Председатель ГБАО Ёдгор Файзов

Вокуниши Ҳукумат баъди маҳдудсозии дарси “Ахлоқу маърифат” ва норозигии бархе исмоилиён

2591
(Таҷдидшуда 13:04 02.02.2021)
Гуруҳи сокинони Вилояти Мухтори Куҳистони Бадахшон баъди маҳдуд намудани дарси “Ахлоқ ва маърифат” барои исмоилиён дар вилоят хостори дубора роҳандозӣ кардани ин дарс шуданд

ДУШАНБЕ, 2 фев – Sputnik. Дар пайи баҳсҳо атрофи манъи дарси “Ахлоқ ва маърифат” ва норозигии бисёре аз корбарон дар шабакаҳои иҷтимоӣ, Ёдгор Файзов, раиси ВМКБ бо масъулини давлатии умури дин ва созмонҳои ҷамоатӣ ҷаласа баргузор кард.

Тибқи иттилои котиботи ҳукумати ВМКБ, таълими дарси “Ахлоқ ва маърифат” дар муассисаҳои таълимии қаламрави вилоят аз солҳои 90-уми асри гузашта, дар асоси иҷозатномаи Вазорати маориф ва илми Тоҷикистон ва инчунин Кумитаи дини кишвар расман иҷозат буд.

“Бо гузашти аём бо дарназардошти роиҷ будани таълимоти дунявӣ дар муассиаҳои таълимии давлатӣ ва зиëд шудани шумораи кӯдакони ғайриисмоилӣ дар мактабҳои вилоят, бахусус дар шаҳри Хоруғ, камчинии вақт, соатҳои дарсӣ,  синфхонаҳо ва дигар мушкилоти динии ҷаҳони имрӯза таълими ин дарс муваққатан боздошта шудааст”, - гузориш дод котиботи ҳукумати ВМКБ.

Пешниҳодҳои Файзов ва интизории эҳёи дубораи дарсҳо

Файзов бо ишора ба таҷрибаи таълими ин фан дар кулли мамолики дигаре, ки дар он ҷамоати исмоилия иқомат дорад, якчанд роҳи таълими ин фанро пешниҳод намуд.

“Баъди ҳаматарафа санҷидани ҳамаи паҳлуҳои шаклҳои пешниҳодшуда,  ширкатдорон аз мактаб баровардани ин фанро тақозои замон дониста, дар сатҳи маҳал - ҷамоатхона, хонаҳо, биноҳои шахсӣ ташкили он барои кӯдакон ва волидайнро ба мақсад мувофиқ шумориданд”, - омадааст дар иттилоия.

Мақомоти иҷроияи хокимияти давлатии вилоят ва созмони ИТРЕБ ба мувофиқа расиданд, ки масъаларо ҳаматарафа омӯхта, ҳуҷҷатҳои заруриро омода сохта, бо органҳои болоии худ мувофиқа мекунанд. Тасмим гирифта шуд, ки уҳдадории ҳарду тараф бояд хеле равшан возеъ муайян карда шавад.

Ба иттилои котиботи ҳукумати ВМКБ, интизор меравад, ки рӯзҳои наздик коршиносони мақомоти давлатӣ ва намояндагони таълимоти мазҳабӣ, модели навро хуб кор карда, таълими ин фан дубора шурӯъ мешавад. Таъкид шудааст, ки дарси мазкур, холӣ аз ҳамаи намудҳои хурофот, бартарӣ додани мақоми як мазҳаб ва ë равия нисбати дигар мазҳаб ва таълимоти диниву экстремистӣ буда, фақат ғояҳои ахлоқу маърифатро ба кӯдакон пешкаш менамояд.

Манбаъ афзуд, ки имрӯз ҷамоати исмоилия аз ҳамаи ҳуқуқҳои худ бархӯрдор буда, бо ҳамаи мусулмонон ва пайравони динҳои дигар дар мамлакат баробар ва дӯстона зиндагӣ ва кор мекунанд.

2591
Барчаспҳо:
дарс, Тоҷикистон
Осим Каримзода, сардори Идораи маорифи вилояти Суғд

Русия дар Хуҷанд мактаб месозад: қабули талабаҳо тариқи озмун мешавад

281
(Таҷдидшуда 12:22 24.02.2021)
Осим Каримзода, сардори Идораи маорифи вилояти Суғд, мегӯяд, сохтмони мактаби муосир аз ҷониби Русия дар шаҳри Хуҷанд ба наздикӣ оғоз мешавад

ДУШАНБЕ, 24 фев – Sputnik. Каримзода зимни нишасти матбуотӣ гуфт, барои бунёди мактаби муосири русӣ дар маҳаллаи 8-уми шаҳри Хуҷанд қитъаи замин ҷудо шудааст.

Ӯ афзуд, рӯзҳои наздик корҳои сохтмонӣ шурӯъ мешавад.

“Ҳоло ҳамаи корҳои ободонӣ ва ҷудо намудани қитъаи замин ва ҳуҷҷатгузориҳо омода шудааст ва рӯзҳои наздик корҳои сохтмонӣ оғоз меёбанд”, - гуфт Каримзода.

Вазир: дар кишвар норасоии омӯзгорони забони русиву англисӣ вуҷуд дорад

Cохтмони мактабҳои русӣ дар панҷ шаҳр - Душанбе, Кӯлоб, Хуҷанд, Бохтар ва Турсунзода дар назар аст.

