Русия дар Хуҷанд мактаб месозад: қабули талабаҳо тариқи озмун мешавад

© SputnikОсим Каримзода, сардори Идораи маорифи вилояти Суғд
Осим Каримзода, сардори Идораи маорифи вилояти Суғд - Sputnik Тоҷикистон, 1920, 24.02.2021
Обуна шудан
Осим Каримзода, сардори Идораи маорифи вилояти Суғд, мегӯяд, сохтмони мактаби муосир аз ҷониби Русия дар шаҳри Хуҷанд ба наздикӣ оғоз мешавад
ДУШАНБЕ, 24 фев – Sputnik. Каримзода зимни нишасти матбуотӣ гуфт, барои бунёди мактаби муосири русӣ дар маҳаллаи 8-уми шаҳри Хуҷанд қитъаи замин ҷудо шудааст.
Вазири маорифи Тоҷикистон Муҳаммадюсуф Имомзода дар Маскав - Sputnik Тоҷикистон, 1920, 12.02.2021
Имомзода бо Кравтсов масъалаи сохтмони 5 мактабро баррасӣ кард
Ӯ афзуд, рӯзҳои наздик корҳои сохтмонӣ шурӯъ мешавад.
“Ҳоло ҳамаи корҳои ободонӣ ва ҷудо намудани қитъаи замин ва ҳуҷҷатгузориҳо омода шудааст ва рӯзҳои наздик корҳои сохтмонӣ оғоз меёбанд”, - гуфт Каримзода.
Вазир: дар кишвар норасоии омӯзгорони забони русиву англисӣ вуҷуд дорад
Cохтмони мактабҳои русӣ дар панҷ шаҳр - Душанбе, Кӯлоб, Хуҷанд, Бохтар ва Турсунзода дар назар аст.
Осим Каримзода мегӯяд, мактабҳое, ки аз ҷониби Федератсияи Русия бунёд мешаванд,  дорои шароити комили таълимӣ буда, барои хонандагону омӯзгорон сохтмони хобгоҳ ҳам дар назар аст.
Манбаъ афзуд, интизор меравад, ки дар ин макотиб омӯзгорон аз Тоҷикистон ва Федератсияи Русия ба кор гирифта мешаванд. Хонандагон аз тамоми шаҳру навоҳии кишвар тибқи озмун қабул карда мешаванд.
Лентаи хабарҳо
0