Тафдони офтобӣ, ки сокинони Бартанг барои гарм кардани об истифода мебаранд

Раисиҷумҳур дар бораи бебарқии Бартанг: сохтмони "Хатфат" тезонда шавад

616
(Таҷдидшуда 19:10 15.09.2018)
Эмомалӣ Раҳмон, раисиҷумҳури Тоҷикистон бебарқии деҳоти дурдасти водии Бартангро зимни мулоқот бо роҳбарону фаъолони ВМКБ ба миён гузошт

ДУШАНБЕ, 15 сен — Sputnik. Тибқи иттилои дафтари матбуоти раисиҷумҳури Тоҷикистон, Эмомалӣ Раҳмон дар мулоқот гуфт, аз соли 2016 то нимаи соли 2018 96 фоизи ВМКБ, ба истиснои қисми муштариёни водии Бартанг ва ноҳияи Мурғоб, бо барқи шабонарӯзӣ таъмин гардиданд.

Ӯ изҳор доштааст, ки мушкили сокинони ноҳияи Мурғоб баъди бозсозии нерӯгоҳи "Оқсу" ҳал шуд ва мардуми ноҳия феълан пурра бо барқ таъмин мебошанд.

Раисиҷумҳур дар мавриди деҳоти бебарқи Бартанг ба масъулини Вазорати энергетика ва саноати Тоҷикистон ва ширкати "Помир энержӣ" дастур додааст, ки корҳои лоиҳакашию ҷалби сармоя барои бунёди  нерӯгоҳи "Хатфат"‑ро тезонанд.

"Вазорати энергетика ва захираҳои об, мақомоти иҷроияи ҳокимияти давлатии вилоят ва шаҳру ноҳияҳои он, ширкати "Помир-Энерҷи" вазифадор карда мешаванд, ки корҳои лоиҳакашиву ҷалби сармояро барои бунёди нерӯгоҳҳои барқи обии ба нақша гирифташуда, алалхусус, нерӯгоҳҳои "Себзор", "Санобод" ва "Хатфат" суръат бахшида, афзоиш додани содироти нерӯи барқ ба кишвари ҳамсояи Афғонистон, бунёду азнавсозии хатҳои интиқоли барқ, таъмини аҳолии деҳоти дурдасти кӯҳистон бо нерӯи барқи доимӣ ва дар ҳолати хуби корӣ нигоҳ доштани низоми истеҳсол ва барқтаъминкунӣ лоиҳаҳои сармоягузориро таҳия ва татбиқ намоянд", — изҳор доштааст Эмомалӣ Раҳмон.

Дастури раисиҷумҳур дар ҳолест, ки дар деҳаҳои Рухч, Нисур, Япшорв, Рошорв ва Барчидифи Бартанги боло неругоҳҳои барқӣ вуҷуд надоранд ва мардум аз бебарқию бероҳӣ пайваста дар азобанд.

Саидмамад Ғуломшоев, сокини деҳаи Барчидиф, мегӯяд, раисиҷумҳури Тоҷикистон соли 2016, зимни сафар ба Бартанги боло дастур дода буд, ки дар мавзеи Хатфат, дар назди деҳаи Нисур нерӯгоҳи обӣ сохта мешавад, аммо то ҳол иҷро нашудааст.

Ӯ таъкид намуд, ки зоҳиран ин минтақаи дурдасти Тоҷикистон аз таваҷҷуҳи мақомдорони вилоятӣ ва ҷумҳуриявӣ канор мондааст.

Ғуломшоев аз масъулини вилоят, ҷумҳурӣ ва созмонҳои фаъоли байналмилалӣ дар минтақа хост, барои ҳалли мушкилоти бебарқию бероҳии мардуми Бартанги боло мусоидат кунанд. Ӯ гуфт, сокинони мушкилнописанди Бартанги боло дар ҳалли бебарқию бероҳӣ ба каме дастгирӣ ниёз доранд ва бо андаке кӯмак ва саҳми худи мардум метавонанд мушкилотро ҳал намоянд.

