҳо нусхаи шиноснома, ариза барои гузариш ва ҳамчунин дафтарчаи имтиҳонот метавонанд дар кишвари худ таҳсил кунанд. Дар пайи ин даъват садҳо донишҷӯи ӯзбекистонӣ, ки дар Тоҷикистон таҳсил мекунанд, дари шӯъбаҳои байнулмилалии донишгоҳҳои Тоҷикистон, назири омӯзгорӣ ва тарбияи ҷисмониро гирифтанд.

Генерал-майор Сулаймон Султонзода, сардори Ожонси назорати давлатии молиявӣ ва мубориза бо фасоди Тоҷикистон
акс аз сомонаи Агентии мубориза бо коррупсияи Тоҷикистон

Вазорати маориф ва илми Тоҷикистон бо “ҳангомаэҷодкунӣ” хондани ин хабар дар вокуниши худ навиштааст, ки “аслан, дар мақола ягон ҳарфи ноҷо ё таҳлилу омори нодурусте ҷой надорад, аммо гузоштани чунин сарлавҳа ва истифодаи истилоҳҳои “оҷил”-у “тарк” бештар диққатро ҷалб менамояд”.

Аз вокуниши ин ниҳод бармеояд, ки он чӣ иттифоқ меафтад бар пояи низоми интиқол ё гузариши донишҷӯён “аз як ихтисос ба дигар ихтисос, аз як шакли таҳсил ба дигар шакли таҳсил ва аз як муассисаи таҳсилоти олӣ ба дигар муассисаи таҳсилоти олӣ” анҷом меёбад, ки як кори муқаррарӣ аст ва “дар ин масъала ҳоҷат ба мақола навиштану ҳангома сохтан нест”.

“Тавре аз таҳлилҳо бармеояд, ҳамасола теъдоди муайяни донишҷӯёни тоҷик дар муассисаҳои таҳсилоти олии дигар кишварҳо дохил шуда, пас аз анҷоми соли таҳсил ба донишгоҳҳои олии Тоҷикистон интиқол меёбанд. Ё баръакс, донишҷӯёни дигар кишварҳо дар муассисаҳои таҳсилоти олии Тоҷикистон дохил шуда, пас аз анҷоми соли таҳсил дар давраи таътили тобистона ба муассисаҳои олии кишварҳои худ интиқол мегиранд. Аз чӣ бошад, ки ин маротиб интиқол ёфтани донишҷӯёни кишвари ба мо дӯсту бародар барои бархе аз журналистони гиромӣ кори ғайримуқаррарӣ гардида бошад”, - омадааст дар вокуниш.

Бино ба иттилои вазорати маориф ва илми Тоҷикистон, раванди гузариш ё интиқол аз як факултаву муассиса ба факултаву муассисаи дигар бо “Низомномаи хориҷ, барқарор ва интиқоли донишҷӯёни муассисаҳои таҳсилоти олии касбии Ҷумҳурии Тоҷикистон”, фармоиши вазири маориф ва илми Ҷумҳурии Тоҷикистон танзим мешавад.

Тибқи банди 11 – и ин санад, “барқароршавии донишҷӯёне, ки дар курси якум аз муассисаҳои таҳсилоти олии касбӣ хориҷ шудаанд ё аз як муассисаи таҳсилоти олии касбӣ ба муассисаи таҳсилоти олии касбии дигар ва дар як муассисаи таҳсилоти олии касбӣ аз як ихтисос ба ихтисоси дигар ё аз як шакли таҳсил ба шакли дигари таҳсил интиқол меёбанд, баъд аз даври академии якум бо иҷозати Вазорати маориф ва илми Ҷумҳурии Тоҷикистон ба роҳ монда мешавад”.

Ҳамзамон, тибқи банди 18-и Низомномаи мазкур интиқол ё гузариши донишҷӯён дар курсҳои 2 - 5 аз як муассисаи таҳсилоти олии касбӣ ба муассисаи таҳсилоти олии касбии дигар “бо розигии ректорони муассисаи таҳсилоти олии касбӣ ва дар ҳолатҳои истисноӣ бо иҷозати вазорати маориф ва илми Тоҷикистон ба роҳ монда мешавад”.

