Анҷумани ҲХДТ. Акс аз бойгонӣ

ҲХДТ 65% овоз гирифт, ҲНИТ ва коммунистҳо ба порлумон раҳ наёфтанд

14
(Таҷдидшуда 13:52 02.03.2015)
Натоиҷи муқаддамотии интихоботи порлумонии Тоҷикистон ғайричашмдошт шуданд – ба гуфтаи раҳбари КМИР ҳизби умдаи мухолифи давлат - ҲНИТ ва коммунистҳо натавонистанд аз меъёри панҷдарсадӣ, ки барои дарёфти курсӣ дар порлумон имкон медиҳад, убур кунанд.

ДУШАНБЕ, 2 мар — Sputnik. Аз феҳрасти аҳзоби сиёсӣ номзадҳои Ҳизби халқи демократи Тоҷикистон дар интихоботи порлумонӣ 65% раъйи интихобкунандагонро оҳиб шуданд, хабар дод раҳбари КМИРТ Шермуҳаммади Шоҳиён дар нишасти хабарӣ, ки ин лаҳза идома дорад.

ҲХДТ тибқи феҳрасти худ соҳиби 16 курсӣ дар порлумон шуд.

Ҳизби кишоварзии Тоҷикистон бо касби 11,8% раъйи интихобкунандагон дар ҷойгоҳи дуввум ва соҳиби се курсии вакилӣ шуд.

Ҳизби ислоҳоти иқтисодӣ 7,6% (2 курсӣ) раъйро ба даст овард. Ҳизби сотсиалист бо касби 5,5% раъй соҳиби як курсӣ шуд. Аҳзоби дигар тибқи феҳрасти ҳизбӣ аз меъёри панҷдарсадӣ натавонистанд убур кунанд.

Ҳизби коммунист 2,3%, Ҳизби демократ 1,7%, Ҳизби наҳзати исломи Тоҷикистон 1,5% ва Ҳизби сотсиал демократ 0,5% раъйи интихобкунандагон тавассути феҳрасти ҳизбиро соҳиб шуданд.

Дар интихоботи якуми марти Маҷлиси намояндагон 82% интихобкунандагон ё 3,5 миллион сокинони кишвар ширкат кардаанд.

Онҳо дар 3,2 ҳазор марокизи раъйдиҳӣ дар дохили кишвар ва 35 марказ дар 27 кишвари ҷаҳон овозҳои худро ба номзадҳо додаанд. Дар Русия се маркази раъйдиҳӣ фаъол буд.

14
Барчаспҳо:
эъломи натоиҷи интихобот, КМИРТ, Шермуҳаммади Шоҳиён, Тоҷикистон
Мавзуъ
Парлумони Тоҷикистон дар арафаи интихобот
Интихобот ва ҳолу ҳавои "исломхоҳӣ"-и аҳзоби Тоҷикистон
Президент: “ба интихобот ва оромии кишвар хиёнат накунед”
Таҳлилгар: ҲХДТ барандаи асосии интихобот аст
Тӯҳфаи Филлип Киркоров ба Максим Галкин, ҷураби помирӣ

Ҷураби помирӣ: тӯҳфаи солинавии Филипп Киркоров ба Максим Галкин

2999
(Таҷдидшуда 16:52 03.01.2017)
Филипп Киркоров ситораи эстрадаи рус дар барномаи солинавии "Максим Максим" ба барандаи барнома Максим Галкин ҷураби помирӣ тақдим кард

ДУШАНБЕ, 3 янв — Sputnik. Ситораи эстрадаи рус Филипп Киркоров дар барномаи солинави "Макисм Максим", ки 2-январи соли 2017 тариқи шабакаи 1-телевизиони Русия намоиш дода шуд,  ба Максим Галкин ҷураби помирӣ ҳадя карда,гуфт, ки онро холаи Мари махсусан барои Максим бофтааст, то бемор нашавад.

"Холаи Мари, ки ҳоло бо тарбияи фарзандонам машғул аст, ин "наски"-ҳоро махсус барои ту бофт",-гуфт Филипп Киркоров зимни тақдими тӯҳфа.

Максим Галкин-"Ман аз Якубович чӣ камӣ дорам",-гӯён онҳоро ба по кашид.

Алла Пугачева, примадонаи саҳанаи рус, ки низ дар барнома ширкат дошт, як пои ҷурабро санҷид. Барои ӯ собиқ шавҳараш ҷузвдони махсус ҳадя кард.

Ҷураби помирӣ-як қисми ҷудонашандаи либои зимистонаи мардуми Бадахшон ба шумор рафта, дар ҷаҳон ягона аст. Қариб ҳамаи занони ВМКБ аз ӯҳдаи бофтани ҷураби помирӣ мебароянд. Ҷураб асосан бо риштаи аз пашми гусфанд омодашуда,бофта мешавад. Ранги ҷурабро ҳар як бофанда бо табъи дили худ интихоб мекунад. Асосан рангҳои баланд: сурх, сабз, зард, сафед, сиёҳ ва ғайраҳо истифода мешаванд.

Дар солҳои Ҷанги бузурги ватанӣ-занони Помир ба фронт чандин ҳазор ҷураб таҳти шиори "Ҳама чиз барои фрот ва чиз барои ғалаба" равон карданд.

