Хутути интиқоли нерӯи барқ. Акс аз бойгонӣ

БАБР қабл аз ҷудо кардани маблағ ба Тоҷикистон шарт гузошт

6
(Таҷдидшуда 16:35 11.02.2016)
Тарҳи муштараксозии низоми энержии Осиёи Марказӣ ва Осиёи Ҷанубӣ "CASA 1000" мунтақили нерӯи барқ аз Тоҷикистону Қирғизистон ба Афғонистону Покистонро дар назар дорад.

ДУШАНБЕ, 18 май — Sputnik. Бонки аврупоии бозсозӣ ва рушд омода аст, тарҳи CASA-1000 дар Тоҷикистонро сармоягузорӣ кунад, аммо дар ивазаш тақозо кардааст, ки низомии энержии кишвар ислоҳ карда шавад, омадааст дар баёнияи БАБР.

Санади ҳусни тафоҳуми миёни БАБР ва Тоҷикистон 15 май имзо шуд ва дар ин санад барномаи ислоҳот, ки шарти қаблии сармоягузории ин тарҳи минтақвии интиқоли нерӯи барқ, ки бо исми CASA-1000 мебошад, пешбинӣ шудааст.

Ин ҳуҷҷатро мудири иҷроияи БАБР дар умури энержӣ ва захойири табиӣ Риккардо Пулити ва муовини аввали раиси Бонки миллии Тоҷикистон Ҷамолиддин Нуралиев, ки ҳукуматро муаррифӣ мекард, имзо карданд.

"Ин тарҳ, ки дар он бархе аз созмонҳои байналмиллалии молӣ, назири Бонки ҷаҳонӣ ва Бонки аврупоии сармоягузорӣ ширкат мекунанд, аз чанд бахш иборат аст. БАБР имкони сармоягузории ислоҳоти низоми интиқоли нерӯи барқ дар дохили Тоҷикистонро баррасӣ мекунад", — зикр шудааст дар баёнияи БАБР.

Зикр шудааст, ки шарти дарёфти сармоягузории БАБР ислоҳоти ширкати давлатии энержии "Барқи тоҷик"-и Тоҷикистон мебошад.

"Дар чаҳорчӯби ислоҳот ширкат муваззаф шудааст, ки шароити дастрасии ҷонибҳои саввум ба хутути интиқоли нерӯи барқро мушшахас карда ниҳоди мустақили танзимгари бахши энержиро таъсис бидиҳад", — тавзеъ доданд дар банк дар мавриди ин шароит.

Тарҳи муштараксозии низоми энержии Осиёи Марказӣ ва Осиёи Ҷанубӣ "CASA 1000" эҳдоси хатти интиқоли нерӯи барқ барои содиротро дар назар дорад. Тоҷикистон ва Қирғизистон содиркунанда ва Афғонистону Покистон, ки ба камбуди энержи рӯбарӯ ҳастанд, воридкунандаи нерӯи барқ хоҳанд буд.

Ба манзури пуштибонии бахши энержии Тоҷикистон БАБР қаблан ба маблағи $75 миллион бозсозии нерӯгоҳи Қайроққум дар шимоли кишварро сармоягузорӣ карда буд. Ин тарҳ таъсиси фанновариҳои ҷадид барои побарҷойӣ дар қиболи тағйироти иқлимиро пешбинӣ кардааст.

6
Барчаспҳо:
хатти интиқоли баландшиддати барқ, санади ҳамкорӣ, Шартгузории БАБР ба ҳукумати Тоҷикистон, Бонки аврупоии бозсозӣ ва рушд, БАБР, Риккардо Пулити, Ҷамолиддин Нуралиев, Тоҷикистон
Мавзуъ
Ӯзбакистон бозори фурӯши барқ ба Афғонистонро соҳиб шуданист
БОР барои беҳбуди таъмини барқ дар Панҷакент $54 млн ихтисос медиҳад
Здание энергохолдинга Барки точик, архивное фото

Қарзи "Барқи тоҷик" ба 154 миллион доллар расид

157
(Таҷдидшуда 12:20 27.10.2020)
Нерӯгоҳи Сангтӯда-1 аз аввали соли 2020 ба бозори энержии Тоҷикистон аз ҳаҷми пешбинишуда камтар интиқол додааст. Сабаб ба коҳиши хариди нерӯи барқ ​​аз Барқи Тоҷик иртибот дорад.

ДУШАНБЕ, 27 окт — Sputnik. Қарзи Ширкати Саҳомии Холдингии Кушодаи “Барқи Тоҷик” аз НБО нерӯгоҳи "Сангтӯда-1"  қариб ба 154 миллион доллар расидааст, хабар медиҳад хадамоти матбуоти нерӯгоҳ.

