Представительство Россотрудничества в Таджикистане организовало «Большой этнографический диктант»

Вазорат: умед ҳаст, ки 15 донишҷӯёи тоҷик аз донишгоҳи Қазоқистон ихроҷ намешаванд

165
(Таҷдидшуда 18:36 05.02.2021)
Вазорати маорифи Тоҷикистон қазияи 15 донишҷӯи тоҷикро, ки дар Қазоқистон дар ҳоли ихроҷ шудан аз донишгоҳ қарор доранд, шарҳ дод

ДУШАНБЕ, 5 фев— Sputnik. Ахиран 15 донишҷӯи тоҷик, ки дар риштаи ординатураи Донишгоҳи тиббии ба номи С. Д. Асфендиярови Алмаатои Қазоқистон таҳсил мекунанд, гуфтанд бе асос аз ҷониби раёсати донишгоҳ ихроҷ карда мешаванд.

Вазорати маорифи Тоҷикистон имрӯз зимни нишасти хабарӣ ин қазияро шарҳ доду гуфт, дар воқеъ дар ин росто ба онҳо муроҷиат кардаанд.

"Раёсат дар ин самт корбарӣ карда истодааст. Тақрибан ду рӯз пеш мо бо сафорат дар Қазоқистон суҳбат кардем, як мактуби дастгирӣ вобаста ба таври ройгон идома додани таҳсил аз номи Вазорат равон карда шуд ва аз оҳанги суҳбат интизор меравад, ки ҳамаи онҳо ба таври ройгон ба таҳсил фаро гирифта мешаванд", - гуфт намояндаи Вазорат.

Ба иттилои манбаъ, аз шумули 15 нафари донишҷӯён танҳо як донишҷӯ бо бастаи ҳуҷҷатҳо ба Вазорати маорифи Тоҷикистон барои идомаи таҳсил дар ин ҷо муроҷиат кардааст, ки ин масъала низ дар баррасӣ қарор дорад.

Вазорат шарҳ дод, ки аслан вақте донишҷӯи тоҷик вориди донишгоҳи хориҷ мешавад, бо ӯ танҳо барои таҳсил дар як зина қарордод баста мешавад.

"Созишномаи дуҷонибае, ки имзо шудааст, танҳо як зинаи таҳсил - бакалавр, магистр ё ординатурараро фаро мегирад. Вале аксари донишҷӯёни тоҷик баъди анҷоми як зинаи таҳсил хоҳиш доранд, ки таҳсилро дар зинаи болоӣ идома диҳанд, ки муттаасифона ин дар қарордодҳои мо пешбинӣ нашудааст", - таъкид шуд дар нишасти хабарӣ.

Дар ин росто Вазорат мегӯяд, аз ҷониби донишгоҳ талаб мекунанд, ки таҳсил дар дигар зина пардохт карда шавад.

Вазири маорифи Тоҷикистон Муҳаммадюсуф Имомзода гуфт "мо нисбати шаҳрвандони Тоҷикистон, ки дар хориҷ таҳсил мекунанд, бетафовут нестем ва ҳамеша дархост мекунем, нома менависем, занг мезанем кӯшиш мекунем, ки мушкил ҳал шавад, вале ҳаст ҳолатҳое, ки аз имконоти мо берун аст, ин чиз табиӣ аст", - гуфт вазир.

Ёдрас мешавем, ки ахиран ду донишҷӯи тоҷик аз донишгоҳи низомии Горди миллии Қазоқистон дар шаҳри Петропавловск, дар пайи муноқиша бо донишҷӯёни қазоқ ва ба иттиҳоми нақзи муқаррароти дохилӣ, ихроҷ шуданд.

Вокуниши донишҷӯёни тоҷики донишгоҳи низомии Қазоқистон ба ихроҷи худ аз ин донишгоҳ

Онҳо ин иқдоми донишгоҳро ғайриинсофона унвон кардаанд.

Зиёратшоҳ Қурбонов ва Аваз Қурбонов, муддаӣ ҳастанд ки омилони даргирӣ донишҷӯёни қазоқ будаанд ва раёсати донишгоҳ ба иштибоҳ ин ду афсари тоҷикро гунаҳкор дониста аст.

