Нурекское водохранилище

Дилатон пур бошад: Обанбори “Норак” пур шуд!

915
(Таҷдидшуда 11:09 03.09.2020)
 “Барқи тоҷик” аз пур шудани обанбори “Норак” хабар дода, мегӯяд, Тоҷикистон ин тирамоҳу зимистон лимити барқ ҷорӣ нахоҳад кард

ДУШАНБЕ, 3 сен — Sputnik. Нозирҷон Ёдгорӣ, сухангӯи ширкати “Барқи тоҷик” дар таъйиди ин хабар ба Sputnik Тоҷикистон гуфт, расо соати 24 – и 2 сентябр аз неругоҳи “Норак” хабар доданд, ки оби обанбор ба нуктаи ниҳоии худ расид.

“Нуктаи ниҳоии обанбор 910 метр аст. Ин ба он маъност, ки тирамоҳу зимистони имсол дар Тоҷикистон барқӣ кофӣ вуҷуд хоҳад дошт ва лимит – маҳдудияти барқ ҷорӣ нахоҳад шуд”, - гуфт Нозирҷон Ёдгорӣ.

Охири моҳи июл “Барқи тоҷик” эълон карда буд, ки вазъ дар обанбори “Норак” ба далели кам рехтани об аз манбаъҳо вахим гаштааст.

Кор ба ин ҷо кашид, ки ҳукумати Тоҷикистон тайи як паёми катбӣ тариқи расонаҳо ва ҳатто паёмакҳои ширкатҳои мобилӣ аз мардум хост, ки дар ҳоли ҷорӣ шудани маҳдудияти интиқоли барқ тасмими “Барқи тоҷик” – ро дуруст дарк кунанд ва танҳо роҳи бебарқ намондан дар фаслҳои тирамоҳу зимистон сарфа сарфа кардани барқ дар фасли тобистон аст.

“Гармшавии иқлим ва қариб 50 фоиз кам будани ҳаҷми боришоти барф, ки дар таърихи Тоҷикистон бори аввал ба вуҷуд омад, боиси он гардид, ки имрӯзҳо об дар маҷрои дарёи Вахш 800 метри мукааб, яъне 50 фоиз кам аст. Ҳамин аст, ки имрӯзҳо дар обанбори Норак захираи об нисбат ба соли гузашта 17 метр кам мебошад”, - омада буд дар паёми ҳукумати Тоҷикистон.

Шарҳи "Барқи тоҷик" дар бораи коҳиши содироти қувваи барқ ба Афғонистон ва Ӯзбекистон

Тоҷикистон солона ҳудуди 20 миллиард киловат-соат барқ истеҳсол мекунад, ки тибқи иттилои “Барқи тоҷик” 50 фоизи онро аҳолии кишвар истифода мебарад. Сухангӯи “Барқи тоҷик” мегӯяд, обанбори пур истеҳсоли барқро низ бамаротиб афзоиш медиҳад.

“Дар ҳоли пур будани обанбор фишор зиёд шуда, аз ҳар як сантиметри он 600 ило 700 ҳазор киловат – соат барқ тавлид мешавад, ки тамоми эҳтиёҷоти мардумро ба барқ таъмин мекунад”, - гуфт Нозирҷон Ёдгорӣ.

Тоҷикистон аз нимаи солҳои 90 таҷрибаи талхи маҳдудияти интиқоли барқро аз сар гузаронда, дар айёми зимистон сокинони кишвар ҳатто дар як шабонаруз ҳамагӣ ду соат барқ мегирифтанд.

Вазорати энержӣ: тавлиди барқ дар Тоҷикистон коҳиш ёфт

Аз 14 январи соли 2017 маҳдудияти таъмини нерӯи барқ дар кишвар пурра бардошта шуд ва мардум 24 соат бо барқ таъмин шуданд.

915
Барчаспҳо:
обанбори Норак, "Барқи тоҷик", Тоҷикистон

Тоҷикистон аз ҷиҳати нерӯи барқи арзон минёи кишварҳои ИДМ яке аз пешсафон эълон шуд

175
Ҳукумати Қирғизистон арзиши миёнаи тарифҳои барқро дар кишварҳои ИДМ ҳисоб кардааст, ки пастаринаш дар ин кишвар ва баландтаринаш дар Русия ва Белорус будааст

ДУШАНБЕ, 29 сен – Sputnik. Омори нархҳои барқ ​​дар кишварҳои ИДМ дар гузориши ҳукумати Қирғизистон ҷамъбаст карда шуд.

Ҷаласаи Ҳукумати Тоҷикистон
дафтари матбуоти раисиҷумҳури Тоҷикистон
Дар иттилоияи ин ниҳод гуфта мешавад, ки дар кишварҳои ИДМ таносуби манбаъҳои истеҳсоли нерӯи барқ ​​гуногун аст, ки ин ба арзиши истеҳсоли он бевосита таъсир мерасонад.

Фармони Раҳмон: нархи неруи барқ, об ва алоқа то охири соли 2020 баланд намешавад

Гуфта мешавад, то санаи 19 сентябри соли 2020 бо доллари ИМА, тарифи барқ ​​дар Қирғизистон аз ҳама пасттарин - 0,01 доллар барои 1 кВт / соат аст.

Тоҷикистон ва Узбакистон низ аз рӯи нархномаҳо миёни пешсафон қарор доранд, ки барои 1 кВт / соат 0,02 доллар пардохт мекунанд.

Аммо Русия ва Беларус дар байни кишварҳои ИДМ ба кишварҳое табдил ёфтанд, ки тарифҳои гаронтарин доранд: дар он ҷо сокинон бояд барои як киловатт дар як соат то 0,1 доллар пардохт кунед.

