МБГ Душанбе. Акс аз бойгонӣ.

Маркази барқу гармидиҳии Душанбе корро шурӯъ кард

68
(Таҷдидшуда 13:46 18.12.2015)
Дар қисмати шарқи ва ғарбии пойтахти Тоҷикистон Маркази барқу гармидиҳӣ ба кор шурӯъ кард, ки на ҳамаи сокинон бо гарми таъмин мешаванд.

ДУШАНБЕ, 17 дек — Sputnik. Дар Душанбе аз 15 декабр Маркази барқии гармидиҳӣ ба истифода дода шуд. Дар ин бора ба ВАО роҳбари ширкати "Барқи тоҷик" Мирзо Иброҳим иттилоъ дод.

Ҳоло тавони маркази асосии гарму барқдиҳӣ дар як соат 20 МВт ва 50 Гкал гармиро ташкил медиҳад.

"Дар ҳоли ҳозир бо сабаби норасоии гази табии МБГ танҳо бо мазут кор мекунад", — гуфт роҳбари "Барқи тоҷик".

Ғайр аз ин шарқ ва ғарбӣ пойтахт бо гармии иқтидораш 15 Гкал дар як соат ба кор шурӯъ мекунад.

Мирзо Иброҳим илова намуд, ки барқ ва гармиро инчунин Маркази барқию гармидиҳии Душанбе-2 истеҳсол мекунад. Ин марказ дар як соат 85 МВт нерӯи барқ ва 60 Гкал гармӣ медиҳад.

Аммо гарми ба тамоми хонаҳо намеравад — дар асл дар маркази шаҳр, канори шаҳр ва ҳудуди километри 9.

68
Барчаспҳо:
гази табии, барқдиҳӣ, мардуми Шарқ, гармӣ, барқ, ширкати "Барқи тоҷик", Мирзо Иброҳим, Душанбе, Тоҷикистон
Мавзуъ
Маркази "Душанбе-2" гармкунии 242 иншооти пойтахтро оғоз кард
Линии электропередачи

Бебарқӣ дар тобистон: сокинон мегуянд, бо равшании телефон таъоми шом мехурем

450
(Таҷдидшуда 19:43 05.07.2020)
Сокинони деҳоти ноҳияи Деваштич дар Суғд аз мушкили қатъи интиқоли нерӯи барқ ба манзилҳояшон таъкид мекунанд. Онҳо мегуянд, ин вазъ дар фасли тобистон як моҳ ба ин тараф давом дорад

ДУШАНБЕ, 4 июл – Sputnik. Масрур як сокини ҷамоати Ваҳдат дар суҳбат бо Sputnik Тоҷикистон гуфт, қатъи интиқоли барқ дар вақти шомгоҳон барои онҳо дар шароити рустоҳо мушкилӣ меорад.

"Бегоҳ аз кори саҳро меоӣ, ки дар хонаҳо барқ нест ва ҳама ҷо торик. Дар торикӣ чи гуна хуроки шом хурданро намедонӣ. Бо истифода аз равшании фонари телефонҳо хӯроки шом мехурем", - гуфт ӯ.

Фирӯз як сокини деҳаи Басманда ҳам аз мушкили хомӯшшавии барқ иброз намуд. Ӯ гуфт, хомӯшкунии барқи ин деҳа шомгоҳон аз соати 19 то 20 ва гоҳо аз соати 20 то соати 21: 30 дақиқа тӯл мекашад.

Муҳиддин Аҳмадзода, сармуҳандиси шабакаҳои барқии Истаравшан дар суҳбат ба Sputnik Тоҷикистон вазъи мавҷударо шарҳ дод.

Ӯ гуфт, "бо сабаби таъмири ноқилҳо ва чораҳои профилактикӣ ин гуна ҳолат ба вуҷуд меояд".

Вале сокинон таъкид меварзанд, ки чунин вазъ беш аз як моҳ ба ин тараф идома дорад, аммо ҳеҷ яке аз масъулини шабакаҳои барқи минтақа бо пахши эълон, расман аҳолиро огоҳ намекунанд.

Баъзе аз соҳибназарон иллати қатъи интиқоли нерӯи барқро ба фаъолияти чоҳҳои амудии (скважина) ҳудуди ҷамоат рабт медиҳанд.

Бино ба гуфтаи онҳо, ҳоло шумори ин гуна чоҳҳои обрасони зироати сокинон зиёд шудааст ва дар як вақт кор кардани аксари ин чоҳҳо, сабаби зиёд тасфидани зеристогоҳҳои барқӣ мегардад ва аз ҳамин хотир масъулин бо хомӯш намудани барқ то якуним соат кори зеристгоҳҳоро дам доданиянд.

Аммо сокинон мегӯянд, назар ба ин, ки барқи манзилҳои онҳо хомӯш карда шавад, бояд масулини идораи барқ, танзими кори чоҳҳои амудиро ба роҳ монанд.

