Муовини вазири маориф хонум Латофат Назирӣ

Коргурезӣ: ноиби вазир гуфт, имтиёзҳои ваъдагӣ ба омӯзгорони ҷавон амалӣ намешаванд

253
Вазорати маориф ва илми Тоҷикистон дар шарҳи ҳозир нашудани бисёре аз ҷавонон ба ҷои кор дар мактабҳо гуфт, имтиёзҳое, ки барои омӯзгорони ҷавон дод шудаанд, дар амал татбиқ намегарданд

ДУШАНБЕ, 5 фев — Sputnik. Латофат Назирӣ, ноиби вазири маорифи Тоҷикистон, зимни нишасти матбуотӣ дар Душанбе тасдиқ кард, ки на ҳамаи хатмкардаҳои бахши буҷавии риштаи омӯзгорӣ тибқи роҳхат ба ҷои кор ҳозир мешаванд.

Ӯ тавзеҳ дод, ки ҳамасола теъдоди муайяни хатмкардаҳои риштаҳои буҷавӣ тибқи роҳхати Вазорати маориф барои фаъолият ба муассисаҳои таҳсилоти умумӣ равона карда мешаванд.

Ба гуфтаи ноиби вазир, барои омӯзгорони ҷавон дар навоҳӣ бархе имтиёзҳо пешбинӣ шудаанд, аммо дар амал аз сӯи мақомоти маҳаллӣ татбиқ намегарданд.

Назирӣ дар феҳрасти имтиёзҳо гуфт, барои омӯзгорони ҷавон агар дар манотиқи дурдаст бошанд, манзили муваққати ҷои зист, замини иловагӣ барои хоҷагӣ, кумакпулӣ, қарзи имтиёзнок пешбинӣ шудааст.

Ба гуфтаи ӯ, инчунин ба омӯзгорони ҷавоне, ки баъди хатм ба макотиби деҳот фиристода мешаванд, бояд тӯли се сол  10 дарсади маош иловапулӣ пардохт гардад.

Назирӣ бо таассуф таъкид намуд, ки бисёре аз имтиёзҳо аз ҷониби мақомоти маҳаллӣ амалӣ карда намешаванд.

Бо вуҷуди ин, ӯ гуфт Вазорати маориф нисбати онҳое, ки тибқи роҳхат ба макотиб ҳозир намегарданд, ба додгоҳҳои маҳаллӣ муроҷиат мекунад, то онҳо маблағеро, ки ҷониби буҷаи давлат барои таълимашон пардохт шудааст, ба буҷа барқарор намоянд.

253
Барчаспҳо:
ҷавон, омӯзгор, Тоҷикистон
Осим Каримзода, сардори Идораи маорифи вилояти Суғд

Русия дар Хуҷанд мактаб месозад: қабули талабаҳо тариқи озмун мешавад

295
(Таҷдидшуда 12:22 24.02.2021)
Осим Каримзода, сардори Идораи маорифи вилояти Суғд, мегӯяд, сохтмони мактаби муосир аз ҷониби Русия дар шаҳри Хуҷанд ба наздикӣ оғоз мешавад

ДУШАНБЕ, 24 фев – Sputnik. Каримзода зимни нишасти матбуотӣ гуфт, барои бунёди мактаби муосири русӣ дар маҳаллаи 8-уми шаҳри Хуҷанд қитъаи замин ҷудо шудааст.

Ӯ афзуд, рӯзҳои наздик корҳои сохтмонӣ шурӯъ мешавад.

“Ҳоло ҳамаи корҳои ободонӣ ва ҷудо намудани қитъаи замин ва ҳуҷҷатгузориҳо омода шудааст ва рӯзҳои наздик корҳои сохтмонӣ оғоз меёбанд”, - гуфт Каримзода.

Вазир: дар кишвар норасоии омӯзгорони забони русиву англисӣ вуҷуд дорад

Cохтмони мактабҳои русӣ дар панҷ шаҳр - Душанбе, Кӯлоб, Хуҷанд, Бохтар ва Турсунзода дар назар аст.

Осим Каримзода мегӯяд, мактабҳое, ки аз ҷониби Федератсияи Русия бунёд мешаванд,  дорои шароити комили таълимӣ буда, барои хонандагону омӯзгорон сохтмони хобгоҳ ҳам дар назар аст.

Манбаъ афзуд, интизор меравад, ки дар ин макотиб омӯзгорон аз Тоҷикистон ва Федератсияи Русия ба кор гирифта мешаванд. Хонандагон аз тамоми шаҳру навоҳии кишвар тибқи озмун қабул карда мешаванд.

