Тотальный диктант в Душанбе

Русия барои овардани омӯзгорони рус ба Тоҷикистон ҳавопаймои вижа мефиристад

842
(Таҷдидшуда 12:40 20.05.2020)
Русия барои бозпас овардани омӯзгорони рус, ки дар манотиқҳои гуногуни Тоҷикистон фаъолият мекунанд, ҳавопаймои махсус мефиристад

ДУШАНБЕ, 19 май — Sputnik. Масъулони Шӯрои Федератсияи Русия, намояндагони вазорату идораҳои дахлдори Русия ва Тоҷикистон масъалаи интиқол додани омӯзгорони рус аз Тоҷикистонро баррасӣ карданд, хабар медиҳад хадамоти матбуоти Шӯрои Федератсия.

Бино ба гуфти раиси Шӯрои Федератсия оид ба илм, маориф ва фарҳанг Лилия Гумерова, соли хониши имсола дар Тоҷикистон бинобар авҷ гирифтани маризии сироятии коронавирус  каме пештар анҷом ёфт.

Ба ҳамин минвол, Русия тасмим гирифт, 48 омӯзгор аз 16 минтақаи Русия, ки то ҳол дар мактабҳои русӣ дар Тоҷикистон дарс мегуфтанд, баргардонад.

Гумерова шарҳ дод, ки чаро омӯзгорони рус мехоҳанд дар Тоҷикистон бимонанд

Гумерова гуфт, ки рӯзи 25 май ҳавопаймои вижа вориди Тоҷикистон мешавад, то муаллимони русро аз кишвар берун орад. Аммо, ин маънои онро надорад, ки лоиҳаи башардӯстона қатъ карда мешавад.

Тавре сенатор қайд кард, омӯзгорони рус пас аз хотима ёфтани пандемияи коронавирус рисолати худро идома медиҳанд.

Ёдовар мешавем, ки лоиҳаи таълимӣ байни Русия ва Тоҷикистон соли 2017 роҳандозӣ шуд. Ташаббускори ин лоиҳа раиси Шӯрои Федератсия Валентина Матвиенко буд.

842
Фотография учеников школы №43 Андижана, которая распространилась по сети

Хонандагон дар берун бе либоси гарм: барканории раҳбарияти мактаб дар Андиҷон

461
(Таҷдидшуда 16:18 23.11.2020)
Мутахассисони гурӯҳи корӣ бо хонандагон суҳбат карда муайян намудаанд, ки онҳо барои аксбардорӣ дар ҳавои -2 дараҷа сардӣ бе болопӯш дар берун қарор доштаанд

ДУШАНБЕ, 23 ноя — Sputnik. Директори мактаби рақами 43-юм Д. Насирдинов ва муовини директор оид ба корҳои маънавӣ ва тарбиявӣ С. Исмонов бо сабаби баромадани хонандагон дар сармо бе либоси гарм ба берун аз вазифаҳояшон барканор карда шуданд.

Дар ин бора Sputnik Ӯзбекистон бо такя ба Раёсати маорифи халқи вилояти Андиҷон хабар медиҳад.

Чанде пеш дар шабакаҳои иҷтимоӣ аксе паҳн шуд, ки дар он хонандагони мактаби рақами 43 бидуни пӯшоки гарм ба берун баромадаанд. Блогерон ин мавзӯъро даррав пайгирӣ карданд. Яке аз онҳо Нозим Сафаров гуфт, ки кӯдаконро дар доираи барномаи тарғиботӣ ба берун баровардаанд. 

Барои омӯзиши ин ҳодиса комиссияи вижа ташкил шудааст.

Дар Раёсат қайд карданд, ки ин акс рӯзи 19 ноябри соли равон дар доираи сафари расмии гурӯҳи тарғиботӣ, ки аз олимон, кормандони фарҳангу санъат ва ҳамчунин фаъолони ҷомеъа иборат буд, гирифта шудаст.

Қайд мешавад, ки хонандагон барои тамошои онҳо ба долони мактаб баромадаанд. 

