Интихобот дар Тоҷикистон. Акс аз бойгонӣ

Раиси КМИР: навори “ҷангу сулҳ”-и ҲНИТ хилофи қонун аст

10
(Таҷдидшуда 16:47 13.02.2015)
Раиси Кумисюни марказии интихобот ва раъйпурсии Тоҷикистон навори таҳиякардаи Ҳизби наҳзати исломиро, ки ҷангу сулҳи тоҷиконро аз нигоҳи онҳо бозгӯ мекунад, хилофи қонунгузорӣ донист.

ДУШАНБЕ, 13 фев — Sputnik. Шермуҳаммади Шоҳиён, раиси Кумисюни марказии интихобот ва раъйпурсии Тоҷикистон (КМИРТ), аз "ролик"-ҳои интихоботии ҳизби наҳзати исломӣ, ки ҷангу сулҳи тоҷиконро аз нигоҳи ин ҳизб бозгӯ мекард, хилофи қонунгузорӣ донистааст, менависад "Радиои Озодӣ".

Шоҳиён шоми 12 феврал ҳангоми сӯҳбаташ тариқи шабакаҳои давлатии Тоҷикистон дар бораи маъракаи пешазинтихоботӣ, гуфт, қонунгзорӣ таҳияи чунин навор ва тавзеи он дар миёни мардумро пешбинӣ накардааст. Раиси КМИРТ дар идома, ба гуфтаи худи ӯ, аз зиёдаравии баъзе аҳзобу аз сустии бархе номзадҳо интиқод кард.

Рӯзҳои шанбе ва якшанбеи гузашта таблиғгарони ҲНИТ, ки миёни онҳо Муҳиддин Кабирӣ, раиси ин ҳазб низ буд, ба чанде аз бозорҳои маъруф дар Душанбе, аз ҷумла "Султони Кабир" ва "мошинбозор"-у "Корвон" рафта, аз наздик бо мардум гуфтугӯ карданд. Онҳо дар баробари тавзеи варақаҳои интихоботӣ, инчунин, CD-еро ба мардум доданд, ки дар он ҷангу сулҳи тоҷикон дар оғози солҳои навадуми қарни гузашта аз нигоҳи ин ҳизб бозгӯ мешавад.

Аз ин пештар, 28 январи соли ҷорӣ, шаҳрдории Душанбе дар посух ба дархости Ҳизби наҳзат, ки мехост таблиғоти интихоботии худро дар кӯчаҳои пойтахт ба роҳ монад, гуфт, ин дархост хилофи Қонун дар бораи интихобот аст.

Руқия Қурбонова — муовини шаҳрдори Душанбе, дар сӯҳбат бо расонаҳо гуфта буд, дар корзори интихоботи парлумонӣ ба ҳамаи номзадҳо ҳаққи баробари таблиғу ташвиқ дода шудааст ва ин дархости Ҳизби наҳзати исломӣ аз чорчӯби муайянкардаи қонун ва Комиссияи марказии интихобот берун аст.

Дар парлумони кунунии Тоҷикистон ба ҷуз аз Ҳизби ҳокими халқии демократӣ, ки аксарияти курсиҳо ба он тааллуқ доранд, инчунин, Ҳизби наҳзати исломӣ, Ҳизби коммунист ва Ҳизби аграрӣ дунафарӣ намояндагӣ мекунанд.

10
Барчаспҳо:
сустӣ, зиёдаравӣ, ҷангу сулҳ, роллик, ғайриқонунӣ, таблиғ, интихобот, "Шабаки аввал", ҲНИТ, КМИРТ, Руқия Қурбонова, Шермуҳаммади Шоҳиён, Муҳиддин Кабирӣ, Душанбе
Тӯҳфаи Филлип Киркоров ба Максим Галкин, ҷураби помирӣ

Ҷураби помирӣ: тӯҳфаи солинавии Филипп Киркоров ба Максим Галкин

2999
(Таҷдидшуда 16:52 03.01.2017)
Филипп Киркоров ситораи эстрадаи рус дар барномаи солинавии "Максим Максим" ба барандаи барнома Максим Галкин ҷураби помирӣ тақдим кард

ДУШАНБЕ, 3 янв — Sputnik. Ситораи эстрадаи рус Филипп Киркоров дар барномаи солинави "Макисм Максим", ки 2-январи соли 2017 тариқи шабакаи 1-телевизиони Русия намоиш дода шуд,  ба Максим Галкин ҷураби помирӣ ҳадя карда,гуфт, ки онро холаи Мари махсусан барои Максим бофтааст, то бемор нашавад.

"Холаи Мари, ки ҳоло бо тарбияи фарзандонам машғул аст, ин "наски"-ҳоро махсус барои ту бофт",-гуфт Филипп Киркоров зимни тақдими тӯҳфа.

Максим Галкин-"Ман аз Якубович чӣ камӣ дорам",-гӯён онҳоро ба по кашид.

Алла Пугачева, примадонаи саҳанаи рус, ки низ дар барнома ширкат дошт, як пои ҷурабро санҷид. Барои ӯ собиқ шавҳараш ҷузвдони махсус ҳадя кард.

Ҷураби помирӣ-як қисми ҷудонашандаи либои зимистонаи мардуми Бадахшон ба шумор рафта, дар ҷаҳон ягона аст. Қариб ҳамаи занони ВМКБ аз ӯҳдаи бофтани ҷураби помирӣ мебароянд. Ҷураб асосан бо риштаи аз пашми гусфанд омодашуда,бофта мешавад. Ранги ҷурабро ҳар як бофанда бо табъи дили худ интихоб мекунад. Асосан рангҳои баланд: сурх, сабз, зард, сафед, сиёҳ ва ғайраҳо истифода мешаванд.