Вазорати энержӣ: тавлиди барқ дар Тоҷикистон коҳиш ёфт

Ин аз он сабаб аст, ки дар Русия ва Беларус нерӯи барқ ​​асосан дар нерӯгоҳҳои ҳароратӣ тавлид мешавад, ки нисбат ба гидроэнергетика хеле гаронтар аст.

175
Барчаспҳо:
нарх, барқ, Қирғизистон, Тоҷикистон
Ҷаласаи Ҳукумати Тоҷикистон

Раҳмон аз камобӣ гуфту барои сарфаи барқ дастур дод

290
(Таҷдидшуда 19:01 28.09.2020)
Эмомалӣ Раҳмон, раисиҷумҳури Тоҷикистон, имрӯз дар ҷаласаи Ҳукумат аз камобӣ гуфта, масъалаи таъмини мардум бо нерӯи барқ дар зимистонро ба миён гузошт

ДУШАНБЕ, 28 сен — Sputnik. Тибқи иттилои котиботи раисиҷумҳури Тоҷикистон, Эмомалӣ Раҳмон вобаста ба камобии имсола барои сарфакорона истифода кардани нерӯи барқ дастур дод.

Раисиҷумҳур баҳри рафъи мушкилоти фаслҳои тирамоҳу зимистони дарпешистода ва бо барқ таъмин намудани аҳолӣ ва захираи кофии маводи сӯхту хӯрокворӣ масъулини сохторҳои давлатиро муваззаф кардааст.

Эмомалӣ Раҳмон ҳафтаи қабл низ дар паёмаш ба маҷмааи умумии СММ гуфта буд, ки “имсол бинобар боришоти кам дар фасли зимистон коҳиши назарраси захираҳои об дар дарёҳои минтақа ба қайд гирифта шуд, ки дар навбати худ боиси камобӣ дар мавсими обёрӣ ва хушксолии шадид гардид”.

Ӯ таъкид кард, ки чунин вазъият ба миқдор ва сифати захираҳои оби тоза, ҳамчунин, соҳаҳои марбут ба об, бахусус кишоварзӣ ва энергетика, таъсири манфӣ мерасонад.

Раҳмон зикр кард, ки Тоҷикистон 99 фоизи қувваи барқи худро дар нерӯгоҳҳои барқи обӣ, яъне аз манбаъҳои таҷдидшавандаи энергияи “сабз” истеҳсол мекунад.

Ӯ дар ин робита дастгирии истифодаи васеи манбаъҳои таҷдидшавандаи энергия, ки барои рушди иқтисоди “сабз” заминаи мусоид мегузорад, пешниҳод намуда буд.

290
Барчаспҳо:
ҷаласа, Ҳукумат, нерӯи барқ, Тоҷикистон
В.Путин принимает участие в четвертом Каспийском саммите

Рӯҳонӣ: дахолати хориҷӣ дар муноқишаи Боку ва Ереван авзоъро печидатар мекунад

0
(Таҷдидшуда 21:53 30.09.2020)
Раисҷумҳурии Эрон бо ибрози нигаронӣ аз даргирии ахир байни Арманистон ва Озарбойҷон, ҳаргуна дахолати хориҷӣ дар ин моҷароро мӯҷиби печидатар шудани авзоъ донист

ДУШАНБЕ, 30 сен — Sputnik. Ҳасани Рӯҳонӣ, раисҷумҳури Эрон ахиран дар тамоси телефонӣ бо Никол Пашиниян, нахуствазири Арманистон бо таъкид бар аҳамияти сулҳ, суботу амният дар минтақа афзуд, ки минтақаи Ғарби Осиё тавони бесуботӣ ва ҷанги ҷадидро надорад, иттилоъ додааст хабаргузории "Парстудей".

Тавре манбаъ қайд намудааст, Рӯҳонӣ бо баёни ин ки бояд барои ҳаллу фасли масъалаи Қарабоғ дар чорчӯби муқаррароти байналмиллалӣ ва тамомияти арзӣ роҳи ҳалле ёфт шавад таъкид кард, ки таваққуфи ин даргириҳо барои Эрон муҳим аст ва Теҳрон интизор дорад Арманистон ва Озарбойҷон бо дироят ва хештандорӣ дар ин масир гом бардоранд.

Раисҷумҳури Эрон бо таъкид бар ин ки ҷанг роҳи ҳалли бартараф кардани мушкилоту танишҳо ва ихтилофот нест гуфт, ки ҳаргуна дахолати хориҷӣ дар ин моҷаро на танҳо ба ҳаллу фасли мушкил кумак намекунад балки даргириҳо ва танишҳоро тӯлонитар ва авзоъро печидатар хоҳад кард.

Рӯҳонӣ  ҳамчунин бо ишора ба аҳамият ва собиқаи тӯлонии равобити Эрон бо Ҷумҳурии Озарбойҷон ва Арманистон, омодагии Теҳронро барои ифои ҳаргуна нақши созанда, ки мавриди назари ду кишвари дӯсту ҳамсоя бошад, эълом кард.

Никол Пашиниян низ бо ишора ба таҳаввулоти ахири ношӣ аз даргириҳои низомии Арманистон бо Озарбойҷон, танишу даргириро ба зиёни ҳамаи кишварҳои минтақа донисту аз ҳаргуна ибтикори амале барои таваққуфи хушунатҳо истиқбол кард.

Нахуствазири Арманистон ҳамчунин аз мудохилаи хориҷӣ дар масъалаи ихтилофоти Арманистон бо Озарбойҷон ибрози нигаронӣ кард.

0
Барчаспҳо:
Ереван, Боку, муноқиша, даргирӣ, моҷаро, хориҷӣ, Озарбойҷон, Арманистон, Эрон