Электросчетчик, архивное фото

Қаллобӣ: худро коргари идораи барқ гуфта, аз сокинон пул гирифтааст

464
Мақомоти милитсияи Суғд аз оғози парвандаи ҷиноӣ нисбати як сокини ноҳияи Ҷаббор Расулов хабар дод, ки худро корманди шабакаҳои барқии ноҳия муаррифӣ намуда, бо роҳи фиреб ба тасарруф намудани пули сокинон машғул шудааст

ДУШАНБЕ, 6 май – Sputnik. Муттаҳам, марди 41-солаи сокини ҷамоати Гулхонаи ноҳияи Ҷаббор Расулов будааст, ки қаблан як дафъа суд шудааст, хабар дод Раёсати умури дохилии Суғд.

Манбаъ афзуд, шаҳрванди мазкур баъди раҳоӣ аз зиндон боз даст ба ҷинояткорӣ задааст.

“Чунончи ба боварии сокини 48- солаи ҷамоати Гулхона даромада, худро корманди идораи барқ хонда, аз ин сокини ноҳия барои руйпуш намудани 13 ҳазор сомонӣ қарзи истифодаи қувваи барқи хоҷагии деҳқонӣ, 2 ҳазор сомонӣ талаб намуда ба манфиати худ сарф намудааст”, - хабар дод манбаи Sputnik дар РВКД.

Манбаъ афзуд, ки ин сокин давоми солҳои 2018-2019 дар чанд ҳолат худро ҳамчун корманди идораи шабакаҳои барқии ноҳия вонамуд карда, барои гуиё руйпуш намудани қарзи истифодаи нерӯи барқ аз сокинон маблағ талаб намуда гирифтааст.

Аз ҷумла зикр шуд, ки моҳи апрели соли 2019 ҳам, муттаҳам ба боварии сокини 27- солаи ноҳияи Ҷаббор Расулов даромада, худро корманди идораи барқ хонда, барои руйпуш намудани истифодаи қувваи барқ, 8 ҳазор сомонӣ гирифтаст.

РВКД мегӯяд, алайҳи муттаҳам аз сӯи мақомт бо моддаи 247 қисми 2-и Кодекси ҷиноӣ, барои қаллобӣ парванда оғоз карда шуда, тафтишот идома дорад.

464
Барчаспҳо:
барқ, Суғд, Тоҷикистон
Солнечные батареи, архивное фото

Бунёди бузургтарин нерӯгоҳи офтобӣ дар Мурғоб

264
(Таҷдидшуда 17:19 13.11.2020)
Дар ноҳияи Мурғоб бо кумаки USAID ва ширкати “Помир Энерҷӣ” нерӯгоҳи нави офтобӣ сохт шуд

ДУШАНБЕ, 13 ноя — Sputnik. Дар ноҳияи Мурғоб нерӯгоҳи нави офтобӣ, бо иқтидори 220 киловатт, ифтитоҳ ёфт, иттило додааст манбаъ аз ширкати “Помир Энерҷӣ”.

Тибқи иттилои манбаъ, ин нерӯгоҳи нави офтобӣ калонтарин дар Тоҷикистон дониста шуда, дар нуқтаи аз ҳама баландтарини дунё ҷойгиршуда шудааст.

Нерӯгоҳи офтобии нав дар Тоҷикистон дар ҳамкорӣ бо USAID ва ширкати “Помир Энерҷӣ” сохта шуда ба истифода дода шудааст.

Гуфта шудаааст, ки тибқи дархости Вазорати энергетикаи ва захираҳои оби Тоҷикистон, USAID насб намудани нерӯгоҳро дар Мурғоб дастгирӣ намуд, то ки иқтидори нерӯгоҳи барқии “Тоҷикистон” (собиқ Оқсу) бо иқтидори 1,5 мегаватт, ки дар наздикии он ҷойгир шудааст, афзоиш бидиҳад ва нерӯи барқи аз ҷиҳати экологӣ тозаро ба шабакаи барқии маҳаллӣ таҳвил бидиҳад.

Ноҳияи Мурғоб дар Помир ҷойгир шудааст ва яке аз баландтарин нуқтаҳои аҳолинишини дунё ба ҳисоб меравад.

Нерӯгоҳи офтобии нав дар Мурғоб дастрасӣ ба нерӯи барқ дар давоми рӯз то 50 фоиз зиёд хоҳад кард. 

