Школьники на уроке, архивное фото

Дар деҳоти Сучони ноҳияи Шуғнон бинои нави таълимӣ ба баҳрабрдорӣ расид

108
(Таҷдидшуда 18:36 14.04.2020)
Дар деҳаи Спинзи Ҷамоати деҳоти Сучони ноҳияи Шуғнони Вилояти Мухтори Кӯҳистони Бадахшон бинои нави таълимӣ мавриди баҳрабардорӣ қарор гирифт

ДУШАНБЕ, 14 апр - Sputnik. Толибилмони мактаби №17-и  деҳаи Спинзи Ҷамоати деҳоти Сучони ноҳияи Шуғнони ВМКБ минбаъд дар синфхонаҳои васеъ ва ҳарораташон  муътадил таҳсилро идома медиҳанд.

Дар ин деҳа бинои нави таълимӣ мавриди истифода қарор дода шуд. Хонандагону омӯзгорон аз сифати кори бинокорони ҶДММ "Мадад" розӣ ҳастанд.

Мудири шуъбаи маорифи ноҳияи Шуғнон Қадамшо Саидарабов гуфт, ки "бинои кӯҳнаи таълимгоҳро аввали солҳои шастуми асри гузашта сохта буданд ва он дар ҳолати садамавӣ қарор дошт. Бар асари  зилзила деворҳояш осеби ҷиддӣ дида буданд. Аз ин рӯ,  дар фасли сармо гарм кардани синфхонаҳои мактаб  ғайриимкон буд. Хонандагон маҷбур мешуданд, ки  либосҳои ғафси зимистонаро аз тан бадар накунанд. Бе ин ҳам синфхонаҳо хеле тангу торик буданд. Бо кумаки мақомоти вилоят давоми як сол бинои нави замонавӣ ба истифода дода шуд".

Бино аз 8 синфхона, китобхона ва ду утоқ барои омӯзгорон иборат аст., хабар медиҳад АМИТ "Ховар".

Тибқи иттилои манбаъ, бино системаи ягонаи гармдиҳӣ дошта, дар сурати қатъ шудани барқ имкони бо ангиштсанг гарм намудани он низ вуҷуд дорад.

Бунёди Оқохон дар се ноҳияи ВМКБ марказҳои саломатӣ бунёд мекунад

Ба гуфтаи мудири шуъбаи маорифи ноҳия, дар се соли охир дар ҳудуди ноҳия 5 бинои муосири таълимӣ сохта шуданд, ки дутояшон дуошёна ва яке аз инҳо сеошёна мебошад.

Ҳоло дар 56 муассисаи таълимии ин ноҳия зиёда аз 6 ҳазор хонанда ба таҳсил фаро гирифта шудаанд.

108
Барчаспҳо:
ифтитоҳ, нав, мактаб, Сучони ноҳияи Шуғнон
Абдукодир Тошкулов, наблюдатель из Узбекистана

Парлумони Ӯзбекистон таъйини як тоҷик ба мақоми вазириро тасдиқ кард

1465
(Таҷдидшуда 16:30 14.01.2021)
Абдуқодир Тошқулови 45-cола, зодаи ноҳияи Бойсуни вилояти Сурхондарёи Ӯзбекистон аз шахсони боэътимоди Шавкат Мирзиёев гуфта мешавад

ДУШАНБЕ, 14 январ - Sputnik. Палатаи поёнии парлумони Ӯзбекистон рӯзи 13 январ номзадии Абдуқодир Тошқуловро ба вазифаи вазири маълумоти олӣ ва миёнаи махсус пешниҳод кард, хабар медиҳад Sputnik  Ӯзбекистон ба нақл аз хадамоти матбуоти Олий Маҷлиси Ӯзбекистон.

Ба иттилои манбаъ, тибқи тартиб, дар марҳилаи оянда пас аз тасдиқи фармон аз ҷониби Шавкат Мирзиёев, президенти Ӯзбекистон, Абдуқодир Тошқулов метавонад ба кор оғоз кунад.

Ӯ дар ин мақом Инъом Маҷидовро, ки аз соли 2017 дар ин курсӣ менишаст, иваз хоҳад кард.

Абдуқодир Тошқулови 45-cола, зодаи ноҳияи Бойсуни вилояти Сурхондарёи Ӯзбекистон аз шахсони боэътимоди Шавкат Мирзиёев гуфта мешавад.

Соли 2017 бо қарори ҳукумати Ӯзбекистон Абдуқодир Тошқулов ректори Донишгоҳи давлатии Тирмиз таъйин шуд ва худи ҳамон сол сенатори Ӯзбекистон интихоб шуд.

Узви Сенати Ӯзбекистон Абдуқодир Тошқулов дар интихоботи парлумонии Тоҷикистон, ки 1 марти соли 2020 ва интихоботи президентии Тоҷикистон, ки 11 октябри соли 2020 баргузор гардид, нозир буд.

"Абдуқодир Тошқулов, миллаташ тоҷик пай дар пай ду даъват - аз соли 2009 то 2017 вакили палатаи поёнии парлумони Ӯзбекистон буд", -  омадааст, дар иттилоияи Комиссияи марказии интихоботии ҷумҳурӣ.

1465
Барчаспҳо:
парлумон, мақом, тоҷик, Ӯзбекистон
Азизбек Зумратов - учитель химии лицея №3 для одаренных школьников г. Душанбе

Дар Душанбе ғолиби озмуни "Омӯзгори соли Тоҷикистон-2020" муайян шуд

482
(Таҷдидшуда 13:00 14.01.2021)
Дар Тоҷикистон ғолиби озмуни "Омӯзгори соли Тоҷикистон-2020" муайян шуд. Давоми 3 рӯз донишу малакаи довталабон аз рӯйи 7 шарт санҷида шуд.

