Хафиз Рахмон, преподавалеь Таджикского национального университета

Ин “план”- и пахта нест: Чанд андешаи Ҳафиз Раҳмон оид ба озмуни “Фурӯғ”

676
(Таҷдидшуда 13:21 09.12.2020)
Ҳафиз Раҳмон, яке аз донандагони хуби адабиёти ҷаҳон, устоди Донишгоҳи миллии Тоҷикистон, чанд андешаашро оид ба озмуни ҷумҳуриявии “Фурӯғи субҳи доноӣ китоб аст” нигошта, аз доиркуннадагони даври қаблии он изҳори норозигӣ кардааст

ДУШАНБЕ,  9 дек — Sputnik. Номбурда, ки яке аз ҳакамони даври хотимавии озмун мебошад, дар саҳфаи фейсбукияш навиштаст, ки дар вилоятҳо дуруст кор накардаанд, баъзеҳоро аз ҳамон қисмати вилоятии озмун ҷавоб додан лозим буд.

“Шояд ҳакамони вилоятҳо ба номгӯйи китобҳои пешниҳодшуда аҳамият надодаанд ва ё аз дилсӯзӣ иҷоза додаанд, ки баъзе довталабони носазовор ба озмуни ҷумҳурӣ бираванд, бигзор дар он ҷо ҳар коре мехоҳанд, бикунанд... Ин ҳамон ҳодисаи латифамонанди зиндаёд Ашӯр Сафарро ба ёд меорад, ки намедонам, воқеият дошта бошад ё на. Назди Ашӯр Сафар хабарнигоре омада, суол мекунад, ки “Шумо бештар дар кадом вазни шеър эҷод карданро дӯст медоред?”. Посухи Ашӯр Сафар: “Ман вазн-пазнро намедонам, шеър менависаму равон мекунам ба чоп, ба Душанбе. Он ҷо Воҳид Асрорӣ ҳаст, ӯ муайян мекунад, ки вазнаш кадом аст...”,-навиштааст, Ҳафиз Раҳмон.

Ба иттилои манбаъ, бо чанд довталаб (ки ҳоло ном гирифтанашон то охири озмун дуруст нест) ҳамин ҳолатро ба мушоҳида гирифтам: он китобҳое, ки дар номгӯй ҳаст, бархе довталабон нахондаанд ва дар вилоятҳо инро пайхас накардаанд ё фаҳмидаанду қасдан равон кардаанд, бад-ин маъно, ки бигзор дар Душанбе ҳал кунанд...

“Гумонам, агар масъулият пешкор мешуд, миқдори андаки довталабон ба озмуни ҷумҳурӣ меомад, ҳам хароҷот кам мешуду ҳам сифат хубтар... О, ин “план”- и пахта нест-ку, ки миқдор муҳим бошад...”,-навиштааст, устоди ДМТ.

Ба гуфтаи Ҳафиз Раҳмон, аз довталабе ду асари Ҷек Лондонро пурсон шуд, яке “Шинаго” ва дигаре “Дар талоши ҳаёт”-ро. На қаҳрамонашонро медонад, на равиши воқеаҳоро... На анҷоми ҳодисаи сужетро... Ё агар “Ромео ва Ҷулйетта”- ро агар хонда бошӣ, чӣ гуна мешавад, ки Лоренсоро нашиносӣ...

“Донишҷӯдухтаре дар номгӯйи осори хондаву “ҳазмкардааш” як ҳикояи донишманди муҳтарам, устоди факултаи забонҳои Осиё ва Аврупои ДМТ Азим Байзоевро ворид кардааст, аммо ҳар қадар пурсон шудем, намедонад, ки ин шахси муътабар кисту аз куҷост... Ҳатто намедонад, ки тоҷик аст...”,-навиштааст, ӯ.

Довари озмун ҳамзамон чанд мисоли дигарро низ овардааст, ки иддае аз иштирокчиён хуб омода нестанд ва ба суолҳои додааш оид ба асари хондаашон изҳори бехабарӣ мекунанд аз кори ҳакамони давраҳои поёнӣ изҳори нигаронӣ карда гуфтааст, ки чигуна чунинҳоро пай набурдаанд.

Номбурда мегӯяд,  ҳамзамон дар баробари ин камбудиҳо далелҳои хуб ҳам буд, масалан, хонуми китобдоре аз ноҳияи Бобоҷон Ғафуров (57-сола) ончунон дар саҳна сухан мегуфт ва асарҳоро таҳлил мекард, ки ҳаваси кас меомад.