Осим Каримзода мегӯяд, мактабҳое, ки аз ҷониби Федератсияи Русия бунёд мешаванд,  дорои шароити комили таълимӣ буда, барои хонандагону омӯзгорон сохтмони хобгоҳ ҳам дар назар аст.

Манбаъ афзуд, интизор меравад, ки дар ин макотиб омӯзгорон аз Тоҷикистон ва Федератсияи Русия ба кор гирифта мешаванд. Хонандагон аз тамоми шаҳру навоҳии кишвар тибқи озмун қабул карда мешаванд.

281
Барчаспҳо:
мактаб, Тоҷикистон
Школьники идут по улице города Душанбе

“Шаҳри ҳушманд” дар 50 мактаб барномаи “eDonish”-ро фаъол месозад

165
Корхонаи воҳиди давлатии “Шаҳри ҳушманд” – “Smart City”-и ҳукумати Душанбе барномаи электронии “eDonish”-ро дар 50 мактаби пойтахт фаъол мекунад

ДУШАНБЕ, 22 фев — Sputnik. Раёсати маорифи шаҳри Душанбе хабар дод, ки феълан барномаи электронии “eDonish” дар 5 муассиса фаъол буда, дар 20 муассисаи дигар муаррифӣ гардид. Дар назар аст, ки ояндаи наздик дар 50 мактаби шаҳри Душанбе роҳандозӣ гардад, хабар дод “Ховар” аз қавли раёсати маорифи пойтахт.

Манбаъ тавзеҳ дод, ки барномаи “eDonish” хизматрасонии электронӣ мебошад, ки тавассути он волидони хонандагони муассисаҳои таълимӣ аз ахлоқу рафтор ва пешрафти донишомӯзии фарзандони худ бо истифода аз воситаҳои иттилоотиву коммуникатсионии муосир ва гирифтани паёмакҳо ба телефонҳои ҳамроҳ ба таври доимӣ бохабар мешаванд.

“Ин барнома ҳамчунин шомили унсурҳои мухталифи иттилоотӣ, аз ҷумла журнал ва рӯзномаи электронӣ, ҷадвали дарсҳои асосӣ ва иловагӣ, назорати давомоти хонандагон ва мониторинги сатҳи дониши онҳо мебошад”, - омадааст дар иттилоия.

Зикр гардидааст, ки тавассути ин барнома волидон метавонанд вазифаҳои хонагии фарзандонашонро аз фанҳои таълимӣ, супоришҳои омӯзгорон ва дигар маълумоти заруриро, ки аз маъмурияти муассисаи таълимӣ мерасанд, бо паёмак ба телефон дастрас намоянд.

Таъкид шудааст, ки барномаи “eDonish” ба муассисаҳои таълимӣ имкон медиҳад, ки бо волидайни хонандагон робитаи боз ҳам зичтар ва доимӣ барқарор намоянду роҷеъ ба раванди таҳсили ҳар хонанда ва сатҳи пешрафти онҳо дар робита бошанд.

165
Барчаспҳо:
фаъолон, барнома, маориф, Тоҷикистон
Конкурс Чакомаи Гесу в Худжанде

Мӯдарозтарин духтари Душанберо муайян карданд

0
(Таҷдидшуда 21:07 24.02.2021)
Дар Душанбе фестивали "Чакомаи гесу" ҷамъбаст гардид ва ғолибони озмун - духтарони муйдарози пойтахт муайян шуданд

ДУШАНБЕ, 24 фев — Sputnik. Имрӯз дар шаҳри Душанбе бо ташаббуси Мақомоти иҷроияи ҳокимияти давлатии шаҳр "Чакомаи гесӯ" баргузор гардид.

Дар оғози фестивал намоишгоҳи маҳсулоти ороишии  ҳунармандон, анвои гуногуни ороиши миллии занонаи аз ҷиҳати экологӣ фоидаовар ва лавозимоти марбут ба парваришу ороиши мӯйю рӯй  ба маъраз гузошта шуд.

Дар фестивал инчунин ашъори баланпоя ва суруду рақс, ривояту таронаҳои мардумӣ оид ба ҳусну таровати рӯй, ҷозибаи гесӯ, сарулибос ва ороишоти миллӣ, истифодаи маҳсулоти табиии ватанӣ дар парваришу нигоҳбини рӯйю мӯй ва муҳофизати пӯсти дасту рӯй тарғибу ташвиқ гардид.

Дар фестивали мазкур муовини Раиси шаҳри Душанбе Мавсума Муинӣ, Раиси Кумитаи занон ва оилаи назди Ҳукумати Ҷумҳурии Тоҷикистон Ҳилолбӣ Қурбонзода, ғолибони даври ноҳиявии фестивал аз ноҳияҳои пойтахт ва сокинони шаҳр  иштирок намуданд.

Мавриди зикр аст, ки давоми се соли охир фестивали мазкур дар доираи эълон гардидани солҳои 2019-2021 ҳамчун Солҳои рушди деҳот, сайёҳӣ ва ҳунарҳои мардумӣ дар тамоми қаламрави мамлакат доир  мегардад.

Рустам Эмомалӣ қарор кард: дар Душанбе фестивали "Чакомаи гесу" баргузор шавад

Дар фарҷоми Фестивал ғолибони бахшҳои он ва иштирокчиёни фаъол бо диплому сипоснома ва ҷоизаи махсуси мақомоти иҷроияи ҳокимияти давлатии шаҳри Душанбе сарфароз гардонида шуданд.

0