Вступительные экзамены в вузы, архивное фото

Шонси дуюми донишҷӯй шудан: дар Тоҷикистон марҳилаи иловагии ҳуҷҷатсупорӣ оғоз мешавад

339
(Таҷдидшуда 16:06 09.06.2020)
Марҳалаи иловагии бақайдгирӣ то 30 июн идома ёфта, хоҳишмандон метавонанд бо ҳуҷҷатҳои зарурӣ  ба яке аз нуқтаҳои бақайдгирӣ дар шаҳри Душанбе, шаҳрҳои Хуҷанд, Хоруғ, Бохтар ва Кӯлоб муроҷиат кунанд.

ДУШАНБЕ, 9 июн — Sputnik. Маркази миллии тестии назди Президенти Ҷумҳурии Тоҷикистон хабар медиҳад, ки аз 15 июни соли равон  марҳалаи иловагии бақайдгирии довталабон барои иштирок дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбӣ оғоз мегардад.

Ба иттилои манбаъ, шахсоне, ки бо дарназардошти вазъи марбут ба ҳамагирии COVID-19 дар марҳилаи асосии бақайдгирӣ (аз 2-юми март то 30-юми апрел) натавонистанд худро номнавис кунанд, метавонанд дар марҳалаи иловагии бақайдгирии довталабон барои иштирок дар имтиҳонҳои марказонидаи дохилшавӣ  худро ба қайд гиранд.

"Марҳалаи иловагии бақайдгирӣ то 30 июн идома ёфта, хоҳишмандон метавонанд бо ҳуҷҷатҳои зарурӣ  ба яке аз нуқтаҳои бақайдгирӣ дар шаҳри Душанбе, шаҳрҳои Хуҷанд, Хоруғ, Бохтар ва Кӯлоб муроҷиат кунанд", - омадааст дар хабарнома.

Манбаъ афзуда, ки довталабоне, ки дар марҳалаи иловагии бақайдгирӣ (аз 15-ум то 30-юми июн) худро номнавис мекунанду боз мехоҳанд интихобҳои аввалаи худро иваз кунанд, имкон доранд, ки ба нуқтаи бақайдгирие, ки худро қаблан дар он номнавис карда буданд, муроҷиат карда, худро аз нав ба қайд гиранд.

Донишҷӯ шудан мехоҳед? оғози бақайдгирӣ ба имтиҳонҳои дохилшавӣ дар Тоҷикистон

Арзиши хизматрасонӣ барои як довталаб вобаста аз зинаи таҳсилоти доштааш дар мувофиқа бо Хадамоти зиддиинҳисории назди Ҳукумати Ҷумҳурии Тоҷикистон  чунин муқаррар гардидааст:

Довталабоне, ки таҳсилоти миёнаи умумӣ (яъне, хатмкунанда ё хатмкардаи синфи 11-ум), ибтидоӣ ё миёнаи касбӣ доранд 210 сомонӣ,  довталабоне, ки таҳсилоти умумии асосӣ доранд (яъне, хатмкунанда ё хатмкардаи синфи 9-ум) 160 сомонӣ ва барои  азнавбақайдгирӣ ҷиҳати иваз кардани интихобҳои аввала барои довталабоне, ки дар марҳалаи иловагии бақайдгирӣ (аз 15-ум то 30-юми июн) номнавис мекунанд 25 сомонӣ  муайян шудааст.

Тибқи тартиби муқарраркардаи Ҳукумати Ҷумҳурии Тоҷикистон шахсони то 21-солае,  ки ятими кул ё бепарасторанд, аз пардохти маблағ барои хизматрасонӣ дар имтиҳонҳои марказонидаи дохилшавӣ  озод мебошанд. Шахсони то 21-солае, ки падар ё модарашон вафот кардааст ё дар парастории яке аз онҳоянд ва маъюбони гурӯҳҳои 1-ум ва 2-юм ҳастанд  аз супоридани 50%-и маблағ барои хизматрасонӣ дар ИМД озод мебошанд.

Агар шахс ҳам маъюби гурӯҳи 1-ум ё 2-юм ё «кӯдаки маъюб» бошаду ҳам падар ё модараш вафот карда бошад, ё дар парастории яке аз онҳо қарор дошта бошад, он гоҳ ӯ аз пардохти маблағ барои хизматрасонӣ дар ИМД озод аст.

Маблағи хизматрасонӣ дар ИМД бояд пеш аз бақайдгирӣ дар яке аз филиалҳои Бонки давлатии амонатгузории Ҷумҳурии Тоҷикистон «Амонатбонк» дар шаҳру ноҳияҳои ҷумҳурӣ пардохт карда шавад.

Инчунин, барои довталабоне, ки дар марҳалаи асосӣ (аз 2-юми март то 30-юми апрел) худро номнавис кардаанду интихобҳои аввалаи худро иваз кардан мехоҳанд, марҳалаи иловагии азнавбақайдгирӣ аз 15-уми июн оғоз ва то 30-юми июн давом меёбад.

