Сангтудинская ГЭС-1

“Амонатбонк” аз аҳолӣ саҳмияҳои “Сангтуда”-ро бо арзиши 10 доллар харидорӣ мекунад

223
Масъулини “Амонатбонк” эълон намуданд, ки бонки давлатӣ дар ҳоли ҳозир аз аҳолии кишвар ба миқдори беш аз 1 миллион сомонӣ саҳмияҳои ҷамъияти саҳомии “Сангтӯда”-ро харидорӣ кардааст

ДУШАНБЕ, 23 июл — Sputnik. Сироҷиддин Икромӣ, раиси “Амонатбонк” имрӯз зимни нишасти матбуотӣ эълон дошт, ки дар саҳмияҳои неругоҳи “Сангтӯда”, ки соли 1996 ба миқдори 97 ҳазор адад ба муомилот бароварда шуда буданд аз  аҳоҳӣ харидори хоҳанд кард.

Вай афзуд, арзиши ҳар як саҳмия он замон 3 ҳазор рубли он давра ё 10 доллари амрикоиро ташкил медод.

Сироҷиддин Икромӣ,таъкид намуд, ки ҳукумати Тоҷикистон дар ҳоли ҳозир 1 адад саҳмияро ба баҳои 10 доллар ё 94 сомонӣ аз мардуми кишвар харидорӣ дорад.

“Раванди харидории саҳмияҳои  неругоҳи “Сангтӯда” аз аҳолӣ 31 майи соли ҷорӣ оғоз шуда ва то 31 декабри соли 2021 идома хоҳад ёфт. Ҳукумати Тоҷикистон ба ин манзур 10 миллион сомонӣ ҷудо кардааст”, - гуфт Икромӣ.

Қарори Эмомалӣ Раҳмон: пули саҳмдорони "Сангтӯда"-и барҳамхӯрда пардохт шавад

Ёдрас мешавем, ки Эмомалӣ Раҳмон, раисиҷумҳури Тоҷикистон дар авохири моҳи дкабри соли гузашта дастур дод, ки маблағи саҳмияҳои “Сангтӯда”, ки мардум ва ширкатҳо солҳои 90-ум харида буданд, пардохт карда шавад.

Эмомалӣ Раҳмон бо имзои қарори Ҳукумат, Вазорати молия, Кумитаи давлатии сармоягузорӣ ва идораи амволи давлатӣ ва “Амонатбонк”-ро вазифадор намуд, саҳмияҳои мардум ва ширкатҳоро дар ҷамъияти барҳамхӯрдаи “Сангтӯда” ҳисоб кунанд ва арзиши номиналии онро пардохт намоянд.

Бар асоси қарор, ки Эмомалӣ Раҳмон, охири моҳи декабр имзо намудааст, Ҳукумати Тоҷикистон фоидааш аз фаъолияти нерӯгоҳи “Сангтӯда 1”- ро дар солҳои 2017, 2016 ва солҳои қаблӣ ҳудуди 57,5 миллион сомонӣ ҳисоб кардааст.

Қарзи “Барқи тоҷик” аз Сангтӯда-1 ва 2 марзи 2,2 млрд сомониро убур кард

Нерӯгоҳи "Сангтӯда-1", корхонаи муштараки Русия ва Тоҷикистон буда, ҳудуди 12 дарсади барқи Тоҷикистонро тавлид мекунад ва харидори асосии барки нерӯгоҳ ширкати "Барқи тоҷик" мебошад.

223
Барчаспҳо:
фурӯш, саҳмия, ҶСК Сангтуда-1, Амонатбонк, Тоҷикистон
Электросчетчик, архивное фото

Қаллобӣ: худро коргари идораи барқ гуфта, аз сокинон пул гирифтааст

452
Мақомоти милитсияи Суғд аз оғози парвандаи ҷиноӣ нисбати як сокини ноҳияи Ҷаббор Расулов хабар дод, ки худро корманди шабакаҳои барқии ноҳия муаррифӣ намуда, бо роҳи фиреб ба тасарруф намудани пули сокинон машғул шудааст

ДУШАНБЕ, 6 май – Sputnik. Муттаҳам, марди 41-солаи сокини ҷамоати Гулхонаи ноҳияи Ҷаббор Расулов будааст, ки қаблан як дафъа суд шудааст, хабар дод Раёсати умури дохилии Суғд.

Манбаъ афзуд, шаҳрванди мазкур баъди раҳоӣ аз зиндон боз даст ба ҷинояткорӣ задааст.

“Чунончи ба боварии сокини 48- солаи ҷамоати Гулхона даромада, худро корманди идораи барқ хонда, аз ин сокини ноҳия барои руйпуш намудани 13 ҳазор сомонӣ қарзи истифодаи қувваи барқи хоҷагии деҳқонӣ, 2 ҳазор сомонӣ талаб намуда ба манфиати худ сарф намудааст”, - хабар дод манбаи Sputnik дар РВКД.

Манбаъ афзуд, ки ин сокин давоми солҳои 2018-2019 дар чанд ҳолат худро ҳамчун корманди идораи шабакаҳои барқии ноҳия вонамуд карда, барои гуиё руйпуш намудани қарзи истифодаи нерӯи барқ аз сокинон маблағ талаб намуда гирифтааст.

