Имомзода Мухаммадюсуф Сайдали

Вазири тоҷик: дар ИДМ бештар аз ҳама дар Тоҷикистон забони русӣ эҳтиром мешавад

492
(Таҷдидшуда 16:45 17.07.2020)
Вазири маорифи Тоҷикистон мегӯяд, дар қаламрави Иттиҳоди давлатҳои муштаракулманофеъ (ИДМ) Тоҷикистон танҳо кишварест, ки мусоидтарин фазоро барои нигаҳдошт ва омӯзиши забони русӣ фароҳам кардааст

ДУШАНБЕ, 17 июл — Sputnik. Муҳаммадюсуф Имомзода, ки дар нишасти матбуотии ниҳодаш бо ширкати 57 рӯзноманигори дохиливу хориҷӣ суҳбат мекард, гуфт, дар Тоҷикистон таваҷҷуҳи вижа ба забони русӣ карда мешавад ва тамоми заминаҳои ҳуқуқӣ ва иҷтимоӣ барои рушди забони русӣ вуҷуд дорад.

"Ман танҳо хабар дорам, ки дар шаҳри Ишқобод, пойтахти Туркманистон як мактаби русӣ вуҷуд дорад, ки аз сӯи "Газпром" сохта шуда буд ва дар он ҷо таълим бо забони русӣ ва меъёрҳои Русия сурат мегирад. Агар дар назди сафоратҳои Русия дар дигар кишварҳо набошад, аз ягон мактаби дигар иттилоъ надорам. Пойгоҳи таҳсилотие, ки Русия дар Тоҷикистон дорад, як падидаи мунҳасир ба фард, асл ва навоварӣ аст", - гуфт вазири маориф ва илми Тоҷикистон.

Дар идомаи суҳбаташ вазири тоҷик ба вазъи макотиби русӣ дар Тоҷикистон пардохта гуфт, айни замон дар Тоҷикистон даҳҳо мактаби русӣ ё омехта бо русӣ фаъолият доранд. Вай афзуд, ин мактабҳоро метавон дар се қисмат раддабандӣ кард.

"Якум, мактабҳое, ки сирф русиягӣ ҳастанд. Дар онҳо таълим аз рӯи меъёрҳои таълимии Русия ҷараён дорад. Ин гуна мактабҳо дар Душанбе, Хуҷанд, Норак ва Кӯлоб фаъолият доранд. Дуюм, мактабҳои сирф миллии тоҷикӣ, ки таълим дар онҳо бо забони русӣ ба роҳ монда шудааст. Сеюм, мактабҳое, ки омехта ҳастанд, тоҷикӣ – русӣ, тоҷикӣ – русӣ – ӯзбекӣ, русӣ - инглисӣ ва ҳатто точикӣ – русӣ – инглисӣ", - гуфт Муҳаммадюсуф Имомзода.

Аз забони қирғизӣ то суруду мусиқӣ: камбуди садҳо омӯзгор дар мактабҳои Тоҷикистон - омор

Тибқи иттилои вазорати маориф ва илми Тоҷикистон, дар ин мактабҳо 207 486 хонанда, дар як тоҷикӣ-русӣ – 186 334, тоҷикӣ – русӣ – ӯзбекӣ – 14 811, тоҷикӣ – русӣ – инглисӣ – 6 122 ва русӣ - инглисӣ – 219 таҳсил мекунанд.

Вазири маориф ва илми Тоҷикистон гуфт, заминаи асосии рушди мактабҳои русӣ дар кишвар қабл аз ҳама худи мардум мебошанд, ки мехоҳанд фарзандони онҳо дар ин макотиб таҳсил кунанд.

"Ҳамон 49 нафар омӯзгоре, ки аз Русия барои тадрис ба Тоҷикистон омаданд, бо хоҳишу талаботи мардум ҷалб шуданд. Онҳо ҳоло дар таътиланд ва бо беҳ шудани вазъи эпидемиологӣ боз ба Тоҷикистон хоҳанд баргашт", - гуфт Муҳаммадюсуф Имомзода.