Дар солҳои Ҷанги бузурги ватанӣ-занони Помир ба фронт чандин ҳазор ҷураб таҳти шиори "Ҳама чиз барои фрот ва чиз барои ғалаба" равон карданд.

Мардуми Бадахшон ҷурабро ҳамчун тӯҳфа ба меҳмонони олиқадр ҳадя мекунанд.

2999
Барчаспҳо:
ҷураби помирӣ, барномаи солинавӣ, Русия
Мавзуъ
"Тоҷик Эйр": тӯҳфаи беҳтарин саломатӣ аст
Таҷлили Соли нав дар шаҳри Душанбе
Табрикоти шахсони машҳури Тоҷикистон: дӯстӣ бо Узбакистон, саломатӣ ва сулҳ
Шукурҷон Зуҳуров. Акс аз бойгонӣ

Зуҳуров аз вакилон даъват кард, ки хомӯш набошанд

24
Раиси Маҷлиси намояндагони порлумон аз ҳамтоёнаш хост, ки дар вақти ҷаласот фаъол бошанду назароти интихобкунандагони худро то мақомот бирасонанд.

ДУШАНБЕ, 29 апр — Sputnik. Раиси Маҷлиси намояндагон Шукурҷон Зуҳуров вакилони тозаинтихобро даъват кард, ки дар ҷаласот фаъолтар бошанд ва барояшон ёдовар шуд, ки аз замони интихобашон якуним моҳ гузаштааст, менависад хабаргузории "Озодагон".

Зуҳуров ба вакилон бо чунин дархост дар ҷаласаи порлумон дар рӯзи сешанбе муроҷиъат кард, ки дар оғоз вакилон бидуни баррасӣ 6 нуқоти ҷаласаи имрӯзро тасвиб карданд.

"Пешниҳодот, дархостҳо ва суолҳои худро матраҳ кунед. Набояд омада ором нишинед. Аз рӯзи интихобот аллакай 1,5 моҳ гузашт. Вориди ҷараён шавед. Назароте, ки аз муошират бо интихобкунандагони худ ҳосил мекунед, матраҳ кардан даркор аст", — гуфт раис.

Зуҳуров раисии Маҷлиси намояндагонро аз давраи қаблии интихоби вакилон бар зимма дорад.

Барои бори нахуст нест, ки аз вакилон фаъол кардани кори онҳо тақозо мешавад, қабалн чунин дархост аз сӯйи раиси ҷумҳур ва расонаҳо матраҳ шуда буд.

24
Барчаспҳо:
интиқоди Зуҳуров аз адами фаъолияти вакилон, Маҷлиси намояндагон, Шукурҷон Зуҳуров, Тоҷикистон
Мавзуъ
Ҷаласаи муштараки маҷолиси порлумон бо ҳузури раиси ҷумҳур мегузарад
ҲХДТ 65% овоз гирифт, ҲНИТ ва коммунистҳо ба порлумон раҳ наёфтанд
Инструменты ювелира

Мақомоти Тоҷикистон гуфт, корхонаи “Тоҷик кристалл” чӣ қадар маҳсулот истеҳсол кард

0
(Таҷдидшуда 02:41 08.07.2020)
Ҳиркати “Тоҷик кристалл” яке аз аввалин корхонаҳои заргарии Тоҷикистон мебошад, ки баъд аз ба даст овардани истиқлол ташкил шудааст

ДУШАНБЕ, 8 июл — Sputnik.  Корхонаи “Тоҷик кристалл”  аз оғози фаъолият вобаста ба талаботи бозори дохила ва бо фармоишҳои мизоҷон истеҳсоли маснуоти заргариро вусъат дода то имрӯз зиёда аз 105,00 кг маснуоти заргарӣ аз металлҳои тилло ва нуқра истеҳсол намудааст, иттилоъ додааст дафтари матбуоти вазорати саноати кишвар.

Бино бар иттилои манбаъ, корхонаи мазкур аз соли 2002 то имрӯз ба истеҳсоли маснуоти заргарии миллӣ аз металлҳои тилло ва нуқра машғул буда, ҳамзамон ба фуруши асбобҳои заргарӣ ва сангҳои ороишӣ машғул шудааст.

Ин корхона аз моҳи январ то апрели соли равон ба маблағи 350 ҳазору 662 сомонӣ маҳсулот истеҳсол намудааст, ки ин нишондод нисбат ба ҳамин давраи соли гузашта 45044 сомонӣ зиёд мебошад.

Қайд карда шудааст, ки маснуоти заргарии истеҳсолкардаи ин корхона дар чандин намоишгоҳҳои дохили ҷумҳуриявӣ ва хориҷӣ ба намоиш гузошта сазовори мукофотҳо ва эътирофи тамошобинон ва мизоҷон гардидааст.

Ҳамзамон манбаъ қайд кардааст, ки корхонаи “Тоҷик кристалл”  бо дигар соҳибкорон ва корхонаҳои заргарӣ робитаҳои ҳамкорӣ дошта, аксарияти онҳоро бо асбобу лавозимотҳои  зарурӣ таъмин менамояд.

0
Барчаспҳо:
заргарӣ, истеҳсол, маҳсулот, корхона, Тоҷикистон