Хукумат города Душанбе. Архивное фото

Ба рекламаи сиёсии ҲНИТ дар Душанбе иҷоза надоданд

26
(Таҷдидшуда 10:59 28.01.2015)
Руқия Қурбонова, муовини раиси Душанбе дар посухи ба ҲНИТ навиштааст, ки “муроҷиати ҳизб оид ба додани иҷозат барои ҷойгир намудани лавҳаи рекламаи афишагиро мавриди баррасӣ қарор дода, онро “имконнопазир” мешуморанд.

ДУШАНБЕ, 28 янв — Sputnik. Шаҳрдории Душанбе ба дархости Ҳизби наҳзати исломии Тоҷикистон (ҲНИТ) дар мавриди додани иҷоза барои насби рекламаҳои интихоботӣ ҷавоби рад дода, онро "рекламаи сиёсӣ" хондааст, менависад оҷонсии "Озодагон".

Қаблан ҲНИТ аз шаҳрдории Душанбе хоста буд, ки барои насби овезаҳои интихоботӣ иҷозат бидиҳад.

Шаҳрдорӣ бо ирсоли номае бо имзои Руқия Қурбонова, муовини раиси шаҳри Душанбе унвонии Муҳиддин Кабирӣ гуфтааст, "муроҷиати ҳизб оид ба додани иҷозат барои ҷойгир намудани лавҳаи рекламаи афишагиро мавриди баррасӣ қарор дода, онро "имконнопазир" шуморид", мегӯяд Маҳмудҷон Файзраҳмонов, сухангӯи ҲНИТ.

"Рекламаҳои дархостшаванда рекламаи сиёсӣ ба ҳисоб мераванд. Амали Қонуни ҶТ "Дар бораи реклама", ки муносибатҳои соҳаи рекламаро ба танзим медарорад, нисбати рекламаҳои сиёсӣ татбиқ намегардад", — посух додааст муовини шаҳрдорӣ.

Дар идомаи посух омадааст, ки Қонуни конститутсионии ҶТ "Дар бораи интихоботи Маҷлиси Олии ҶТ" роҳҳои сурат гирифтани ташвиқоти пешазинтихоботиро муқаррар намудааст, ки онҳо иборатанд: аз тариқи воситаҳои ахбори омма; гузаронидани маъракаҳои оммавӣ (маҷлисҳо ва вохӯриҳо бо шаҳрвандон; ташкили баҳсу мунозираҳо); нашр ва паҳн намудани маводи чопии ташвиқотӣ ва бо дигар шаклҳое, ки ин Қонун муқаррар намудааст. Аммо Қонуни мазкур насби рекламаро ҳамчун роҳи ташвиқоти пешазинтихоботӣ пешбинӣ накардааст. Инчунин, Қонуни ҶТ "Дар бораи ҳизбҳои сиёсӣ" низ бо риояи шартҳои баробар бурдани ташвиқоти пеш аз интихоботиро барои ҳизбҳои сиёсӣ муқаррар намудааст.

"Бинобар гуфтаҳои дар боло қайдгардида ҷойгир намудани лавҳаи рекламаи афишагиро имконнопазир мешуморем", — зикр шудааст дар интиҳои посух.

Аммо сухангӯи ҲНИТ возеҳ накардааст, ки бо посухи шаҳрдорӣ мувофиқ ҳастанд ё хайр. Дар интихоботи парлумонии соли 2010 чанде аз шиорҳо ва аксҳои ҲНИТ дар тоблуҳои Душанбе насб гардида буд.  

26
Барчаспҳо:
посухи рад, реклама, интихобот, шаҳрдори Душанбе, ҲНИТ, Руқия Қурбонова, Маҳмудҷон Файзраҳмонов, Душанбе
Мавзуъ
ҲНИТ баҳсашро бо муфтӣ додгоҳӣ намекунад
КМИҲ Тоҷикистон 27 номзади интихоботии ҲНИТ сабти ном кард
ҲНИТ бо шаҳрдории Хуҷанд барои бино баҳси додгоҳӣ мекунад
Тӯҳфаи Филлип Киркоров ба Максим Галкин, ҷураби помирӣ

Ҷураби помирӣ: тӯҳфаи солинавии Филипп Киркоров ба Максим Галкин

2999
(Таҷдидшуда 16:52 03.01.2017)
Филипп Киркоров ситораи эстрадаи рус дар барномаи солинавии "Максим Максим" ба барандаи барнома Максим Галкин ҷураби помирӣ тақдим кард

ДУШАНБЕ, 3 янв — Sputnik. Ситораи эстрадаи рус Филипп Киркоров дар барномаи солинави "Макисм Максим", ки 2-январи соли 2017 тариқи шабакаи 1-телевизиони Русия намоиш дода шуд,  ба Максим Галкин ҷураби помирӣ ҳадя карда,гуфт, ки онро холаи Мари махсусан барои Максим бофтааст, то бемор нашавад.

"Холаи Мари, ки ҳоло бо тарбияи фарзандонам машғул аст, ин "наски"-ҳоро махсус барои ту бофт",-гуфт Филипп Киркоров зимни тақдими тӯҳфа.

Максим Галкин-"Ман аз Якубович чӣ камӣ дорам",-гӯён онҳоро ба по кашид.

Алла Пугачева, примадонаи саҳанаи рус, ки низ дар барнома ширкат дошт, як пои ҷурабро санҷид. Барои ӯ собиқ шавҳараш ҷузвдони махсус ҳадя кард.

