Ҷаласаи ҳукумати Тоҷикистон. Акс аз 8 апрели соли 2016

Дар НБО-и Норак дастгоҳи элигазии 500 кВ ба кор даромад

186
(Таҷдидшуда 10:03 28.04.2016)
Раисиҷумҳур аснои шиносоӣ аз сифати корҳои сохтмонӣ ва имконоту шароити таълимии мактаб изҳори қаноатмандӣ намуда, аз амали неки соҳибкори маҳаллӣ барои саҳмгузории фаъол дар раванди бунёдкорию ободонӣ ситоиш кардааст.

ДУШАНБЕ, 27 апр — Sputnik. Дар доираи сафари корӣ ба шаҳри Нораки вилояти Хатлон, раисҷумҳури Тоҷикистон Эмомалӣ Раҳмон аз Неругоҳи барқи обии Норак дидан карда, муҳимтарин қисмати ин иншооти стратегӣ — дастгоҳи тақсимкунандаи пӯшидаи элигазии-500кВ-ро мавриди баҳрабардорӣ қарор дод, иттилоъ медиҳад дафтари матбуотии сарвари давлат.

Сохтмони бинои дастгоҳи тақсимкунандаи пӯшидаи элигазии 500 кВ-и НОБ-и "Норак" соли 2012 оғоз ёфта буд. Масоҳати ҷойгиршавии дастгоҳ, ки дар солҳои аввали баистифодадиҳии ин иншоот 4,5 гектарро ташкил медод, айни замон ҳамагӣ дар 0,10 сотих замин ҷойгир карда шудааст. Ба ғайр аз сарфаи масоҳати замин, инчунин ин таҷҳизот дигар афзалиятҳоро доро мебошад, ки ин аз эътимодияти баланд ва кафолати тӯлонии 25- сола иборат аст.

Эмомалӣ Раҳмон дар вилояти Суғд аснои ифтитоҳи корхонаи сементбарорӣ
© Официальная страница пресс-службы президента РТ в Facebook.

Дастгоҳи тақсимкунандаи пӯшидаи элигазии 500 кВ бо маблағгузории Бунёди Рушди Осиё ба маблағи 54 миллиону 770 ҳазор доллари амрикоӣ аз тарафи ширкати олмонии "Алстом" сохта шудааст.

Маврид ба тазаккур аст, ки Эмомалӣ Раҳмон субҳи имрӯз, 27 апрел бо як боздиди корӣ ба шаҳри Нораки вилояти Хатлон рафта, бо буридани лентаи рамзии Муассисаи таҳсилоти миёнаи умумии №10 дар деҳаи Чашмаи ҷамоати деҳоти Дӯконӣ сафарашро оғоз бахшид.

Дафтари матбуотии раисиҷумҳур мегӯяд, мактаб бо харҷи 2 миллион сомонӣ аз ҷониби соҳибкори маҳаллӣ Муҳиддин Табаров бунёд гардида аз ду ошёна ва 14 синфхонаи таълимӣ иборат аст.

"Дар ин муассисаи таълимии навбунёд 240 нафар толибилм дар як баст ба таълим фаро гирифта шуда синфхонаҳои барҳавои омӯзиши забонҳои хориҷӣ, маркази ҳунаромӯзии духтарон, синфхонаи компютерӣ, толори маҷлисгоҳ ва ошхонаи замонавӣ дорад",- меафзояд сарчашма.

Эмомалӣ Раҳмон аснои шиносоӣ аз сифати корҳои сохтмонӣ ва имконоту шароити таълимии мактаб изҳори қаноатмандӣ намуда, аз амали неки соҳибкор Муҳиддин Табаров барои саҳмгузории фаъол дар раванди бунёдкорию ободонӣ ситоиш кардааст

186
Барчаспҳо:
таҷҳизот, лента, президент, неругоҳ, ифтитоҳ, мактаб, боздид, сафар, дастгоҳи элигазии 500 кВ, НБО Норак, президенти Тоҷикистон, Муҳиддин Табаров, Эмомалӣ Раҳмон, Норак, Тоҷикистон
Мавзуъ
Ҳолномаи раисҷумҳури Тоҷикистон- Эмомалӣ Раҳмон
Линии электропередачи

Бебарқӣ дар тобистон: сокинон мегуянд, бо равшании телефон таъоми шом мехурем

452
(Таҷдидшуда 19:43 05.07.2020)
Сокинони деҳоти ноҳияи Деваштич дар Суғд аз мушкили қатъи интиқоли нерӯи барқ ба манзилҳояшон таъкид мекунанд. Онҳо мегуянд, ин вазъ дар фасли тобистон як моҳ ба ин тараф давом дорад

ДУШАНБЕ, 4 июл – Sputnik. Масрур як сокини ҷамоати Ваҳдат дар суҳбат бо Sputnik Тоҷикистон гуфт, қатъи интиқоли барқ дар вақти шомгоҳон барои онҳо дар шароити рустоҳо мушкилӣ меорад.

