Варақаҳои таблиғотии ҲХДТ. Акс аз бойгонӣ

Номзади ҲХДТ дар Кӯлоб 82% раъй гирифт

20
(Таҷдидшуда 11:06 04.03.2015)
Тибқи натоиҷи муқаддамотӣ, Абдуғаффор Раҳмонзода, номзад аз ҲХДТ ва шаҳрдори пешини Кӯлоб дар ҳавзаи якмандатии Кӯлоб-37, аз ҳамаи рақибонаш раъйи бештар ба даст овардааст.

ДУШАНБЕ, 4 март — Sputnik. Дар ҳавзаи якмандатии Кӯлоб-37, Абдуғаффор Раҳмонзода, номзади ҲХДТ бо касби 82,15 дарсади орои интихобкунандагон, дар садри аввал ҷадвал қарор гирифтааст, иттилоъ медиҳад "Радиои Озодӣ".

Анҷумани бахши ҳизби ҳокими халқии демократии Тоҷикистон (ҲХДТ) дар шаҳри Кӯлоб моҳи январ Абдулғаффор Раҳмонзодаро ба ҳайси номзад ба интихоботи парлумонии 1 март дар ин ҳавза пешбарӣ карда буд.

Собиқ шаҳрдори Кӯлоб дар интихоботи парлумонии рӯзи 1 март дар ин ҳавза бо Саидиброҳими Назар аз Ҳизби наҳзати исломии Тоҷикистон ва Алӣ Комилов рақобат кард. Бар пояи натоиҷи муқаддамотӣ, ки ҳавзаи интихоботӣ онро эълон намуд, оқои Раҳмонзода, ҳудуди 70 ҳазор райъи интихобкунандагонро ба даст овардааст.

Давлатшоҳ Шарофиддинов, раиси ҳавзаи якмандатии Кӯлоб — 37 рӯзи чоршанбеи 4 март дар сӯҳбат бо Радиои Озодӣ гуфт, шумораи умумии интихобкунандагон дар ҳавзаи онҳо ба 96 ҳазор нафар мерасид, ки 70 ҳазораш ба ҷонибдории Абдуғаффор Раҳмонзода раъй додаанд.

"Дар интихобот Абдуғаффор Раҳмонзода 69, 189 овоз гирифт ва ба Комилов Алӣ, ки аз ҳавзаи мо ба ҳайси худпешбарӣ номзадии худро гузошта буд, 11,288 нафар раъй додаанд. Ба номзади ҲНИТ Сайдиброҳими Назар бошад, 2609 нафар раъй додаанд", — гуфтааст раиси ҳавза.

Абдуғаффор Раҳмонзода рӯзи интихобот пас аз раъй додан умедворӣ карда буд, ки интихобот ба таври озоду шаффоф сурат хоҳад гирифт ва ӯ ҳатман дар интихобот пирӯз мешавад. Қарор аст, имрӯз, 4 март Абдуғаффор Раҳмонзода дар ҳавзаи интихоботии Кӯлоб-37 нишасти матбуотӣ доир намуда, оид ба масоили интихобот ва пирӯз шуданаш, бо хабарнигорон сӯҳбат намояд.

Комиссияи ҳавзавӣ дар ҳоле, аз пирӯзи номзадии ҲХДТ дар Кӯлоб хабар дод, ки ба иттилои хабарнигорон, дар ҷараёни раъйдиҳӣ дар ҳавзаи интихоботи Кӯлоб, мавориди нақзи қонун, бахусус овоз додани як нафар ба ҷойи чанд нафар аз аъзои оила ба мушоҳида расидааст. Бархе аз нозирони мустақил аз ҷониби аҳзоб низ ин гуна нақзи қонунро мушоҳида кардаанд.

Абдулғаффор Раҳмонзода 5 январи соли 2012 бо фармони раисҷумҳур Эмомалӣ Раҳмон шаҳрдори Кӯлоб таъин шуда буд ва бо ворид шудан ба рақобати интихоботӣ, аз мақомаш барканор шуд. Ӯ дувумин намояндаи ин хонавода аст, ки дар ҳукумати феълӣ мақоми баландро дорад. Бародари ӯ — вазири собиқи маориф Абдуҷаббор Раҳмонов ва баъдан ректори Донишгоҳи омӯзгории ба номи Садриддин Айнӣ, ҳоло дар симати ёвари президенти Тоҷикистон дар масоили иҷтимоӣ ва робита бо ҷомеа, кор мекунад.

