Владимир Путин ва Раҷаб Тайиб Эрдуғон

Путин ва Эрдуғон ба сохтмони НБА "Аккую"-и Туркия оғоз бахшиданд

48
(Таҷдидшуда 13:18 04.04.2018)
Раисҷумҳури Русия Владимир Путин ва сарвари Туркия Раҷаб Тайиб Эрдуғон ба сохтмони НБА "Аккую" оғоз бахшиданд

ДУШАНБЕ, 3 апр — Sputnik. Раисҷумҳури Русия Владимир Путин ваъда дод, ки тамоми кӯшишро ба харҷ медиҳад то ҳамроҳ бо ҳамтои туркаш Раҷаб Тайиб Эрдуғон дар соли 2023, замони  роҳандозии нахустин блоки НБА "Аккую"-и Туркия, ширкат варзад, гузориш дод РИА Новости.

"Мо тамоми корҳои аз дастамон омадаро анҷом медиҳем то ҳамроҳ дар соли 2023, замони оғози кори нерӯгоҳи барқии атомии нав, ширкат кунем. Бар он боварам, ки сокинони ин минтақаи Туркия бо чашмони худ хоҳанд дид, ки фанноварӣ ва ҷойҳои кории нави муосир чист ва тамоми кишвари Туркия натоиҷи он корҳоеро, ки дар ин нерӯгоҳи дорои фанновариҳои боло ба анҷом мерасад, мебинанду қаноатманд мегарданд", — иброз дошт Путин дар маросими оғози расмии роҳандозии сохтмони Нерӯгоҳи барқи атомии "Аккую" дар Туркия.

Раисҷумҳури Туркия Реҷеб Тайиб Эрдуғон дар навбати худ эълом дошт, ки оғози сохтмони НБА "Аккую" як лаҳзаи таърихии ҳамкориҳои байни Туркия ва Русия дар соҳаи барқ мебошад.

"Мо шоҳиди лаҳзаи таърихӣ, ҳам аз нуқтаи назари тараққиёти кишвар ва ҳам аз нуқтаи назари ҳакмкорҳоямон бо Русия дар соҳаи иқтисод, хоҳем шуд", — таъкид кард сарвари Туркия.

Вай афзуд, ки НБА "Аккую", ки Росатом дар Туркия месозад, 10%-и ниёзҳои барқи кишварро пӯшонда, амнияти барқии онро комилан таъмин хоҳад кард.

Дар суханронии худ Эрдуғон инчунин зикр намуд, ки Туркия ният дорад бо Русия дар масоили минтақавӣ, ҳамкорӣ кунад.

Хотиррасон мекунем, ки дар Анқара гуфтушунидҳои раисҷумҳурони Русия ва Туркия —  Владимир Путин ва Раҷаб Тайиб Эрдуғон, дар ҳайати вижа мегузарад.

То ин вақт дар майдони назди Қасри раисҷумҳури Туркия маросими тантанавии вохӯрии Путин ва Эрдуғон баргузор шуд. Қаровули фахрӣ дастаи аскарон саф ороста, сурудҳои миллии ду кишвар садо доданду, раисҷумҳурон ҳайатҳои худро муаррифӣ намуданд.

Лоиҳаи НБА "Аккую" дорои чор блоки барқӣ бо дастгоҳҳои барқии русиягии ВВЭР-1200-и насли "3+" мебошад, ки бо стандартҳои бехатарии олитарини пост-фукусимскӣ мувофиқ кунонида шуда аст. Иқтидори ҳар як блоки барқии НБА 1200 МВт мебошад. Тарҳ тақрибан 20 миллиард доллар арзиш дорад.

Қаблан саркоркуни илмии ИМЭМО РАН, директори Институти тадқиқотии илмӣ ва иҷтимоии минтақаи баҳрҳои Сиёҳ ва Хазар Виктор Надеин-Раевский, ба радио Sputnik эълон карда буд, ки умед аст то дар ҷараёни ин мулоқот роҳбарони кишварҳо самти деэскалатсияро дар Сурия пеш мегиранд, ки он ба хотима додани ҷанг дар ин минтақа равона шудааст. Вай афзуд Русия алоқаманд аст, ки Туркия иҷрои ӯҳдадориҳои худро идома диҳад.

48
Барчаспҳо:
оғози сохтмони нерӯгоҳ, Владимир Путин, Раҷаб Тайиб Эрдуғон, Туркия
Электросчетчик, архивное фото

Қаллобӣ: худро коргари идораи барқ гуфта, аз сокинон пул гирифтааст

454
Мақомоти милитсияи Суғд аз оғози парвандаи ҷиноӣ нисбати як сокини ноҳияи Ҷаббор Расулов хабар дод, ки худро корманди шабакаҳои барқии ноҳия муаррифӣ намуда, бо роҳи фиреб ба тасарруф намудани пули сокинон машғул шудааст

ДУШАНБЕ, 6 май – Sputnik. Муттаҳам, марди 41-солаи сокини ҷамоати Гулхонаи ноҳияи Ҷаббор Расулов будааст, ки қаблан як дафъа суд шудааст, хабар дод Раёсати умури дохилии Суғд.

Манбаъ афзуд, шаҳрванди мазкур баъди раҳоӣ аз зиндон боз даст ба ҷинояткорӣ задааст.

“Чунончи ба боварии сокини 48- солаи ҷамоати Гулхона даромада, худро корманди идораи барқ хонда, аз ин сокини ноҳия барои руйпуш намудани 13 ҳазор сомонӣ қарзи истифодаи қувваи барқи хоҷагии деҳқонӣ, 2 ҳазор сомонӣ талаб намуда ба манфиати худ сарф намудааст”, - хабар дод манбаи Sputnik дар РВКД.