Мардуми Бадахшон ҷурабро ҳамчун тӯҳфа ба меҳмонони олиқадр ҳадя мекунанд.

2999
Барчаспҳо:
ҷураби помирӣ, барномаи солинавӣ, Русия
Мавзуъ
"Тоҷик Эйр": тӯҳфаи беҳтарин саломатӣ аст
Таҷлили Соли нав дар шаҳри Душанбе
Табрикоти шахсони машҳури Тоҷикистон: дӯстӣ бо Узбакистон, саломатӣ ва сулҳ
Шукурҷон Зуҳуров. Акс аз бойгонӣ

Зуҳуров аз вакилон даъват кард, ки хомӯш набошанд

24
Раиси Маҷлиси намояндагони порлумон аз ҳамтоёнаш хост, ки дар вақти ҷаласот фаъол бошанду назароти интихобкунандагони худро то мақомот бирасонанд.

ДУШАНБЕ, 29 апр — Sputnik. Раиси Маҷлиси намояндагон Шукурҷон Зуҳуров вакилони тозаинтихобро даъват кард, ки дар ҷаласот фаъолтар бошанд ва барояшон ёдовар шуд, ки аз замони интихобашон якуним моҳ гузаштааст, менависад хабаргузории "Озодагон".

Зуҳуров ба вакилон бо чунин дархост дар ҷаласаи порлумон дар рӯзи сешанбе муроҷиъат кард, ки дар оғоз вакилон бидуни баррасӣ 6 нуқоти ҷаласаи имрӯзро тасвиб карданд.

"Пешниҳодот, дархостҳо ва суолҳои худро матраҳ кунед. Набояд омада ором нишинед. Аз рӯзи интихобот аллакай 1,5 моҳ гузашт. Вориди ҷараён шавед. Назароте, ки аз муошират бо интихобкунандагони худ ҳосил мекунед, матраҳ кардан даркор аст", — гуфт раис.

Зуҳуров раисии Маҷлиси намояндагонро аз давраи қаблии интихоби вакилон бар зимма дорад.

Барои бори нахуст нест, ки аз вакилон фаъол кардани кори онҳо тақозо мешавад, қабалн чунин дархост аз сӯйи раиси ҷумҳур ва расонаҳо матраҳ шуда буд.

24
Барчаспҳо:
интиқоди Зуҳуров аз адами фаъолияти вакилон, Маҷлиси намояндагон, Шукурҷон Зуҳуров, Тоҷикистон
Мавзуъ
Ҷаласаи муштараки маҷолиси порлумон бо ҳузури раиси ҷумҳур мегузарад
ҲХДТ 65% овоз гирифт, ҲНИТ ва коммунистҳо ба порлумон раҳ наёфтанд
Таджикские мастера готовят подарок к зимней Олимпиаде в Пекине

Туҳфаи устоҳои тоҷик барои Бозиҳои зимистонаи олимпии Пекин

0
Ҷамшед Ҷӯраев ва Насим Негматов ду устои бомаҳорати тоҷик мебошанд, ки шӯҳрати наққошкориҳои онҳо берун аз Тоҷикистон ҳам паҳн шудааст

ДУШАНБЕ, 6 авг — Sputnik. Ҷамшед Ҷӯраев ва Насим Негматов ду устои машҳури тоҷик мебошанд, ки амалҳои ҷолиби наққошии онҳо иншоотҳои фарҳангӣ ва маконҳои дӯстдоштании кишварро оро медиҳанд. Ифтихори котиботи Созмони Ҳамкории Шанхай – толори рамзи қароргоҳи СҲШ – тариқи ҳамин ҳунар оро ёфтааст. 

Ҳамчунин, ороиши павилони СҲШ дар доираи Намоишгоҳи ҷаҳонии санъати боғдорӣ соли 2019 дар Пекин ба Ҷамшед ва Насим супорида шуда буд. Павилони СҲШ миёни меҳмонони намоишгоҳ машҳур шуд, хусусан ҳунари рассомон баҳои баланд гирифт.

Арчаи миллӣ бо розигии Президент: дастур барои насб пеши идораю хонаҳо - аксҳо

Кумитаи милли олимпии Тоҷикистон хабар медиҳад, ки устоҳои тоҷик омодагиро ба Бозиҳои зимистонаи олимпӣ, ки аз 4 то 20 феврали соли 2022 дар Пекин баргузор мешаванд, шуруъ карданд. Тилисми ин чорабинии бузурги варзишӣ – панда бо номи Бин-Дундун интихоб шудааст.

Зимнан, рассомони тоҷик тасмим гирифтаанд якчанд лавҳаро бо наққошии панда – ҳайвони дӯстдори миллионҳо нафар дар ҷаҳон – омода кунанд.

Дар доираи Бозиҳои олимпӣ, онҳо инчунин умед доранд, ки намоишгоҳ ташкил мекунанд ва ҳунарашонро ба пекиниҳо ва меҳмонони пойтахти Чин ошно менамоянд.

0
Барчаспҳо:
тоҷик, усто, туҳфа, Бозиҳои олимпӣ