20
Барчаспҳо:
82,15, раъй, пирӯзӣ, Интихобот, ҲХДТ, Абдуғаффор Раҳмонзода, Кӯлоб
Арестованный мужчина за оскорбление своей матери

Боздошту ҳабси сокини Душанбе барои дашному таҳқири модари пираш

569
(Таҷдидшуда 12:01 28.08.2020)
Раёсати Вазорати корҳои дохила дар шаҳри Душанбе аз боздошти як марди 36 сола хабар медиҳад, ки модари пиронсолашро ҳақорату дашномҳои қабеҳ кардааст.

ДУШАНБЕ, 28 авг — Sputnik. Тибқи иттилои дафтари матбуотии ин ниҳод, Қараев Аҳмад Пулодович истиқоматкунандаи ш. Душанбе, кӯчаи Ф. Муҳаммадиев дар ҳолати мастӣ дар назди манзили истиқотиашон бо модари пиронсоли худ муноқиша ва нисбаташ беэҳтиромӣ зоҳир намуда, ӯро мавриди дашному ҳақоратҳои қабеҳ қарор додаст.

“Ин амали ӯ мавриди вокуниши шаҳрвандон ва истиқоматкунандагони бинои мазкур қарор гирифта, ҷиҳати андешидени чораҳои дахлдори қонунӣ ба кормандони милитсия муроҷиат намудаанд”,-афзудааст манбаъ.

Манбаъ мегӯяд, боздоштшуда ба ҷойи эҳтиром ба майнӯшӣ машғул шудаву модари муштипари худро дар назди ҳамсоягону дигар шаҳрвандон мавриди дашному ҳақорат қарор дода, шаъну шарафашро дар назди атрофиён паст задааст.

Ҳукми уламо ба марде, ки рӯза медошту зану фарзандонашро дашном дода, мезад

Гуфта мешавад, бо назардошти ҳолатҳои мазкур нисбати шаҳрванд Қараев Аҳмад Пулодович парвандаи маъмурӣ бо моддаи 460 (Майдаавбошӣ) Кодекси ҳуқуқвайронкунии маъмурии Ҷумҳурии Тоҷикстон тартиб дода шуда, бо қарори Суд нисбаташ ҷазо дар намуди ҳабси маъмурӣ ба муҳлати 10-шабонарӯз таъин карда шуд.

569
Тӯҳфаи Филлип Киркоров ба Максим Галкин, ҷураби помирӣ

Ҷураби помирӣ: тӯҳфаи солинавии Филипп Киркоров ба Максим Галкин

3002
(Таҷдидшуда 16:52 03.01.2017)
Филипп Киркоров ситораи эстрадаи рус дар барномаи солинавии "Максим Максим" ба барандаи барнома Максим Галкин ҷураби помирӣ тақдим кард

ДУШАНБЕ, 3 янв — Sputnik. Ситораи эстрадаи рус Филипп Киркоров дар барномаи солинави "Макисм Максим", ки 2-январи соли 2017 тариқи шабакаи 1-телевизиони Русия намоиш дода шуд,  ба Максим Галкин ҷураби помирӣ ҳадя карда,гуфт, ки онро холаи Мари махсусан барои Максим бофтааст, то бемор нашавад.

"Холаи Мари, ки ҳоло бо тарбияи фарзандонам машғул аст, ин "наски"-ҳоро махсус барои ту бофт",-гуфт Филипп Киркоров зимни тақдими тӯҳфа.

Максим Галкин-"Ман аз Якубович чӣ камӣ дорам",-гӯён онҳоро ба по кашид.

Алла Пугачева, примадонаи саҳанаи рус, ки низ дар барнома ширкат дошт, як пои ҷурабро санҷид. Барои ӯ собиқ шавҳараш ҷузвдони махсус ҳадя кард.

Ҷураби помирӣ-як қисми ҷудонашандаи либои зимистонаи мардуми Бадахшон ба шумор рафта, дар ҷаҳон ягона аст. Қариб ҳамаи занони ВМКБ аз ӯҳдаи бофтани ҷураби помирӣ мебароянд. Ҷураб асосан бо риштаи аз пашми гусфанд омодашуда,бофта мешавад. Ранги ҷурабро ҳар як бофанда бо табъи дили худ интихоб мекунад. Асосан рангҳои баланд: сурх, сабз, зард, сафед, сиёҳ ва ғайраҳо истифода мешаванд.

