Работа ТЭЦ Душанбе-2. Архивное фото

Душанбе-2 ҳудуди 80% ниёзи шаборӯзии шаҳри Душанберо ба барқ таъмин мекунад

118
Нерӯгоҳи ҳароратии Душанбе-2, 1500 бинои аҳолинишин, ҳудуди 120 воҳид дабиристону кӯдакистон, 50 муассисаи пизишкӣ ва ҳудуди 190 сохтмони дигарро бо гармову барқ таъмин мекунад

ДУШАНБЕ, 3 апр — Sputnik. Нерӯгоҳи ҳароратии Душанбе-2 дар як шабонарӯз ҳудуди 80 дарсади ниёзи пойтахти Тоҷикистонро ба барқ таъмин мекунад, иттилоъ додааст ТоҷикТА.

Манбаъ афзудааст, ки Нерӯгоҳи ҳароратии Душанбе-2, бо вуҷуди он, ки моҳи апрел фаро расиду сатҳи оби рӯдхонаи Вахш боло рафт ва барои тавлиди барқ дар нерӯгоҳҳои обӣ фароҳам шуд, ин нерӯгоҳи ҳароратӣ дар як шаборӯз беш аз 8 миллион киловатт соъат барқ тавлид мекунад.

Нерӯгоҳи ҳарорати Душанбе-2, 1500 бинои аҳолӣ, ҳудуди 120 воҳид дабиристону кӯдакистон, 50 муассисаи пизишкӣ ва ҳудуди 190 сохтмони дигарро бо гармову барқ таъмин мекунад.

Ёдрас мешавем, ки тарҳи маркази барқу гармирасонии "Душанбе-2"-ро ширкати чинии ТВЕА амалӣ мекунад. Арзиши умумии тавозуни иқтидории марказ 400 МВт-ро ташкил медиҳад.

Тоҷикистон барои сохтмони марҳилаи дувуми маркази барқу гармидиҳии "Душанбе-2" 2,5 миллиард сомонӣ масраф кардааст.

118
Барчаспҳо:
душанбе, гармӣ, барқ, Тоҷикистон