Собрание ПИВТ. Архивное фото

ҲНИТ рӯйхати номзадҳояшро тасдиқ кард

17
(Таҷдидшуда 13:30 16.12.2014)

ДУШАНБЕ, 16 дек — Sputnik. Ҳизби наҳзати исломии Тоҷикистон номзадии 28 нафарро барои ширкат дар интихоботи парлумонии соли 2015 тасдиқ кард, хабар медиҳад сомонаи Авеста.

Дар ин рӯйхат раиси ин ҳизб — Муҳиддин Кабирӣ, Зарафо Раҳмонӣ, аъзои фаъоли ҲНИТ, Ҳикматулло Сайфуллозода, собиқ сухангӯ, Саидумар Ҳусайнӣ, муовини аввал, Муҳамадалӣ Ҳайит, яке аз дигар муовинони раиси ҳизб ҷой доранд. Дар маҷмуъ, аз 28 номзади рӯйхати ҲНИТ 6 нафарро занҳо ташкил медиҳанд.

Анҷумани 11-уми Ҳизби наҳзати исломии Тоҷикистон соати 9-30 дақиқаи субҳи 16 декабр дар қароргоҳи марказии ин ҳизб воқеъ дар Душанбе, шуруъ шуд.

Зимни ин анҷуман ҲНИТ номзадҳои худро барои ширкат дар интихоботи парлумонӣ пешбарӣ мекунад. Муҳиддин Кабирӣ, раиси ин ҳизб изҳор дошт, ки аз 540 нафар вакили даъватшуда ба анҷуман то кунун 513 нафар ҳузур пайдо кардаанд.

Ҷараёни баргузории анҷумани ҲНИТ-ро намояндагони корпуси дипломатӣ, созмонҳои байналмилалӣ, созмонҳои ҷамъиятӣ, намояндагони ҳукумат ва ВАО назорат мекунанд.

Анҷумани наҳзат дар ҳоле дар қароргоҳи ҳизб баргузор мешавад, ки қаблан масъулони ин ҳизб барои дарёфти толори бузургтар ба мақомоти шаҳри Душанбе ва Дастгоҳи раиси ҷумҳурӣ мактуб навишта буданд. Аммо ба мактуби худ посухи мусбат пайдо накарданд.

Дар интихоботи парлумонии соли 2010, ки ҲНИТ ширкат дошт, 8 дарсади раъйи мардумро ба даст овард. Он замон раиси ҲНИТ изҳор дошта буд, ки интихобот ғайри демократӣ барпо шудааст. Ба бовари Кабирӣ ҳизби вай дар соли 2010 бештар аз 30 дарсади раъйро ба даст оварда буд.

17
Барчаспҳо:
анҷуман, интихоботи парлумонӣ, ҲНИТ, Муҳиддин Кабирӣ, Душанбе, Тоҷикистон
Тӯҳфаи Филлип Киркоров ба Максим Галкин, ҷураби помирӣ

Ҷураби помирӣ: тӯҳфаи солинавии Филипп Киркоров ба Максим Галкин

2998
(Таҷдидшуда 16:52 03.01.2017)
Филипп Киркоров ситораи эстрадаи рус дар барномаи солинавии "Максим Максим" ба барандаи барнома Максим Галкин ҷураби помирӣ тақдим кард

ДУШАНБЕ, 3 янв — Sputnik. Ситораи эстрадаи рус Филипп Киркоров дар барномаи солинави "Макисм Максим", ки 2-январи соли 2017 тариқи шабакаи 1-телевизиони Русия намоиш дода шуд,  ба Максим Галкин ҷураби помирӣ ҳадя карда,гуфт, ки онро холаи Мари махсусан барои Максим бофтааст, то бемор нашавад.

"Холаи Мари, ки ҳоло бо тарбияи фарзандонам машғул аст, ин "наски"-ҳоро махсус барои ту бофт",-гуфт Филипп Киркоров зимни тақдими тӯҳфа.

Максим Галкин-"Ман аз Якубович чӣ камӣ дорам",-гӯён онҳоро ба по кашид.

Алла Пугачева, примадонаи саҳанаи рус, ки низ дар барнома ширкат дошт, як пои ҷурабро санҷид. Барои ӯ собиқ шавҳараш ҷузвдони махсус ҳадя кард.

Ҷураби помирӣ-як қисми ҷудонашандаи либои зимистонаи мардуми Бадахшон ба шумор рафта, дар ҷаҳон ягона аст. Қариб ҳамаи занони ВМКБ аз ӯҳдаи бофтани ҷураби помирӣ мебароянд. Ҷураб асосан бо риштаи аз пашми гусфанд омодашуда,бофта мешавад. Ранги ҷурабро ҳар як бофанда бо табъи дили худ интихоб мекунад. Асосан рангҳои баланд: сурх, сабз, зард, сафед, сиёҳ ва ғайраҳо истифода мешаванд.

Дар солҳои Ҷанги бузурги ватанӣ-занони Помир ба фронт чандин ҳазор ҷураб таҳти шиори "Ҳама чиз барои фрот ва чиз барои ғалаба" равон карданд.

Мардуми Бадахшон ҷурабро ҳамчун тӯҳфа ба меҳмонони олиқадр ҳадя мекунанд.