450
Барчаспҳо:
маводи хӯрока, барқ, Суғд
Нурекская ГЭС, архивное фото

Бонки ҷаҳонӣ барои бозсозии НБО Норак пул медиҳад

290
(Таҷдидшуда 18:42 30.06.2020)
Бонки ҷаҳонӣ барои бозсозии нерӯгоҳи барқи обии Норак ба Тоҷикистон 50 миллион доллар кӯмак хоҳад кард

ДУШАНБЕ, 30 май — Sputnik.  Ҷон Питер  Ултрас, раиси намояндагии Банки ҷаҳонӣ дар Тоҷикистон  таъкид доштааст, ки ин сармоягузорӣ дар шароити шуюъи вируси корона боиси эҷоди шуғлу даромад ҷадид барои шаҳрвандон  Тоҷикистон хаҳад шуд.

Вай афзуд, бозсозии  турбинҳо ва генераторҳои нерӯгоҳ  боиси афзоиши тавлиди барқ дар кишвар хоҳад шуд .

Раиси намояндагони Бонки ҷаҳонӣ дар Тоҷикистон қайд кард, ки дар марҳилаи дуввум кӯмаки молиявӣ барои барқарор кардани шаш агрегати боқимонда дар кӯпруки Роҳи Норак ва бунёди нерӯгоҳи барқӣ ба нақша гирифта шудааст.

Ҷон Питер Ултрас илова кард, ки ҳазинаи марҳилаи дуввум 192 миллион доллар хоҳад дошт.

Неругоҳи барқи обии Норак - дар дарёи Вахш сохта шудааст. Сохтмони нерӯгоҳ соли 1961 оғоз гардида, гидроагрегати нахустини он соли 1972, охиринаш соли 1979 ба кор дароварда шудааст. Дар Нерӯгоҳи барқи обии Норак 9 гидроагрегати иқтидори лоиҳавиашон 300 ҳазор кВт насб шудаанд. Иқтидори умумии муайяншудаи неругоҳ 3000 ҳазор кВт - ро ташкил медиҳад.

Нурекская ГЭС
© Официальная страница пресс-службы президента РТ в Facebook.

Сохтмони НБО-и Норак соли 1961 оғоз ёфт, агрегати якуми он 15 ноябри соли 1972, бо иқтидори 300 МВт ва нерӯгоҳ бо иқтидори пурраш (2700 МВт) - соли 1979 ба истифода супорида шуд. Соли 1988 ҳамаи нўҳ агрегати нерӯгоҳ таҷдид гардида, иқтидори ҳар кадом ба 335 МВт ва иқтидори умумии нерўгоҳ ба 3000 МВт расонида шуд. Бо ин иқтидори бузург НБО-и Норак афсонае буд, ки дар кишвари мо ба ҳақиқат табдил ёфт, номи Тоҷикистонро дар арсаи олам машҳур намуд. Аз дигар тараф маҳз НБО-и Норак исбот сохт, ки захираҳои гидроэнергетикии кишвари мо, ки дар як сол 527 миллиард кВт.сатро ташкил медиҳад ва он аз ибтидои солҳои сиюми асри гузашта таҳқиқ мешаванд, воқеӣ буда, барои рушди иқтисодиву иҷтимоии тамоми минтақа нафъовару манфиатбахшанд.

Баландии сарбанди НБО Норак — 300 метр мебошад.

290
Барчаспҳо:
бозсозӣ, кумак, НБО Норак, Бонки ҷаҳонӣ, Тоҷикистон
Арбитр показывает красную карточку на футбольном матче. Архивное фото

Аз 10 бозӣ маҳрум то 1000 сомон ҷарима: ҷазои мураббии “Душанбе-83” барои таҳқири доварон

0
Се намояндаи дастаи футболи пойтахт аз чанд бозӣ маҳрум ва ба ҷарима кашида шуданд: ҳамаи онҳо ба доварон ҳамчун «суханони сахт» сухан гуфтанд

ДУШАНБЕ, 9 июл — Sputnik. Кумитаи назорат ва одоби ФФТ дар ҷаласаи ахири хеш масъулини дастаи  “Душанбе-83”-ро ҷармаҳои калон ва аз иштирок дар бозиҳо маҳрум кардааст.

Тибқи иттилои дафтари матбуотии Федератсияи футболи Тоҷикистон,  сармураббии даста Мирзобек Мирзоев барои даҳ бозӣ маҳрум карда шуд ва барои таҳқири ҳайати доварон дар ин бозӣ ҳазор сомонӣ ҷарима шуд.

Эҳтимол, дар ин раванд ноиби президенти дастаи “Душанбе-83” Абдураҳим Мирзозода низ ба ӯ ҳамроҳ шуд. Барои таҳқири доварон, ӯ низ аз панҷ бозӣ маҳрум ва ҳазор сомонӣ ҷарима шуд.

Инчунин иштирокчии дигари муноқишаи лафзӣ бозигари даста Далер Имомназаров барои алфози қабеҳу таҳқиромез нисбат ба ҳайати расмии мусобиқаи қаҳрамонии Тоҷикистон байни дастаҳои Лигаи олӣ, аз ду бозӣ маҳруму 500 сомонӣ ҷарима шуд.

Ёдовар мешавем, ки бозии ҷавобӣ миёни дастаҳои “Душанбе-83” ва “Истаравшан” рӯзи 4 июл дар Варзишгоҳи марказии Ваҳдат баргузор шуда, ҳисоби ниҳоӣ 3:3 мусовӣ шуд.

0