Тибқи Низомномаи фавқуззикр, интиқол ё гузариши донишҷӯ аз як донишгоҳ ба донишгоҳи дигар бо ризоияти ректорони ҳарду донишгоҳ анҷом мешавад ва дархости ӯ дар Комиссияи барқарор ва интиқоли муассисаи таҳсилоти олии касбии қабулкунанда дар асоси пешниҳод гардидани аризаҳои ӯ бо розигии ректорони ҳарду муассисаҳои таҳсилоти олии касбӣ мавриди баррасӣ қарор дода мешавад.

Дар анҷом дар вокуниши вазорати маориф ва илми Тоҷикистон гуфта мешавад, ки “то имрӯз на ба Вазорати маориф ва илм ва на ба раёсати муассисаҳои таҳсилоти олии касбӣ ҳеҷ як нафар ба таври расмӣ барои интиқол ёфтан аз муассисаҳои таҳсилоти олии Ҷумҳурии Тоҷикистон ба муассисаҳои олии дигар кишварҳо муроҷиат накардааст”.

260
Барчаспҳо:
Ӯзбекистон, интиқол, донишҷӯ, маориф, Тоҷикистон
Ҷузвдон. Акс аз бойгонӣ

Ном ба ном: таъйину барканории ректорони чор донишгоҳу донишкадаҳои кишвар

959
(Таҷдидшуда 18:38 24.11.2020)
Ҳукумати Тоҷикистон бо судури қарор ректорони чор донишгоҳу донишкадаи кишварро озод ва таъйин намудааст

ДУШАНБЕ, 24 ноя — Sputnik. Бино ба иттилои дафтари матбуотии президент, бо қарори ҳукумати кишвар Маҳмадалӣ Бахтиёр Набӣ ректори Донишкадаи кӯҳию металлургии Тоҷикистон таъин шудааст.

Ба иттилои манбаъ, ӯ дар ин мақом Фозилзода Мухтор Муродалиро иваз кардааст, ки сабаби барканорияш ба кори дигар гузаштан гуфта мешавад.

Ҳамзамон бо қарори ҳукумат Юсуфзода Гулзорхон Амиршоҳ ректори Донишгоҳи давлатии Хоруғ ба номи Моёншо Назаршоев таъин карда шуд.

Номбурда дар ин вазифа Ҷонмамадов Шермамад Бекмамадовичро бо сабаби ба нафақа баромадан иваз кардааст.

Исозода Диловаршоҳ Тариқ ректори Донишкадаи энергетикии Тоҷикистон таъин карда шуда, Назарзода Хайрулло Холназар бо сабаби ба кори дигар гузаштан аз ин мансаб озод карда шудааст.

Раҷабзода Маҳмадулло бошад бо сабаби ба кори дигар гузаштан аз вазифаи ректори Донишкадаи давлатии забонҳои Тоҷикистон ба номи Сотим Улуғзода барканор карда шудааст.

Раҳмон бо 13 фармон тағйироти кадрӣ баргузор кард: кӣ вазифа гирифту кӣ ронда шуд?

Бо қарори ҳукумат ба мансаби ректори Донишкадаи давлатии забонҳои Тоҷикистон Гулназарзода Ҷило таъйин шудааст.

959
Барчаспҳо:
Тоҷикистон, донишгоҳҳо, барканорӣ, тағйироти кадрӣ
Фотография учеников школы №43 Андижана, которая распространилась по сети

Хонандагон дар берун бе либоси гарм: барканории раҳбарияти мактаб дар Андиҷон

586
(Таҷдидшуда 16:18 23.11.2020)
Мутахассисони гурӯҳи корӣ бо хонандагон суҳбат карда муайян намудаанд, ки онҳо барои аксбардорӣ дар ҳавои -2 дараҷа сардӣ бе болопӯш дар берун қарор доштаанд

ДУШАНБЕ, 23 ноя — Sputnik. Директори мактаби рақами 43-юм Д. Насирдинов ва муовини директор оид ба корҳои маънавӣ ва тарбиявӣ С. Исмонов бо сабаби баромадани хонандагон дар сармо бе либоси гарм ба берун аз вазифаҳояшон барканор карда шуданд.

