Обанбор дар Узбакистон, акс аз бойгонь

Обанбор дар Шаҳритусу Қубодиён: пешниҳоди лоиҳаи шӯравӣ ба Тоҷикистону Узбакистон

474
(Таҷдидшуда 15:46 24.08.2018)
Коршиносони тоҷик дар пасманзари беҳбуди равобити Тоҷикистону Узбакистон пешниҳод кардаанд, ки татбиқи лоиҳаи замони шӯравӣ дар мавриди бунёди обанбор дар Шаҳритусу Қубодиён, таҳти унвони "Кофарниҳони поён" аз сар гирифта шавад

ДУШАНБЕ, 24 авг — Sputnik. Қувваталӣ Додов, собиқадори меҳнат ва муаррихи тоҷик, изҳор доштааст, ки татбиқи "Кофарниҳони Поён" соли 1983 оғоз шуда, иншоот бояд соли 1993 мавриди истифода қарор мегирифт.

Додов тариқи рӯзномаи давлатии "Ҷумҳурият" изҳор доштааст, агар ин обанбор сохта мешуд, мувофиқи ҳисобҳои пешакӣ, дар Тоҷикистон се ноҳия ва дар Узбакистон низ пас аз обёрӣ шудани мавзеи Чордағал се ноҳия ташкил мешуд.

"Ҳамзамон, дар ин дарё бунёди як неругоҳи обие, ки иқтидори бо барқ таъмин кардани мавзеъҳои навташкилро дошт, дар мадди назар буд. Аз рӯйи ҳисоби мутахассисон, агар ин обанбор сохта мешуд, он ҳамагӣ дар панҷ сол тамоми хароҷотро мепӯшонд", — таъкид кардааст ӯ. 

Талбон Ҳакимов, роҳбари пешини Институти илмию истеҳсолии лоиҳакашии "Нурофар" ва собиқ директори ПМК-12, ки сохтмони  обанборро бар дӯш дошт, зимни як мусоҳибаи матбуотӣ зикр кардааст, ки лоиҳаи "Кофарниҳони Поён" — ро даҳҳо институтҳои Иттиҳоди Шӯравӣ ба таври дақиқ омода кардаанд, он дар соҳаи мелиоратсияи ду кишвар сохтмони камназир маҳсуб меёбад ва бо татбиқи ин лоиҳа Тоҷикистону Узбакистон метавонанд даштҳои ташналаби Курҷалолқум, Гулзор,  Чордағал, Каниздеҳа ва Бешкентро обёрӣ кунанд.

Тибқи ҳисоби таҳлилгарон дар сурати бунёди обанбор имкони обёрӣ кардани 68,3 ҳазор гектар замин фароҳам мешавад. Коршиносон изҳори умед кардаанд, ки дар пайи беҳбуди муносибатҳо масъулини ду кишвар лоиҳаро аз сар хоҳанд гирифт.  

474
Барчаспҳо:
Кофарниҳони поён, обёрӣ, замин, лоиҳа, обанбор, Тоҷикистон
Отключение электроэнергии, архивное фото

Шаҳри Хоруғ бе барқ намемонад: неругоҳи барқии обии “Хоруғ” навсозӣ мешавад

85
(Таҷдидшуда 11:41 20.09.2020)
Канали обрасони Неругоҳи барқии обии “Хоруғ”-и Вилояти Мухтори Кӯҳистони Бадахшон бо мақсади аз байн бурдани талафоти об ва эмин нигоҳ доштани хонаҳои наздик ба он аз намӣ мавриди таъмир қарор дода шуд

ДУШАНБЕ, 20 сен — Sputnik.  Ба нақл аз хабаргузории АМИТ “Ховар” таъмири каналро яке аз ширкатҳои бонуфузи Олмон - “Пенатрон” ҳамроҳ бо ширкати тоҷикистонӣ  “Таъмир ва ҳимоя аз бетон” анҷом медиҳанд.

Гуфта шудааст, ки кормандони техникии Неругоҳи барқии обии “Хоруғ” агрегату дигар механизмҳои зарурӣ ва ёридиҳандаро низ таъмир ва ба зимистон омода хоҳанд кард.

Сохтмони ин канали обрасонӣ охири солҳои шастуми асри гузашта ба итмом расид ва соли 1970 Неругоҳи барқии обии “Хоруғ” ба тавлиди неруи барқ бо тавоноии 9 мегаватт оғоз кард.

“Давоми ним аср бар асари зилзила ва сангчарх дар ин канал рахнаву сӯрохиҳо пайдо шуда, ба талафоти об оварда расонданд. Дар натиҷа иқтидори барқистеҳсолкунии неругоҳ низ коҳиш меёфт”, - таъкид доштааст манбаъ.

Муҳандиси Неругоҳи барқии обии “Хоруғ” Ҳоким Амирбеков гуфт, ки таъмири канали обрасон ба тавлид ва интиқоли неруи барқ барои муштариён  таъсир намерасонад ва онҳо мисли пештара тавассути Неругоҳи барқии обии “Помир-1”  24 соат бо неруи барқ таъмин мешаванд.

Дар ҳамин ҳол, оқои Амирбеков гуфт,  давоми ду ҳафта агрегат ва дигар механизмҳои ёридиҳандаи Неругоҳи барқии обии “Хоруғ” низ пурра таъмир ва ба зимистон омода мегарданд.