264
Барчаспҳо:
ВМКБ, нерӯгоҳи офтобӣ, нерӯгоҳ, Мурғоб, Тоҷикистон
Маҷлиси ҳукуматии ҶТ, акс аз бойгонӣ

Хатмкардаи Ҳарвард, менеҷер аз лоиҳаи Оқохон: Далер Ҷумъа, вазири нав кист?

10355
(Таҷдидшуда 23:06 03.11.2020)
Далер Ҷумъа, ки қаблан раиси ширкати “Помир Энержӣ” буд, вазири нави энергетика ва захоири обии Тоҷикистон таъйин гардид

ДУШАНБЕ, 3 ноя – Sputnik.  Далер Ҷумъа, вазири энергетика ва захоири обии Тоҷикистон таъйин гардида, дар ин мақом Усмоналӣ Усмонзодаро иваз кард.

Усмоналӣ Усмонзода бо фармони раисиҷумҳур муовини сарвазири Тоҷикистон таъйин гардид.

Ҷумъа Далер Шофақир, вазири нави энергетика ва захираҳои оби Тоҷикистон, соли 1973 дар шаҳри Хоруғ таваллуд шуда, бар асоси ҳолномаи нашркардаи котиботи раисиҷумҳури Тоҷикистон, соли 1998 Донишгоҳи техникии Тоҷикистон (рӯзона), соли 1999 Донишгоҳи давлатии Хоруғ (ғоибона), соли 2006 Донишгоҳи Королинаи Шимолии ИМА , соли 2013 Донишгоҳи Ҳарварди ИМА-ро хатм кардааст.

Бар асоси ҳолномаи нашркардаи котиботи раисиҷумҳури Тоҷикистон, Далер Ҷумъа ихтисосҳои муҳандиси нерӯгоҳҳои барқӣ, иқтисодчӣ - муҳосибӣ, идоракунии бизнес лоиҳаҳо, идоракунии бизнеси байналмилалиро дошта, забонҳои хориҷии русӣ ва англисиро медонад.

Ӯ оиладор ва соҳиби чор фарзанд мебошад.

Дар мавриди фаъолияти Далер Ҷумъа котиботи раисиҷумҳури Тоҷикистон навиштааст:

  • Солҳои 1995-1997 Муҳандиси Институти илмӣ - тадқиқотии «Тоҷикгидроэнергопроект»
  • Солҳои 1997-2002 Сардори Раёсати Федератсияи байналмилалии Ҷамъиятҳои Салиби Сурх ва Ҳилоли Аҳмар дар Тоҷикистон;
  • Солҳои 2002-2003  Сармутахассиси департаменти сафарбаркунии захираҳои Сардафтари Федератсияи байналмилалии Ҷамъиятҳои Салиби Сурх ва Ҳилоли Аҳмар дар Женеваи Шветсария
  • Солҳои 2003–2004 Машваратчии Бонки умумиҷаҳонӣ дар шаҳри Душанбе
  • Солҳои 2004–2005 Роҳбари бахши маркетинги Барномаи рушди соҳибкорӣ USAID/PRAGMA;
  • 05.2006 – 08.2006  Мутахассиси шӯъбаи фурӯш ва таъминоти Созмони Милали Мутаҳид дар шаҳри Ню-Йорки ИМА;
  • Солҳои 2006–2007 Роҳбари ташкилоти Фокуси кӯмак дар Тоҷикистон;
  • Аъзои Шӯрои машваратии назди Президенти Ҷумҳурии Тоҷикистон оид ба беҳтар намудани фазои сармоягузорӣ;
  • Солҳои 2007-2020 Директори генералии ҶСШК «Помирэнерҷӣ», роҳбари регионалии лоиҳаҳои энергетикии сандуқи рушди иқтисодии Оғохон.
10355
Барчаспҳо:
Тоҷикистон, тағйирот
День 24 ноября

Ҷашнҳои рӯзи 24 ноябр дар Тоҷикистон ва ҷаҳон

0
(Таҷдидшуда 17:10 23.11.2020)
Рӯзи бисту чоруми ноябр, дар Тоҷикистон Рӯзи Парчами давлатӣ, дар Русия Рӯзи модарон ва дар Амрико Рӯзи дӯстон таҷлил мешавад

Рӯзи 24 ноябр дар ҷаҳон чӣ рух дод

Соли 1996 дар раъйпурсии умумихалқӣ дар Беларус беш аз 70 фоизи аҳолӣ Конститутсияи пешниҳоднамудаи президент Александр Лукашенкоро ҷонибдорӣ карданд.