616
Барчаспҳо:
супориши Эмомалӣ Раҳмон, Хатфат, Бартанг, энергетика, барқ, Тоҷикистон

Тоҷикистон аз ҷиҳати нерӯи барқи арзон минёи кишварҳои ИДМ яке аз пешсафон эълон шуд

173
Ҳукумати Қирғизистон арзиши миёнаи тарифҳои барқро дар кишварҳои ИДМ ҳисоб кардааст, ки пастаринаш дар ин кишвар ва баландтаринаш дар Русия ва Белорус будааст

ДУШАНБЕ, 29 сен – Sputnik. Омори нархҳои барқ ​​дар кишварҳои ИДМ дар гузориши ҳукумати Қирғизистон ҷамъбаст карда шуд.

Ҷаласаи Ҳукумати Тоҷикистон
дафтари матбуоти раисиҷумҳури Тоҷикистон
Дар иттилоияи ин ниҳод гуфта мешавад, ки дар кишварҳои ИДМ таносуби манбаъҳои истеҳсоли нерӯи барқ ​​гуногун аст, ки ин ба арзиши истеҳсоли он бевосита таъсир мерасонад.

Фармони Раҳмон: нархи неруи барқ, об ва алоқа то охири соли 2020 баланд намешавад

Гуфта мешавад, то санаи 19 сентябри соли 2020 бо доллари ИМА, тарифи барқ ​​дар Қирғизистон аз ҳама пасттарин - 0,01 доллар барои 1 кВт / соат аст.

Тоҷикистон ва Узбакистон низ аз рӯи нархномаҳо миёни пешсафон қарор доранд, ки барои 1 кВт / соат 0,02 доллар пардохт мекунанд.

Аммо Русия ва Беларус дар байни кишварҳои ИДМ ба кишварҳое табдил ёфтанд, ки тарифҳои гаронтарин доранд: дар он ҷо сокинон бояд барои як киловатт дар як соат то 0,1 доллар пардохт кунед.

Вазорати энержӣ: тавлиди барқ дар Тоҷикистон коҳиш ёфт

Ин аз он сабаб аст, ки дар Русия ва Беларус нерӯи барқ ​​асосан дар нерӯгоҳҳои ҳароратӣ тавлид мешавад, ки нисбат ба гидроэнергетика хеле гаронтар аст.

173
Барчаспҳо:
нарх, барқ, Қирғизистон, Тоҷикистон
Ҷаласаи Ҳукумати Тоҷикистон

Раҳмон аз камобӣ гуфту барои сарфаи барқ дастур дод

290
(Таҷдидшуда 19:01 28.09.2020)
Эмомалӣ Раҳмон, раисиҷумҳури Тоҷикистон, имрӯз дар ҷаласаи Ҳукумат аз камобӣ гуфта, масъалаи таъмини мардум бо нерӯи барқ дар зимистонро ба миён гузошт

ДУШАНБЕ, 28 сен — Sputnik. Тибқи иттилои котиботи раисиҷумҳури Тоҷикистон, Эмомалӣ Раҳмон вобаста ба камобии имсола барои сарфакорона истифода кардани нерӯи барқ дастур дод.

Раисиҷумҳур баҳри рафъи мушкилоти фаслҳои тирамоҳу зимистони дарпешистода ва бо барқ таъмин намудани аҳолӣ ва захираи кофии маводи сӯхту хӯрокворӣ масъулини сохторҳои давлатиро муваззаф кардааст.

Эмомалӣ Раҳмон ҳафтаи қабл низ дар паёмаш ба маҷмааи умумии СММ гуфта буд, ки “имсол бинобар боришоти кам дар фасли зимистон коҳиши назарраси захираҳои об дар дарёҳои минтақа ба қайд гирифта шуд, ки дар навбати худ боиси камобӣ дар мавсими обёрӣ ва хушксолии шадид гардид”.

