Школьный класс новой средней школы № 102 в Шохмансурском районе

Маълум шуд, ки Русия кай ба сохтмони мактабҳо дар Тоҷикистон шурӯъ мекунад

316
(Таҷдидшуда 12:36 26.12.2020)
Русия тобистони соли оянда ба бунёди мактабҳо дар Тоҷикистон шурӯъ мекунад ва таълим дар онҳо ба забони русӣ хоҳад буд

ДУШАНБЕ, 26 дек - Sputnik. Сохтмони панҷ мактаби дорои таълими забони русӣ дар қаламрави Тоҷикистон ба нақша гирифта шудааст, гуфт Игор Бурулко, котиби якуми сафорати Русия дар Душанбе зимни як нишасти матбуотӣ.

"Чанд рӯз қабл Ҳукумати Федератсияи Русия барои пешрафти кори пудратчии генералӣ маблағ ҷудо кард, майдонҳо барои сохтани биноҳо муайян карда шуданд", - гуфт ӯ.

Ҳукумати Русия 18 декабр барои сохтмони мактабҳои русӣ дар Тоҷикистон 30 миллион доллар ҷудо кард, фармонро сарвазири Русия Михаил Мишустин имзо кард.

Тибқи қарори ҳукумат, маблағҳои ҷудошуда дар давоми солҳои 2020-2021 ба Душанбе фиристода мешаванд.

Аввалин 3 миллион доллар то охири соли равон интиқол дода мешавад. Маблағҳо барои татбиқи марҳилаи дуюми корҳои лоиҳакашӣ ва марҳилаи сеюми корҳои сохтмону монтаж сарф карда мешаванд.

Бурди Тоҷикистон аз даъвати омӯзгорони рус

"Сохтмони панҷ мактаб, ки дар қаламрави Тоҷикистон ба забони русӣ таълим хоҳанд дод, мумкин аст тобистони соли 2021 оғоз шавад",- гуфт котиби аввал.

Бурулко қайд кард, ки сохтмон дар доираи созишномаи байни Тоҷикистон ва Русия, ки аз ҷониби президентҳои ду кишвар моҳи апрели соли 2019 ба имзо расидааст, сурат мегирад. Тибқи ин санад, мактабҳо дар панҷ шаҳр - Душанбе, Кӯлоб, Хуҷанд, Бохтар ва Турсунзода сохта мешаванд, ки ҳар кадоми онҳо 1,2 ҳазор хонанда хоҳанд дошт.

"Моҳи феврал натиҷаҳои озмун барои муайян кардани пудратчии генералӣ ҷамъбаст карда мешаванд, ки он як ширкати Русия ва сипас субпудратчӣ - ташкилотҳои Тоҷикистон хоҳад буд", - гуфт ӯ.

Ҷониби Русия сохтмон ва муҷаҳҳаз кардани мактабҳоро бо ҳама чизҳои зарурӣ, аз ҷумла утоқҳои кории тиббӣ маблағгузорӣ мекунад. Тоҷикистон аз ҳисоби худ ӯҳдадор аст алоқаи коммуникатсионӣ ва роҳҳои воридшударо созад.

Пас аз ба истифода додани мактабҳо, таълим дар онҳо тибқи стандартҳои таълимии Русия сурат мегирад.

50 омӯзгори рус барои таълим додани хонандагон, озими Тоҷикистон шуданд

Дипломат афзудааст, ки ҷониби Русия ҳамзамон дар баробари сохтани ин иншоот дар шаҳрҳои Тоҷикистон ҳамзамон тамоми таҷҳизот ва китобҳои дарсии зарурӣ барои мактабҳоро харидорӣ ва тақсим мекунад.

