Интиқоли нерӯи барқ дар кишвар то 18 соат афзоиш дода шуд

© Sputnik / Алексей Даничев / Гузариш ба медиабонкХутути интиқоли нерӯи барқ. Акс аз бойгонӣ
Хутути интиқоли нерӯи барқ. Акс аз бойгонӣ - Sputnik Тоҷикистон
Обуна шудан
Рӯзҳои наздик дар сурати мусоидии вазъи ҳаво реҷаи интиқоли нерӯи барқ дар кишвар комилан лағв хоҳад шуд.

ДУШАНБЕ, 23 фев — Sputnik. Аз 21-уми феврал дар манотиқи рустоӣ интиқоли нерӯи барқ то 18 соат афзоиш дода шуд.

Дастури мушобеҳи раиси ҷумҳури Тоҷикистон ҳамон рӯз тавассути шабакаҳои давлатии телевизионӣ пахш карда шуд.

Аз 21-уми феврал нерӯи барқ ба сокинони манотиқи рустоӣ бидуни реҷа аз соати 5 саҳар то 23 шом интиқол дода мешавад.

Зикр шуд, ки дар сурати мусоидии вазъи ҳаво реҷаи интиқоли нерӯи барқ дар кишвар рӯзҳои наздик комилан лағв хоҳад шуд.

Аз 16-уми феврал нерӯи барқ ба сокинони Тоҷикистон 13 соат дар шабонарӯз интиқол меёфт — аз соати 5 саҳар то 11 рӯз ва аз соати 16 то 23 шаб.

Реҷаи интиқоли нерӯи барқ дар манотиқи Тоҷикистон ҳамасола аз оғози моҳи октябр то авоили моҳи апрел роҳандозӣ мешавад.

Лентаи хабарҳо
0