Здание ПИВТ в Душанбе. Архивное фото

Пешвои ҲНИТ раҳбарии Ситоди интихобтии ҳизбро ба зимма гирифт

10
(Таҷдидшуда 09:56 29.12.2014)
Роҳбарии ситодро, ки қаблан муовини раис Муҳаммадалӣ Ҳайит ба уҳда дошт, бевосита раиси ин ҳизб Муҳиддин Кабирӣ ба дӯш гирифтааст.

ДУШАНБЕ, 26 дек — Sputnik. Ситоди омодагӣ ба интихоботи Ҳизби наҳзати исломии Тоҷикистон, ки пеш аз ин масъулияти омодагӣ ба интихоботро ба уҳда дошт, ба Ситоди интихоботии ҲНИТ табдили ном кард, хабар медиҳад сомонаи расмии ин ҳизб.

Қарори мазкур дар ҷаласаи ахири ситоди интихоботи ин ҳизб қабул шудааст. Роҳбарии ситодро, ки қаблан муовини раис Муҳаммадалӣ Ҳайит ба уҳда дошт, бевосита раиси ин ҳизб Муҳиддин Кабирӣ ба дӯш гирифтааст. Зимнан, барномаи кории ситоди ҲНИТ ва низомномаҳои бахшҳои он барои ду моҳ таҳия ва тасдиқ шудаанд.

"Бахши омор вазифадор шудааст, ки тамоми маълумот, рақамҳо ва омори марбут ба интихобот, ҳавзаҳо, номзадҳо ва қитъаҳои овоздиҳиро ҷамъоварӣ ва вориди системаи компютерӣ гардонад. Додани маълумоти дақиқ дар рӯзи интихобот сари ҳар соат аз рафти раъйдиҳӣ, шумораи ширкаткунандагон ва қонуншиканиҳову тақаллубкориҳо ба дӯши ин бахш вогузор шудааст", — омодааст дар хабари сомона.

Ин ҳизб барои баррасии шикоятҳо, муроҷиат ба мақомоти давлатӣ ва кӯмаки ҳуқуқӣ ба номзадҳо бахши ҳуқуқӣ ташкил кардааст. Ин бахш вазифадор шудааст, ки бо ниҳодҳои давлатӣ, ҳифзи ҳуқуқ ва ҷомеъаи шаҳрвандӣ ҳамкорӣ кунад.

На съезде НДПТ. Архивное фото
© Flickr / Официальная страница пресс-службы президента РТ в Facebook

Сомона менависад, ситод қарор кардааст, ки барои фаъолияти босамар ва саривақтии ситоди марказӣ ва ситодҳои маҳаллӣ кормандон, номзадҳо ва нозирон дар ҳама сатҳҳо бо воситаҳои муосири иртиботгирӣ, наворбардорӣ ва ирсоли аксҳову наворҳо таъмин карда шаванд.

Ҳизби наҳзат дар интихоботи парлумонии 1 марти соли 2015 бисту ҳашт номзад пешбарӣ кардааст. Комисияи марказии интихобот ва раъйпурсии Тоҷикистон мегӯяд, то 15-уми январ муҳлати бақайдгирии номзадҳо ба поён мерасад. Баъд аз ин сана таблиғи расмии номзадҳои аз қайд гузашта шурӯъ мегардад.

10
Барчаспҳо:
парлумон, ситод, интихобот, ҲНИТ, Муҳаммадалӣ Ҳайит, Муҳиддин Кабирӣ, Душанбе, Тоҷикистон
Тӯҳфаи Филлип Киркоров ба Максим Галкин, ҷураби помирӣ

Ҷураби помирӣ: тӯҳфаи солинавии Филипп Киркоров ба Максим Галкин

2998
(Таҷдидшуда 16:52 03.01.2017)
Филипп Киркоров ситораи эстрадаи рус дар барномаи солинавии "Максим Максим" ба барандаи барнома Максим Галкин ҷураби помирӣ тақдим кард

ДУШАНБЕ, 3 янв — Sputnik. Ситораи эстрадаи рус Филипп Киркоров дар барномаи солинави "Макисм Максим", ки 2-январи соли 2017 тариқи шабакаи 1-телевизиони Русия намоиш дода шуд,  ба Максим Галкин ҷураби помирӣ ҳадя карда,гуфт, ки онро холаи Мари махсусан барои Максим бофтааст, то бемор нашавад.

"Холаи Мари, ки ҳоло бо тарбияи фарзандонам машғул аст, ин "наски"-ҳоро махсус барои ту бофт",-гуфт Филипп Киркоров зимни тақдими тӯҳфа.

Максим Галкин-"Ман аз Якубович чӣ камӣ дорам",-гӯён онҳоро ба по кашид.

Алла Пугачева, примадонаи саҳанаи рус, ки низ дар барнома ширкат дошт, як пои ҷурабро санҷид. Барои ӯ собиқ шавҳараш ҷузвдони махсус ҳадя кард.

