Эмомалӣ Раҳмон, раисиҷумҳури Тоҷикистон ва Қоҳир Расулзода, нахуствазири Тоҷикистон дар НБО Роғун

Аз дудилагии Раҳмон то дастури қатъӣ ба Расулзода: кори намешуданӣ нест-акс

2115
(Таҷдидшуда 11:28 09.09.2019)
Эмомалӣ Раҳмон, раисиҷумҳури Тоҷикистон иқрор шуд, ки дар мавриди фаъолсозии "Роғун" аввал баъзан худаш ҳам дудила мешуд, аммо боварӣ ҳосил кард, ки агар ниятҳо нек бошанд, кори намешуданӣ нест

ДУШАНБЕ, 9 сен — Sputnik. Эмомалӣ Раҳмон, имрӯз баъди фаъолсозии чархаи дуюми нерӯгоҳи “Роғун” дар назди сохтмончиён сухан ронда, иқрор шуд, ки дар сафарҳои аввале, ки ба майдони нерӯгоҳ дошт, баъзан фикр мекард, ки оё мо аз уҳдаи сохтмони ин иншооти бузург мебароем ё не.

Раисиҷумҳури Тоҷикистон гуфт, чунин фикрҳо на танҳо миёни мардум ва сиёсатмадорони дохилию хориҷӣ ҷой доштанд.

“Худи ман дар ҳайрат мемондам, оё  бунёд кардан метавонем ё не. Имрӯз шоҳид гаштам. Агар мақсадҳою ниятҳо нек бошанд, кори намешуданӣ дар дунё нест”, - таъкид кард Раҳмон.

Ӯ фаъолсозии “Роғун”-ро ҳосили иқтидори халқи тоҷик, сарҷамъию сулҳу суботи давлати тоҷикон хонда, ба сохтмончиён сипос гуфт.

Эмомалӣ Раҳмон, раисиҷумҳури Тоҷикистон ҳангоми фаъолсозии чархаи дуюми НБО Роғун
дафтари матбуоти раисиҷумҳури Тоҷикистон
Эмомалӣ Раҳмон, раисиҷумҳури Тоҷикистон ҳангоми фаъолсозии чархаи дуюми НБО "Роғун"

Раисиҷумҳури Тоҷикистон таъкид намуд, ки тамоми талошро мекунад, то нерӯгоҳ бе маблағу бе маводи сохтмонӣ намонад. Ӯ афзуд, кӯшиш карда истодааст, ки муҳлати ба истифодадиҳии пурраи нерӯгоҳро камтар кунад ва таъкид намуд, ки чунин имкониятҳо мавҷуданд.

Қаблан Қоҳир Расулзода, нахуствазири Тоҷикистон бархе тафсилоти суҳбат бо раисиҷумҳур Эмомалӣ Раҳмон атрофи фаъолсозии чархаи аввали нерӯгоҳи “Роғун” - ро ироа карда буд.

Нахуствазири Тоҷикистон гуфт, якҷоя бо мушовирони байналмилалӣ ва мутахассисони ватанӣ ҷадвали кориро тартиб доданд, ки тибқи он бояд чархаи аввали “Роғун” охири соли 2019 ба истифода дода мешуд.

Расулзода дар мусоҳиба бо шабакаи телевизионии “Тоҷикистон” гуфт, ҷадвали мазкурро ба Эмомалӣ Раҳмон пешниҳод карданд. Раисиҷумҳур аз мутахассисон хостааст, ҷадвалро пешаш ниҳанд то омӯзад ва баъди чанд лаҳза онҳоро даъват карда, вазифа гузоштааст, ки чархаро моҳи ноябри соли 2018 фаъол кунанд.

Раҳмон ба 42 сохтмончиёни НБО Роғун мукофотҳои давлатӣ дод

Нахуствазири Тоҷикистон таъкид намуд, ки бидуни истодагарӣ ва серталабии раисиҷумҳур фаъолсозии чархаи аввали “Роғун” дар моҳи ноябри соли 2018 ғайриимкон мебуд.

Чархаи аввали "Роғун" моҳи ноябри соли 2018 ва чархаи дуюм 9 сентябр дар рӯзи таҷлили 28-умин солгарди Истиқлоли давлатӣ ба фаъолият оғоз кард.