165
Барчаспҳо:
тиббӣ, донишгоҳ, Вазорати маориф, Қазоқистон, Тоҷикистон
Молоток судьи, архивное фото

Ҷаримаи падаре, ки нагузошт духтараш таҳсил кунад: гуфтааст, шароит надорад

301
(Таҷдидшуда 17:26 02.03.2021)
Додгоҳи шаҳри Бохтар ҳукми падареро, ки барои таҳсили духтараш монеа эҷод мекард, содир кардааст

ДУШАНБЕ, 2 мар — Sputnik. Тибқи иттилои дафтари матбуотии додгоҳ, парвандаи ҷиноятии Раҷабов Абдукарим Маҳмадшарифович бо моддаи 164 КҶ Ҷумҳурии Тоҷикистон ба суди шаҳри Бохтар ворид шуда, тафтишоти судӣ муаян кард, ки номбурда бар хилофи талаботи моддаҳои 41 ва 46-и қонунгузорӣ "дар бораи масъулияти падару модар дар таълиму тарбияи фарзанд" амал намудаааст.

Ба иттилои манбаъ, номбурда барои гирифтани таҳсилоти ҳатмии асоси нуҳсолаи фарзанди ноболиғаш Раҷабова Майрамби Абдукаримовнаи 16-сола, ки то синфи 8-ум дар мактаби №42-и шаҳри Кулоб таҳсил карда, минбаъд давоми таҳсилоташро дар муасисаи миёнаи умумии №7-и шаҳри Бохтар идома дода, ба синфи 9-ум гузаштааст, монеъ шудааст.

Манбаъ мегӯяд, Раҷабов далели ин корашро паст будани шароити зиндагиаш унвон кардааст.

Гуфта мешавад, Раҷабов Абдукарим  аз 17 авагусти соли 2020 то инҷониб нагузоштааст, ки духтараш  таҳсилоти ҳатмии асосии нуҳсоларо идома диҳад, ки дар натиҷа номбурда аз гирифтани таҳсилот то айни замон дур  монда, соли хониши 2020-2021 умуман таҳсил накардааст.

Шароит надоранд, ё қонунро намедонанд? 30 парванда алайҳи волидон дар Суғд

Додгоҳ барои чунин амалкард Раҷабов Абдукарим Маҳмадшарифовичро дар содир кардани ҷинояти бо моддаи  164-и қонунгузорӣ гунаҳгор дониста, бо дастрасии моддаи 63-и КҶ Тоҷикистон ба андозаи 150 нишондиҳанда барои ҳисобҳо баробар ба 9000 сомонӣ ҷарима бастааст.

Ёдовар мешавем, соли гузашта дар шимоли кишвар низ барои чунин ҳолатҳо даҳҳо парвандаҳои ҷиноятӣ нисбат ба волидайни ноболиғон кушода шуда буд.

301
Барчаспҳо:
таҳсил, фарзанд, ҷарима, падар, парванда, Додгоҳ
Осим Каримзода, сардори Идораи маорифи вилояти Суғд

Русия дар Хуҷанд мактаб месозад: қабули талабаҳо тариқи озмун мешавад

636
(Таҷдидшуда 12:22 24.02.2021)
Осим Каримзода, сардори Идораи маорифи вилояти Суғд, мегӯяд, сохтмони мактаби муосир аз ҷониби Русия дар шаҳри Хуҷанд ба наздикӣ оғоз мешавад

ДУШАНБЕ, 24 фев – Sputnik. Каримзода зимни нишасти матбуотӣ гуфт, барои бунёди мактаби муосири русӣ дар маҳаллаи 8-уми шаҳри Хуҷанд қитъаи замин ҷудо шудааст.

Ӯ афзуд, рӯзҳои наздик корҳои сохтмонӣ шурӯъ мешавад.

“Ҳоло ҳамаи корҳои ободонӣ ва ҷудо намудани қитъаи замин ва ҳуҷҷатгузориҳо омода шудааст ва рӯзҳои наздик корҳои сохтмонӣ оғоз меёбанд”, - гуфт Каримзода.