Ӯ таъкид кард, ки чунин вазъият ба миқдор ва сифати захираҳои оби тоза, ҳамчунин, соҳаҳои марбут ба об, бахусус кишоварзӣ ва энергетика, таъсири манфӣ мерасонад.

Раҳмон зикр кард, ки Тоҷикистон 99 фоизи қувваи барқи худро дар нерӯгоҳҳои барқи обӣ, яъне аз манбаъҳои таҷдидшавандаи энергияи “сабз” истеҳсол мекунад.

Ӯ дар ин робита дастгирии истифодаи васеи манбаъҳои таҷдидшавандаи энергия, ки барои рушди иқтисоди “сабз” заминаи мусоид мегузорад, пешниҳод намуда буд.

290
Барчаспҳо:
ҷаласа, Ҳукумат, нерӯи барқ, Тоҷикистон
Производство вакцины от COVID-19

То чӣ андоза ваксина хатарнок аст: ИМА посух талаб дорад, Урупо фоида ҳисоб мекунад

0
(Таҷдидшуда 15:08 30.09.2020)
Мушкилоти ваксина AstraZeneca, ки аз ҷониби ширкати формакологии Бритониё ва Шветсия дар ҳамкорӣ бо Донишгоҳи Оксфорд таҳия шудааст, бештар шуд

ДУШАНБЕ, 30 сен — Sputnik, Ирина Алкснис. ИМА натанҳо озмоишҳои ҳафтае пеш қатъ кардаашро аз сар нагирифт, балки расонаҳои пеши ин кишвар бештар аз бехатарии ваксина суолгузорӣ мекунанд. Баландтар аз ҳама Си-эн-эн овоз баровард.

Чуноне малум аст, озмоиши клиникии AstraZeneca-ро ду маротиба мавқуф гузоштанд - моҳи июл ва сентябр: дар бадани ду нафар аз ихтиёриён нишонаҳои ғайриодии бемориҳои асаб пайдо шуд. Алоқамандии ҳарду маворид ба эмкунӣ рабт дода нашуд ва дар бархе аз давлатҳо аз ҷумла дар Бритониё озмоиши ваксина идома кард.

Вале олимон ва коршиносони соҳаи тандурустии ИМА кунҷковтар будаанд ва дар гузориш дар бораи таъсири манфии ваксина ихтилоф пайдо карданд.

Қазияи моҳи июли AstraZeneca, ҳодисаи қаблан ташхис нашудаи склеросро тасдиқ кард. Аммо дар торномаи Донишгоҳи Оксфорд онро чун "нишонаҳои номаълуми бемории асаб" таъриф кардаанд.

Дар робита ба қазияи моҳи сентябр ширкат ошкоро изҳор дошт, ки дар бадани як зани ихтиёрӣ "бемории номаълум" мушоҳида шуд. Вале, дар дохили ҳуҷҷат ин ҳолат чун миелет (бемории камёби асаб), шарҳ дода шудааст.

Дар натиҷаи чунин ихтилофот, амрикоиҳо саволи мантиқӣ мегузоранд. AstraZeneca аллакай дар бораи шаффофияти кори худ оид ба таҳияи ваксина шикоятҳои ҷиддӣ шунидааст ва баҳсҳое, ки ҳоло ба миён омадаанд, танҳо эътимоднокии дору ва бехатарии онро бештар зери суол мебарад.

Зиёда аз ин, масъалаи бемории ихтиёриён ҳамоно беҷавоб боқӣ мемонад. Чуноне яке аз профессорҳои амрикоӣ мегӯяд: ҳамин, ки ҳарду беморӣ ба асаб сару кор доранд, "изтиробовар" аст.

Шояд бахти AstraZeneca омад накард ва ин дар воқеъ як тасодуфи холӣ аст, ки ба таҳияи ваксина ҳеҷ иртиботе надорад. Аммо ақли солим ҳадди аққал равшан кардани ин нуктаро талаб мекунад - ва бояд ба мақомоти зиддахли амрикоиҳо арҷгузорӣ кард, ки чашмашонро напӯшониданд ва озмоиши ваксинаро дар манотиқи худ қатъ карданд.

