Эмомалӣ Раҳмон санги асосро дар бунёди НБО Себзор гузошт. 29 июли соли 2015, Роштқалъа, ВМКБ

Зарфияти тавлидотии НБО «Себзор»-и Роштқалъа ба 60 МВт баробар аст

75
(Таҷдидшуда 10:17 30.07.2015)
Сохтмони НБО “Себзор” дар дарёи Шоҳдара, дар ноҳияи Роштқалъаи вилояти Мухтори Кӯҳистони Бадахшон дар 15 километрии шарқи шаҳри Хоруғ ба нақша гирифта шудааст ва баъди эҳдоси он 60 нафар аз сокинони маҳаллӣ соҳиби ҷойи кори доимӣ мегарданд.

ДУШАНБЕ, 30 июл — Sputnik. Нимаи дуюми рӯзи 29 июл сафари кории президенти Тоҷиткистон Эмомалӣ Раҳмон аз Бадахшон идома карда, ӯ аз ноҳияи Роштқалъа дидан кард, иттилоъ медиҳад торнамои раисҷумҳур.

Ба иттилоъи манбаъ, дар деҳаи Барҷангали ҷамоати деҳоти ба номи Мирсаид Миршакари ин водӣ оқои Раҳмон бо гузоштани санги асоси бунёди Неругоҳи барқӣ обии "Себзор" ба корҳои сохтмонӣ оғоз бахшид.

Рабочая поездка Э. Рахмона в Шугнан 29 июля 2015 года
© Официальная страница пресс-службы президента РТ в Facebook

"Сол то сол реҷаи маҳдудияти таъмини неруи барқ дар ҷумҳурӣ камтар мешавад. Ва ҷойи зикр аст, ки вилояти Мухтори Кӯҳистони Бадахшон ягона минтақаи калони ҷумҳурӣ аст, ки тамоми сол бо неруи барқ таъмин аст",- омадааст дар хабари сарчашма.

Тарҳи бунёди НБО "Себзор" бо зарфияти тавлидотии 10 МВт (Мегаватт) бо истеҳсоли солонаи нерӯи барқ дар ҳаҷми 60 миллион кВт дар «Барномаи дарозмуддати бунёди силсилаи нерӯгоҳҳои барқии хурд дар давраи солҳои 2009-2020» ба нақша гирифта шудааст.

"Барои бунёди ин неругоҳ беш аз 180 миллион сомонӣ равона мегардад".

Сохтмони НБО "Себзор" дар дарёи Шоҳдара, дар ноҳияи Роштқалъаи вилояти Мухтори Кӯҳистони Бадахшон дар 15 километрии шарқи шаҳри Хоруғ ба нақша гирифта шудааст ва баъди эҳдоси он 60 нафар аз сокинони маҳаллӣ соҳиби ҷойи кори доимӣ мегарданд.

Дар асоси пружаи он бунёди хатти баландшиддати интиқоли барқи 110 киловолт "Себзор — Хоруғ" бо дарозии тақрибан 18 километр дар назар дошта шудааст, ки ин минбаъд боиси баланд шудани эътимоднокӣ ва беҳтар шудани сифати барқ дар шабакаи марказӣ хоҳад гашт.

Дар ноҳияи Роштқалъа низ президент бо сокинону фаъолони ноҳия ва ҷавонон мулоқот намуд. Боздиди Эмомалӣ Раҳмон аз ВМКБ то фардо идома хоҳад кард.

Матолиби бештарро аз сафари кории раисҷумҳур ба Бадахшон аз ин ҷо дарёфт карда метавонед>>

75
Барчаспҳо:
сафари президент ба Бадахшон, 60 кас бо ҷои кор таъмин мегардад, НБО "Себзор", президенти Тоҷикистон, Эмомалӣ Раҳмон, Шуғнон, Роштқалъа, Бадахшон, Тоҷикистон
Мавзуҳо:
Сафари кории Эмомалӣ Раҳмон ба Бадахшон (9)
Хати интиқоли барқ, акс аз бойгонӣ

Шоимзода гуфт, бунёди қисмати тоҷикистонии CASA имсол анҷом меёбад: чанд пул сарф шуд?