316
Барчаспҳо:
сохтмон, мактаб, Тоҷикистон, Русия
Абдуқодир Тошқулов, вазири маорифи Ӯзбекистон, акс аз бойгонӣ

Норозигии вазири тоҷиктабори навтаъйин дар Ӯзбекистон аз коғазу маҷлисбозӣ ва беташаббусӣ

226
(Таҷдидшуда 20:18 24.01.2021)
Абдуқодир Тошқулов, ки ба тозагӣ аз ҷониби президенти Ӯзбекистон Шавкат Мирзиёев ба вазифаи вазири таҳсилоти олӣ ва миёнаи махсус таъйин шуд, гуфтааст, ки таассуроти рӯзҳои аввали кор дар ин вазорат вайро ҳаргиз қаноатманд намесозад

ДУШАНБЕ, 24 янв— Sputnik. Тошқулов гуфт, дар ин ҷо касе ташаббускорӣ намекунад, зеро тартиби кор дуруст ташкил нашудааст, захираҳои инсонӣ нодуруст идора мешаванд, хабар додааст хабарнигори сомонаи “Фараж” дар Тошканд бо такя ба дафтари матбуоти вазорат дар саҳифаи шабакаи интернетии худ навиштааст.

“Ходимон аз ҷиҳати равонӣ ва ҷисмонӣ хаста шудаанд. Чунин ба назар мерасад, ки онҳо ба оила ва тарбияи фарзандони худ расидагӣ намекунанд. Дар ҷое, ки озод кор кардан ва фикрронӣ нест, барои истироҳат шароит фароҳам оварда нашудааст, натиҷаи кори босамарро талаб кардан имконнопазир мегардад”, - гуфтааст Абдуқодир Тошқулов.

Манбаъ афзуд, ки вазир аз фаъолияти баъзе сохторҳои ин ниҳод ибрози норизоӣ кардааст Ӯ зарур хондааст, ки минбаъд фаъолияти ин сохторҳо мунтазам мониторинг карда мешавад ва мутахассисони хуб қадрдонӣ, вале шартномаи онҳое, ки аз ӯҳдаи иҷрои кори худ намебароянд, бекор карда мешавад.

Ба гузориши “Фараж”, вазири навтаъйин тақозо намудааст, ки ба коғазбозиҳои беҳуда хотима гузоранд, баҳудаву беҳуда маҷлисбозӣ накунанд, ба кору вазифаашон бо эҳсоси масъулият муносибат намоянд.

Абдуқодир Тошқулов аз адами шароит барои профессорҳо-устодони макотиби олӣ ибрози нигаронӣ карда, афзудааст, ки шунидани ҳарфу дарди роҳбарони он аз вазифаҳои муҳими ӯ хоҳанд буд.

Натоиҷи интихоботи такрории Ӯзбекистон эълон гардид: се вакил тоҷиктабор ҳастанд

Тошқулов, ки 29 августи соли 1976 дар деҳаи Пасурхии ноҳияи Бойсуни вилояти Сурхондарё зода шуда, миллаташ тоҷик мебошад, ахиран аз ҷониби президент ва парлумони Ӯзбекистон ба мақоми вазирӣ таъйин гардид.

Бар асоси ҳолнома, Тошқулов соли 1998 факултаи молия ва қарзи Донишгоҳи давлатии Тирмизро хатм кардааст ва дар ҳамин донишгоҳ ба фаъолият оғоз намудааст. Номзади илмҳои иқтисодӣ мебошад. Абдуқодир Тошқулов узви Ҳизби либерал-демократии Ӯзбекистон аст ва дар соли 2017 ректори Донишгоҳи давлатии Тирмиз таъйин шуда, то таъйиноти наваш дар ин мақом кор кардааст.

226
Барчаспҳо:
таъйин, вазир, Ӯзбекистон
Президент Республики Таджикистан Эмомали Рахмон

Эмомалӣ Раҳмон дар "Шаҳраки донишҷӯён" хобгоҳ ва бинои нав ифтитоҳ кард

1204
(Таҷдидшуда 13:10 22.01.2021)
Кишвардори Тоҷикистон ва раиси шаҳри Душанбе дар "Шаҳраки донишҷӯён" бинои нави факултаи иқтисод ва молияро мавриди истифода қарор доданд

ДУШАНБЕ, 22 янв — Sputnik. Имрӯз бо иштироки раисҷумҳури Тоҷикистон Эмомалӣ Раҳмон ва раиси шаҳри Душанбе Рустами Эмомалӣ дар Донишгоҳи милли Тоҷикистон бинои нави факултаи иқтисод ва молия ва ҳамчунин хобгоҳи замонавӣ барои донишҷӯён мавриди истифода қарор дода шуд.