Қоҳир Расулзода изҳор дошта буд, ки озмуну заҳматҳо ҳанӯз дар пешанд ва изҳори боварӣ намуд, ки тибқи ҷадвал фаъолсозии агрегатҳои “Роғун”-ро таъмин карда, то соли 2029 иншоот пурра супорида мешавад.

2115
Барчаспҳо:
Эмомалӣ Раҳмон, Қоҳир Расулзода, сохтмон, НБО, Роғун, нерӯгоҳ, Тоҷикистон
Мавзуҳо:
9 сентябр - рӯзи Истиқлол: 28 соли мустақилияти Тоҷикистон (49)
Линии электропередачи

Бебарқӣ дар тобистон: сокинон мегуянд, бо равшании телефон таъоми шом мехурем

451
(Таҷдидшуда 19:43 05.07.2020)
Сокинони деҳоти ноҳияи Деваштич дар Суғд аз мушкили қатъи интиқоли нерӯи барқ ба манзилҳояшон таъкид мекунанд. Онҳо мегуянд, ин вазъ дар фасли тобистон як моҳ ба ин тараф давом дорад

ДУШАНБЕ, 4 июл – Sputnik. Масрур як сокини ҷамоати Ваҳдат дар суҳбат бо Sputnik Тоҷикистон гуфт, қатъи интиқоли барқ дар вақти шомгоҳон барои онҳо дар шароити рустоҳо мушкилӣ меорад.

"Бегоҳ аз кори саҳро меоӣ, ки дар хонаҳо барқ нест ва ҳама ҷо торик. Дар торикӣ чи гуна хуроки шом хурданро намедонӣ. Бо истифода аз равшании фонари телефонҳо хӯроки шом мехурем", - гуфт ӯ.

Фирӯз як сокини деҳаи Басманда ҳам аз мушкили хомӯшшавии барқ иброз намуд. Ӯ гуфт, хомӯшкунии барқи ин деҳа шомгоҳон аз соати 19 то 20 ва гоҳо аз соати 20 то соати 21: 30 дақиқа тӯл мекашад.

Муҳиддин Аҳмадзода, сармуҳандиси шабакаҳои барқии Истаравшан дар суҳбат ба Sputnik Тоҷикистон вазъи мавҷударо шарҳ дод.

Ӯ гуфт, "бо сабаби таъмири ноқилҳо ва чораҳои профилактикӣ ин гуна ҳолат ба вуҷуд меояд".

Вале сокинон таъкид меварзанд, ки чунин вазъ беш аз як моҳ ба ин тараф идома дорад, аммо ҳеҷ яке аз масъулини шабакаҳои барқи минтақа бо пахши эълон, расман аҳолиро огоҳ намекунанд.

Баъзе аз соҳибназарон иллати қатъи интиқоли нерӯи барқро ба фаъолияти чоҳҳои амудии (скважина) ҳудуди ҷамоат рабт медиҳанд.

Бино ба гуфтаи онҳо, ҳоло шумори ин гуна чоҳҳои обрасони зироати сокинон зиёд шудааст ва дар як вақт кор кардани аксари ин чоҳҳо, сабаби зиёд тасфидани зеристогоҳҳои барқӣ мегардад ва аз ҳамин хотир масъулин бо хомӯш намудани барқ то якуним соат кори зеристгоҳҳоро дам доданиянд.

Аммо сокинон мегӯянд, назар ба ин, ки барқи манзилҳои онҳо хомӯш карда шавад, бояд масулини идораи барқ, танзими кори чоҳҳои амудиро ба роҳ монанд.

451
Барчаспҳо:
маводи хӯрока, барқ, Суғд
Нурекская ГЭС, архивное фото

Бонки ҷаҳонӣ барои бозсозии НБО Норак пул медиҳад

290
(Таҷдидшуда 18:42 30.06.2020)
Бонки ҷаҳонӣ барои бозсозии нерӯгоҳи барқи обии Норак ба Тоҷикистон 50 миллион доллар кӯмак хоҳад кард

ДУШАНБЕ, 30 май — Sputnik.  Ҷон Питер  Ултрас, раиси намояндагии Банки ҷаҳонӣ дар Тоҷикистон  таъкид доштааст, ки ин сармоягузорӣ дар шароити шуюъи вируси корона боиси эҷоди шуғлу даромад ҷадид барои шаҳрвандон  Тоҷикистон хаҳад шуд.

