Отключение электроэнергии, архивное фото

Қарзи аҳолӣ дар назди ширкати “Барқи тоҷик” дар як сол ба 80,4 млн. сомонӣ зиёд шуд

170
(Таҷдидшуда 12:12 13.02.2019)
Ширкати “Барқи тоҷик” таъкид намуд, ки бузургтарин қарздор дар назди ширкат аҳолии ҷуиҳурӣ будааст

ДУШАНБЕ, 13 фев — Sputnik. Исломзода Мирзо Иброҳим, раиси ширкати "Барқи тоҷик" зимни нишасти матбуотӣ хабар дод, ки ба ҳолати 1 январи соли 2019 маблағи қарзи аҳолии ҷумҳурӣ барои истифодаи неруи барқ 956,8 млн.сомониро ташкил медиҳад.

Дар маҷмӯъ маблағи қарзи истифодаи неруи барқ ба 2 млрд. 308,1 млн сомонӣ раси­да­аст, аз ҷумла қарздории Агентии беҳдошти замин ва обёрӣ 139,7 млн.сомонӣ, хоҷагиҳои кишоварзӣ 163,9 млн.сомонӣ, КВД “Обу корези ҷумҳурӣ” 41,7 млн.сомонӣ, ташкилоту муас­сисаҳои буҷетӣ 52,2 млн.сомонӣ, КМ “«Тоҷик­кимиё­са­ноат” 23,8 млн.сомонӣ, аҳолии ҷумҳурӣ 956,8 млн.сомониро ташкил медиҳанд.

Раиси ширкати “Барқи тоҷик” қайд намуд, агра дар соли 2017 қарзи аҳоли дар наздик Ширкат 840 миллион сомониро ташкил медод, дар соли 2018 бошад қарзи аҳоли ба 80,4 миллион сомонӣ зиёд шуда ба 920 миллион сомонӣ роасидааст.

Вай гуфт, аҳолии Тоҷикистон бузургтарин қарздор аз истифодаи барқ мебошанд.

Исломзода таъкид намуд, ки бештари қарзи аҳолӣ маблағе мебошад, ки давоми солҳои истиқлолият ҷамъ шудааст.

Инчунин, раиси ширкати “Барқи тоҷик” тамоюли болоравии қарзҳои кредитории ШСХК “Барқи Тоҷик” дар соли 2018 низ шарҳ дод.

Ба ҳолати 1 январи соли 2019 қарзҳои кредитории ширкати “Барқи тоҷик” ба 23,1 миллиард сомонӣ расидааст.

Ба гуфтаи раиси ширкат аз ин маблағ 18,5 млрд. сом­онӣ аз ҳисоби созишномаҳои зер­қар­зии Вазорати молия мебошад. Инчунин ширкат дар назди НБО-и “Сангтӯда -1”  1 млрд. 15,4 млн. сомонӣ ва дар назди НБО-и “Сангтӯда -2” 1 млрд. 362 млн. сомонӣ қарздор мебошад.  

170
Барчаспҳо:
ҶСК Сангтуда-1, аҳолӣ, қарз, ширкати Барқи тоҷик, Тоҷикистон
Здание энергохолдинга Барки точик, архивное фото

“Барқи тоҷик” шумори ҳолати истифодаи ғайриқонунии нерӯи барқро эълон кард

504
(Таҷдидшуда 12:41 01.08.2020)
Ширкати “Брқи тоҷик” ахиран зимни нишасти матбуотӣ эълон дошт, ки дар Тоҷикистон барои истифодаи ғайриқонунии нерӯи барқ ба маблағи беш аз 16 миллион сомонӣ санадҳои дахлдор тартиб дода шудааст

ДУШАНБЕ, 1 авг — Sputnik.   Мирзо Исмоилзода, раиси ШСХК “Барқи тоҷик”, таъкид доштааст, ки тайи шаш моҳи соли ҷорӣ кормандони зерсохторҳои ШСХК «Барқи тоҷик» 11 931 ҳолати истифодаи ғайриқонунии неруи барқро ба қайд гирифта,  ба маблағи  беш аз 16 миллион сомонӣ санадҳои дахлдор тартиб доданд.