Манбаъ афзуд, ки ин сокин давоми солҳои 2018-2019 дар чанд ҳолат худро ҳамчун корманди идораи шабакаҳои барқии ноҳия вонамуд карда, барои гуиё руйпуш намудани қарзи истифодаи нерӯи барқ аз сокинон маблағ талаб намуда гирифтааст.

Аз ҷумла зикр шуд, ки моҳи апрели соли 2019 ҳам, муттаҳам ба боварии сокини 27- солаи ноҳияи Ҷаббор Расулов даромада, худро корманди идораи барқ хонда, барои руйпуш намудани истифодаи қувваи барқ, 8 ҳазор сомонӣ гирифтаст.

РВКД мегӯяд, алайҳи муттаҳам аз сӯи мақомт бо моддаи 247 қисми 2-и Кодекси ҷиноӣ, барои қаллобӣ парванда оғоз карда шуда, тафтишот идома дорад.

454
Барчаспҳо:
барқ, Суғд, Тоҷикистон
Рогунская ГЭС

Қарзи беш аз якмиллиардӣ ва ироаи сабукиҳо барои сохтмони "Роғун"

626
(Таҷдидшуда 14:06 02.05.2020)
Маҷлиси намояндагони Тоҷикистон бо тасвиби тағйирот ба қонун дар бораи буҷаи давлатии ҷумҳурӣ барои соли 2020 ба сохтмони нерӯгоҳи барқи обии “Роғун” сабукиҳо ироа кард

ДУШАНБЕ, 2 май — Sputnik. Юсуф Маҷидӣ, муовини вазири молияи Тоҷикистон, зимни муаррифии ин тағйирот гуфт, масқсади сабукиҳо ҷоннок намудани НБО ва таъмини иҷрои саривақтии уҳдадориҳои шартномавии “НБО Роғун” мебошад.

Ӯ афзуд, ки бо ин мақсад намояндаи фармоишгар-консортсиуми “Tractebel Engineering S.A.”, ҳангоми иҷрои кору хизматрасониҳо аз пардохти андоз аз фоида, андоз аз арзиши иловашуда ва андоз аз истифодабарандагони роҳҳои автомобилгард озод карда мешавад. Аз сабукиҳо зерпудратчиёни консортсиуми мазкур бархӯрдор мебошанд.

Ироаи ин сабукиҳо дар ҳолест, ки қаблан Хайрулло Сафарзода, мудири кулли ҶСК “Нерӯгоҳи барқи обии Роғун” ҳаҷми қарздории нерӯгоҳро дар назди коршарикон дар оғози соли равон беш аз 1 миллиард сомонӣ арзёбӣ кард.

Мудири кулли "Роғун" масъалаи пардохти уҳдадориҳо дар назди коршариконро масъалаи ҳалталаб ва таъхирнопазир хонда, аз иҷозати давлат барои фурӯши бархе амволи “Роғун” истиқбол кард.

Ӯ изҳор дошта буд, ки нерӯгоҳи “Роғун” ҳоло дар тавозун дороии зиёд дорад, ки қисми он на дар маҳалли ҷойгиршавӣ, балки дар дигар минтақаҳои кишвар ҷойгиранд. Мудири кул тавзеҳ дод, ки истифодаи ин дороиҳо аз рӯи таъиноташон ғайриимкон мебошаду ҳар рӯз хароҷоти молиявиро барои нерӯгоҳ ба бор меоранд.

626
Барчаспҳо:
Роғун, Тоҷикистон
Свеча

Мусибат дар хонаводаи Мӯъмин Қаноат: набераи 42 - солааш ҷаҳони фониро падруд гуфт

292
(Таҷдидшуда 23:48 06.06.2020)
Баҳрин нахустнабераи шоири зиндаёд Мӯъмин Қаноат дар синни 42 - солагӣ аз олам ҷашм пӯшид. Иллати марги ӯ маризии гурда арзёбӣ мешавад

ДУШАНБЕ, 6 июн – Sputnik. Хабари фавти бармаҳали Баҳрин - нахустнабераи Мӯъмин Қаноат шоири зиндаёдро адиби тоҷик Аҳмадшоҳи Комилзода дар сафҳаи Фейсбукии худ коридаст.

акс аз сафҳаи фейсбукии Комилзода Аҳмадшоҳ
Баҳрин нахустнабераи Мӯъмин Қаноат

Ба навишати Комилзода, набераи устоди зиндаёд Мӯъмин Қаноат ҳамагӣ 42 - сол умр дошта, бар асари бемории шадиди гурда, рӯзи 6 - уми июн аз олам чашм пӯшид. 

"Баҳрин ҷавони донишманд, донанда ва тарҷумони хуби се забон – порсии тоҷикӣ, русӣ ва англисӣ буд, ки бо ин се забон кору тарҷума мекард", - навиштааст Комилзода.

Хезед бобо Дарвоз мерем: арӯси хонаводаи Мӯъмин Қаноат аз вопасин суханҳои шоир нақл кард

Аз марҳум ду фарзанд Суруш ва Мумтоз, ки яке 15 - сола ва дувумӣ 13 - солаанд, ятим монданд.

Дӯстони Баҳрин, даргузашти ӯро ҳамчун шахсияти соҳибхираду соҳибғурур ва нафари ботамкин, як мусибати бузурги ҷуброннопазир арзёбӣ мекунанд.

292