Чароғ, акс аз бойгонӣ

Шиддати барқ паст: “аз торикӣ бо шамъу фонар ғизои шом мехӯрем”-видео

356
(Таҷдидшуда 14:07 03.04.2020)
Сокинон як маҳалла дар ҷамоати Унҷии ноҳияи Бобоҷон Ғафуров мегӯянд, шиддати барқи хонаҳояшон ба дараҷае паст аст, ки шомгоҳон дар вақти хӯрокпазӣ аз равшании шамъу фонарҳо истифода мекунанд

ДУШАНБЕ, 3 – апр Sputnik. Сокинони маҳаллаи Мусаффои ҷамоати Унҷӣ  мегӯянд, 8 сол боз мушкили паст будани шиддати барқ дар хонаҳояшон ҳал нашудааст, гузориш дод телевизиони маҳаллии СМ-1 и Хуҷанд.

Хайриниссо Ҷӯраева, сокини маҳаллаи Мусаффо иброз дошт, ки фасли зимистон ба хонаҳои онҳо қариб, ки барқ намеояд, вале аз интиқоли барқи пастсифат дар баҳору тобистон ҳам азият мекашанд.

“Шом хӯрокро бо истифода аз газ мепазем, вале аз сабаби паст будани шиддати барқ, азоб мекашем ва дегу табақро аз равшании шамъ ё фонар мебинем”, - изҳор дошт Ҷӯраева дар гузориш.

Ҳуснӣ Очилова, як сокини дигар маҳаллаи Мусаффо таъкид намудаст, ки шиддати барқ ба дараҷае паст аст, ки ҳатто таҳҷизоти техникӣ дуруст кор намекунанд.

“Барқ паст, аз ин ҳол дарзмол гарм намешавад. Ба яхдони хона таҷҳизоти тақвиятдиҳандаи барқ (стаблизатор) насб карда шудааст, аммо бо ин ҳам гоҳ кор мекунаду гоҳе не”, - гуфт Очилова.

Сокинони маҳаллаи Мусаффо мегӯянд, то ин вақт барои рафъи ин мушкил борҳо ба ҳукумати ноҳияи Б. Ғафуров муроҷиат кардаанд, ҳеч чорае аз сӯи масъулин анҷом дода нашудааст.

Ахиран ин гурӯҳи сокинон худ аз ҳисоби худ ноқилу симчӯб ва трансформаторро хариддорӣ кардаанд, вале масолеҳи хариддорӣ шуда барои комилан бартараф намудани мушкили мавҷуда кофӣ набудааст. Барои бартараф шудани ин мушкил, ҳанӯз то бист симчӯб ва ҳудуди ҳазор метр ноқили барқрасон ва дигар лавозимт лозим аст, ки сокинон мегӯянд товони хариди ин ҳамаро надоранд.

Маъмулан сокинони маҳаллаҳои навбунёд анқариб дар ҳар шаҳру навоҳии кишвар ба он далел ба мушкили таъмини барқрасонӣ дучор мешаванд, ки шароити танготанги манзил бисёриҳоро водор месозад, ки ба сохтмон дар замини гирифтаи худ шурӯъ кунанд. Дар ин ҳолат масъулини шабакаҳои барқӣ мегуянд, ки имкони саривақт кашидани хатти барқ ба маҳаллаҳои навро надоранд ва аксар вақт барои ин кор худи сокинон иқдом мекунанд. Масъулини шабакаҳои барқии ноҳияи Б. Ғафуров гуфтаанд, ки масъалаи барқи хонаҳои сокинони маҳаллаи Мусаффоро ҳамроҳ бо мутахассисони соҳа меомӯзанд ва дар амри зарурат барои дастрас намудани таҷзиҳот ба ширкати “Барқи тоҷик” муроҷиат мекунанд.

356
Электросчетчик, архивное фото

Қаллобӣ: худро коргари идораи барқ гуфта, аз сокинон пул гирифтааст

453
Мақомоти милитсияи Суғд аз оғози парвандаи ҷиноӣ нисбати як сокини ноҳияи Ҷаббор Расулов хабар дод, ки худро корманди шабакаҳои барқии ноҳия муаррифӣ намуда, бо роҳи фиреб ба тасарруф намудани пули сокинон машғул шудааст

ДУШАНБЕ, 6 май – Sputnik. Муттаҳам, марди 41-солаи сокини ҷамоати Гулхонаи ноҳияи Ҷаббор Расулов будааст, ки қаблан як дафъа суд шудааст, хабар дод Раёсати умури дохилии Суғд.

