ДУШАНБЕ, 27 июл — Sputnik. Аз сабаби сарф шудани беҳудаи об ҳамасола дар Тоҷикистон якчанд миллиард киловат-соат нерӯи барқ аз даст меравад, иттилоъ медиҳад вазири энергетика ва захирахои оби кишвар Усмонали Усмонзода.
"Қариб 4 миллиард киловат соат қувваи барқ аз сабаби сарфи беҳудаи об дар агрегатҳои НБО-и калони кишвар, имсол дар Точикистон коркард намешавад»- иброз намуд Усмонзода.
Ба гуфтаи вазир, Тоҷикистон аз вақте, ки Узбакистон низоми ягонаи интиқоли барқро маҳкам кардааст, наметавонад ба дигар мамлакатҳо нерӯи барқ интиқол диҳад. Ба ҳисоби миёна истеҳсоли солонаи барқ дар Тоҷикистон 16,5 млд. киловат-соатро ташкил медихад. Норасоии барқ дар зимистон аз 2,5 миллиард киловат- соат зиёд мебошад.
"То соли 2009 Тоҷикистон ба воситаи ин шабакаҳо ба кишвархои хамсоя дар фасли тобистон қувваи барқ нитиқол дода, зимистон бошад ба воситаи хамин шабака қувваи барқ мегирифт. Баъд аз баромадан, кишвар маҷбур буд, ки низоми дохилии энергетикии худро тақвият бахшад, аммо имконияти содироти калон фақат соли 2011, баъд аз ба истифода додани Сангтуда-пули Хумри (Авгонистон) пайдо шуд",- гуфт вазир.
Усмонзода қайд кард, ки амалисозии лоиҳаи CASA-1000, ки моҳи май оғоз гардидааст, барои ҷумҳурӣ аҳамияти муҳим дорад. Вазир ҳамчунин изҳор дошт, ки лоиҳа имконияти зиёд намудани содироти қувваи барқро фароҳам оварда, талафоти беҳудаи обро аз байн мебарад.
Лоиҳаи CASA-1000 (Central Asia — South Asia) тавлиди қувваи барқро дар Қиғгизистону Тоҷикистон пешбинӣ намуда, нақли онро ба Афғонистон ва Покистон амалӣ менамояд. Бино бар ақидаи таҳиягарон CASA-1000, на танҳо имконияти истифодаи пурраи қувваи обии Осиёи Марказӣ ва таъмин намудани нерӯи барқи арзонро фароҳам меоварад, балки дар минтақа ҳамгироии иқтисодӣ ва суботи сиёсиро таъмин менамояд.
Баъд аз ба итмом расидани лоиҳа, қувваи барқ ба воситаи хатҳои баландшиддат аз Қирғизистон ба Тоҷикистон ба дарозии 477 километр ва аз Тоҷикистон ба Афғонистон ва Покистон- 750 км. интиқол дода мешавад.
Лоиҳаро Бонки умумиҷаҳонӣ, Бонки исломӣ, Агентии рушди байналмиллалии ИМА (USAID), Вазорати ҳамкории байналмиллалии Британияи Кабир (DFID), Агентии рушди байналмиллалии Австралия (AusAID) дастгирӣ мекунанд.