"Бегоҳ аз кори саҳро меоӣ, ки дар хонаҳо барқ нест ва ҳама ҷо торик. Дар торикӣ чи гуна хуроки шом хурданро намедонӣ. Бо истифода аз равшании фонари телефонҳо хӯроки шом мехурем", - гуфт ӯ.

Фирӯз як сокини деҳаи Басманда ҳам аз мушкили хомӯшшавии барқ иброз намуд. Ӯ гуфт, хомӯшкунии барқи ин деҳа шомгоҳон аз соати 19 то 20 ва гоҳо аз соати 20 то соати 21: 30 дақиқа тӯл мекашад.

Муҳиддин Аҳмадзода, сармуҳандиси шабакаҳои барқии Истаравшан дар суҳбат ба Sputnik Тоҷикистон вазъи мавҷударо шарҳ дод.

Ӯ гуфт, "бо сабаби таъмири ноқилҳо ва чораҳои профилактикӣ ин гуна ҳолат ба вуҷуд меояд".

Вале сокинон таъкид меварзанд, ки чунин вазъ беш аз як моҳ ба ин тараф идома дорад, аммо ҳеҷ яке аз масъулини шабакаҳои барқи минтақа бо пахши эълон, расман аҳолиро огоҳ намекунанд.

Баъзе аз соҳибназарон иллати қатъи интиқоли нерӯи барқро ба фаъолияти чоҳҳои амудии (скважина) ҳудуди ҷамоат рабт медиҳанд.

Бино ба гуфтаи онҳо, ҳоло шумори ин гуна чоҳҳои обрасони зироати сокинон зиёд шудааст ва дар як вақт кор кардани аксари ин чоҳҳо, сабаби зиёд тасфидани зеристогоҳҳои барқӣ мегардад ва аз ҳамин хотир масъулин бо хомӯш намудани барқ то якуним соат кори зеристгоҳҳоро дам доданиянд.

Аммо сокинон мегӯянд, назар ба ин, ки барқи манзилҳои онҳо хомӯш карда шавад, бояд масулини идораи барқ, танзими кори чоҳҳои амудиро ба роҳ монанд.

452
Барчаспҳо:
маводи хӯрока, барқ, Суғд
Нурекская ГЭС, архивное фото

Бонки ҷаҳонӣ барои бозсозии НБО Норак пул медиҳад

290
(Таҷдидшуда 18:42 30.06.2020)
Бонки ҷаҳонӣ барои бозсозии нерӯгоҳи барқи обии Норак ба Тоҷикистон 50 миллион доллар кӯмак хоҳад кард

ДУШАНБЕ, 30 май — Sputnik.  Ҷон Питер  Ултрас, раиси намояндагии Банки ҷаҳонӣ дар Тоҷикистон  таъкид доштааст, ки ин сармоягузорӣ дар шароити шуюъи вируси корона боиси эҷоди шуғлу даромад ҷадид барои шаҳрвандон  Тоҷикистон хаҳад шуд.

Вай афзуд, бозсозии  турбинҳо ва генераторҳои нерӯгоҳ  боиси афзоиши тавлиди барқ дар кишвар хоҳад шуд .

Раиси намояндагони Бонки ҷаҳонӣ дар Тоҷикистон қайд кард, ки дар марҳилаи дуввум кӯмаки молиявӣ барои барқарор кардани шаш агрегати боқимонда дар кӯпруки Роҳи Норак ва бунёди нерӯгоҳи барқӣ ба нақша гирифта шудааст.

Ҷон Питер Ултрас илова кард, ки ҳазинаи марҳилаи дуввум 192 миллион доллар хоҳад дошт.

Неругоҳи барқи обии Норак - дар дарёи Вахш сохта шудааст. Сохтмони нерӯгоҳ соли 1961 оғоз гардида, гидроагрегати нахустини он соли 1972, охиринаш соли 1979 ба кор дароварда шудааст. Дар Нерӯгоҳи барқи обии Норак 9 гидроагрегати иқтидори лоиҳавиашон 300 ҳазор кВт насб шудаанд. Иқтидори умумии муайяншудаи неругоҳ 3000 ҳазор кВт - ро ташкил медиҳад.

Нурекская ГЭС
© Официальная страница пресс-службы президента РТ в Facebook.

Сохтмони НБО-и Норак соли 1961 оғоз ёфт, агрегати якуми он 15 ноябри соли 1972, бо иқтидори 300 МВт ва нерӯгоҳ бо иқтидори пурраш (2700 МВт) - соли 1979 ба истифода супорида шуд. Соли 1988 ҳамаи нўҳ агрегати нерӯгоҳ таҷдид гардида, иқтидори ҳар кадом ба 335 МВт ва иқтидори умумии нерўгоҳ ба 3000 МВт расонида шуд. Бо ин иқтидори бузург НБО-и Норак афсонае буд, ки дар кишвари мо ба ҳақиқат табдил ёфт, номи Тоҷикистонро дар арсаи олам машҳур намуд. Аз дигар тараф маҳз НБО-и Норак исбот сохт, ки захираҳои гидроэнергетикии кишвари мо, ки дар як сол 527 миллиард кВт.сатро ташкил медиҳад ва он аз ибтидои солҳои сиюми асри гузашта таҳқиқ мешаванд, воқеӣ буда, барои рушди иқтисодиву иҷтимоии тамоми минтақа нафъовару манфиатбахшанд.