ДУШАНБЕ, 14 январ - Sputnik. Муаллими фанни химияи Литсейи №3 барои хонандагони болаёқат дар шаҳри Душанбе, Азизбек Зумратов ғолиби озмуни "Омӯзгори соли Тоҷикистон-2020" дониста шуд, хабар медиҳад Вазорати маорифи Тоҷикистон.

Тибқи иттилои маркази матбуоти Вазорати маориф давоми 3 рӯз донишу малакаи довталабон аз рӯйи 7 шарт санҷида шуд.

Раиси ҳайати ҳакамони озмун Манзура Мадатзода изҳор дошт, ки тибқи талаботи низомнома, доварон маҳорату малака ва донишу ҷаҳонбинии  ҳар довталабро таҳлил намуда, баҳо гузоштанд. Дар баробари ин, иҷрои талаботи ҳар шарт миёни иштирокдорон муҳокима гардида,  андешаи онҳо низ аз тарафи ҳайати ҳакамон ба инобат гирифта шуд.

"Ҷойи дуюмро омӯзгори фанни биологияи муассисаи таълимии махсусгардонидашуда барои хонандагони болаёқат дар ноҳияи Бобоҷон Ғафуров Дилором Ҷалолова, ҷойи сеюмро  омӯзгори фанни географияи Мактаби президентӣ дар шаҳри Кӯлоб Некрӯз Турсунзода ва омӯзгори забони англисии литсейи Оғохон дар шаҳри Хоруғ Сайлӣ Наврӯзбекова ба даст оварданд", - омадааст дар хабарнома.

Омӯзгорони пирӯз бо туҳфаҳои кумитаи тадорукоти озмун қадрдонӣ гардиданд.

Инчунин омӯзгори забони русии муассисаи таҳсилоти миёнаи умумии №8-и ноҳияи Шаҳринав, Тоҳирҷон Холиқов барои иштироки фаъолона дар озмун бо Ифтихорномаи Вазорати маориф қадрдонӣ гардид.

Шогирд ба устод ниёз дорад: норасоии омӯзгорон дар ҶТ

Вазири маориф ва илм Муҳаммадюсуф Имомзода  иброз дошт, ки Вазорати маориф ҳамеша омода аст омӯзгорони пешқадаму навовар ва эҷодкорро дастгирӣ ва меҳнати онҳоро қадрдонӣ намояд. Озмун имкон дод, ки иштирокдорон таҷрибаи педагогии худро муаррифӣ намуда, дар дарсҳо маҳорату малакаи хешро нишон диҳанд.

Мавсуф зикр кард, ки вобаста ба истифодаи роҳу усулҳои муосири таълим дар рӯзнома ва маҷаллаҳои соҳавӣ мақолаҳо ба табъ расонанд ва ба ин васила, дар беҳтар гардонидани сифати таҳсил, баланд бардоштани дониш ва тавсеаи ҷаҳонбинии хонандагону донишҷӯён, тарбияи онҳо дар рӯҳияи ватандӯстӣ ва эҳтиром ба арзишҳои миллию умумибашарӣ саҳми босазо гузоранд.

482
Барчаспҳо:
ғолиб, Вазорати маориф, "Муаллими сол", Тоҷикистон
В московском Музее Востока открылась выставка В тени вершин

Ифтитоҳи намоишгоҳи саноати дастӣ ва маҳсулоти кишоварзии Афғонистон дар Душанбе

0
(Таҷдидшуда 20:10 16.01.2021)
Намоишгоҳи саноати дастӣ ва маҳсулоти кишоварзии Афғонистон дар шаҳри Душанбе баргузор шуд

ДУШАНБЕ, 16 янв — Sputnik. Маҳсулоти 27 ширкати афғонистонӣ ва корҳои дастии афғонҳои муқими Тоҷикистон дар 40 ғурфаи ин намоишгоҳ арза шудааст, иттилоъ додааст АМИТ  “Ховар”.

Бино бар иттилои манбаъ, ширкатҳои афғонистонӣ дар ин намоишгоҳ колоҳое монанди саноати дастӣ, фарши дастбоф, зарфҳои суфолӣ ва мисӣ, либосҳои суннатӣ ва маҳсулоти кишоварзиро дар маърази диди умум қарор додаанд.

Муҳаммадзоҳир Ағбар, сафири Афғонистон дар Душанбе дар маросими ифтитоҳи ин намоишгоҳ гуфт, ки дар ояндаи наздик низ намоишгоҳи сангҳои қимматӣ ва нимақиматии кишвараш дар пойтахти Тоҷикистон баргузор мешавад.

Вай таъкид кард, ки баргузории чунин намоишгоҳҳо мӯҷиби тақвияти ҳамкориҳои иқтисодӣ ва тиҷории Афғонистону Тоҷикистон хоҳад шуд.

Сафирон ва масъулони теъдоде аз кишварҳои хориҷии муқими Душанбе, намояндагони утоқи саноат ва бозаргонии Тоҷикистон ва фаъолони бахши хусусии ин кишвар аз намоишгоҳи саноати дастӣ ва маҳсулоти кишоварзии Афғонистон боздид карданд.

0
Барчаспҳо:
баргузор, саноат, Душанбе, намоишгоҳ, Афғонистон