Ҷураби помирӣ-як қисми ҷудонашандаи либои зимистонаи мардуми Бадахшон ба шумор рафта, дар ҷаҳон ягона аст. Қариб ҳамаи занони ВМКБ аз ӯҳдаи бофтани ҷураби помирӣ мебароянд. Ҷураб асосан бо риштаи аз пашми гусфанд омодашуда,бофта мешавад. Ранги ҷурабро ҳар як бофанда бо табъи дили худ интихоб мекунад. Асосан рангҳои баланд: сурх, сабз, зард, сафед, сиёҳ ва ғайраҳо истифода мешаванд.

Дар солҳои Ҷанги бузурги ватанӣ-занони Помир ба фронт чандин ҳазор ҷураб таҳти шиори "Ҳама чиз барои фрот ва чиз барои ғалаба" равон карданд.

Мардуми Бадахшон ҷурабро ҳамчун тӯҳфа ба меҳмонони олиқадр ҳадя мекунанд.

2998
Барчаспҳо:
ҷураби помирӣ, барномаи солинавӣ, Русия
Мавзуъ
"Тоҷик Эйр": тӯҳфаи беҳтарин саломатӣ аст
Таҷлили Соли нав дар шаҳри Душанбе
Табрикоти шахсони машҳури Тоҷикистон: дӯстӣ бо Узбакистон, саломатӣ ва сулҳ
Шукурҷон Зуҳуров. Акс аз бойгонӣ

Зуҳуров аз вакилон даъват кард, ки хомӯш набошанд

24
Раиси Маҷлиси намояндагони порлумон аз ҳамтоёнаш хост, ки дар вақти ҷаласот фаъол бошанду назароти интихобкунандагони худро то мақомот бирасонанд.

ДУШАНБЕ, 29 апр — Sputnik. Раиси Маҷлиси намояндагон Шукурҷон Зуҳуров вакилони тозаинтихобро даъват кард, ки дар ҷаласот фаъолтар бошанд ва барояшон ёдовар шуд, ки аз замони интихобашон якуним моҳ гузаштааст, менависад хабаргузории "Озодагон".

Зуҳуров ба вакилон бо чунин дархост дар ҷаласаи порлумон дар рӯзи сешанбе муроҷиъат кард, ки дар оғоз вакилон бидуни баррасӣ 6 нуқоти ҷаласаи имрӯзро тасвиб карданд.

"Пешниҳодот, дархостҳо ва суолҳои худро матраҳ кунед. Набояд омада ором нишинед. Аз рӯзи интихобот аллакай 1,5 моҳ гузашт. Вориди ҷараён шавед. Назароте, ки аз муошират бо интихобкунандагони худ ҳосил мекунед, матраҳ кардан даркор аст", — гуфт раис.

Зуҳуров раисии Маҷлиси намояндагонро аз давраи қаблии интихоби вакилон бар зимма дорад.

Барои бори нахуст нест, ки аз вакилон фаъол кардани кори онҳо тақозо мешавад, қабалн чунин дархост аз сӯйи раиси ҷумҳур ва расонаҳо матраҳ шуда буд.

24
Барчаспҳо:
интиқоди Зуҳуров аз адами фаъолияти вакилон, Маҷлиси намояндагон, Шукурҷон Зуҳуров, Тоҷикистон
Мавзуъ
Ҷаласаи муштараки маҷолиси порлумон бо ҳузури раиси ҷумҳур мегузарад
ҲХДТ 65% овоз гирифт, ҲНИТ ва коммунистҳо ба порлумон раҳ наёфтанд
Руки задержаного в наручниках, архивное фото

Ошкор шуд, кӣ аз корхонаи “Дуоб” 40 ҳазор долларро дуздид

0
(Таҷдидшуда 12:15 01.06.2020)
Вазорати умури дохилаи Тоҷикистон хабар додааст, ки кормандони милитсия марди 43 соларо, ки дар дуздии корхонаи ҶДММ “Дуоб” гумонбар медонанд боздошт карданд

ДУШАНБЕ, 1 июн – Sputnik. Вазорати умури дохилаи Тоҷикистон эълон кард нафаре, ки аз корхонаи ҶДММ “Дуоб”  30 ҳазор доллару 40 ҳазор сомонӣ дуздӣ кард боздошт шудааст, иттилоъ додааст дафтари матбуоти вазорат.

Бино бар иттилои манбаъ, кормандони милитсия, ҳангоми гузаронидани як амалиёти махсус марди 43-солаи сокини ноҳияи Рӯдакӣ ҳамчун гумонбар дар содир намудани кирдори дуздӣ дастгир карда шуд.

ВУД: мақомдор барои ситонидани 5 ҳазору 400-сомонӣ пора дастгир шуд

Гуфта шудааст, ки номбурда, моҳи январи соли 2020, бо роҳи пинҳонӣ ба корхонаи ҶДММ “Дуоб”, воқеъ дар кӯчаи Машъал, ки ба марди 44-солаи сокини пойтахт тааллуқ дорад, ворид шуда, аз он ҷо 30 ҳазор доллари амрикои ва 40 ҳазор сомониро дуздида, аз ҷойи ҳодиса ғайб задааст.

Дар ҳоли ҳозир, кормандони милитсияи Тоҷикистон аз руи ҳодисаи мазкур тафтишотро идома доранд.

0
Барчаспҳо:
корхона, гумонбар, дуздӣ, боздошт, вазорати умури дохила, Тоҷикистон