Баландии сарбанди НБО Норак — 300 метр мебошад.

290
Барчаспҳо:
бозсозӣ, кумак, НБО Норак, Бонки ҷаҳонӣ, Тоҷикистон
Президент Республики Таджикистан Эмомали Рахмон

Ҷаласаи Ҳукумат: аз коронавирус то омодагӣ ба зимистон баррасӣ шуд

0
(Таҷдидшуда 21:05 13.07.2020)
Эмомалӣ Раҳмон, раисиҷумҳури Тоҷикистон, бо баргузории ҷаласаи Ҳукумат, масъалаҳои таъмини амнияти озуқаворӣ, ҷамъоварии ҳосил, кишти такрорӣ, чораҳои санитарӣ - гигиенӣ алайҳи коронавирус ва омодагӣ ба зимистони солҳои 2020-2021-ро баррасӣ кард

ДУШАНБЕ, 13 июл — Sputnik. Тибқи иттилои котиботи раисиҷумҳури Тоҷикистон, Эмомалӣ Раҳмон таваҷҷуҳи аъзои Ҳукумати кишвар, роҳбарони вазорату идораҳо ва шаҳру ноҳияҳоро ба вазъи имрӯзаи ҷомеаи ҷаҳонӣ, таъсири омилҳои беруна ба иқтисоди миллӣ, хатари пандемияи коронавирус дар ҷаҳон ва таъсири манфии он ба рушди иҷтимоиву иқтисодии кишварҳои олам ҷалб кард.

Раисиҷумҳур ба Ҳукумати кишвар, мақомоти шаҳру ноҳияҳо, роҳбарони вазорату идораҳо супориш додаст, ки бо мақсади фаъолияти босуботи иқтисоди миллӣ, ҷиҳати кам кардани таъсири манфии хавфҳои беруна ба он ва таъмини фаъолияти мунтазами тамоми соҳаҳои иқтисодиёт, чораҳои таъхирнопазир андешанд.

Ба Вазорати тандурустӣ ва ҳифзи иҷтимоӣ ҷиҳати тарғиби тарзи ҳаёти солим, пешниҳоди тавсияи мутахассисони соҳа барои риояи қоидаҳои санитарӣ-гигиенӣ, таъмини марказҳои саломатӣ бо маводи доруворӣ дастуру супоришҳо дода шуд, таъкид кард котиботи раисиҷумҳур.

"Инчунин тамоми роҳбарони мақомоти марказӣ ва маҳаллии ҳокимияти давлатӣ вазифадор шуданд, ки захираву имкониятҳоро вобаста ба ғамхорӣ нисбат ба табақаҳои ниёзманд, беҳтаргардонии хизматрасониҳои тиббӣ ва пешгирӣ кардани бемории сироятии коронавирус ва пешбурди корҳои фаҳмондадиҳӣ дар байни аҳолӣ оид ба тозаву озода нигоҳ доштани муҳиту маҳалли зист, коргоҳу, иншоот ва риояи қоидаҳои беҳдоштӣ (гигиенаи шахсӣ) ба таври самаранок истифода баранд", - омадааст дар иттилоия.

Кумитаи телевизион ва радиои назди Ҳукумат ва дигар расонаҳои иттилоотии кишвар супориш гирифтаанд, ки дар бораи истифодаи самараноки заминҳои наздиҳавлигӣ ва хоҷагиҳои ёрирасон, бо истифода аз имкониятҳои ҳар як оила коркарди хонагии меваю сабзавот ва захираи зарурии маводи хуроквориро дар хонаҳо бештар тарғиб намоянд.

Дар охири кори маҷлис Эмомалӣ Раҳмон ба Ҳукумати кишвар ва мақомоти иҷроияи ҳокимияти давлатӣ барои дар сатҳи зарурӣ доир кардани маъракаи зимистонгузаронӣ, истифодаи сарфаркоронаи неруи барқ дар шароити камобӣ, омода намудани иншооти соҳаҳои иҷтимоию иқтисодӣ ба давраи зимистон, захираи кофии маводи хӯрокворӣ, захираи ангишт ва дигар сӯзишворӣ, таъмини барқу гармӣ ба муассисаҳо ва аҳолӣ дар фасли зимистон, омода кардани марказҳои барқу гармидиҳӣ, тайёр кардани муассисаҳои миёна ва олии таълимии кишвар, аз ҷумла донишгоҳу донишкадаҳо, литсейю коллеҷҳо ва омӯзишгоҳҳо ба соли хониши 2020-2021, оид ба вусъати корҳои ободониву бунёдкорӣ бахшида ба ҷашни 30-солагии Истиқлолияти давлатӣ, супоришҳои мушаххас додаст.

0
Барчаспҳо:
зимистон, Ҳукумат, Эмомалӣ Раҳмон, Тоҷикистон