Номбурда зикр кардааст, ки аз ин ҳисоб 8, 7 миллион сомонии он пардохт шуд.

Дар ҳамин ҳол, ба гуфтаи Мирзо Исмоилзода ширкат бо мақсади сарфаҷӯӣ, коҳиш додани талафоти қувваи барқ ва сари вақт ҷамъ овардани маблағи барқи истифодашуда тасмим гирифтааст, ки тамоми таҷҳизоту асбоби барқии куҳнашуда ва муҳлати истифодаашон гузаштаро бо таҷҳизоту асбоби барқии замонавӣ иваз намояд.

Ҳамзамон зимни нишастӣ матбуотӣ қайд карда шуд, ки бо маблағгузории ширкат дар нуқтаҳои ҳисоби неруи барқи муштариён дар шаҳрҳои Кӯлоб, Леваканд ва ноҳияҳои Ёвону, Рӯдакӣ 22 ҳазору 599 ҳисобкунаки кортӣ, ки тариқи пешпардохт кор мекунанд, насб шуданд.

“Чуноне таҳлилҳо нишон доданд, ин омил ба сарфаи неруи барқ ва пардохти саривақтии маблағҳо мусоидат намуда, инчунин, боиси бартараф шудани садамаҳо дар таҷҳизоти барқӣ ва шабакаҳо гардид”, - гуфт Мирзо Исмоилзода.

504
Барчаспҳо:
санад, нерӯи барқ, ғайриқонунӣ, истифода, Барқи тоҷик, Тоҷикистон
Плотина Сангтудинской ГЭС в Таджикистане

Агар Вахш беоб монад ва ё чӣ гуна Тоҷикистон бӯҳрони энергетикиро паси сар кунад

357
Норасоии мавсимии об дар дарёҳои Тоҷикистон пас аз чанд сол метавонад ба як проблемаи доимӣ мубаддал гардад. Аз ин рӯ ин мушкилӣ бояд аз ҳоло дар зҳамдастӣ бо кишварҳои минтақа ҳалу фасл шавад

ДУШАНБЕ, 31 июл — Sputnik. Тоҷикистон бо ду ҳамсоякишвараш - Афғонистону Ӯзбекистон ба падидае дучор омаданд, ки решаи он табиӣ буда, оқибаташ иқтисодист.

Ҳоло Тоҷикистон ба далели коҳиш ёфтани сатҳи оби Вахш интиқоли неруи барқ ба ин ду кишвар муттаваққиф намуд.

Чанде қабл ширкати "Барқи тоҷик" аз каам шудани захираҳои обӣ барои истеҳсоли барқ хабар дода, санаи 29 - уми июл бошад Ҳукумати Тоҷикистон расман ба мардум муроҷиат намуд, ки лимити барқ ба далели 50 дарсад кам шудани оби дарёи Вахш  ҷорӣ мешавад.

Боз торикӣ: чаро Тоҷикистон маҳдудияти нерӯи барқро ҷорӣ кард ва он то кай идома меёбад

Зимнан, сар аз 16 - уми июл интиқоли неруи барқ ба Ӯзбекистон коҳиш ёфт ва ҳукумати ин кишвар фавран бо "Туркменэнерго" шартнома баст ва ба хариди неруи барқ аз ин кишвар шурӯъ намуд.

Гузашта аз ин, Тоҷикистон барои таъминтнамудани сокинони худ дар мавсими тирамоҳ - зимистон, тамими гирифт, ки аз ҳоло лимити барқро ҷорӣ намояд. Зеро ба далели камбарф омадани зимистон сатҳи оби дарёҳо бамаротиб кам аст.