586
Ҷамшед Шоимзода, муовини якуми вазири энергетика ва захираҳои оби Тоҷикистон, мегӯяд, сохтмони қисмати тоҷикистонии CASA – 1000 имсол ба анҷом хоҳад расид

ДУШАНБЕ, 24 фев – Sputnik. Шоимзода гуфт, тибқи асоснокии техникию иқтисодии лоиҳаи CASA – 1000 дар маҷмуъ барои татбиқи он 1 миллиарду 86 миллион доллар зарур мебошад, ки аз ин ба қисмати тоҷикистонӣ 314 миллион доллар рост меояд.

Нурекская ГЭС
© Официальная страница пресс-службы президента РТ в Facebook

Ӯ афзуд, то кунун аз ҷониби Бонки ҷаҳонӣ, Бонки исломии рушд, Бонки аврупоии сармоягузорӣ, Бонки аврупоии таҷдид ва рушд маблағҳои зарурӣ ҷудо шуда, созишномаҳои молиявӣ ба имзо расидаанд.

Суҳбати телефонии Раҳмон ва Ашраф Ғанӣ: аз баррасии масоили иқтисодӣ то фарҳангӣ

Ба иттилои ноиби вазири энержӣ, то ҳол дар қисмати тоҷикистонии CASA – 1000 ҳудуди 111 миллион доллар аз худ карда шудаанд. Ӯ афзуд, корҳои амалан анҷомдода ба андозаи то 180 миллион доллар мерасанд, ки пули қисмате аз он баъди санҷиш пардохт хоҳад шуд.

 Дар доираи лоиҳаи CASA – 1000 бунёди иншооти зерин пешбинӣ гардидааст:

  • Сохтмони хати интиқоли барқи 500 кВ – и “Датка – Суғд 500” ба дарозии 477 километр, ки аз ин 28 километр хат ба қаламрави Тоҷикистон рост меояд. Инчунин васеъсозии зеристгоҳи барқии “Суғд – 500” дар назар аст.
  • Сохтмони хати интиқоли барқи 500 кВ “Регар – Сангтӯда” бо дарозии 115 километр ва васеъсозии зеристгоҳи “Регар – 500”.
  • Сохтмони зеристгоҳи конверторӣ дар минтақаи Сангтӯдаи Тоҷикистон бо иқтидори 1300 МВт барои табдили ҷараёни тағйирёбанда ба ҷараёни доимӣ ва сохтмони зеристгоҳ бо  иқтидори 1300 МВт дар минтақаи Новшераи Покистон барои табдили ҷараёни доимӣ ба тағйирёбанда.
  • Сохтмони хати интиқоли Сангтӯда – Новшераи Покистон ба дарозии зиёда аз 750 километр, ки аз он ба ҳудуди Тоҷикистон 117 километр рост меояд.

Ҷамшед Шоимзода тавзеҳ дод, ки дар татбиқи лоиҳа асосан сементу арматура ва ноқилҳои истеҳсоли Тоҷикистон истифода мешавад, ки аз ҷониби татбиқгарони лоиҳа санҷидаю тасдиқ шудаанд. Ӯ афзуд, дар баробари 314 миллион доллар арзиши лоиҳавии қисмати тоҷикистонӣ инчунин хароҷоти пешбининашаванда мавҷуданд ва арзиши ниҳоии лоиҳа дар анҷоми сохтмон маълум карда мешавад.

586
Барчаспҳо:
хат, Тоҷикистон
Председатель ГБАО Ёдгор Файзов

Узрхоҳии раиси ВМКБ аз мардуми вилоят

4370
(Таҷдидшуда 13:53 24.02.2021)
Ёдгор Файзов, раиси Вилояти мухтори куҳистони Бадахшон, мегӯяд, пешравиҳое, ки дар соли 2020 ба даст омадаанд, дар қиёс бо мушкилот ва имкониятҳои вилоят нокифоя мебошанд

ДУШАНБЕ, 24 фев – Sputnik. Файзов зимни ҷамъбасти фаъолияти яксолаи ҳукумати ВМКБ аз сокинони вилоят узрхоҳӣ кард.

“Узр мехоҳам аз сокинони ВМКБ, ки зимистони имсол аҳолии деҳотро мо натавонистем бо қувваи барқ таъмин кунем. Ин вазъ ба мо нишон дод, ки мо ҳанӯз дар ин соҳа мушкилоту камчиниҳои зиёд дорем”, - изҳор дошт раиси ВМКБ.