2998
Барчаспҳо:
ҷураби помирӣ, барномаи солинавӣ, Русия
Мавзуъ
"Тоҷик Эйр": тӯҳфаи беҳтарин саломатӣ аст
Таҷлили Соли нав дар шаҳри Душанбе
Табрикоти шахсони машҳури Тоҷикистон: дӯстӣ бо Узбакистон, саломатӣ ва сулҳ
Шукурҷон Зуҳуров. Акс аз бойгонӣ

Зуҳуров аз вакилон даъват кард, ки хомӯш набошанд

24
Раиси Маҷлиси намояндагони порлумон аз ҳамтоёнаш хост, ки дар вақти ҷаласот фаъол бошанду назароти интихобкунандагони худро то мақомот бирасонанд.

ДУШАНБЕ, 29 апр — Sputnik. Раиси Маҷлиси намояндагон Шукурҷон Зуҳуров вакилони тозаинтихобро даъват кард, ки дар ҷаласот фаъолтар бошанд ва барояшон ёдовар шуд, ки аз замони интихобашон якуним моҳ гузаштааст, менависад хабаргузории "Озодагон".

Зуҳуров ба вакилон бо чунин дархост дар ҷаласаи порлумон дар рӯзи сешанбе муроҷиъат кард, ки дар оғоз вакилон бидуни баррасӣ 6 нуқоти ҷаласаи имрӯзро тасвиб карданд.

"Пешниҳодот, дархостҳо ва суолҳои худро матраҳ кунед. Набояд омада ором нишинед. Аз рӯзи интихобот аллакай 1,5 моҳ гузашт. Вориди ҷараён шавед. Назароте, ки аз муошират бо интихобкунандагони худ ҳосил мекунед, матраҳ кардан даркор аст", — гуфт раис.

Зуҳуров раисии Маҷлиси намояндагонро аз давраи қаблии интихоби вакилон бар зимма дорад.

Барои бори нахуст нест, ки аз вакилон фаъол кардани кори онҳо тақозо мешавад, қабалн чунин дархост аз сӯйи раиси ҷумҳур ва расонаҳо матраҳ шуда буд.

24
Барчаспҳо:
интиқоди Зуҳуров аз адами фаъолияти вакилон, Маҷлиси намояндагон, Шукурҷон Зуҳуров, Тоҷикистон
Мавзуъ
Ҷаласаи муштараки маҷолиси порлумон бо ҳузури раиси ҷумҳур мегузарад
ҲХДТ 65% овоз гирифт, ҲНИТ ва коммунистҳо ба порлумон раҳ наёфтанд
Джамолиддин Абдуллозода, министр здравоохранения и социальной защиты Таджикистан

Ҷаласаи ситоди COVID-19: вазири тандурустӣ чӣ гуфт?

0
Дар нишасти ситод вазири тандурустӣ Ҷамолиддин Абдуллозода, муовинононаш Саида Умарзода, Азиз Одиназода, Мирҳамуддин Камолзода, Шодихон Ҷамшед, сардорони хадамот ва раёсатҳои зерсохтори вазорат иштирок намуданд

ДУШАНБЕ, 1  июн — Sputnik. Вазорати тандурустии Тоҷикистон аз нишасти навбатии Ситоди ҷумҳуриявӣ оид ба пешгирӣ аз паҳншавӣ ва интиқоли сирояти коронавируси нави COVID-19 дар Ҷумҳурии Тоҷикистон хабар додааст.

Дар нишасти ситоди Вазорати тандурустӣ вазъи бемории КОВИД-19 дар Тоҷикистон таҳлил гардад.

Дар он вазири тандурустӣ Ҷамолиддин Абдуллозода, муовинони вазир Саида Умарзода, Азиз Одиназода, Мирҳамуддин Камолзода,  Шодихон Ҷамшед, сардорони хадамот ва раёсатҳои зерсохтори вазорат иштирок намуданд.

"Ҷамолиддин Абдуллозода таваҷҷуҳи иштирокчиёни ҷаласаро ба рафти иҷрои дастуру супоришҳои президент  Эмомалӣ Раҳмон, ки 20 майи соли ҷорӣ зимни вохурӣ бо кормандону роҳбарони муассисаҳои тандурустӣ пешниҳод намуданд, ҷалб намуд", - таъкид мекунад манбаъ.

Ҳамзамон, дар ҷаласа масъалаҳои назорати беморони гирифтори КОВИД-19, пурзӯр намудани фаъолияти шабонарӯзии марказҳои саломатӣ, таъмини беморхонаҳо  бо маводҳои доруворӣ ва назорати қатъии тақсимоти маводҳои доруворӣ ва дигар масъалаҳо мавриди баррасӣ қарор дода шуданд.

Дар анҷоми ҷаласа Вазири тандурустӣ ва ҳифзи иҷтимоии аҳолии  Ҷумҳурии Тоҷикистон Ҷамолиддин Абдуллозода ҷиҳати боз ҳам беҳтар намудани хизматрасонии тиббӣ ба сардорони хадамот ва раёсатҳои зерсохтори вазоарт дастуру супоришҳои мушаххас дод.

Вазир шабона ба беморхонаҳо меравад: Абдуллозода ба гирифторони коронавирус худаш занг зад

 

 

0