То кадом ҳад ин мушкилӣ ҷиддист?

Рӯдҳои Панҷ ва Вахш иқтидори асосии гирдоэнергетикаи Тоҷикистон ба ҳисоб мераванд ва обҳои ин ду дарё аз ҳисоби пиряхҳо ва ҷамъшавии барф дар кӯҳҳо вобаста аст.

Тибқи маълумоти доктори илмҳои ҷуғрофӣ Холназар Муҳаббатов, дар ҳавзаи Вахш - 3150 кв. км пиряхҳо, дар ҳавзаи Панҷ - 2960 кв. км пиряхҳо мавҷуд аст. Дар қаламрави Тоҷикистон, Вахш ҷараёни миёнаи солонаро ба 18,3 метри мукааб ташкил медиҳад, ва Панҷ - 17,1 метри мукааб. Тибқи захираи умумии об дар Тоҷикистон, пиряхҳо 460 метри мукааб, кӯлҳо - 46 метр мукааб, обҳои зеризаминӣ - 6,6  ва маҷрои барқароршавандаи дарё, ки аз боришоти зиёд вобастагӣ дорад, 56,8 метри мукааб ташкил медиҳад.

Боришоти барф дар кӯҳҳо ҳангоми боридани боронҳои шамол на танҳо маҷрои дарёро ба вуҷуд меоранд, балки дар пиряхҳо захираи обро пур ва зиёд мекунанд. Онҳо хеле муҳиманд, бидуни ин, захираҳои об дар пиряхҳо дар тӯли камтар аз даҳ сол истифода хоҳанд шуд, ки дар натиҷа Тоҷикистон ва дигар кишварҳои Осиёи Марказиро дар ҳолати ногузир мемонад.

Бар тибқи маълумотҳо, қисми зиёди боришот дар Помири Ғарбӣ меборад, ки аз он ҷо дарёҳои Вахш ва Панҷ ҷорӣ мешаванд, аз моҳи октябр то май, ҳангоми боришоти миёнаи моҳона аз 37 то 80 мм дарбар мегирад.

Аммо соли гузашта боришот аз ҳад зиёд кам буд. Норасоии боришот аз моҳи ноябри соли 2019 сар шуд. Январи соли 2020 25 мм боришот ба қайд гирифта шуд, ки ин қонеъкунанда буд.

Аммо пас аз ин моҳ боришот ба маротиб кам шуд:

  • феврал - 2 мм, 6фисад;
  • март - 37 мм, 87%;
  • апрел - 14 мм, 35%;
  • май - 4 мм, 17%;
  • июн - 5 мм, 43%;
  • июл - 2 мм, 46%.

Дар соли 2019, моҳҳои аввали зимистон низ хушк буд ва дар моҳҳои июл-сентябр тамоман боришот паст шуд. Зимнан, моҳҳои май ва июн сербориштар буданд. Дар моҳи май - 234 мм, 928% аз меъёр, июн - 109 мм, 970% аз меъёр. Ин ду моҳ тамоми солро бо об таъмин карданд. Аз ин рӯ, он вақт ягон мушкилоти махсус вуҷуд надошт.

Роҳи ҳалл дар куҷо бошад?

Ба назари ман, ин масъала муносибати стратегӣ ва кӯшишҳои муштараки тамоми кишварҳои минтақа ва инчунин иштироки Русияро тақозо мекунад, ки бидуни он ҳалли ингунамасъалаҳои мураккаб ва дорои сармояи зиёд ниҳоят душвор аст. Ин вазъ дар ҷаҳони муосир як зуҳуроти аҷибест, вақте ки иқтисодиёти як қатор давлатҳо аслан аз боридани барф дар кӯҳҳо пойбанд бошад.