Ин ҷо бештар мавқеъи ҳамкорони урупоияшон ҳайратовар аст, ки ҳамаи инро нодида гирифтаву ба озмоиш идома доданд.

Аммо, оромии мақомоти Иттиҳоди Урупо ва худи ширкат дар чунин мавзӯъи доғи рӯз, ки метавонад мушкилоти азимро ба бор орад (агар ваксина воқеан хатарнок бошад) шарҳи оддӣ дорад.

Чанде пеш ожонсии Reuters бо истинод ба намояндаи расмии ИУ хабар дод, ки AstraZeneca қисман маснуъият гирифт.

Созишнома моҳи август баста шуд, вале бархе аз ҷузъҳояш ҳамакнун расонаӣ шуданд.

Гап сари ин, ки ширкати формакологӣ ваксинаро ба Иттиҳоди Урупо ба нархи нисбатан арзонтар медиҳад ва ӯҳдадориҳо барои таъсири манфии онро сарфи назар мекунад. Бандҳои алоҳидаи созишнома ошкор намешавад, вале муайян шуда, ки Урупо барои як дозаи AstraZeneca 2,5 евро пардохт хоҳад кард. Ширкати ваксинбарори фаронсавии Sanofi, ба Урупо ба қиммати 10 евро пешниҳод карда буд ва бе масъуният монд.

Ногуфта намонад, ки ҳарду ширкат ҳам аз ҷониби Иттиҳоди Урупо пешпардохти бебозгашт гирифтанд. AstraZeneca 336 миллион евро барои 400 миллион доза ва Sanofi — 324 миллион барои 300 миллион.

Ҳамин тавр, агар дар давраи эмкунии сартосарӣ бо ваксинаи AstraZeneca дар воқеъ маълум шавад, ки он ба саломатии инсон зарар мерасонад, барои ширкат таъсире нахоҳад буд. Ҷубронпулиро ба ҷабрдидагон ҳукуматҳои миллӣ ё аниқтараш андозсупорандагони кишварҳои дахлдор пардохт мекунанд.

Ставкаи Урупо ба ин ду ваксина, ки дар таҳияи он роҳу равишии гуногунро ба кор мебаранд, аҷиб аст.  Маълум аст, ки ин барои дастгириҳои иҷтимоӣ ва сӯистифодаи сиёсӣ имкониятҳои зиёдеро фароҳам меорад. Ҷолиби диққат аст, ки кадом давлатҳои Иттиҳоди Урупо кадом ваксинаро мегиранд ва чӣ гуна дар дохили худи кишварҳо, вобаста аз некӯаҳволии минтақаҳо ва вазъи иҷтимоии мардуми муқими он, тақсим карда мешаванд.

Чунин менамояд, ки барои урупоиҳои интихобшуда, ки саломатии онҳоро ба ҳеҷ ваҷҳ набояд зери хатар гузошт, ваксинаи фаронсавии Sanofi ҳамеша дастрас хоҳад буд, чун ширкати фаронсавӣ барои бехатарии ваксинааш бояд худ кафолат диҳад - яъне ба бехатарӣ ва самаранокии он эътимод бештар аст.

Дар ин росто воқеъияти Русия, ки бархе аз кормандони воломақом ихтиёран барои озмоиши ваксинаи ватанӣ пардохтанд, хеле аҷиб менамояд. Расонаҳои ҷаҳонӣ ҳатто мегуфтанд, ки элитаи Русия чанд моҳ боз бо ваксинаи озмоишнашуда, эм карда мешаванд.

Мавқеъи онҳоро нисбати бехатарии "Sputnik-V" дар чунин росто, танҳо тахмин кардан мумкин аст. 

Эҳтимол, Ғарб тақдиран дар робита бо Русия зери шиори "кӣ дар фикри чӣ" ба сар мебарад.

0
Барчаспҳо:
Русия, дар Урупо, ИМА