Тибқи иттилои расмӣ, аз аввали соли 2020 нерӯгоҳ ба бозори энержии Тоҷикистон 1,6 миллиард кВт/соат нерӯи барқ ​​додаасӣ. Ин нишондиҳанда нисбат ба ҳаҷми пешбинишуда 76,6 миллион кВт/соат ва нисбат ба ҳамин давраи соли 2019 114,6 миллион кВт/соат камтар шудааст.

Хадамоти матбуоти нерӯгоҳ гуфтааст, ки сатҳи миёнаи истифодаи иқтидори насбшудаи НБО Сангтӯда-37,8% -ро ташкил додааст.

Гуфта мешавад, дуршавии нишондиҳандаи воқеӣ аз нишондиҳандаи пешбинишуда ба кам шудани ҳаҷми харидории нерӯи барқ ​​аз “Барқи Тоҷик” вобаста аст.

Дар давраи ҳисоботӣ, арзиши умумии нерӯи барқ, ки аз ҷониби холдинг дода мешавад, ба 49,7 миллион доллар расид. Аммо сатҳи миёнаи пардохт аз оғози соли 2020 аз 44% зиёд нест, ки ин афзоиши минбаъдаи қарзи Барқи Тоҷикро аз НБО Сангтӯда-1 бармеангезад.

Хатзании қарзҳо: қарори Ҳукумат барои дастгирии “Барқи тоҷик”

Манбаъ мегӯяд, дар давраи ҳисоботӣ, нерӯгоҳ ба  ШХСК “Барқи Тоҷик” ба арзиши умумии 49,7 миллион доллар барқ додааст.

Аммо ба таъкиди котиботи нерӯгоҳ “Барқи Тоҷик”  танҳо 44%-и маблағи онро додаасту халос, ки қарздорияшол боз дар назди НБО "Сангтӯда-1" зиёд кардааст.

Дар нӯҳ моҳи соли равон қарзи ширкати "Барқи Тоҷик"  27,8 миллион доллар афзуда, то 30 сентябри соли ҷорӣ ба 154 миллиард доллар баробар шудааст.

ҶСК "НБО Сангтӯда-1" — муассисаи муштараки Русия ва Тоҷикистон аст, ки моҳи феврали соли 2005  дар дарёи Вахши Ҷумҳурии Тоҷикистон бунёд гардид. Иқтидори муқарраршудаи  "Сангтуда-1" 670 МВт аст.

Аввалин гидроагрегати нерӯгоҳ 20 январи соли 2008 ба кор оғоз кард.

“Барқи тоҷик” шумори ҳолати истифодаи ғайриқонунии нерӯи барқро эълон кард

Чаҳор гидроагрегати нерӯгоҳи барқии обӣ 31 июли соли 2009 расман ба кор шурӯъ кард. Саҳми умумии коркарди нерӯи барқи НБО Сангтӯда-1 12% тавлиди кулли нерӯи барқи Тоҷикистонро ташкил медиҳад.

157
Барчаспҳо:
қарз, "Барқи Тоҷик", Тоҷикистон
Работа нефтяных станков - качалок

Бе пул монданд: сармоягузорӣ ба нафти шил ба таври назаррас коҳиш ёфт

111
(Таҷдидшуда 00:11 17.10.2020)
Поинравии арзиши нафт, қарзҳои бузург ва норасоии маблағгузорӣ бахши истихроҷи нафти шил (слансӣ)-и Амрикоро ба варшикастагӣ рӯ ба рӯ кардааст

ДУШАНБЕ, 16 окт — Sputnik. Аз пандемия бузургтарин ширкатҳои Амрико бардошт карда натавонистанд. Аммо вазъи боз ҳам бадтар аз пеш аст. Ба назар мерасад, ки сармоягузорӣ ба ин соҳа дар соли равон боз ҳам ду баробар коҳиш хоҳад ёфт. Ин маънии онро дорад, ки аксарияти корхонаҳои тавони фаъолиятро дар ин бахш дигар надоранд. Чаро бахши нафти шил дар Амрико, ки қаблан пешқадам буданд, ҳоло зиндагии чандон хуб надоранд. Ин мавзӯъро РИА Новости таҳлил кардааст.