Аввалан, рушди соҳаҳои энергетика, ки ба захираҳои гидроэнергетикӣ алоқаманд нестанд, аҳамияти бузург дорад: газҳои гармидиҳӣ, нерӯгоҳҳои атомӣ ва офтобӣ. Ҳоло, агар ҳоло дар Ӯзбекистон як нерӯгоҳи атомӣ ба кор медаромад, вазъ маҷрои дигарро касб мекард. Зеро Тошканд дар ин сурат метавонист ҳамсоякишварҳои худро дар ҳолати коҳиши захираҳои об бо неруи барқ таъмин кунад.

Дуввумин ки бо дарназардошти об шудани пиряхҳо дар Помир, захираи об дар обанборҳо ба таври лозимӣ бояд бошад.

"Барқи тоҷик" пас аз хомӯшӣ эълом кард, ки чаро "лимит" дубора ҷорӣ шуд

Зеро бар тибқипешгӯиҳои мавҷуда то соли 2030 пиряхҳо дар Помир бо маром об мешаванд, вале пас аз он, то соли 2050 ин пиряхҳо аз 7 то 17 дарсад коҳиш хоҳанд ёфт.

Минбаъд мавсимҳои камбориш зуд - зуд такрор меёба ва ин раванд ба хушксолиҳои дарозмуддат метавонад оварда расонад. Агар раванди обшавии пиряхҳо вусъат ёбад, то захираи об дар рӯди Вахш низ кам гардида, истеҳсоли неруи барқ низ коҳиш меёбад.Ин ҳолат бошад ба суст шудани иқтисоди тамоми минтақа меорад.

Ҳамин тавр, агар дар тӯли 10-15 соли оянда якчанд обанборҳои калон дар болои Вахш ва болои дигар дарёҳо сохта нашавад, Тоҷикистон ва ҳамсоякишварҳои он метавонанд ба норасоии ҷиддии неруи барқ дучор шаванд. Варианти дигар ин аст, ки Осиёи Марказиро ба минтақаи ҳастаӣ ва бунёди нерӯгоҳҳои атомӣ табдил дод.

357
Барчаспҳо:
энергетика, Тоҷикистон, Вахш, дарё
День 4 августа

Ҷашнҳои рӯзи 4 август дар Тоҷикистон ва ҷаҳон

0
(Таҷдидшуда 18:49 03.08.2020)
Рӯзи чоруми август дар ИМА – Рӯзи посбони соҳил, дар Украина –Рӯзи милитсияи миллӣ ва дар ҷазираҳои Кук – Рӯзи Конститутсия таҷлил мешавад

Рӯзи 4 август дар ҷаҳон чӣ рух дод

Соли 1777 дар Лондон нахустин Сирк дар ҷаҳон кушода шуд.

Соли 1870 дар Олмон аввалин мусобиқаи байналмилалии шоҳмот баргузор гардид.

Шахматы
© CC0 / Pixabay
Шахматы

Соли 1884 дар ИМА санги аввал барои бунёди пайкараи Озодӣ гузошта шуд.

© Sputnik / Алексей Филиппов
Города мира. Нью-Йорк

Соли 1942 дар Канада дар фурӯши чой ва қаҳва маҳдудият ҷорӣ карда шуд.

День 3 августа
© Sputnik / Стас Этвеш / Вишнякова Мария

Соли 1944 аввалин санҷиши ҳавопаймоҳои реактивии Англия — Gloster Meteor гузаронида шуд.

Соли 1963 Бонки рушди Африқо таъсис ёфтааст.

Соли 1976 дар Лондон аввалин мусобиқаи чирчирак миёни дастаҳои занона баргузор гардид.

Соли 1993 Парлумони Молдова оид ба ворид шудани ин кишвар ба Иттиҳоди Давлатҳои Мустақил ҳалнома қабул кард.

Рӯзи 4 август дар Тоҷикистон чӣ рух дод 

Соли 1997 Маҷлиси олии Тоҷикистон қарор "Дар бораи авфи иштирокчиёни даргириҳои сиёсӣ ва низомӣ"-ро қабул кард.