Манбаъ афзуд, шаҳрванди мазкур баъди раҳоӣ аз зиндон боз даст ба ҷинояткорӣ задааст.

“Чунончи ба боварии сокини 48- солаи ҷамоати Гулхона даромада, худро корманди идораи барқ хонда, аз ин сокини ноҳия барои руйпуш намудани 13 ҳазор сомонӣ қарзи истифодаи қувваи барқи хоҷагии деҳқонӣ, 2 ҳазор сомонӣ талаб намуда ба манфиати худ сарф намудааст”, - хабар дод манбаи Sputnik дар РВКД.

Манбаъ афзуд, ки ин сокин давоми солҳои 2018-2019 дар чанд ҳолат худро ҳамчун корманди идораи шабакаҳои барқии ноҳия вонамуд карда, барои гуиё руйпуш намудани қарзи истифодаи нерӯи барқ аз сокинон маблағ талаб намуда гирифтааст.

Аз ҷумла зикр шуд, ки моҳи апрели соли 2019 ҳам, муттаҳам ба боварии сокини 27- солаи ноҳияи Ҷаббор Расулов даромада, худро корманди идораи барқ хонда, барои руйпуш намудани истифодаи қувваи барқ, 8 ҳазор сомонӣ гирифтаст.

РВКД мегӯяд, алайҳи муттаҳам аз сӯи мақомт бо моддаи 247 қисми 2-и Кодекси ҷиноӣ, барои қаллобӣ парванда оғоз карда шуда, тафтишот идома дорад.

453
Барчаспҳо:
барқ, Суғд, Тоҷикистон
Рогунская ГЭС

Қарзи беш аз якмиллиардӣ ва ироаи сабукиҳо барои сохтмони "Роғун"

626
(Таҷдидшуда 14:06 02.05.2020)
Маҷлиси намояндагони Тоҷикистон бо тасвиби тағйирот ба қонун дар бораи буҷаи давлатии ҷумҳурӣ барои соли 2020 ба сохтмони нерӯгоҳи барқи обии “Роғун” сабукиҳо ироа кард

ДУШАНБЕ, 2 май — Sputnik. Юсуф Маҷидӣ, муовини вазири молияи Тоҷикистон, зимни муаррифии ин тағйирот гуфт, масқсади сабукиҳо ҷоннок намудани НБО ва таъмини иҷрои саривақтии уҳдадориҳои шартномавии “НБО Роғун” мебошад.

Ӯ афзуд, ки бо ин мақсад намояндаи фармоишгар-консортсиуми “Tractebel Engineering S.A.”, ҳангоми иҷрои кору хизматрасониҳо аз пардохти андоз аз фоида, андоз аз арзиши иловашуда ва андоз аз истифодабарандагони роҳҳои автомобилгард озод карда мешавад. Аз сабукиҳо зерпудратчиёни консортсиуми мазкур бархӯрдор мебошанд.

Ироаи ин сабукиҳо дар ҳолест, ки қаблан Хайрулло Сафарзода, мудири кулли ҶСК “Нерӯгоҳи барқи обии Роғун” ҳаҷми қарздории нерӯгоҳро дар назди коршарикон дар оғози соли равон беш аз 1 миллиард сомонӣ арзёбӣ кард.

Мудири кулли "Роғун" масъалаи пардохти уҳдадориҳо дар назди коршариконро масъалаи ҳалталаб ва таъхирнопазир хонда, аз иҷозати давлат барои фурӯши бархе амволи “Роғун” истиқбол кард.

Ӯ изҳор дошта буд, ки нерӯгоҳи “Роғун” ҳоло дар тавозун дороии зиёд дорад, ки қисми он на дар маҳалли ҷойгиршавӣ, балки дар дигар минтақаҳои кишвар ҷойгиранд. Мудири кул тавзеҳ дод, ки истифодаи ин дороиҳо аз рӯи таъиноташон ғайриимкон мебошаду ҳар рӯз хароҷоти молиявиро барои нерӯгоҳ ба бор меоранд.

