Донишҷӯён, акс аз бойгонӣ

Сербия барои донишҷӯёни тоҷикистонӣ бурсияҳои таҳсил ҷудо кардааст

101
(Таҷдидшуда 12:38 27.01.2021)
Вазорати маориф ва илми Тоҷикистон хабар додааст, ки Ҳукумати Сербия барои таҳсили донишҷӯёни тоҷик дар ин кишвар ду бурсия ҷудо кардааст

ДУШАНБЕ, 27 янв — Sputnik. Муассисаи давлатии “Маркази барномаҳои байналмилалӣ”-и Вазорати маориф ва илми Тоҷикистон ба маълумоти довталабон расондааст, ки ду бурсияи таҳсил дар Сербия ҷудо шудаанд.

Открытие нового здания факультета политики и государственного управления Государственного университета Бохтара
© Официальная страница пресс-службы президента РТ в Facebook

Ба иттилои манбаъ, Сербия ду бурсияи таҳсилии барномаи “Ҷаҳон дар Сербия” барои шаҳрвандони Тоҷикистонро ҷудо намудааст. 

Барномаи мазкур аз ҷониби Ҳукумати Сербия маблағгузорӣ гардида, пардохти хароҷоти таҳсил дар зинаҳои бакалавр, магистратура ва докторантура дар бар мегирад.

Ба иттилои хабаргузории “Ховар”, дар доираи барнома  пардохти хароҷоти ҷойи хоб, хурду хӯрок дар марказҳои донишҷӯён ва стипендияи моҳона дар ҳаҷми 150 доллари амрикоӣ пешбинӣ шудааст.

Таъкид шудааст, ки муҳлати қабули ҳуҷҷатҳо то 28 январи соли равон мебошад. Аз хоҳишмандон даъват шудааст, ки барои супоридани ҳуҷҷатҳо ба Муассисаи давлатии “Маркази барномаҳои байналмилалӣ”, воқеъ дар шаҳри Душанбе, кӯчаи Мирзо Турсунзода, 47 муроҷиат намоянд.

101
Барчаспҳо:
таҳсил, бурсия, Сербия, Тоҷикистон
Осим Каримзода, сардори Идораи маорифи вилояти Суғд

Русия дар Хуҷанд мактаб месозад: қабули талабаҳо тариқи озмун мешавад

625
(Таҷдидшуда 12:22 24.02.2021)
Осим Каримзода, сардори Идораи маорифи вилояти Суғд, мегӯяд, сохтмони мактаби муосир аз ҷониби Русия дар шаҳри Хуҷанд ба наздикӣ оғоз мешавад

ДУШАНБЕ, 24 фев – Sputnik. Каримзода зимни нишасти матбуотӣ гуфт, барои бунёди мактаби муосири русӣ дар маҳаллаи 8-уми шаҳри Хуҷанд қитъаи замин ҷудо шудааст.

Ӯ афзуд, рӯзҳои наздик корҳои сохтмонӣ шурӯъ мешавад.

“Ҳоло ҳамаи корҳои ободонӣ ва ҷудо намудани қитъаи замин ва ҳуҷҷатгузориҳо омода шудааст ва рӯзҳои наздик корҳои сохтмонӣ оғоз меёбанд”, - гуфт Каримзода.

Вазир: дар кишвар норасоии омӯзгорони забони русиву англисӣ вуҷуд дорад

Cохтмони мактабҳои русӣ дар панҷ шаҳр - Душанбе, Кӯлоб, Хуҷанд, Бохтар ва Турсунзода дар назар аст.

Осим Каримзода мегӯяд, мактабҳое, ки аз ҷониби Федератсияи Русия бунёд мешаванд,  дорои шароити комили таълимӣ буда, барои хонандагону омӯзгорон сохтмони хобгоҳ ҳам дар назар аст.

Манбаъ афзуд, интизор меравад, ки дар ин макотиб омӯзгорон аз Тоҷикистон ва Федератсияи Русия ба кор гирифта мешаванд. Хонандагон аз тамоми шаҳру навоҳии кишвар тибқи озмун қабул карда мешаванд.

