Сохтмони нерӯгоҳи Роғун. акс аз бойгонӣ

Узбакистон метавонад дар сохтусози нерӯгоҳи Роғун саҳм гузорад

231
(Таҷдидшуда 13:25 12.03.2018)
Роҷеъ ба эҳтимоли ширкати Узбакистон дар сохтмони НБО-и Роғуни Тоҷикистон дар изҳороти муштараки раисҷумҳурони Узбакистон ва Тоҷикистон, пас аз гуфтушунидҳо гуфта шудааст

ДУШАНБЕ, 12 мар — Sputnik. Узбакистон метавонад дар сохтмони НОБ-и Роғун, бо таваҷҷӯҳ ба риояи тамоми меъёрҳои байналмилалӣ, ширкат варзад, омадааст дар вебгоҳи Девони вазирони Узбакистон.

Дар ин вебгоҳ матни изҳороти раисиҷумҳурони Узбакистон ва Тоҷикистон, ки баъди гуфтушунидҳо дар Душанбе ба имзо расидааст, нашр шудааст. 

"Ҷониби Узбакистон омодагии худро ҷиҳати баррасии ҳаматарафаи имкони ширкат дар сохтмони иншооти барқу обии Ҷумҳурии Тоҷикистон, аз ҷумла НОБ-и Роғун, изҳор намуд", — омадааст дар матн.

Раисиҷумҳури Узбакистон Шавкат Мирзиёев рӯзи ҷумъа ба сафари расмӣ аз Тоҷикистон боздид кард. Ин нахустин сафари расмии Мирзиёев ба Тоҷикистон, пас аз сафари давлатии раисиҷумҳури собиқи Узбакистон Ислом Каримов (соли 2000) мебошад.

Эмомалӣ Раҳмон дар доираи муносибатҳои дуҷониба танҳо моҳи январи соли 1998 ба Тошканд рафта буд.

Тӯли 25 соли ахир байни кишварҳо мунтазам ихтилофоти назар рух медод. Душанбе ҷумҳурии ҳамсояро дар бастани роҳҳои оҳан айбдор менамуд.

Тошканд бошад, ҳамеша бар зидди сохтмони НОБ-и Роғун дар Тоҷикистон баромад мекард, ки ба андешаи мақомоти Узбакистон таҳдид ба соҳаи кишоварзии минтақа аст. Дар соли 2001 аввалан Узбакистон ва сониян Тоҷикистон низоми раводид ҷорӣ карданд.

231
Барчаспҳо:
сохтмон, НБО "Роғун", Узбакистон, Тоҷикистон
Мавзуъ
Сомонаи ВУХ Узбакистон ба забони тоҷикӣ хабар нашр мекунад
Шавкат Мирзиёев: мо орзуи мардумамонро амалӣ кардем
Раҳимзода ҳамтои узбакашро бо фаъолияти "Шаҳри бехатар" ошно кард
Беҳтарин лаҳзаҳои сафари Шавкат Мирзиёев ба Тоҷикистон
Гуфтушуниди таърихӣ: натиҷаҳои сафари Шавкат Мирзиёев ба Тоҷикистон
Линии электропередачи

Бебарқӣ дар тобистон: сокинон мегуянд, бо равшании телефон таъоми шом мехурем

451
(Таҷдидшуда 19:43 05.07.2020)
Сокинони деҳоти ноҳияи Деваштич дар Суғд аз мушкили қатъи интиқоли нерӯи барқ ба манзилҳояшон таъкид мекунанд. Онҳо мегуянд, ин вазъ дар фасли тобистон як моҳ ба ин тараф давом дорад

ДУШАНБЕ, 4 июл – Sputnik. Масрур як сокини ҷамоати Ваҳдат дар суҳбат бо Sputnik Тоҷикистон гуфт, қатъи интиқоли барқ дар вақти шомгоҳон барои онҳо дар шароити рустоҳо мушкилӣ меорад.

"Бегоҳ аз кори саҳро меоӣ, ки дар хонаҳо барқ нест ва ҳама ҷо торик. Дар торикӣ чи гуна хуроки шом хурданро намедонӣ. Бо истифода аз равшании фонари телефонҳо хӯроки шом мехурем", - гуфт ӯ.

Фирӯз як сокини деҳаи Басманда ҳам аз мушкили хомӯшшавии барқ иброз намуд. Ӯ гуфт, хомӯшкунии барқи ин деҳа шомгоҳон аз соати 19 то 20 ва гоҳо аз соати 20 то соати 21: 30 дақиқа тӯл мекашад.

Муҳиддин Аҳмадзода, сармуҳандиси шабакаҳои барқии Истаравшан дар суҳбат ба Sputnik Тоҷикистон вазъи мавҷударо шарҳ дод.

Ӯ гуфт, "бо сабаби таъмири ноқилҳо ва чораҳои профилактикӣ ин гуна ҳолат ба вуҷуд меояд".

Вале сокинон таъкид меварзанд, ки чунин вазъ беш аз як моҳ ба ин тараф идома дорад, аммо ҳеҷ яке аз масъулини шабакаҳои барқи минтақа бо пахши эълон, расман аҳолиро огоҳ намекунанд.

Баъзе аз соҳибназарон иллати қатъи интиқоли нерӯи барқро ба фаъолияти чоҳҳои амудии (скважина) ҳудуди ҷамоат рабт медиҳанд.

Бино ба гуфтаи онҳо, ҳоло шумори ин гуна чоҳҳои обрасони зироати сокинон зиёд шудааст ва дар як вақт кор кардани аксари ин чоҳҳо, сабаби зиёд тасфидани зеристогоҳҳои барқӣ мегардад ва аз ҳамин хотир масъулин бо хомӯш намудани барқ то якуним соат кори зеристгоҳҳоро дам доданиянд.