Нархи арзон

Поин омадани нархҳо дар бозорҳо дар фасли баҳор итихроҷи нафти шил дар Амрикоро коҳиш дод. Арзиши нафт тақрибан 50 дарсад коҳиш ёфт. Техас ба ин раванд комилан омода набуд. Дар натиҷа ширкати Parsley Energy фаъолияти беш аз 150 чоҳи истихроҷи нафтро масдуд кард. Ширкати Continental Resources истихроҷи нафтро ду баробар коҳиш дод. Аммо ширкаӣти Texland Petroleum комилан истихроҷи нафтро қатъ кард.

Моҳи апрели соли равон яке аз бузургтарин ширкатии амрикоӣ  Whiting Petroleum, ки ба истихроҷи нафти шил машғул буд, худро варшикаста эълон кард. Сипас  ширкати Нornbeck Offshore Services ва дар моҳи ширкатҳои California Resources ва Chesapeake Enеrgy низ худро варшикаста эълон намуданд. Коршиносон ҳушдор доданд, ки ин танҳо қадамҳои аввал аст ва дар давраи наздик раванди варшикастагии ширкатҳо идома хоҳад ёфт. Тибқи дурнамои ширкати Рickering Energy Partners соли равон беш аз 40 дарсади ширкатҳо, ки дар ин бахш фаъолият доранд аз варшикастагии худ эълон хоҳанд кард.    

“Нархҳои имрӯза имкон намедиҳанд ба ширкатҳои,е ки ба истихроҷи нафти шил машғуланд даромад бигиранд. Барои фоида овардан 50-60 доллар барои як бушка лозим аст. 40 доллар хеле кам аст. Ин соҳа барои сармоягузорон чандон ҷолиб нест. Ҳоло барои он, ки дар бозор бимонӣ бояд пул дошта бошӣ, аммо ҳоло ба кумаки касе умед бастан ғайри имкон аст”.

Тибқи иттилои Ожонсии байналмилалии энергетикӣ сармогузорӣ ба бахши истихроҷи нафти шил дар соли равон ду баробар то 45 миллиард доллар коҳиш хоҳад ёфт. Дар соли 2019 коҳишёби тақрибан 100 миллиардро ташкил дода буд.

Дар гузориши World Energy Outlook гуфта шудааст, ки дар даҳсолаҳои наздик даромад дар ин соҳа 85 миллиард ё 30 дарсад коҳиш хоҳад ёфт.

Аммо дар дурнамои ширкати машваратии Rystad Energy гуфта шудааст, ки ин бахш дар соли равон 67 миллард долларзарар мебинад.   

Ноумедии талх

Бояд қайд кард, ки имрӯз сармоягузорон ба бахши истихроҷи нафти шил чандон боварӣ надоранд. Дар охири соли 2018 аксарияти ширкатҳо ба сабаб коҳиши сармоягузориҳо бюҷеташонро ба миллиардҳо доллар коҳиш доданд. Ҳама одист – даромад нест.

Амрико маҳз бо шаровати ширкатҳои истихроҷи нафти шил ба яке аз бузургтарин кишварҳои содиркунандаи нафт табдил ёфт. Аммо онҳо бояд ҳамеша чоҳ бикананд чунки захираҳо дар чоҳҳои қабли зуд тамом мешаванд. Ба ҳамин хотир қарзҳои ширкатҳо низ афзоиш меёбад.

“Сармогузорон дарк карданд, ки ин намуди тиҷорат чандон фоиданок нест, чунки норасоии маблағро бо қарзҳо рӯйпӯш мешаванд. Дар дас сол 40 ширкати бузург дар ин бахш беш аз 200 миллиард маблағ масраф карданд, ки ин маблағ бештар аз даромади гирифтаашон аст”

Танҳо баъзе ширкатҳо дар ин самт муваффақ шуданд. Ҳазорҳо чоҳҳо нафти кам истихроҷ мекунанд. Дар натиҷа арзиши саҳмияҳои ширкатҳо поин меояд ва онҳо фурухта мешаванд. “Ин бахш дар соли равон комилан боварии сармоягузоронро аз даст доданд”, таъкид доштааст Ли Тилман раиси ширкати нафту гази Marathon Oil.    

Ҳарчи дуртар -ҳарчи бештар

тАвре рӯзномаи Financial Times навиштааст дар семоҳаи аввали соли равон ширкатҳои бузургтарини нафти шил дар ҳаҷми 26 миллард доллар зарар диданд, ки ин барои онҳо бесобиқа аст. Ин рӯзнома навиштааст, ки бояд ба варшикастагии ширкатҳо омода бошем.