Ӯ афзуд, ҳозир се нақшаи бузург рӯи дастанд, ки татбиқи онҳо барои як муддат имкон медиҳад аҳолӣ бо барқ таъмин бошанд, аммо дар оянда боз камӣ хоҳад кард. Аз ҷумла тайи солҳои 2021 - 2023 сохтмони 19 нерӯгоҳи офтобӣ, пайваст намудани шабакаи “Помир энержӣ” ба шабакаи ягонаи миллӣ ва сохтмони нерӯгоҳи “Себзор” дар назар аст, ки ба гуфтаи Файзов имкон медиҳанд, мардум тайи ду-се сол пурра бо барқ таъмин бошанд.

Файзов таъкид намуд, ки бо рушди саноат ин иқтидорҳо низ боз камӣ хоҳанд кард. Ӯ иттилоъ дод, ки феълан дар талоши пайдо кардани манобеи дигар барои сохтмони нерӯгоҳи “Санобод”, “Чартем” ва ғайра мебошанд.

Узрхоҳии раиси ВМКБ дар ҳолест, ки дар фасли сармои ҷорӣ дар вилоят камбуди барқ ҷой дошт ва дар бархе аз навоҳӣ маҳдудияти таъминоти барқ ҷорӣ гардид.

4370
Барчаспҳо:
нерӯ, барқ, Тоҷикистон
День 2 марта

Тоҷикистон ба узвияти СММ пайваст: имрӯзи таърих

0
(Таҷдидшуда 19:06 01.03.2021)
Соли 1992 дар ҷаласаи 46-уми Ассамблеяи Генералии Созмони Милали Муттаҳид Ҷумҳурии Тоҷикистон ба ин созмони бонуфузи ҷаҳонӣ аъзо шуд

Рӯзи 2 март дар ҷаҳон чӣ рух дод

Соли 1993 Шӯрои байниҳукуматии ИДМ оид ба нафту газ ташкил карда шуд.

Соли 1923 дар ИМА аввалин шумораи маҷаллаи "Time" нашр шуд.

Соли 2010 дар Париж дар қароргоҳи ЮНЕСКО маросими ботантанаи ифтитоҳи Соли байналмилалии наздикшавии фарҳангҳо доир гардид.

Рӯзи 2 март дар Тоҷикистон чӣ рух дод

Соли 1992 ҷумҳуриҳои Тоҷикистон, Қазоқистон, Озарбойҷон, Арманистон, Қирғизистон, Молдава, Туркманистон ва Ӯзбекистон  ҳамчун давлати соҳибистиқлол узви Созмони Милали Муттаҳид шуданд.

Соли 1992 дар ҷаласаи 46-уми Ассамблеяи Генералии Созмони Милали Муттаҳид Ҷумҳурии Тоҷикистон ба ин созмони бонуфузи ҷаҳонӣ аъзо шуд.

День 27 февраля нац
© Sputnik/ Стас Этвеш/ Мария Вишнякова

Соли 2011 дар Тоҷикистон Шӯрои рушди тарбияи ҷисмонӣ таъсис дода шуд.

Соли 2012 дар шаҳри Душанбе вазъи вақт ва дурнамои ҳамкории Тоҷикистону Британияи Кабир баррасӣ гардид.

Соли 2016 аз ҷониби кишвардори Тоҷикистон Эмомалӣ Раҳмон ангораи ҷашни Наврӯз тасдиқ карда шуд.

Соли 2017 Эмомалӣ Раҳмон ба муносибати 25-солагии барпо намудани робитаҳои дипломатӣ байни Ҷумҳурии Тоҷикистон ва Ҷумҳурии Финляндия ба Президенти Ҷумҳурии Финляндия Саули Вяйнямё Нийнистё барқияи табрикӣ ирсол намуданд.

Ҷашнҳои рӯзи 2 март

  • Рӯзи байналмилалии гӯгирд.
  • Дар Ливия – Рӯзи тахлия.

Рӯзи 2 март дар Тоҷикистон кӣ таваллуд шуд

Соли 1946 - журналист Мухиддин Олимпур. 

Соли 1950 – ҳунарманди халқии Тоҷикистон Даврон Алиматов.

Соли 1959 – ҳунарманди хизматнишондодаи Тоҷикистон Акбар Мирраҷабов.

0
Барчаспҳо:
ҷашн, ҷаҳон, Тоҷикистон