625
Барчаспҳо:
мактаб, Тоҷикистон
Школьники идут по улице города Душанбе

“Шаҳри ҳушманд” дар 50 мактаб барномаи “eDonish”-ро фаъол месозад

167
Корхонаи воҳиди давлатии “Шаҳри ҳушманд” – “Smart City”-и ҳукумати Душанбе барномаи электронии “eDonish”-ро дар 50 мактаби пойтахт фаъол мекунад

ДУШАНБЕ, 22 фев — Sputnik. Раёсати маорифи шаҳри Душанбе хабар дод, ки феълан барномаи электронии “eDonish” дар 5 муассиса фаъол буда, дар 20 муассисаи дигар муаррифӣ гардид. Дар назар аст, ки ояндаи наздик дар 50 мактаби шаҳри Душанбе роҳандозӣ гардад, хабар дод “Ховар” аз қавли раёсати маорифи пойтахт.

Манбаъ тавзеҳ дод, ки барномаи “eDonish” хизматрасонии электронӣ мебошад, ки тавассути он волидони хонандагони муассисаҳои таълимӣ аз ахлоқу рафтор ва пешрафти донишомӯзии фарзандони худ бо истифода аз воситаҳои иттилоотиву коммуникатсионии муосир ва гирифтани паёмакҳо ба телефонҳои ҳамроҳ ба таври доимӣ бохабар мешаванд.

“Ин барнома ҳамчунин шомили унсурҳои мухталифи иттилоотӣ, аз ҷумла журнал ва рӯзномаи электронӣ, ҷадвали дарсҳои асосӣ ва иловагӣ, назорати давомоти хонандагон ва мониторинги сатҳи дониши онҳо мебошад”, - омадааст дар иттилоия.

Зикр гардидааст, ки тавассути ин барнома волидон метавонанд вазифаҳои хонагии фарзандонашонро аз фанҳои таълимӣ, супоришҳои омӯзгорон ва дигар маълумоти заруриро, ки аз маъмурияти муассисаи таълимӣ мерасанд, бо паёмак ба телефон дастрас намоянд.

Таъкид шудааст, ки барномаи “eDonish” ба муассисаҳои таълимӣ имкон медиҳад, ки бо волидайни хонандагон робитаи боз ҳам зичтар ва доимӣ барқарор намоянду роҷеъ ба раванди таҳсили ҳар хонанда ва сатҳи пешрафти онҳо дар робита бошанд.

167
Барчаспҳо:
фаъолон, барнома, маориф, Тоҷикистон
Дворец нации

Президенти Тоҷикистон 1 март бо Мирраҳмон Раҳмонӣ мулоқот мекунад

228
Мулоқоти Эмомалӣ Раҳмон, раисиҷумҳури Тоҷикистон ва Мирраҳмон Раҳмонӣ, раиси Вулуси Ҷиргаи Афғонистон 1 март дар назар аст

ДУШАНБЕ, 27 фев — Sputnik. Маҷлиси намояндагони Тоҷикистон мегӯяд, нимаи дуюми имрӯз раиси Вулуси Ҷиргаи Шӯрои миллӣ - парлумони Ҷумурии Исломии Афғонистон Мирраҳмон Раҳмонӣ ба Тоҷикистон меояд.

Ба иттилои котиботи Маҷлиси намояндагон, дар назар аст, ки имрӯз Раҳмонӣ бо Сироҷиддин Муҳриддин, вазири умури хориҷии Тоҷикистон мулоқот кунад.

Мулоқоти раиси парлумони Афғонистон бо раисиҷумҳури Тоҷикистон 1 март дар назар аст.

Гуфтушунид бо Маҳмадтоир Зокирзода, раиси Маҷлиси намояндагон, Завқӣ Завқизода, вазири рушди иқтисод ва савдо ва Юсуф Раҳмон, додситони кулли Тоҷикистон аз бандҳои дигари барномаи сафари Мирраҳмон Раҳмонӣ ба Тоҷикистон мебошад.

Хабаргузории "Ховар" аз қавли котиботи Маҷлиси намояндагон хабар додааст, ки дар доираи сафари расмӣ ҳайати меҳмонон аз Осорхонаи миллии Тоҷикистон ва Кохи Наврӯз низ дидан хоҳанд кард.

Ин сафар дар ҳолест, ки масоили амниятӣ аз мавзӯъҳои меҳварии муносиботи Тоҷикистону Афғонистон мебошанд. Дар пасманзари таҷаммӯи бархе аз гуруҳҳои ҷангҷӯён дар шимоли Афғонистон мақомоти тоҷик азм доранд, ҳифзи марз бо ин кишварро таҳким бахшанд.

228
Барчаспҳо:
амният, Афғонистон, парлумон, низомиён, Тоҷикистон