Вазир: дар кишвар норасоии омӯзгорони забони русиву англисӣ вуҷуд дорад

Cохтмони мактабҳои русӣ дар панҷ шаҳр - Душанбе, Кӯлоб, Хуҷанд, Бохтар ва Турсунзода дар назар аст.

Осим Каримзода мегӯяд, мактабҳое, ки аз ҷониби Федератсияи Русия бунёд мешаванд,  дорои шароити комили таълимӣ буда, барои хонандагону омӯзгорон сохтмони хобгоҳ ҳам дар назар аст.

Манбаъ афзуд, интизор меравад, ки дар ин макотиб омӯзгорон аз Тоҷикистон ва Федератсияи Русия ба кор гирифта мешаванд. Хонандагон аз тамоми шаҳру навоҳии кишвар тибқи озмун қабул карда мешаванд.

636
Барчаспҳо:
мактаб, Тоҷикистон
Председатель Высшего совета национального примирения Афганистана Абдулла Абдулла

Вокуниши мақомоти афғон ба тарҳи сулҳи нави Амрико

0
(Таҷдидшуда 19:13 08.03.2021)
Тарҳи нави давлати Амрико дар бораи ташкили давлати муваққат ё ҳукумати мушорикатӣ бо Толибон дар Афғонистон вокуниши шадиди мақомоти ин кишварро дар пай доштаву давлати Афғонистон таъкид кардааст, ки Кобул ҳаргиз таслими хостаҳои ғайриқонунии Амрико намешавад

ДУШАНБЕ, 8 март – Sputnik.  Раиси Шӯрои олии мусолиҳаи миллии Афғонистон рӯзи душанбе дар вокунише тунд ба номаи ахири вазири умури хориҷаи Амрико гуфт, ки давлати Байден наметавонад бо зӯру фишор хостаҳои ғайриқонунии худро ба мардуми Афғонистон таҳмил ва давлати Афғонистонро водор ба ташкили давлати муваққат кунад, иттилоъ додааст хабаргузории "Парстудей".

Абдуллоҳ Абдуллоҳ дар маросими гиромидошти ҳафтумин солгарди даргузашти Муҳаммадқосими Фаҳим, собиқ муовини аввали раёсати ҷумҳурии Афғонистон дар Кобул изофа кард, ки вахомати авзои амниятӣ мардумро дар шароити душворе қарор додааст ва ҷомеаи маданӣ, расонаҳо, хабарнигорон, уламои динӣ ва ҳеч як аз афроди ҷомеа масуният надоранд.

Дар ҳамин ҳол, Амруллоҳ Солеҳ, муовини аввали раиси ҷумҳурии Афғонистон ҳам дар ин маросим таъкид кард, Кобул сулҳи омиронаро намепазирад ва дар муқобили он меистад.

Амруллоҳ Солеҳ тарҳи нави сулҳи Зулмай Халилзод, намояндаи Амрико дар умури Афғонистонро «санади нанг» номид ва изофа кард, ки мақомоти афғонистонӣ ҳаргиз чунин санадеро имзо нахоҳанд кард.

Муовини аввали раиси ҷумҳурии Афғонистон изҳор дошт, ки ҳамон гуна, ки Амрикову Ғарб ҳақ доранд дар бораи сарнавишти низомиёни худ бо Толибон нишаст баргузор кунанд, мо ҳам ҳақ дорем дар бораи сарнавишти шаҳрвандони худ бар асоси манофеи миллии кишварамон тасмим бигирем.

Амруллоҳ Солеҳ афзуд, ки давлати Кобул ҳаргиз ҳозир намешавад бо сарнавишти мардуми худ муомила ва созиш кунад.

Тарҳи нави Амрико барои сулҳ дар Афғонистон

Вазири умури хориҷаи Амрико дар номае ба Муҳаммад Ашраф Ғанӣ, вайро таҳдид кардааст, ки бо тарҳи нави давлати Амрико дар хусуси ташкили давлати муваққат ва ё ҳукумати мушорикатӣ бо Толибон мувофиқат кунад.

0
Барчаспҳо:
сулҳ, Кобул, Толибон, вокуниш, Амрико, Афғонистон