Соли 2009 миёни ҳукуматҳои Ҷумҳурии Тоҷикистон ва Фаронса Протокол оид ба сохтмони терминали нави Фурудгоҳи байналмилалии Душанбе бо маблағи 27 миллион евро ба имзо расид.

 Новый терминал душанбинского аэропорта. Архивное фото
© Sputnik
Новый терминал душанбинского аэропорта. Архивное фото

Соли 2009 дар Маҷмааи давлатии «Кохи Борбад» намоиши байналмилалии «Рушди энергетикаи Афғонистон» баргузор гардид.

Соли 2011 дар шаҳри Истаравшан дар Ҷамъияти саҳомии пўшидаи «Оби Зулол» бо иштироки Эмомалӣ Раҳмон коргоҳи нави коркарди меваю сабзавот мавриди баҳрабардорӣ қарор гирифт.

Соли 2016 Президенти Ҷумҳурии Тоҷикистон Эмомалӣ Раҳмон бо мақсади шиносоӣ бо ҷараёни иҷрои корҳои ободонӣ ба шаҳри Роғун сафари корӣ анҷом дода, ҳамчунин бо корҳои барқарорсозӣ дар Неругоҳи барқи обии «Роғун» шинос шуд.

Ҷашнҳои рӯзи 4 август

  • Дар ИМА – Рӯзи посбони соҳил.
  • Дар Украина –Рӯзи милитсияи миллӣ.
  • Дар ҷазираҳои Кук – Рӯзи Конститутсия.

Рӯзи 4 август дар Тоҷикистон кӣ ба дунё омадааст

Абдулазизова (Ҳаётова) Оиша (1921-2012) – актрисаи театр, Ҳунарпешаи шоистаи Тоҷикистон.

Бурҳониддин Баҳоваддинов (1953) – доктори илми тиб, профессор.

Андрей Волос (1955)- нависанда (зодаи Тоҷикистон).

Матлуба Ғаффорова (1954) – доктори илми тиб, профессор.

Мирзо Давлат (1953) – нависанда.

Ҷамшед Каримов (1940) –арбоби давлатӣ, доктори илми иқтисод, узви вобастаи АИ Тоҷикистон.

Ҳотам Солеҳбоев (1910-1987)- арбоби давлатӣ.

Табибӣ (Қосимов Абдулҳаким) (1935)- шоир.

Самеъҷон Уроқов (1947) – карнайнавоз, Ҳунарпешаи шоистаи Тоҷикистон.

Евгений Фала (1913 – 1988) – сарояндаи оркестр, Ҳунарпешаи шоистаи Тоҷикистон.

Рӯзи 4 август кӣ ба дунё омадааст

Барак Обама (1961)- 44-умин президенти ИМА.

Президент США Барак Обама
© Sputnik / Сергей Гунеев
Президент США Барак Обама
0
Барчаспҳо:
ҷашн, Ҷаҳон, Тоҷикистон
Мавзуъ
Ҷашнҳои рӯзи 24 июл дар Тоҷикистон ва ҷаҳон
Ҷашнҳои рӯзи 25 июл дар Тоҷикистон ва ҷаҳон
Ҷашнҳои рӯзи 28 июл дар Тоҷикистон ва ҷаҳон
Ҷашнҳои рӯзи 26 июл дар Тоҷикистон ва ҷаҳон
Ҷашнҳои рӯзи 29 июл дар Тоҷикистон ва ҷаҳон
Ҷашнҳои рӯзи 31 июл дар Тоҷикистон ва ҷаҳон
Ҷашнҳои рӯзи 1 август дар Тоҷикистон ва ҷаҳон
Ҷашнҳои рӯзи 2 август дар Тоҷикистон ва ҷаҳон
Ҷашнҳои рӯзи 3 август дар Тоҷикистон ва ҷаҳон