“Ҳамон асарҳоеро дар номгӯй овардааст, ки воқеан хондааст. Осори адибони русро хеле хуб аз бар намудааст. Посухҳо ва тарзи баёнаш ба довари ниҳоят сахтгири гурӯҳамон Марина Русакова ниҳоят писанд омад, ба банда низ... Банда аз 5 асари адибони амрикоиву аврупоӣ пурсон шуда, посухҳои дуруст гирифтам, офаринашон...”,-навиштааст, номбурда.

Ҳафиз Раҳмон бо ситоиш аз Лайло ном духтараки синфи панҷум аз Хуҷанд гуфтааст, бандаро қойил кард: “196 асар дар рӯйхаташ (аксарият махсуси кӯдак) ва наздик ба як китоб шеъри азёдшуда. Акнун ба қиёс мегирам: донишҷӯйи филолог ва хонандаи синфи панҷ... Як бому ду ҳаво! Қонун иҷоза намедиҳад, вагарна ҷойи инҳоро иваз кардан лозим...”,-навиштааст, Раҳмон.

676
Барчаспҳо:
ширкат, андеша, озмун, Тоҷикистон
Абдукодир Тошкулов, наблюдатель из Узбекистана

Парлумони Ӯзбекистон таъйини як тоҷик ба мақоми вазириро тасдиқ кард

1468
(Таҷдидшуда 16:30 14.01.2021)
Абдуқодир Тошқулови 45-cола, зодаи ноҳияи Бойсуни вилояти Сурхондарёи Ӯзбекистон аз шахсони боэътимоди Шавкат Мирзиёев гуфта мешавад

ДУШАНБЕ, 14 январ - Sputnik. Палатаи поёнии парлумони Ӯзбекистон рӯзи 13 январ номзадии Абдуқодир Тошқуловро ба вазифаи вазири маълумоти олӣ ва миёнаи махсус пешниҳод кард, хабар медиҳад Sputnik  Ӯзбекистон ба нақл аз хадамоти матбуоти Олий Маҷлиси Ӯзбекистон.

Ба иттилои манбаъ, тибқи тартиб, дар марҳилаи оянда пас аз тасдиқи фармон аз ҷониби Шавкат Мирзиёев, президенти Ӯзбекистон, Абдуқодир Тошқулов метавонад ба кор оғоз кунад.

Ӯ дар ин мақом Инъом Маҷидовро, ки аз соли 2017 дар ин курсӣ менишаст, иваз хоҳад кард.

Абдуқодир Тошқулови 45-cола, зодаи ноҳияи Бойсуни вилояти Сурхондарёи Ӯзбекистон аз шахсони боэътимоди Шавкат Мирзиёев гуфта мешавад.

Соли 2017 бо қарори ҳукумати Ӯзбекистон Абдуқодир Тошқулов ректори Донишгоҳи давлатии Тирмиз таъйин шуд ва худи ҳамон сол сенатори Ӯзбекистон интихоб шуд.

Узви Сенати Ӯзбекистон Абдуқодир Тошқулов дар интихоботи парлумонии Тоҷикистон, ки 1 марти соли 2020 ва интихоботи президентии Тоҷикистон, ки 11 октябри соли 2020 баргузор гардид, нозир буд.

"Абдуқодир Тошқулов, миллаташ тоҷик пай дар пай ду даъват - аз соли 2009 то 2017 вакили палатаи поёнии парлумони Ӯзбекистон буд", -  омадааст, дар иттилоияи Комиссияи марказии интихоботии ҷумҳурӣ.

1468
Барчаспҳо:
парлумон, мақом, тоҷик, Ӯзбекистон
Азизбек Зумратов - учитель химии лицея №3 для одаренных школьников г. Душанбе

Дар Душанбе ғолиби озмуни "Омӯзгори соли Тоҷикистон-2020" муайян шуд

488
(Таҷдидшуда 13:00 14.01.2021)
Дар Тоҷикистон ғолиби озмуни "Омӯзгори соли Тоҷикистон-2020" муайян шуд. Давоми 3 рӯз донишу малакаи довталабон аз рӯйи 7 шарт санҷида шуд.

ДУШАНБЕ, 14 январ - Sputnik. Муаллими фанни химияи Литсейи №3 барои хонандагони болаёқат дар шаҳри Душанбе, Азизбек Зумратов ғолиби озмуни "Омӯзгори соли Тоҷикистон-2020" дониста шуд, хабар медиҳад Вазорати маорифи Тоҷикистон.

Тибқи иттилои маркази матбуоти Вазорати маориф давоми 3 рӯз донишу малакаи довталабон аз рӯйи 7 шарт санҷида шуд.

