Ҷалби қариб ним миллиард қарзу грант барои бунёди 68 мактаб дар Тоҷикистон

© Flickr \ Хадамоти матбуоти Президенти ТоҷикистонМинистр финансов республики Таджикистан Файзиддин Каххорзода
Министр финансов республики Таджикистан Файзиддин Каххорзода - Sputnik Тоҷикистон
Обуна шудан
Маҷлиси намояндагони Тоҷикистон созишномаи қарзию грантиро ба тасвиб расонд, ки бар асоси он бунёди 68 мактаб ва 5 бинои маъмурии бахши маориф дар 18 шаҳру ноҳияи вилояти Хатлон ва шаҳри Душанбе дар назар аст

ДУШАНБЕ, 5 июл — Sputnik. Файзиддин Қаҳҳорзода, вазири молияи Тоҷикистон, зимни муаррифии лоиҳа дар ҷаласаи ахири парлумон гуфт, қарзу гранти мазкур барои татбиқи “Стратегияи миллии рушди маориф” равона мегардад.

Преступник за решеткой  - Sputnik Тоҷикистон
Падарро корд задааст: додгоҳи Хуҷанд ҳукми зиндони як сокини маҳаллиро содир кард

Ба гуфтаи ӯ, дар маҷмуъ дар доираи лоиҳа,  равона намудани 46 миллион доллари амрикоӣ, аз ҷумла 30 миллион доллар қарзи Бонки исломии рушд, 10 миллион доллар доллари амрикоӣ гранти Ташкилоти ҳамкории глобалӣ дар соҳаи маориф ва 6 миллион доллар саҳми Ҳукумати Тоҷикистон пешбинӣ шудааст.

Қарз бо чӣ шарт гирифта шуду мактабҳоро дар куҷо месозанд?

Вазири молия афзуд, қарз аз ду сарчашма, маблағҳои қарзии Бонки исломии рушд ба муддати 25 сол, аз ҷумла 7 соли имтиёзӣ бо меъёри хизматрасонии 1,5 фоизи солона ва маблағҳои Фонди ҳамбастагии исломӣ оид ба рушд ба муддати 30 сол, аз ҷумла 10 соли имтиёзӣ бо меъёри хизматрасонии 0,75 фоизи солона дода мешавад.

Таджикская девушка закончила школу с золотой медалью - Sputnik Тоҷикистон
Тоҷикдухтар мактаби Маскавро бо медали тилло хатм кард: ватандӯстии ӯ ва узрхоҳии муаллим

“Дар доираи лоиҳа сохта ва ба истифода додани 68 мактаб ва 5 бинои маъмурӣ дар соҳаи маориф дар шаҳрҳои Душанбе ва Турсунзода ва дар шаҳру ноҳияҳои вилояти Хатлон, аз ҷумла шаҳри Кӯлоб, ноҳияҳои Балҷувон, Темурмалик, Восеъ, Данғара, Муъминобод, Мир Сайид Алии Ҳамадонӣ, Фархор, Панҷ, Ҷайҳун, Шаҳритус, Шамсиддини Шоҳин, Кушониён, Дӯстӣ, Хуросон ва Вахш пешбинӣ шудааст”, - хабар дод нашрияи парлумонии “Садои мардум” аз қавли Қаҳҳорзода.

Манбаъ таъкид кард, ки татбиқи лоиҳаи мазкур соли 2020 оғоз гардида, анҷоми он соли 2024 ба нақша гирифта шудааст.

Лентаи хабарҳо
0