Раисҷумҳури Узбакистон шеваи бархӯрди вазирон бо хабарнигоронро шадидан интиқод кард

Мутахассисони гурӯҳи корӣ бо хонандагон суҳбат карда муайян намудаанд, ки онҳо барои аксбардорӣ дар ҳавои -2 дараҷа сардӣ бидуни либоси гарм дар берун қарор дошта ва баъдан муаллимон онҳоро ба синфхонаҳо даровардаанд.

Маъмурият аз роҳбарон, муаллимон ва кормандони маориф даъват кард, ки ба ҳар як донишомӯз ба мисли фарзанди худ муносибат кунанд ва нагузоранд, ки чунин ҳолатҳо ба саломатӣ ва амнияти онҳо таъсир расонанд.

461
Барчаспҳо:
раҳбар, барканорӣ, гармӣ, либос, Андиҷон
Афганские студенты на уроке, архивное фото

Донишҷӯёни Афғонистон аз ин ва баъд метавонанд дар донишгоҳҳои Ӯзбекистон таҳсил кунанд

79
(Таҷдидшуда 13:46 23.11.2020)
Вазорати таҳсилоти миёна ва олии Ӯзбекистон ва вазорати таҳсилоти олии Афғонистон дар шаҳри Тошканд созишномаи ҳамкорӣ имзо карданд

ДУШАНБЕ, 23 ноя – Sputnik. Донишҷӯёни Афғонистон аз ин ва баъд метавонанд, дар донишгоҳҳои Ӯзбекистон таҳсил кунанд, ду донишгоҳ ҳамчунин дар бораи баргузории барномаҳои муштарак ба мувофиқа расиданд, хабар медиҳад Вазорати сармоягузорӣ ва савдои хориҷии Ӯзбекистон.

Бино ба гузориши манбаъ, Вазорати таҳсилоти миёна ва олии Ӯзбекистон ва вазорати таҳсилоти олии Афғонистон дар шаҳри Тошканд созишномаи ҳамкорӣ имзо карданд.

"Меморандуми имзошуда таҳсили донишҷӯёни Афғонистон дар Ӯзбекистонро дар назар дорад", - омадааст дар хабарнома.

Дар ин санад инчунин тартиби мубодилаи маводҳои таълимию методӣ байни донишгоҳҳои ду кишвар, иштироки мутахассисон дар чорабиниҳои таълимӣ, ҳамкорӣ дар корҳои илмӣ ва омодасозии якҷояи мақолаҳо дар маҷаллаҳои илмӣ муайян карда шудааст.

Манбаъ ёдоварӣ карда, ки моҳи январи соли 2018 дар вилояти Сурхандарёи Ӯзбекистон барои таҳсилоти шаҳрвандони Афғонистон маркази вижа ифтитоҳ гардида буд.

Дар ин марказ кадрҳо барои барномаҳои таҳсилоти олӣ, миёнаи махсус, касбӣ, инчунин бозомӯзӣ ва такмили ихтисос дар соҳаҳои гуманитарӣ, педагогӣ ва муҳандисӣ-техникӣ омода карда мешаванд.

Тибқи иттилоъи Вазорати сармоягузорӣ ва савдои хориҷии Ӯзбекистон, дар давоми ду сол дар ин марказ 96 нафар донишҷӯёни афғон таълим гирифтаанд. Ҳоло дар ин ҷо 172 нафар шаҳрвандони Афғонистон таҳсил мекунанд.

"Ғайр аз ин, қарор аст, бо дастгирӣ ва маблағгузории Иттиҳоди Урупо моҳи декабри соли равон боз 10 донишҷӯи дигар аз Афғонистон барои таҳсил дар соҳаи кишоварзӣ ба Ӯзбекистон оянд", - афзуд манбаъ.

79
Барчаспҳо:
таҳсил, донишгоҳҳои олӣ, афғонӣ, донишҷӯён, Афғонистон, Ӯзбекистон
День 24 ноября

Ҷашнҳои рӯзи 24 ноябр дар Тоҷикистон ва ҷаҳон

0
(Таҷдидшуда 17:10 23.11.2020)
Рӯзи бисту чоруми ноябр, дар Тоҷикистон Рӯзи Парчами давлатӣ, дар Русия Рӯзи модарон ва дар Амрико Рӯзи дӯстон таҷлил мешавад

Рӯзи 24 ноябр дар ҷаҳон чӣ рух дод

Соли 1996 дар раъйпурсии умумихалқӣ дар Беларус беш аз 70 фоизи аҳолӣ Конститутсияи пешниҳоднамудаи президент Александр Лукашенкоро ҷонибдорӣ карданд.