Аз ҷумла зикр шуд, ки моҳи апрели соли 2019 ҳам, муттаҳам ба боварии сокини 27- солаи ноҳияи Ҷаббор Расулов даромада, худро корманди идораи барқ хонда, барои руйпуш намудани истифодаи қувваи барқ, 8 ҳазор сомонӣ гирифтаст.

РВКД мегӯяд, алайҳи муттаҳам аз сӯи мақомт бо моддаи 247 қисми 2-и Кодекси ҷиноӣ, барои қаллобӣ парванда оғоз карда шуда, тафтишот идома дорад.

452
Барчаспҳо:
барқ, Суғд, Тоҷикистон
Рогунская ГЭС

Қарзи беш аз якмиллиардӣ ва ироаи сабукиҳо барои сохтмони "Роғун"

625
(Таҷдидшуда 14:06 02.05.2020)
Маҷлиси намояндагони Тоҷикистон бо тасвиби тағйирот ба қонун дар бораи буҷаи давлатии ҷумҳурӣ барои соли 2020 ба сохтмони нерӯгоҳи барқи обии “Роғун” сабукиҳо ироа кард

ДУШАНБЕ, 2 май — Sputnik. Юсуф Маҷидӣ, муовини вазири молияи Тоҷикистон, зимни муаррифии ин тағйирот гуфт, масқсади сабукиҳо ҷоннок намудани НБО ва таъмини иҷрои саривақтии уҳдадориҳои шартномавии “НБО Роғун” мебошад.

Ӯ афзуд, ки бо ин мақсад намояндаи фармоишгар-консортсиуми “Tractebel Engineering S.A.”, ҳангоми иҷрои кору хизматрасониҳо аз пардохти андоз аз фоида, андоз аз арзиши иловашуда ва андоз аз истифодабарандагони роҳҳои автомобилгард озод карда мешавад. Аз сабукиҳо зерпудратчиёни консортсиуми мазкур бархӯрдор мебошанд.

Ироаи ин сабукиҳо дар ҳолест, ки қаблан Хайрулло Сафарзода, мудири кулли ҶСК “Нерӯгоҳи барқи обии Роғун” ҳаҷми қарздории нерӯгоҳро дар назди коршарикон дар оғози соли равон беш аз 1 миллиард сомонӣ арзёбӣ кард.

Мудири кулли "Роғун" масъалаи пардохти уҳдадориҳо дар назди коршариконро масъалаи ҳалталаб ва таъхирнопазир хонда, аз иҷозати давлат барои фурӯши бархе амволи “Роғун” истиқбол кард.

Ӯ изҳор дошта буд, ки нерӯгоҳи “Роғун” ҳоло дар тавозун дороии зиёд дорад, ки қисми он на дар маҳалли ҷойгиршавӣ, балки дар дигар минтақаҳои кишвар ҷойгиранд. Мудири кул тавзеҳ дод, ки истифодаи ин дороиҳо аз рӯи таъиноташон ғайриимкон мебошаду ҳар рӯз хароҷоти молиявиро барои нерӯгоҳ ба бор меоранд.

625
Барчаспҳо:
Роғун, Тоҷикистон
Министр иностранных дел РФ Сергей Лавров

Лавров дар бораи танишҳо дар марзи Тоҷикистону Қиғизистон: Русия омодаи кӯмак аст

0
(Таҷдидшуда 19:58 26.05.2020)
Вазири умури хориҷаи Русия Сергей Лавров аз Тоҷикистону Қирғизистон даъват кардааст, ки дар марз аз истифодаи нерӯ худдорӣ кунанд

ДУШАНБЕ, 26 мая — Sputnik. Ҷониби Русия аз Тоҷикистон ва Қирғизистон даъват меорад, ки дар марз аз истифодаи силоҳ даст кашанд ва омода аст, ки ҳамчун миёнрав хизмат кунад. Дар ин боравазири умури хориҷии Русия Сергей Лавров баъди нишасти вазирони умумири хориҷа дар ҷаласаи СПАД гуфтааст.

 "Ин вазъ дар марзи Тоҷикистону Қирғизистон, мутаассифона бори аввал нест. Мо аз шариконамон даъват меорем, ки онҳо роҳи маслиҳатомезро пеш гиранд ва ҳарчи тавонанд аз истифодаи қувва худдорӣ кунанд. Мо омодаем ҳамчун миёнрав хизмат кунем. Ҳарчи зудтар вазъият ба эътидол ояд, ҳарчи беҳтар аст. Дар ин бора имрӯз ба дӯстонамон ҳам гуфем", - таъкид кардааст Лавров.

Ёдрас мешавем, 24 май бар марзи Тоҷикистону Қирғизистон таниши навбатӣ ба миён омад. Марбонони ҳарду кишвар тир кушоданд.

Марзбонии ду давлат ҳодисаро гуногун тавзеҳ доданд.

Фаврӣ: тирандозӣ дар марзи Тоҷикистону Қирғизистон дар рӯзи ид

Қирғизистон сокинони Ворухро дар гузаштан ба минтақаи қирғизҳо барои чарронидани чорво муттаҳам кард, аммо ба иттилои КДАМ Тоҷикистон баръакс, чӯпонҳои қирғиз дар ҳудуди деҳаи Пули Офтобрӯяи ҷамоати деҳоти Ворухи шаҳри Исфара, ки бо деҳаи қирғизнишини Мойнок ҳамсарҳад мебошад, вориди қаламрави Тоҷикистон гардида, ба муноқишаи навбатӣ бо сокинони наздимарзии ҶТ даст заданд.

0