Марҳалаи иловагии азнавбақайдгирӣ низ дар нуқтаҳои бақайдгирии шаҳрҳои Душанбе, Хуҷанд, Хоруғ, Бохтар ва Кӯлоб сурат мегирад.

Довталабоне, ки интихобҳои аввалаи худро иваз кардан мехоҳанд, бояд бо (1) шиноснома ё ҳуҷҷати дигари тасдиқкунандаи шахсият (бо муҳру сурат), ки мақоми ваколатдори давлатӣ додааст; (2) варақаи бақайдгирии даври бақайдгирии асосӣ ва (3) расид аз филиали Бонки давлатии амонатгузории Ҷумҳурии Тоҷикистон «Амонатбонк» оид ба пардохти маблағи пурра (210 сомонӣ – барои довталабони дорои таҳсилоти миёнаи умумӣ, ибтидоӣ ё миёнаи касбӣ ва 160 сомонӣ – барои довталабони дорои таҳсилоти умумии асосӣ) ба нуқтаи бақайдгирии барояшон наздик ё мувофиқ муроҷиат кунанд.

Манбаъ афзуда, ки довталабон метавонанд маълумоти муфассалро дар бораи бақайдгирӣ ва азнавбақайдгирӣ, муассисаҳои таълимии ба низоми ИМД дохилшуда ва дигар раванду марҳалаҳои имтиҳонҳои мазкур аз дастури иттилоотию методии «Роҳнамои довталаб», ки шакли электронии он дар сомонаи Маркази миллии тестӣ ҷойгир карда шудааст, дастрас намоянд.

339
Барчаспҳо:
ҳуҷҷатсупории довталабон, бақайдгирии довталабон, довталабон, Тоҷикистон
Школа, архивное фото

Раиси Рашт: афзоиши хонандагон бунёди синфҳои иловагиро тақозо мекунад

36
(Таҷдидшуда 12:53 13.07.2020)
Раҳимҷон Муқимӣ, раиси ноҳияи Рашт, мегӯяд, афзоиши шумораи хонандагон дар ноҳия сохтмони биноҳои нави таълимӣ ва синфхонаҳои иловагиро тақозо менамояд

ДУШАНБЕ, 13 июл — Sputnik. Раҳимҷон Муқимӣ гуфт, бунёди синфхонаҳо барои беҳтар ба роҳ мондани кори таълиму тарбия ва сифати таълим ҳатмист.

"Синфхонаҳои иловагӣ имконият фароҳам меоранд, ки дар муассисаҳои таълимӣ кабинетҳои фаннӣ ташкил карда шаванд. Дар ду моҳи охири соли равон дар назди 6 муассисаи таълимӣ аз ҳисоби маб­лағҳои буҷети маҳаллӣ, соҳибкорони саховатманд ва аҳолӣ барои 800 ҷойи нишаст бино ва синфхонаҳои нави таълимӣ сохта, ба истифода дода шудааст", - иттилоъ дод нашрияи "Садои мардум" аз қавли раиси Рашт.

Манбаъ афзуд, ки тайи як рӯз дар ноҳия 18 иншооти нав ба истифода дода шуданд. Дар қатори иншооти набунёд -  бинои иловагӣ барои шуъбаи касалиҳои сироятӣ дар маҳаллаи Фурудгоҳи деҳоти ба номи Нусратулло Махсум иборат аз 20 кат аз ҳисоби Агентии захираҳои давлатии назди Ҳукумати Ҷумҳурии Тоҷикистон, 3 чоҳи амудӣ аз ҳисоби соҳибкорони маҳаллӣ барои таъмини аҳолӣ бо оби нӯшокӣ, майдончаи варзишӣ дар деҳаи Руноби деҳоти "Аскалон" номбар шуданд.

Инчунин биноҳои нави таълимӣ дар деҳаҳои Ялдамичи деҳоти "Қалъанак", Чашмаи Қозии деҳоти ба номи Нусратулло Махсум, Навдонаки деҳоти "Қалъаи Сурх" ва Ҳисораки деҳоти "Ясман", сохтмони маркази савдо, қаҳвахона ва 5 хонаи истиқоматии дуҳуҷрагӣ дар шаҳраки Ғарм, корхонаи истеҳсоли обҳои ташнагишикану маҳсулоти қаннодӣ дар деҳаи Ҳисораки деҳоти "Ясман" ва нуқтаи таъмири нақлиёти сабукрав дар деҳаи Зарангаки деҳоти "Ҳиҷборак" ба истифода дода шудаанд.