БелТА
Президент Беларуси Александр Лукашенко

Соли 1961 изҳороти СММ дар бораи манъи истифодаи яроқи ядроӣ қабул гардид.

День 23 ноября
© Sputnik/ Стас Этвеш/ Мария Вишнякова

Соли 1969 киштии кайҳонии "Аполлон-12" ба самти Моҳтоб парвоз кард.

Соли 2005 дар шаҳри Алмато Анҷумани 5-уми мутахассисони корҳои молияи Қазоқистон доир гардид.

Рӯзи 24 ноябр дар Тоҷикистон чӣ рух дод

Соли 1986 дар фурудгоҳи шаҳри Душанбе аввалин маротиба ҳавопаймои ТУ-154 М фуруд омад.

Соли 2010 бо ширкати раисҷумҳури Тоҷикистон Эмомалӣ Раҳмон дар маркази шаҳри Душанбе бунёди парчами давлатии Ҷумҳурии Тоҷикистон расман оғоз ёфта, он 30 августи соли 2011 дар пояи 165 — метра, ки дар ҷаҳон баландтарин маҳсуб меёфт, парафшон гардид.

Соли 2017 дар шаҳри Душанбе ба муносибати 25 — солагии барқарорсозии муносиботи дипломатии Ҷумҳурии Тоҷикистон ва Корея конфронси илмӣ — амалии байналмилалӣ доир шуд.

Соли 2016 дар Маркази исмоилияи шаҳри Душанбе конфронси байналмилалии "Таҳсилоти пайваста барои рушди устувор" доир шуд.

Исмаилитский центр в Душанбе, архивное фото
© Sputnik / Амир Исаев
Исмаилитский центр в Душанбе, архивное фото

Соли 2017 дар шаҳри Душанбе шарҳи муштараки ҳарсолаи  амалигардии барномаи "Стратегияи миллии саломатии аҳолии Ҷумҳурии Тоҷикистон барои солҳои 2010-2020" гузаронида шуд.

Соли 2014 доираи васеи ҳамкории дуҷонибаи Тоҷикистону Кувайт баррасӣ шуд.

Ҷашнҳои рӯзи 24 ноябр

  • Дар Ҷумҳурии Тоҷикистон - Рӯзи Парчами давлатӣ.
  • Дар Русия - Рӯзи модарон.
  • Дар Амрико - Рӯзи дӯстон.

Рӯзи 24 ноябр дар Тоҷикистон кӣ ба дунё омадааст

Солҳои (1939-1984) – адабиётшинос Назира Қаҳарова.

Соли 1942 – Ҳунарманди халқии Сайрам Исоева.

Председатель согда Раджаббой Ахмадзода, мэр Худжанда Маъруф Мухамадзода посетили актрису Сайрам Исоеву
Пресс-служба мэра Худжанда
Председатель согда Раджаббой Ахмадзода, мэр Худжанда Маъруф Мухамадзода посетили актрису Сайрам Исоеву

Соли 1947 – рӯзноманигор ва нависанда, сармуҳаррири "Курер Таджикистана" Муҳаммадҷон Тоштемиров.

Соли 1950 – хабарнигори Шаҳбозхон Саркориев.

0
Барчаспҳо:
Ҷаҳон, Тоҷикистон, ҷашн
Мавзуъ
Ҷашнҳои рӯзи 17 ноябр дар Тоҷикистон ва ҷаҳон
Ҷашнҳои рӯзи 19 ноябр дар Тоҷикистон ва ҷаҳон
Зодрӯзи Бозор Собир ва инқилоб дар Мексика: ҷашнҳои рӯзи 20 ноябр
Ҷашнҳои рӯзи 21 ноябр дар Тоҷикистон ва ҷаҳон
Пирӯзии Парвиз Собиров ва унвонгирии Майк Тайсон: ҷашнҳои 22 ноябр
Ҷашнҳои рӯзи 23 ноябр дар Тоҷикистон ва ҷаҳон