БелТА
Президент Беларуси Александр Лукашенко

Соли 1961 изҳороти СММ дар бораи манъи истифодаи яроқи ядроӣ қабул гардид.

День 23 ноября
© Sputnik/ Стас Этвеш/ Мария Вишнякова

Соли 1969 киштии кайҳонии "Аполлон-12" ба самти Моҳтоб парвоз кард.

Соли 2005 дар шаҳри Алмато Анҷумани 5-уми мутахассисони корҳои молияи Қазоқистон доир гардид.

Рӯзи 24 ноябр дар Тоҷикистон чӣ рух дод

Соли 1986 дар фурудгоҳи шаҳри Душанбе аввалин маротиба ҳавопаймои ТУ-154 М фуруд омад.

Соли 2010 бо ширкати раисҷумҳури Тоҷикистон Эмомалӣ Раҳмон дар маркази шаҳри Душанбе бунёди парчами давлатии Ҷумҳурии Тоҷикистон расман оғоз ёфта, он 30 августи соли 2011 дар пояи 165 — метра, ки дар ҷаҳон баландтарин маҳсуб меёфт, парафшон гардид.

Соли 2017 дар шаҳри Душанбе ба муносибати 25 — солагии барқарорсозии муносиботи дипломатии Ҷумҳурии Тоҷикистон ва Корея конфронси илмӣ — амалии байналмилалӣ доир шуд.

Соли 2016 дар Маркази исмоилияи шаҳри Душанбе конфронси байналмилалии "Таҳсилоти пайваста барои рушди устувор" доир шуд.

Исмаилитский центр в Душанбе, архивное фото
© Sputnik / Амир Исаев
Исмаилитский центр в Душанбе, архивное фото

Соли 2017 дар шаҳри Душанбе шарҳи муштараки ҳарсолаи  амалигардии барномаи "Стратегияи миллии саломатии аҳолии Ҷумҳурии Тоҷикистон барои солҳои 2010-2020" гузаронида шуд.

Соли 2014 доираи васеи ҳамкории дуҷонибаи Тоҷикистону Кувайт баррасӣ шуд.

Ҷашнҳои рӯзи 24 ноябр

  • Дар Ҷумҳурии Тоҷикистон - Рӯзи Парчами давлатӣ.
  • Дар Русия - Рӯзи модарон.
  • Дар Амрико - Рӯзи дӯстон.

Рӯзи 24 ноябр дар Тоҷикистон кӣ ба дунё омадааст

Солҳои (1939-1984) – адабиётшинос Назира Қаҳарова.

Соли 1942 – Ҳунарманди халқии Сайрам Исоева.

Председатель согда Раджаббой Ахмадзода, мэр Худжанда Маъруф Мухамадзода посетили актрису Сайрам Исоеву
Пресс-служба мэра Худжанда
Председатель согда Раджаббой Ахмадзода, мэр Худжанда Маъруф Мухамадзода посетили актрису Сайрам Исоеву

Соли 1947 – рӯзноманигор ва нависанда, сармуҳаррири "Курер Таджикистана" Муҳаммадҷон Тоштемиров.

Соли 1950 – хабарнигори Шаҳбозхон Саркориев.

0
Барчаспҳо:
Ҷаҳон, Тоҷикистон, ҷашн
Мавзуъ
Ҷашнҳои рӯзи 17 ноябр дар Тоҷикистон ва ҷаҳон
Ҷашнҳои рӯзи 19 ноябр дар Тоҷикистон ва ҷаҳон
Зодрӯзи Бозор Собир ва инқилоб дар Мексика: ҷашнҳои рӯзи 20 ноябр
Ҷашнҳои рӯзи 21 ноябр дар Тоҷикистон ва ҷаҳон
Пирӯзии Парвиз Собиров ва унвонгирии Майк Тайсон: ҷашнҳои 22 ноябр
Ҷашнҳои рӯзи 23 ноябр дар Тоҷикистон ва ҷаҳон