Ба иттилои котиботи раисҷумҳури Тоҷикистон, бинои нави таълимии факултетҳои иқтисодии Донишгоҳи миллии Тоҷикистон барои дар ду баст ба таҳсил фаро гирифтани 5048 нафар пешбинӣ шудааст.

Раҳмон дар Балҷувон аз бинои Хадамоти муҳоҷират то хобгоҳ ва боғчаи кудакон ифтитоҳ кард

Иншооти мазкур аз ду қисми 7-ошёнагӣ иборат буда, дар он факултети молиявию иқтисодӣ, иқтисод ва идора, баҳисобгирӣ ва иқтисоди рақамӣ ҷойгир мебошад.

Таъкид гардидааст, ки бинои нави таълимии факултетҳои иқтисодии Донишгоҳи миллии Тоҷикистон бо дастгирии Ҳукумати Ҷумҳурии Тоҷикистон аз ҷониби ширкати сохтмонии ватанӣ Ҷамъияти Дорои Масъулияти Маҳдуди "Азизӣ-сохтмон" бо тарҳи наву замонавӣ сохта шудааст.

Раҳмон гуфт, дар панҷ сол ҳоҷати воридот намемонад: ифтитоҳи корхонаи санги хорову мармар

Аснои шиносоӣ роҳбари давлат ба сифати корҳои сохтмонӣ ва тарҳи бино, ки аз ҷониби мутахассисони ватанӣ анҷом дода шудааст, баҳои баланд дод.

Раисҷумҳур пас аз ифтитоҳи иншоот аз устодон ва кормандони соҳаи илму маориф талаб намуд, ки дар самти тарбия намудани ҷавонони худогоҳу худшинос ва мутахассисони варзидаи талаботи бозори меҳнат бештар таваҷҷуҳ намоянд.

1204
Барчаспҳо:
ифтитоҳ, бино, хобгоҳ, Рустами Эмомалӣ, Эмомалӣ Раҳмон
Вакцина

Эрон ҳам ба зуддӣ эмгузарониро оғоз мекунад

0
(Таҷдидшуда 00:34 25.01.2021)
Вазири беҳдошт, дармон ва омӯзиши пизишкии Эрон гуфт, эмгузаронӣ бо ваксини зидди вируси корона дар Эрон ба зудӣ оғоз мешавад

ДУШАНБЕ, 25 янв— Sputnik.  Саиди Намакӣ, вазири беҳдошт, дармон ва омӯзиши пизишкии Эрон ахиран  бо ишора ба талош барои сохти ваксинаи коронаии Эрон афзуд, ки воридоти ваксинаи зидди корона ба кишвар ба зудӣ оғоз мешавад, иттилоъ додааст радиои тоҷикии Садои Хуросон.

Намакӣ афзуд, ки бо воридоти ваксинаи зииди вируси корона, эмгузаронӣ барои гурӯҳҳои ҳассосу пурхатар оғоз мешавад.

СММ ба тақсими ваксина алайҳи COVID - 19 шурӯъ кард: Тоҷикистон низ дар рӯйхат аст

 Ҳамчунин Ҳуҷҷатуллоҳи Некии Маликӣ, раиси маркази итилоърасонии ситоди иҷроии фармони ҳазрати Имом (р) гуфт: “Пас аз баррасии саломати 21 довталабе, ки ваксинаи корони тавлидшуда дар Эрон ба онҳо тазриқ шуда аст,  муҷаввизи тазриқ барои 14 довталаби дигар содир шуд”.

Марҳилаи аввали тазриқи инсонии мутолиъоти болинии нахустин ваксинаи коронаи сохти муҳаққиқони эронӣ бо номи  “Кув Эрон баракат” 29 декабри 2020 рӯй довталабон оғоз шуд.

0
Барчаспҳо:
беҳдошт, вазир, вируси корона, эмгузаронӣ, Эрон