Неругоҳи барқии обии “Хоруғ” агарчи 50 сол пеш сохта шудааст, аммо тӯли чанд даҳсолаи охир пурра навсозӣ гардид. Он ҳоло баробари НБО “Помир-1”дар чаҳор фасли сол бе танаффус сокинони шаҳру ноҳияҳои вилоятро бо неруи барқ таъмин мекунад.

85
Барчаспҳо:
НБО, таъмир, барқ, ВМКБ, Тоҷикистон
Московский нефтеперерабатывающий завод (НПЗ)

Корхонаи полоиши нафт сохта шуд, аммо нафт барои коркард нест

596
(Таҷдидшуда 01:35 19.09.2020)
Мақомоти минтақаи озоди иқтисодии Данғара мегӯянд, ифтитоҳи нахустин полоишгоҳи нафти Тоҷикистон дар ин марказ, ки ду сол аст ба таъхир меафтад, ба таъмини нафти хом бастагӣ дорад

ДУШАНБЕ, 19 сен — Sputnik. Мақомоти минтақаи озоди иқтисодии Данғара эълом кардаанд, ки дар ҳоли ҳозир бо Эрон, Русия ва Қазоқистон барои таъмини нафти хоми мавриди ниёзи полоишгоҳи Данғара вориди музокира шудаанд ва мунтазири натиҷаи гуфтугуҳо ҳастанд, иттилоъ додааст радиои тоҷикии Садои Хуросон.

Гуфта шудааст, ки ифтитоҳи нахустин полоишгоҳи нафти Тоҷикистон, ки аз соли 2014 оғоз шудааст, то ба ҳол чанд бор ба далилҳои мухталиф ба таъхир меафтад.

 Пеш аз ин мушкилоти молӣ ва сари вақт пардохт нашудани маблаги таҷҳизоти мавриди ниёзи сохти ин полоишгоҳ иллати ақиб афтодани замони баҳрабардорӣ аз марҳилаи нахусти он унвон мешуд, аммо акнун гуфта мешавад, ки ин марказ омодаи фаъолият шуда ва мунтазири дарёфти нафти хом мебошад.

 Бо ифтитоҳи марҳилаи нахусти полоишгоҳи нафти Данғара дар вилояти Хатлон коркарди 500 ҳазор тон нафт дар сол фароҳам хоҳад шуд ва бо такмили он Тоҷикистон метавонад солона як миллион тон нафти хомро дар ин полоишгоҳ тасфия кунад.

 Ба ин тартиб илова бар таъмини ниёзи дохилӣ заминаи содироти бензин ба Афғонистон низ барои Тоҷикистон фароҳам хоҳад шуд.

 Тоҷикистон дар сол ба 1 600 000 тон бензин ва салярка ниёз дорад, ки ба таври комил аз хориҷ ворид мешавад.

 Ширкати чинии tk-oil барои сохти ин полоишгоҳ 450 миллион доллар ихтисос додааст.

596
Барчаспҳо:
минтақаи озоди иқтисодӣ, сохтмони корхонаи полоиши нафт, корхона, нафт, Данғара, Тоҷикистон

Муроҷиати видеоии Путин ба Маҷмаи умумии Созмони милал

0
(Таҷдидшуда 21:23 20.09.2020)
Ин муроҷиати видеоии Владимир Путин, раисҷумҳури Русияро тамоми ҷаҳон дар рӯзи ифтитоҳи нишасти ҳафтоду панҷумини Маҷмаи умумии СММ тамошо хоҳанд кард

ДУШАНБЕ, 20 сен — Sputnik. Раисҷумҳури Русия Владимир Путин дар нишасти 75-умини Маҷмаи умумии Созмони милали муттаҳид иштирок мекунад.

Тавре телевизиони "Россия 1" гузориш медиҳад, президент аллакай махсус барои Маҷмаи умумии Созмони милали муттаҳид муроҷиати видеоӣ сабт кардааст.

Дар навор дида мешавад, ки Путин дар назди овезае, ки дар он "Ояндаи ҳама бо қувваи ҳама" навишта шудааст, суханронӣ мекунад.

Афзун бар ин дар навор, бастаи ғафсеи коғазҳоро метавон дид, ки бо он сарвари кишвар навор сабт кардааст.

Ҳафтаи дараҷаи олии нишасти 75-уми Маҷмаи умумии СММ дар Ню-Йорк аз 22 то 29 сентябр баргузор мешавад.

Бо далели пандемия, чорабинӣ дар "формати виртуалӣ" баргузор мешавад. Дар ҳамин ҳол, дар толор аз ҳар як кишвар як намоянда иштирок хоҳад кард.

СММ: муҳоҷирони Осиёи Миёна дар кишварҳои Аврупо ҳавзаҳои террористӣ ташкил доранд

Маҷмаи умумӣ ба роҳбарони кишвар ва вазирон пешниҳод кардааст, ки баромадҳояшонро сабт кунанд ва онро дар толор намоиш хоҳанд дод. Давомнокии видео на бояд бештар аз 15 дақиқа бошад.

Навори муроҷиати Путинро дар рӯзи ифтитоҳи нишаст - 22 сентябр намоиш медиҳанд.

Бино бар иттилои котиботи СММ, созмон аз роҳбарони 26 кишвар чунин навор дарёфт кардааст.

0