Аз 30 августи соли 2019 бо қарори ҳукумати Тоҷикистон санаде таҳти унвони "Барномаи давлатии беҳбуди таълим ва омӯзиши забонҳои русӣ ва англисӣ дар Ҷумҳури Тоҷикистон барои давраи то соли 2030" ба тасвиб расида буд, ки ба иттилои вазорати маориф ва илми Тоҷикистон, марҳалаи дуввуми он дар ҳоли анҷом буда, марҳалаи сеюмаш тарҳрезӣ мешавад.

492
Барчаспҳо:
эҳтиром, Тоҷикистон, забони русӣ, вазири маориф ва илми ҶТ
Молоток судьи, архивное фото

Ҷаримаи падаре, ки нагузошт духтараш таҳсил кунад: гуфтааст, шароит надорад

299
(Таҷдидшуда 17:26 02.03.2021)
Додгоҳи шаҳри Бохтар ҳукми падареро, ки барои таҳсили духтараш монеа эҷод мекард, содир кардааст

ДУШАНБЕ, 2 мар — Sputnik. Тибқи иттилои дафтари матбуотии додгоҳ, парвандаи ҷиноятии Раҷабов Абдукарим Маҳмадшарифович бо моддаи 164 КҶ Ҷумҳурии Тоҷикистон ба суди шаҳри Бохтар ворид шуда, тафтишоти судӣ муаян кард, ки номбурда бар хилофи талаботи моддаҳои 41 ва 46-и қонунгузорӣ "дар бораи масъулияти падару модар дар таълиму тарбияи фарзанд" амал намудаааст.

Ба иттилои манбаъ, номбурда барои гирифтани таҳсилоти ҳатмии асоси нуҳсолаи фарзанди ноболиғаш Раҷабова Майрамби Абдукаримовнаи 16-сола, ки то синфи 8-ум дар мактаби №42-и шаҳри Кулоб таҳсил карда, минбаъд давоми таҳсилоташро дар муасисаи миёнаи умумии №7-и шаҳри Бохтар идома дода, ба синфи 9-ум гузаштааст, монеъ шудааст.

Манбаъ мегӯяд, Раҷабов далели ин корашро паст будани шароити зиндагиаш унвон кардааст.

Гуфта мешавад, Раҷабов Абдукарим  аз 17 авагусти соли 2020 то инҷониб нагузоштааст, ки духтараш  таҳсилоти ҳатмии асосии нуҳсоларо идома диҳад, ки дар натиҷа номбурда аз гирифтани таҳсилот то айни замон дур  монда, соли хониши 2020-2021 умуман таҳсил накардааст.

Шароит надоранд, ё қонунро намедонанд? 30 парванда алайҳи волидон дар Суғд

Додгоҳ барои чунин амалкард Раҷабов Абдукарим Маҳмадшарифовичро дар содир кардани ҷинояти бо моддаи  164-и қонунгузорӣ гунаҳгор дониста, бо дастрасии моддаи 63-и КҶ Тоҷикистон ба андозаи 150 нишондиҳанда барои ҳисобҳо баробар ба 9000 сомонӣ ҷарима бастааст.

Ёдовар мешавем, соли гузашта дар шимоли кишвар низ барои чунин ҳолатҳо даҳҳо парвандаҳои ҷиноятӣ нисбат ба волидайни ноболиғон кушода шуда буд.

299
Барчаспҳо:
таҳсил, фарзанд, ҷарима, падар, парванда, Додгоҳ
Осим Каримзода, сардори Идораи маорифи вилояти Суғд

Русия дар Хуҷанд мактаб месозад: қабули талабаҳо тариқи озмун мешавад

635
(Таҷдидшуда 12:22 24.02.2021)
Осим Каримзода, сардори Идораи маорифи вилояти Суғд, мегӯяд, сохтмони мактаби муосир аз ҷониби Русия дар шаҳри Хуҷанд ба наздикӣ оғоз мешавад

ДУШАНБЕ, 24 фев – Sputnik. Каримзода зимни нишасти матбуотӣ гуфт, барои бунёди мактаби муосири русӣ дар маҳаллаи 8-уми шаҳри Хуҷанд қитъаи замин ҷудо шудааст.