Гуфта шудааст, ки ин раванд бадтар аз соли 2016 хоҳад буд, дар он сол буҳрони нафтӣ ба назар мерасид. Он давра 70 ширкат худро варшикаста эълон карда буданд. Он замон ширкатҳо кучак буданд ва баъд аз худ 56 миллиард қарзро боқӣ монданд. Аммо ҳоло мо шоҳиди варшикаста шудани ширкатҳои бузург мешавем. Дар моҳи июни соли равон боз як ширкати бузурги истихроҷи нафти шил Extraction Oil & Gas аз варшикастагии худ эълон кард.

Тибқи иттилои ширкати Haynes and Boone дар ҳашт моҳи соли равон 36 ширкат бо қарзи беш аз 51 миллиард доллар аризаи варшикастагӣ доданд. Дар маҷмӯъ қарзи 25 ширкат ба 150 миллиард расидааст.

Тибқи дурнамои коршиносон агар нархи нафт боло наравад, интизор меравад 250 ширкати нафтӣ худро варшикаста эълон намоянд. Ҳоло пандеми боз авҷ мегирад ва ба назар мерасад боз арзиши нафт поин хоҳад рафт. Тибқи ширкати Deloitte дар ҳоли ҳозир бахши азими ширкатҳои нафтии Амрико алакай пардохтпазир нестанд. 

111
Барчаспҳо:
ширкат, маблағгузорӣ, нафт, Амрико
День 28 октября

Ҷашнҳои рӯзи 28 октябр дар Тоҷикистон ва ҷаҳон

0
(Таҷдидшуда 18:56 27.10.2020)
Рӯзи 28 октябр рӯзи умумиҷаҳонии аниматсия буда дар Русия рӯзи бибиҳо ва бобоён мебошад. Дар ин рӯз Эмомалӣ Раҳмон бо мукофоти олии Конгресси байналмилалии саноатчиёну соҳибкорон "Ордени Иттиҳоди дараҷаи 1" сарфароз гардид

Рӯзи 28 октябр дар ҷаҳон чӣ рух дод

Соли 1707 бар асари заминҷунбӣ дар Япония 5 ҳазор нафар ҷони худро аз даст доданд.

Соли 1886 дар Ню-Йорк маросими расмии ифтитоҳи ҳайкали Озодӣ баргузор гардид.

 

 

© Sputnik / Алексей Филиппов
Города мира. Нью-Йорк

 

Соли 1914 ширкати "Kodak" аз оғози кор барои ташкили технологияи суратҳои ранга эълон намуд.

 

 

Kodak Brownie Camera. Архивное фото
Kodak Brownie Camera. Архивное фото

Соли 1997 дар назди Президенти Федератсияи Русия Комиссия оид ба мубориза бар зидди экстремизми сиёсӣ дар Русия таъсис дода шуд.

 

Соли 1998 хизматрасонии ҷустуҷӯйии iSearch ба фаъолият оғоз намуд.

Соли 2011 Комроншоҳи Устопириён  дар ҷумҳурии Латвия чемпиони ҷаҳон оид ба самбо ва соҳиби медали тилло гардид.

Рӯзи 28 октябр дар Тоҷикистон чӣ рух дод

Соли 2010 Президент Эмомалӣ Раҳмон ва Вазири вақти фавоиди оммаи Ҷумҳурии Исломии Афғонистон Абдулқуддус Ҳомидӣ масоили гуногунҷанбаи ҳамкории дуҷонибаро баррасӣ намуданд.

Соли 2011 пас аз анҷоми мулоқоти музокироти сатҳи олӣ баёнияи муштараки Президенти Ҷумҳурии Тоҷикистон ва Президенти Ҷумҳурии Беларус ба имзо расид.

Соли 2013 Эмомалӣ Раҳмон барои саҳми бузурги шахсиашон дар ҳамгироию ҳамкорӣ дар фазои пасошӯравӣ бо мукофоти олии Конгресси байналмилалии саноатчиёну соҳибкорон "Ордени Иттиҳоди дараҷаи 1" сарфароз гардонида шуд.

 

Президент Республики Таджикистан Эмомали Рахмон
Президент Республики Таджикистан Эмомали Рахмон

Соли 2011 дар шаҳри Душанбе семинари тиҷоратии доираи соҳибкорони Тоҷикистону Полша баргузор шуд.

 

Соли 2013 дар хиёбони Исмоили Сомонии шаҳри  Кӯлоб сохтмони меҳмонхонаи 16-ошёнаи 5- ситорадор оғоз гардид.

Ҷашнҳои рӯзи 28 октябр

  • Рӯзи умумиҷаҳонии аниматсия.
  • Дар Русия рӯзи бибиҳо ва бобоён.
0