Дар солҳои Ҷанги бузурги ватанӣ-занони Помир ба фронт чандин ҳазор ҷураб таҳти шиори "Ҳама чиз барои фрот ва чиз барои ғалаба" равон карданд.

Мардуми Бадахшон ҷурабро ҳамчун тӯҳфа ба меҳмонони олиқадр ҳадя мекунанд.

3002
Барчаспҳо:
ҷураби помирӣ, барномаи солинавӣ, Русия
Мавзуъ
"Тоҷик Эйр": тӯҳфаи беҳтарин саломатӣ аст
Таҷлили Соли нав дар шаҳри Душанбе
Табрикоти шахсони машҳури Тоҷикистон: дӯстӣ бо Узбакистон, саломатӣ ва сулҳ
Медицинская каталка в больнице, архивное фото

Мотам дар Бемористони Хуҷанд: Шариф Раҷабов, табиби сироятшинос дар ҷои кор даргузашт

30
(Таҷдидшуда 12:15 06.03.2021)
Шариф Раҷабов, табиби сироятшинос ва мудири шуъбаи бемориҳои зардпарвини Бемористони сироятии Хуҷанд дар синни 65 солагӣ аз дунё даргузашт

ДУШАНБЕ, 6 мар – Sputnik. Табиби сироятшинос ва мудири шуъбаи бемориҳои зардпарвини Бемористони сироятии Хуҷанд дар паи бемории қалб дунёро падруд гуфт.

Абдусалом Умаров, яке аз ҳамкасбони табиб дар тайиди ин хабар ба Sputnik Тоҷикистон гуфт, Раҷабов чанд вақти охир аз беморие ранҷ мекашид, вале дирӯз дар ҷойи кор якбора дилаш аз тапитан боз монд. 

"Ҳарчанд як дафъа ба сактаи қалбӣ (инфаркт) дучор шуда буданд, вале ҳеҷ гоҳ аз саломатӣ шикоят надоштанд ва дасту дилашон ба кор гарм буд. Мутаассифона дирӯз якбора дилашон қапид ва бо ҳамин ҷон ба Ҳақ таслим намуданд", - гуфт манбаъ аз Бемористони сироятии Хуҷанд.

Шариф Раҷабов аз табибоне дар Хуҷанд гуфта мешуд, ки дар замони хуруҷии пандемия дар сафи пеши мубориза қарор дошт ва бо ҷасорати бутуни касбӣ даҳҳо гирифторони каронавирусро муолиҷа мекард.

Ин аст, ки даҳҳо нафар корбарони шабакаҳои иҷтимоӣ даргузашти ин табиби ҳозиқро талафоти бузург дар соҳаи тибби кишвар ба вижа Бемористони сироятии Хуҷанд маънидод кардаанд.

Раҷабов Шариф Валиевич 8 майи соли 1956 дар шаҳри Хуҷанд таваллуд шуда, соли 1979 Донишгоҳи тибии Тоҷикистон ба номи Абӯалӣ ибни Сино дар шаҳри Душанберо хатм намудааст.

Баъд аз гузаштани курси интернатура беш аз чиҳил сол ба ин тараф ҳамчунин духтури сироятшинос дар Бемористони Хуҷанд фаъолият доштааст.

Соли 1981 бо ибтикори ӯ, шуъбаи эҳё дар Бемористон ташкил карда шудааст.

Соли мотам: бузургони рафта дар соли 2020

Раҷабов, солҳои 2001 - 2013 сартабиби Бемористони сироятии Хуҷандро ба зима дошт. Ҳамзамон солҳои зиёд минҳайси сармутахассиси умури сироятшиносӣ дар Раёсати тандурустии вилояти Суғд кор кардааст.

Ҳашт соли охир, мудири шуъбаи якум ва ё сироятии ин бемористон буд. Ҷанозаи марҳум дирӯз дар қабристони ҷамоати Ёваи ноҳияи ба номи Бобоҷон Ғафуров ба хок супурда шуд.

30
Барчаспҳо:
даргузашт, табиб, бемористон, Хуҷанд