Дар ин бора Sputnik Ӯзбекистон бо такя ба Раёсати маорифи халқи вилояти Андиҷон хабар медиҳад.

Чанде пеш дар шабакаҳои иҷтимоӣ аксе паҳн шуд, ки дар он хонандагони мактаби рақами 43 бидуни пӯшоки гарм ба берун баромадаанд. Блогерон ин мавзӯъро даррав пайгирӣ карданд. Яке аз онҳо Нозим Сафаров гуфт, ки кӯдаконро дар доираи барномаи тарғиботӣ ба берун баровардаанд. 

Барои омӯзиши ин ҳодиса комиссияи вижа ташкил шудааст.

Дар Раёсат қайд карданд, ки ин акс рӯзи 19 ноябри соли равон дар доираи сафари расмии гурӯҳи тарғиботӣ, ки аз олимон, кормандони фарҳангу санъат ва ҳамчунин фаъолони ҷомеъа иборат буд, гирифта шудаст.

Қайд мешавад, ки хонандагон барои тамошои онҳо ба долони мактаб баромадаанд. 

Раисҷумҳури Узбакистон шеваи бархӯрди вазирон бо хабарнигоронро шадидан интиқод кард

Мутахассисони гурӯҳи корӣ бо хонандагон суҳбат карда муайян намудаанд, ки онҳо барои аксбардорӣ дар ҳавои -2 дараҷа сардӣ бидуни либоси гарм дар берун қарор дошта ва баъдан муаллимон онҳоро ба синфхонаҳо даровардаанд.

Маъмурият аз роҳбарон, муаллимон ва кормандони маориф даъват кард, ки ба ҳар як донишомӯз ба мисли фарзанди худ муносибат кунанд ва нагузоранд, ки чунин ҳолатҳо ба саломатӣ ва амнияти онҳо таъсир расонанд.

586
Барчаспҳо:
раҳбар, барканорӣ, гармӣ, либос, Андиҷон
Асозода Дилшод Алимурод глава города Нурек  посетил ветерана ВОВ  Гулов Малах

Мақомоти шаҳри Норак ба иштирокчии Ҷанги Бузурги Ватанӣ хона сохт

0
(Таҷдидшуда 19:28 24.11.2020)
Мақомоти шаҳри Норак эълон кардааст, ки ахиран ба Гулов Малах, ки иштирокчии Ҷанги Бузурги Ватанӣ мебошад манзили нави зист иборат аз 3 ҳуҷра сохта тақдим карда шуд

ДУШАНБЕ, 24 июн — Sputnik. Бино бар иттилои дафтари маӣбуоти раиси шаҳри Норак ахиран раиси шаҳр Асозода Дилшод Алимурод ба аёдати иштирокчии Ҷанги Бузурги Ватанӣ Гулов Малах рафт.

Раиси шаҳри Норак бо вазъи зисту зиндагонии пири хирад Гулов Малах ошно гардидааст.

Манбаъ қайд кардааст, ки бо ташаббуси мақомоти шаҳр манзили нави зист иборат аз 3 ҳуҷра, ошхона барои аҳли оилаи Гулов Малах сохта, ба истифодаи онҳо супорида шуд.

Ҳамзамон раиси шаҳри Норак барои мавсими зимистонгузаронӣ ба иштирокчии ҶБВ маблағи пулӣ тақдим кардааст.

Бояд гуфт, ки солҳои ҶБВ аз аҳолии 1,5 милюнии Тоҷикистон камубеш 300 ҳазор кас ба ҷанг рафта, беш аз 100 ҳазор кас аз онҳо шаҳид шудаанд. Аз ин шумор 55 ҳазор сарбозу афсар бо нишону медолҳо ва 54 кас бо болотарин унвони кишвар - Қаҳрамони Иттиҳоди Шуравӣ сарфароз гардиданд.

0
Барчаспҳо:
ҶБВ, куҳансарбоз, собиқадорон, Норак, Тоҷикистон