Раиси ҳайати ҳакамони озмун Манзура Мадатзода изҳор дошт, ки тибқи талаботи низомнома, доварон маҳорату малака ва донишу ҷаҳонбинии  ҳар довталабро таҳлил намуда, баҳо гузоштанд. Дар баробари ин, иҷрои талаботи ҳар шарт миёни иштирокдорон муҳокима гардида,  андешаи онҳо низ аз тарафи ҳайати ҳакамон ба инобат гирифта шуд.

"Ҷойи дуюмро омӯзгори фанни биологияи муассисаи таълимии махсусгардонидашуда барои хонандагони болаёқат дар ноҳияи Бобоҷон Ғафуров Дилором Ҷалолова, ҷойи сеюмро  омӯзгори фанни географияи Мактаби президентӣ дар шаҳри Кӯлоб Некрӯз Турсунзода ва омӯзгори забони англисии литсейи Оғохон дар шаҳри Хоруғ Сайлӣ Наврӯзбекова ба даст оварданд", - омадааст дар хабарнома.

Омӯзгорони пирӯз бо туҳфаҳои кумитаи тадорукоти озмун қадрдонӣ гардиданд.

Инчунин омӯзгори забони русии муассисаи таҳсилоти миёнаи умумии №8-и ноҳияи Шаҳринав, Тоҳирҷон Холиқов барои иштироки фаъолона дар озмун бо Ифтихорномаи Вазорати маориф қадрдонӣ гардид.

Шогирд ба устод ниёз дорад: норасоии омӯзгорон дар ҶТ

Вазири маориф ва илм Муҳаммадюсуф Имомзода  иброз дошт, ки Вазорати маориф ҳамеша омода аст омӯзгорони пешқадаму навовар ва эҷодкорро дастгирӣ ва меҳнати онҳоро қадрдонӣ намояд. Озмун имкон дод, ки иштирокдорон таҷрибаи педагогии худро муаррифӣ намуда, дар дарсҳо маҳорату малакаи хешро нишон диҳанд.

Мавсуф зикр кард, ки вобаста ба истифодаи роҳу усулҳои муосири таълим дар рӯзнома ва маҷаллаҳои соҳавӣ мақолаҳо ба табъ расонанд ва ба ин васила, дар беҳтар гардонидани сифати таҳсил, баланд бардоштани дониш ва тавсеаи ҷаҳонбинии хонандагону донишҷӯён, тарбияи онҳо дар рӯҳияи ватандӯстӣ ва эҳтиром ба арзишҳои миллию умумибашарӣ саҳми босазо гузоранд.

488
Барчаспҳо:
ғолиб, Вазорати маориф, "Муаллими сол", Тоҷикистон
В московском Музее Востока открылась выставка В тени вершин

Ифтитоҳи намоишгоҳи саноати дастӣ ва маҳсулоти кишоварзии Афғонистон дар Душанбе

0
(Таҷдидшуда 20:10 16.01.2021)
Намоишгоҳи саноати дастӣ ва маҳсулоти кишоварзии Афғонистон дар шаҳри Душанбе баргузор шуд

ДУШАНБЕ, 16 янв — Sputnik. Маҳсулоти 27 ширкати афғонистонӣ ва корҳои дастии афғонҳои муқими Тоҷикистон дар 40 ғурфаи ин намоишгоҳ арза шудааст, иттилоъ додааст АМИТ  “Ховар”.

Бино бар иттилои манбаъ, ширкатҳои афғонистонӣ дар ин намоишгоҳ колоҳое монанди саноати дастӣ, фарши дастбоф, зарфҳои суфолӣ ва мисӣ, либосҳои суннатӣ ва маҳсулоти кишоварзиро дар маърази диди умум қарор додаанд.

Муҳаммадзоҳир Ағбар, сафири Афғонистон дар Душанбе дар маросими ифтитоҳи ин намоишгоҳ гуфт, ки дар ояндаи наздик низ намоишгоҳи сангҳои қимматӣ ва нимақиматии кишвараш дар пойтахти Тоҷикистон баргузор мешавад.

Вай таъкид кард, ки баргузории чунин намоишгоҳҳо мӯҷиби тақвияти ҳамкориҳои иқтисодӣ ва тиҷории Афғонистону Тоҷикистон хоҳад шуд.

Сафирон ва масъулони теъдоде аз кишварҳои хориҷии муқими Душанбе, намояндагони утоқи саноат ва бозаргонии Тоҷикистон ва фаъолони бахши хусусии ин кишвар аз намоишгоҳи саноати дастӣ ва маҳсулоти кишоварзии Афғонистон боздид карданд.

0
Барчаспҳо:
баргузор, саноат, Душанбе, намоишгоҳ, Афғонистон