Ӯ афзуд, рӯзҳои наздик корҳои сохтмонӣ шурӯъ мешавад.

“Ҳоло ҳамаи корҳои ободонӣ ва ҷудо намудани қитъаи замин ва ҳуҷҷатгузориҳо омода шудааст ва рӯзҳои наздик корҳои сохтмонӣ оғоз меёбанд”, - гуфт Каримзода.

Вазир: дар кишвар норасоии омӯзгорони забони русиву англисӣ вуҷуд дорад

Cохтмони мактабҳои русӣ дар панҷ шаҳр - Душанбе, Кӯлоб, Хуҷанд, Бохтар ва Турсунзода дар назар аст.

Осим Каримзода мегӯяд, мактабҳое, ки аз ҷониби Федератсияи Русия бунёд мешаванд,  дорои шароити комили таълимӣ буда, барои хонандагону омӯзгорон сохтмони хобгоҳ ҳам дар назар аст.

Манбаъ афзуд, интизор меравад, ки дар ин макотиб омӯзгорон аз Тоҷикистон ва Федератсияи Русия ба кор гирифта мешаванд. Хонандагон аз тамоми шаҳру навоҳии кишвар тибқи озмун қабул карда мешаванд.

635
Барчаспҳо:
мактаб, Тоҷикистон
Футбольный клуб Худжанд

Футболбозони клуби “Хуҷанд” ба Туркия мераванд: мақсад чист?

0
(Таҷдидшуда 20:34 05.03.2021)
Футболбозони клуби “Хуҷанд” ба Туркия сафар карда 10 рӯз он ҷо мемонанд. Пеша аз сафар раиси вилояти Суғд бо онҳо мулоқот кард

ДУШАНБЕ, 5 март - Sputnik. Раиси вилояти Суғд Раҷаббой Аҳмадзода бо футболбозони клуби "Хуҷанд" дидору мулоқот кард.

Бино ба гузориши мақомоти вилояти Суғд, раиси вилоят аснои мулоқот бо ҳайати даста гуфтааст, ки роҳбарияти вилоят дар партави дастурҳои Эмомалӣ Раҳмон ба рушди намудҳои варзиш, аз ҷумла футбол таваҷҷуҳи зарурӣ зоҳир намуда, клубҳои футболро мунтазам дастгирӣ менамояд.

Дар ин росто бозингарони дастаи "Хуҷанд"  бо мақсади баланд бардоштани маҳорату малака ва омодагӣ ба мавсими нави футбол, инчунин омӯзиши техникаҳои нави бозии футбол ба Ҷумҳурии Туркия сафарбар карда мешаванд.

"Бозингарони "Хуҷанд" давоми 10 рӯз дар Туркия се бозии рафиқона анҷом дода, барои иштирок дар чемпионатҳо омодагӣ мебинанд", - омадааст дар хабарнома.

Таъкид гардида, ки минбаъд дастаҳои футболи "Эсхата" ва "Истаравшан" низ барои такмили маҳорат ва мубодилаи таҷриба ба кишварҳои дуру наздик фиристода мешаванд.

Раиси вилоят дар поёни мулоқот ба шахсони масъул ҷиҳати беҳтар намудани шароити бозингарон, омодагии ҳамаҷонибаи дастаҳои футбол дар лигаи олӣ, рушди варзиш дар шаҳру навоҳӣ супоришҳои мушаххас додааст.

0
Барчаспҳо:
Раҷаббой Аҳмадзода, Туркия, Хуҷанд, Футбол