295
Барчаспҳо:
мактаб, Тоҷикистон
Школьники идут по улице города Душанбе

“Шаҳри ҳушманд” дар 50 мактаб барномаи “eDonish”-ро фаъол месозад

166
Корхонаи воҳиди давлатии “Шаҳри ҳушманд” – “Smart City”-и ҳукумати Душанбе барномаи электронии “eDonish”-ро дар 50 мактаби пойтахт фаъол мекунад

ДУШАНБЕ, 22 фев — Sputnik. Раёсати маорифи шаҳри Душанбе хабар дод, ки феълан барномаи электронии “eDonish” дар 5 муассиса фаъол буда, дар 20 муассисаи дигар муаррифӣ гардид. Дар назар аст, ки ояндаи наздик дар 50 мактаби шаҳри Душанбе роҳандозӣ гардад, хабар дод “Ховар” аз қавли раёсати маорифи пойтахт.

Манбаъ тавзеҳ дод, ки барномаи “eDonish” хизматрасонии электронӣ мебошад, ки тавассути он волидони хонандагони муассисаҳои таълимӣ аз ахлоқу рафтор ва пешрафти донишомӯзии фарзандони худ бо истифода аз воситаҳои иттилоотиву коммуникатсионии муосир ва гирифтани паёмакҳо ба телефонҳои ҳамроҳ ба таври доимӣ бохабар мешаванд.

“Ин барнома ҳамчунин шомили унсурҳои мухталифи иттилоотӣ, аз ҷумла журнал ва рӯзномаи электронӣ, ҷадвали дарсҳои асосӣ ва иловагӣ, назорати давомоти хонандагон ва мониторинги сатҳи дониши онҳо мебошад”, - омадааст дар иттилоия.

Зикр гардидааст, ки тавассути ин барнома волидон метавонанд вазифаҳои хонагии фарзандонашонро аз фанҳои таълимӣ, супоришҳои омӯзгорон ва дигар маълумоти заруриро, ки аз маъмурияти муассисаи таълимӣ мерасанд, бо паёмак ба телефон дастрас намоянд.

Таъкид шудааст, ки барномаи “eDonish” ба муассисаҳои таълимӣ имкон медиҳад, ки бо волидайни хонандагон робитаи боз ҳам зичтар ва доимӣ барқарор намоянду роҷеъ ба раванди таҳсили ҳар хонанда ва сатҳи пешрафти онҳо дар робита бошанд.

166
Барчаспҳо:
фаъолон, барнома, маориф, Тоҷикистон
Дорожная техника расчищает автомобильную дорогу от лавины, архивное фото

Ҳаракати мошинҳо дар роҳи Душанбе - Хуҷанд ва Душанбе - Хоруғ қатъ шуд: ҳушдори КҲФ

195
(Таҷдидшуда 10:11 25.02.2021)
Дар пайи барфрезии ахир ҳаракати мошинҳо бас самти ду вилояти кишвар пурра қатъ шудааст

ДУШАНБЕ, 25 фев — Sputnik. Кумитаи ҳолатҳои фавқулодаи Тоҷикистон мегӯяд, роҳҳои автомобилгарди Душанбе - Хуҷанд ва Душанбе - Хоруғ муваққатан баста шудаанд.

Ба иттилои манбаъ, тайи як рӯзи ахир бар асари боришоти шадид дар километри 67-уми шоҳроҳи Душанбе-Варзоб ва шоҳроҳи Хоруғ-Мурғоб тармафароӣ ба қайд гирифта шудааст.

"Кори рафъи оқибатҳои тармафароӣ идома дорад",-афзудааст манбаъ.

Ғайр аз он, дар давоми рӯзи гузашта наҷотдиҳандагон ронандагон ва мусофирони 28 автомашинаро, ки аз километри 65-ум то 73-юми роҳи Душанбе-Айнӣ банд буданд, берун овардаанд.

ГУфта мешавад, барои таъмини бехатарии ронандагон дар зимистон ва расонидани кӯмаки фаврӣ дар ҳолатҳои фавқулодда, қитъаҳои гуногуни роҳҳо мунтазам аз ҷониби наҷотдиҳандагони шӯъбаҳои вокуниши Кумита посбонӣ карда мешаванд.

Ин ниҳод ҳамзамон аҳолиро аз хатари баланди резиши тарма, сангрезӣ, яхбандӣ, гардиши барф дар қисматҳои кӯҳистонии роҳҳо вобаста ба шароити обу ҳаво ҳушдор медиҳад.

Кумита хотиррасон мекунад, ки эҳтиёткор бошед ва ҳушёриро дар роҳҳо аз даст надиҳед, агар имконпазир бошад, аз ҳаракат дар қитъаҳои хатарноки роҳ, ҷамъоварии ҳезум ва сайругашт дар кӯҳҳо худдорӣ кунед.

Кумитаи ҳолатҳои фавқулодда ва мудофиаи гражданӣ инчунин ба ронандагон муроҷиат мекунад, ки дар сурати яхбандӣ қоидаҳои ҳаракат ва масофаи заруриро дар шароити душвори обу ҳаво риоя кунанд.

195