36
Барчаспҳо:
бино, Рашт, Тоҷикистон
Школьная ярмарка на рынке Душанбе перед 1 сентября

Бо дастури Қоҳир Расулзода: дар Тоҷикистон ярмаркаи фурӯши либоси мактабӣ баргузор мешавад

287
(Таҷдидшуда 15:08 10.07.2020)
Дар тамоми шаҳру ноҳияҳои Тоҷикистон аз авоили моҳи август ярмаркаи фурӯши либос ва дигар маводи зарурии мактабӣ оғоз меёбад

ДУШАНБЕ, 10 июл — Sputnik. Тибқи иттилои Вазорати маорифи Тоҷикистон ин якмарка бо пешниҳоди Вазорат, дархостии Вазорати саноат ва технологияҳои нави Тоҷикистон ва дастури бевоситаи сарвазир Қоҳир Расулзода баргузор мешавад.

"Оғоз аз 1 августи соли 2020 дар тамоми шаҳру ноҳияҳо ярмаркаи фурӯши либос ва дигар маводи зарурии мактабӣ оғоз меёбад", - омадааст дар хабарнома.

Тибқи маълумоти Вазорати саноат ва технологияҳои нав, дар миқёси ҷумҳурӣ иқтидори корхонаҳои дӯзандагӣ баҳри пурра таъмин намудани хонандагон бо либоси мактабӣ басанда мебошад ва дар ҳолати саривақт, сифатнок ва назорати ҷиддии масъулин имконияти истеҳсоли либоси мактабӣ дар корхонаҳо дар давоми сол фароҳам оварда шуда, хонандагон ба пуррагӣ бо маҳсулоти воридотивазкунандаи хушсифат таъмин мегарданд.

Аз ҷониби корхонаҳои дӯзандагӣ дӯхти либоси мактабӣ дар асоси талаботи Дастурамали либосҳои тавсияӣ барои хонандагони муассисаҳои таҳсилоти умумӣ, ки аз ҷониби Вазорати маориф ва илм таҳия шудааст, роҳандозӣ карда мешавад.

Инчунин, бо мақсади ба роҳ мондани истеҳсоли маҳсулоти босифат аз ҷониби Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон стандарти Ҷумҳурии Тоҷикистон «Либосҳои мактабӣ – шартҳои умумии техникӣ» бо қайди давлатӣ СТ ҶТ 1110-2018 таҳия гардида, ба корхонаю коргоҳҳои соҳа ҷиҳати дар асоси он истеҳсол намудани молу маҳсулоти худ пешниҳод карда шудааст.

Ҳамзамон, дар робита ба баргузории ярмаркаи фурӯши либос ва дигар маводи зарурии мактабӣ ба Иттифоқи «Тоҷикматлубот» ҷиҳати ройгон ҷудо намудани нуқтаи алоҳида барои баргузории ярмарка ва ба мақомоти иҷроияи ҳокимияти давлатии вилоятҳо ва шаҳру ноҳияҳои кишвар барои дар сатҳи хуб доир намудани он дастур дода шудааст.

287
Барчаспҳо:
Вазорати саноат ва технологияи нави ҶТ, Вазорати маориф, ярмарка-намоиш, ярмарка, Тоҷикистон
Руки в наручниках, архивное фото

Боздошти зани 43-солаи сокини Хуҷанд ба иттиҳоми ташкили фоҳишахона: 200 сомонӣ мегирифт

0
Вазорати умури дохилаи Тоҷикистон навиштааст, ин зан барои муносибатҳои маҳрамона зане мардеро шинос карда, барои ин "хидматаш" 200 сомонӣ "мукофотпулӣ" гирифтааст

ДУШАНБЕ, 14 июл — Sputnik. Вазорати умури дохилаи Тоҷикистон зани 43-солеро дар Хуҷанд ба иттиҳоми ташкили фоҳишахона дастгир кардааст. Дар ин бора вебгоҳи вазорати мазкур хабар медиҳад.

"Зимни баргузор намудани чорабиниҳои оперативӣ-ҷустуҷуӣ аз ҷониби кормандони милитсия зани 43-солаи сокини шаҳри Хуҷанд, ҳамчун гумонбар дар ташкил ва нигаҳдошти фоҳишахона дастгир карда шуд", - менависад манбаъ.

Гуфта мешавад,  ин зан санаи 13-уми июли соли 2020, тахминан соати 16:30-дақиқа дар кӯчаи Ленини шаҳри мазкур марди 38-солаи сокини шаҳраки Ғафуров ва зани 25-солаи сокини ҷамоати деҳоти Хистеварзро барои муносибатҳои маҳрамона шинос намуда, аз онҳо ҳақи хизмат 200-сомони муқофотпулӣ гирифтааст.

Боздошти марди 33 - сола барои ташкили фоҳишахона: аз муштариёни худ 150 сомонӣ мегирифт

Нисбати гумонбаршаванда парвандаи ҷиноятӣ бо моддаи 239 Кодекси ҷиноятии Ҷумҳурии Тоҷикистон оғоз карда шуд.

Тафтишоти қазия идома дорад.

 

0