Аммо сокинон мегӯянд, назар ба ин, ки барқи манзилҳои онҳо хомӯш карда шавад, бояд масулини идораи барқ, танзими кори чоҳҳои амудиро ба роҳ монанд.

451
Барчаспҳо:
маводи хӯрока, барқ, Суғд
Нурекская ГЭС, архивное фото

Бонки ҷаҳонӣ барои бозсозии НБО Норак пул медиҳад

290
(Таҷдидшуда 18:42 30.06.2020)
Бонки ҷаҳонӣ барои бозсозии нерӯгоҳи барқи обии Норак ба Тоҷикистон 50 миллион доллар кӯмак хоҳад кард

ДУШАНБЕ, 30 май — Sputnik.  Ҷон Питер  Ултрас, раиси намояндагии Банки ҷаҳонӣ дар Тоҷикистон  таъкид доштааст, ки ин сармоягузорӣ дар шароити шуюъи вируси корона боиси эҷоди шуғлу даромад ҷадид барои шаҳрвандон  Тоҷикистон хаҳад шуд.

Вай афзуд, бозсозии  турбинҳо ва генераторҳои нерӯгоҳ  боиси афзоиши тавлиди барқ дар кишвар хоҳад шуд .

Раиси намояндагони Бонки ҷаҳонӣ дар Тоҷикистон қайд кард, ки дар марҳилаи дуввум кӯмаки молиявӣ барои барқарор кардани шаш агрегати боқимонда дар кӯпруки Роҳи Норак ва бунёди нерӯгоҳи барқӣ ба нақша гирифта шудааст.

Ҷон Питер Ултрас илова кард, ки ҳазинаи марҳилаи дуввум 192 миллион доллар хоҳад дошт.

Неругоҳи барқи обии Норак - дар дарёи Вахш сохта шудааст. Сохтмони нерӯгоҳ соли 1961 оғоз гардида, гидроагрегати нахустини он соли 1972, охиринаш соли 1979 ба кор дароварда шудааст. Дар Нерӯгоҳи барқи обии Норак 9 гидроагрегати иқтидори лоиҳавиашон 300 ҳазор кВт насб шудаанд. Иқтидори умумии муайяншудаи неругоҳ 3000 ҳазор кВт - ро ташкил медиҳад.

Нурекская ГЭС
© Официальная страница пресс-службы президента РТ в Facebook.

Сохтмони НБО-и Норак соли 1961 оғоз ёфт, агрегати якуми он 15 ноябри соли 1972, бо иқтидори 300 МВт ва нерӯгоҳ бо иқтидори пурраш (2700 МВт) - соли 1979 ба истифода супорида шуд. Соли 1988 ҳамаи нўҳ агрегати нерӯгоҳ таҷдид гардида, иқтидори ҳар кадом ба 335 МВт ва иқтидори умумии нерўгоҳ ба 3000 МВт расонида шуд. Бо ин иқтидори бузург НБО-и Норак афсонае буд, ки дар кишвари мо ба ҳақиқат табдил ёфт, номи Тоҷикистонро дар арсаи олам машҳур намуд. Аз дигар тараф маҳз НБО-и Норак исбот сохт, ки захираҳои гидроэнергетикии кишвари мо, ки дар як сол 527 миллиард кВт.сатро ташкил медиҳад ва он аз ибтидои солҳои сиюми асри гузашта таҳқиқ мешаванд, воқеӣ буда, барои рушди иқтисодиву иҷтимоии тамоми минтақа нафъовару манфиатбахшанд.

Баландии сарбанди НБО Норак — 300 метр мебошад.

290
Барчаспҳо:
бозсозӣ, кумак, НБО Норак, Бонки ҷаҳонӣ, Тоҷикистон
Пожилой мужчина в кепке

Шифо ёфтани пирамарди 109 сола дар Эрон аз коронавирус

0
Пирамарди 109 - сола, ки давоми як ҳафта дар шӯъбаи эҳёгарӣ дар ҳолати вазнин қарор дошт, ахиран шифо ёфт ва аз бемористон мураххас шуд

ДУШАНБЕ, 11 июл – Sputnik. Дар Эрон пирамарди 109 солаи мубтало ба коронавирус тавонист бемориро шикаст диҳад ва беҳбуд ёбад, хабар медиҳад ИРНА.

Ба иттилои манбаъ, бемори 109 - сола ба муддати як ҳафта дар бахши муроқибатҳои вижаи бемористони Гулистони шаҳри Кирмоншоҳ бистарӣ буд ва рӯзи ҷумъа пас аз беҳбудии комил аз бемористон ҷавоб шуд.

Шавҳар кардан мехоҳем: эътирози арӯсшавандаҳо барои манъи баргузории маросими тӯй

То кунун даҳҳо бемори мубтало ба коронавирус дар Эрон бо беш аз 90 сол син бо иродаи қавӣ тавонистаанд аз ин беморӣ беҳбуд ёбанд.  

Қайд мегардад, ки то рӯзи шанбе 11 июл шумори беморони коронавирус дар Эрон ба 255 ҳазору 117 нафар расида, ки 217 ҳазору 666 нафар аз онон беҳбуд ёфта  аз бемористонҳо рухсат ёфтаанд.

0
Барчаспҳо:
сиҳатӣ, пирамард, Эрон
Мавзуҳо:
Пайомадҳои COVID-19 дар Тоҷикистон ва ҷаҳон