Ҷураби помирӣ-як қисми ҷудонашандаи либои зимистонаи мардуми Бадахшон ба шумор рафта, дар ҷаҳон ягона аст. Қариб ҳамаи занони ВМКБ аз ӯҳдаи бофтани ҷураби помирӣ мебароянд. Ҷураб асосан бо риштаи аз пашми гусфанд омодашуда,бофта мешавад. Ранги ҷурабро ҳар як бофанда бо табъи дили худ интихоб мекунад. Асосан рангҳои баланд: сурх, сабз, зард, сафед, сиёҳ ва ғайраҳо истифода мешаванд.

Дар солҳои Ҷанги бузурги ватанӣ-занони Помир ба фронт чандин ҳазор ҷураб таҳти шиори "Ҳама чиз барои фрот ва чиз барои ғалаба" равон карданд.

Мардуми Бадахшон ҷурабро ҳамчун тӯҳфа ба меҳмонони олиқадр ҳадя мекунанд.

2999
Барчаспҳо:
ҷураби помирӣ, барномаи солинавӣ, Русия
Мавзуъ
"Тоҷик Эйр": тӯҳфаи беҳтарин саломатӣ аст
Таҷлили Соли нав дар шаҳри Душанбе
Табрикоти шахсони машҳури Тоҷикистон: дӯстӣ бо Узбакистон, саломатӣ ва сулҳ
Шукурҷон Зуҳуров. Акс аз бойгонӣ

Зуҳуров аз вакилон даъват кард, ки хомӯш набошанд

24
Раиси Маҷлиси намояндагони порлумон аз ҳамтоёнаш хост, ки дар вақти ҷаласот фаъол бошанду назароти интихобкунандагони худро то мақомот бирасонанд.

ДУШАНБЕ, 29 апр — Sputnik. Раиси Маҷлиси намояндагон Шукурҷон Зуҳуров вакилони тозаинтихобро даъват кард, ки дар ҷаласот фаъолтар бошанд ва барояшон ёдовар шуд, ки аз замони интихобашон якуним моҳ гузаштааст, менависад хабаргузории "Озодагон".

Зуҳуров ба вакилон бо чунин дархост дар ҷаласаи порлумон дар рӯзи сешанбе муроҷиъат кард, ки дар оғоз вакилон бидуни баррасӣ 6 нуқоти ҷаласаи имрӯзро тасвиб карданд.

"Пешниҳодот, дархостҳо ва суолҳои худро матраҳ кунед. Набояд омада ором нишинед. Аз рӯзи интихобот аллакай 1,5 моҳ гузашт. Вориди ҷараён шавед. Назароте, ки аз муошират бо интихобкунандагони худ ҳосил мекунед, матраҳ кардан даркор аст", — гуфт раис.

Зуҳуров раисии Маҷлиси намояндагонро аз давраи қаблии интихоби вакилон бар зимма дорад.

Барои бори нахуст нест, ки аз вакилон фаъол кардани кори онҳо тақозо мешавад, қабалн чунин дархост аз сӯйи раиси ҷумҳур ва расонаҳо матраҳ шуда буд.

24
Барчаспҳо:
интиқоди Зуҳуров аз адами фаъолияти вакилон, Маҷлиси намояндагон, Шукурҷон Зуҳуров, Тоҷикистон
Мавзуъ
Ҷаласаи муштараки маҷолиси порлумон бо ҳузури раиси ҷумҳур мегузарад
ҲХДТ 65% овоз гирифт, ҲНИТ ва коммунистҳо ба порлумон раҳ наёфтанд
Президент Афганистана Ашраф Гани, архивное фото

Раисҷумҳури Афғонистон аз тамоми кишварҳои минтақа ба ҷуз Тоҷикистон изҳори сипос кард

0
(Таҷдидшуда 02:18 08.07.2020)
Раисҷумҳури Афғонистон аз Эрон ва чанд кишвари минтақа ба далели бознигаҳ доштани марзҳои транзитии худ, изҳори сипос кард

ДУШАНБЕ, 8 июл — Sputnik. Ашраф  Ғанӣ, раисҷумҳури Афғонистон дар маросими ифтитоҳи нишасти машваратии кишварҳои минтақа ва ҳамсоя, ки ба сурати видео-конференсия дар Кобул баргузор шуд, аз кишварҳои минтақа ба вижа Эрон, Покистон, Ӯзбекистон, Туркманистон, Озарбойҷон, Қазоқистон, Ҳинд ва Туркия ки марзҳои тиҷории худро барои транзиту вуруди коло ба Афғонистон дар замони шуюъи вируси корона боз нигаҳ дошта буданд ташаккур кард, иттилоъ додааст хабаргузории “Парстудей”.

Бино бар иттилои манбаъ, раисҷумҳури Афғонистон зикр кардааст, ки иқдоми ин кишварҳо боис шуд Афғонистон бо камбуди маводи аввалия дар шароити корона рӯ ба рӯ нашаваду ин намуна ҳамкории хуби тиҷоратӣ аст. 

Ашрафи Ғанӣ ҳамчунин бо ишора ба таҳдидҳо ва хатарҳои пеши рӯи сулҳ дар Афғонистон гуфт,  агар гурӯҳи Толибон ба ҷанг идома диҳад,  раванди сулҳи Афғонистон бо чолишҳои ҷиддӣ рӯ ба рӯ хоҳад шуд. 

Нишасти машваратии бист  кишвари минтақа, ҳамсоя ва созмонҳои ҷаҳонӣ бо ҳадафи кӯмак ба барқарории сулҳ дар Афғонистон ба сурати видеоии асри душанбе дар Кобул баргузор шуд.

0
Барчаспҳо:
Эрон, кишварҳо, изҳори сипос, минтақа, Тоҷикистон, Афғонистон