Вай афзуд, бозсозии  турбинҳо ва генераторҳои нерӯгоҳ  боиси афзоиши тавлиди барқ дар кишвар хоҳад шуд .

Раиси намояндагони Бонки ҷаҳонӣ дар Тоҷикистон қайд кард, ки дар марҳилаи дуввум кӯмаки молиявӣ барои барқарор кардани шаш агрегати боқимонда дар кӯпруки Роҳи Норак ва бунёди нерӯгоҳи барқӣ ба нақша гирифта шудааст.

Ҷон Питер Ултрас илова кард, ки ҳазинаи марҳилаи дуввум 192 миллион доллар хоҳад дошт.

Неругоҳи барқи обии Норак - дар дарёи Вахш сохта шудааст. Сохтмони нерӯгоҳ соли 1961 оғоз гардида, гидроагрегати нахустини он соли 1972, охиринаш соли 1979 ба кор дароварда шудааст. Дар Нерӯгоҳи барқи обии Норак 9 гидроагрегати иқтидори лоиҳавиашон 300 ҳазор кВт насб шудаанд. Иқтидори умумии муайяншудаи неругоҳ 3000 ҳазор кВт - ро ташкил медиҳад.

Нурекская ГЭС
© Официальная страница пресс-службы президента РТ в Facebook.

Сохтмони НБО-и Норак соли 1961 оғоз ёфт, агрегати якуми он 15 ноябри соли 1972, бо иқтидори 300 МВт ва нерӯгоҳ бо иқтидори пурраш (2700 МВт) - соли 1979 ба истифода супорида шуд. Соли 1988 ҳамаи нўҳ агрегати нерӯгоҳ таҷдид гардида, иқтидори ҳар кадом ба 335 МВт ва иқтидори умумии нерўгоҳ ба 3000 МВт расонида шуд. Бо ин иқтидори бузург НБО-и Норак афсонае буд, ки дар кишвари мо ба ҳақиқат табдил ёфт, номи Тоҷикистонро дар арсаи олам машҳур намуд. Аз дигар тараф маҳз НБО-и Норак исбот сохт, ки захираҳои гидроэнергетикии кишвари мо, ки дар як сол 527 миллиард кВт.сатро ташкил медиҳад ва он аз ибтидои солҳои сиюми асри гузашта таҳқиқ мешаванд, воқеӣ буда, барои рушди иқтисодиву иҷтимоии тамоми минтақа нафъовару манфиатбахшанд.

Баландии сарбанди НБО Норак — 300 метр мебошад.

290
Барчаспҳо:
бозсозӣ, кумак, НБО Норак, Бонки ҷаҳонӣ, Тоҷикистон
Пожилой мужчина в кепке

Шифо ёфтани пирамарди 109 сола дар Эрон аз коронавирус

0
Пирамарди 109 - сола, ки давоми як ҳафта дар шӯъбаи эҳёгарӣ дар ҳолати вазнин қарор дошт, ахиран шифо ёфт ва аз бемористон мураххас шуд

ДУШАНБЕ, 11 июл – Sputnik. Дар Эрон пирамарди 109 солаи мубтало ба коронавирус тавонист бемориро шикаст диҳад ва беҳбуд ёбад, хабар медиҳад ИРНА.

Ба иттилои манбаъ, бемори 109 - сола ба муддати як ҳафта дар бахши муроқибатҳои вижаи бемористони Гулистони шаҳри Кирмоншоҳ бистарӣ буд ва рӯзи ҷумъа пас аз беҳбудии комил аз бемористон ҷавоб шуд.

Шавҳар кардан мехоҳем: эътирози арӯсшавандаҳо барои манъи баргузории маросими тӯй

То кунун даҳҳо бемори мубтало ба коронавирус дар Эрон бо беш аз 90 сол син бо иродаи қавӣ тавонистаанд аз ин беморӣ беҳбуд ёбанд.  

Қайд мегардад, ки то рӯзи шанбе 11 июл шумори беморони коронавирус дар Эрон ба 255 ҳазору 117 нафар расида, ки 217 ҳазору 666 нафар аз онон беҳбуд ёфта  аз бемористонҳо рухсат ёфтаанд.

0
Барчаспҳо:
сиҳатӣ, пирамард, Эрон
Мавзуҳо:
Пайомадҳои COVID-19 дар Тоҷикистон ва ҷаҳон