626
Барчаспҳо:
Роғун, Тоҷикистон

Ҷашнҳои рӯзи 1 июн дар Тоҷикистон ва ҷаҳон

0
(Таҷдидшуда 23:23 31.05.2020)
Рӯзи якуми июн ҳамчун Рӯзи умумиҷаҳонии муҳофизати кӯдакон қайд мешавад. Ҳамчуниндар Тунис Рӯзи Конститутсия ва дар Муғулистон Рӯзи модару кӯдак таҷлил мешавад

Рӯзи 1 июн дар ҷаҳон чӣ рух дод

Соли 1862 дар саросари ИМА ғуломдорӣ манъ карда шуд.

Насилие, архивное фото
© CC0 / Pixabay
Насилие, архивное фото

Соли 1869 бақайдгирандаи электронии  овоздиҳӣ ихтироъ карда шуд.

Соли 1935 дар Англия барои гирифтани шаҳодатномаи ронандагӣ ва рақами автомобил имтиҳон ҷорӣ карда шуд.

Соли 1858 дар Канада аввалин танга истеҳсол карда шуд.

Соли 1938 аввалин шумораи маҷаллаи ҳаҷвии "Action Comics" нашр шуд.

Рӯзи 1 июн дар Тоҷикистон чӣ рух дод

Соли 2009 раисҷумҳури Тоҷикистон Эмомалӣ Раҳмон "Дар бораи таҷлили зодрӯзи Мавлоно Ҷалолиддини Балхӣ" фармон имзо карданд, ки пас аз он дар Ҷумҳурии Тоҷикистон ҳар сол 30 сентябр чун Рӯзи Мавлоно таҷлил карда мешавад.

День 31 мая
© Sputnik / Стас Этвеш / Вишнякова Мария

Соли 2012 сафари Эмомалӣ Раҳмон ба Ҷумҳурии Мардумии Чин аз музофоти Фуҷиан, ки дар ҷанубу шарқи ин кишвар қарор дорад, оғоз ёфт. Cоли 2014 Сарвари давлат  Эмомалӣ Раҳмон ба  боғи "15-солагии истиқлоли Тоҷикистон", ки бунёдаш 8 сол пеш, 18 феврали соли 2006 бо иштироки бевоситаи Сарвари давлат оғоз ёфта буд, ташриф оварданд. Ин боғи 450-гектара пурра ба ҳосил омада, соли дуюм аст, ки аз он ҳазорон нафар ризқи фарох ҳосил мекунанд.

Соли 2010 маросими ботантанаи ба истифода додани бинои нави Муассисаи давлатии "Маркази миллии тавонбахшии кӯдакони маъюб "Чорбоғ" дар ноҳияи Варзоб"  баргузор гардид. Барои бунёди бинои мазкур аз ҷониби Ҳукумати Ҷумҳурии Тоҷикистон 800 ҳазор сомонӣ ҷудо гардида буд.

Ҷашнҳои рӯзи 30 май дар Тоҷикистон ва ҷаҳон

Соли 2010 дар қароргоҳи Конфедератсияи футболи Осиё дар шаҳри Куала Лумпури Малайзия  рӯйхати дастаҳои футболе, ки дар бозиҳои олимпии Лондон-2012 иштирок мекарданд, ба тасвиб расид. Ба он  34 дастаи футболбозон, аз ҷумла, дастаи миллии Тоҷикистон низ шомил шуд.

Соли 2011 Парлумони Тоҷикистон лоиҳаи Қонуни ҶТ "Дар бораи Палатаи ҳисоби Ҷумҳурии Тоҷикистон"-ро ба тасвиб расонид.

Моли 2016 дар Филармонияи давлатии Тоҷикистон ба номи Акашариф Ҷӯраев ба муносибати 25-солагии Истиқлолияти давлатии Ҷумҳурии Тоҷикистон даври ниҳоии фестивал-озмуни чумҳуриявии "Тараннуми истиқлол" баргузор гардид.

Соли 2018 дар шаҳри Душанбе таҳти раёсати Сарвазири мамлакат Қоҳир Расулзода ҷаласаи Шўрои сарони ҳукуматҳо-сарвазирони кишварҳои аъзои ИДМ доир гардид

Ҷашнҳои рӯзи 1 июн

  • Рӯзи  умумиҷаҳонии муҳофизати  кӯдакон.
  • Дар Самоа —  Рӯзи истиқлолият.
  • Дар Тунис- иди умумимиллӣ- Рӯзи Консититутсия.
  • Дар Муғулистон — Рӯзи модару кӯдак.
  • Дар Ҷумҳурии Палау — Рӯзи президент
0
Барчаспҳо:
ҷашн, ҷаҳон, Тоҷикистон