Ҷаласаи Ҳукумати Тоҷикистон

Раҳмон аз камобӣ гуфту барои сарфаи барқ дастур дод

327
(Таҷдидшуда 19:01 28.09.2020)
Эмомалӣ Раҳмон, раисиҷумҳури Тоҷикистон, имрӯз дар ҷаласаи Ҳукумат аз камобӣ гуфта, масъалаи таъмини мардум бо нерӯи барқ дар зимистонро ба миён гузошт

ДУШАНБЕ, 28 сен — Sputnik. Тибқи иттилои котиботи раисиҷумҳури Тоҷикистон, Эмомалӣ Раҳмон вобаста ба камобии имсола барои сарфакорона истифода кардани нерӯи барқ дастур дод.

Раисиҷумҳур баҳри рафъи мушкилоти фаслҳои тирамоҳу зимистони дарпешистода ва бо барқ таъмин намудани аҳолӣ ва захираи кофии маводи сӯхту хӯрокворӣ масъулини сохторҳои давлатиро муваззаф кардааст.

Эмомалӣ Раҳмон ҳафтаи қабл низ дар паёмаш ба маҷмааи умумии СММ гуфта буд, ки “имсол бинобар боришоти кам дар фасли зимистон коҳиши назарраси захираҳои об дар дарёҳои минтақа ба қайд гирифта шуд, ки дар навбати худ боиси камобӣ дар мавсими обёрӣ ва хушксолии шадид гардид”.

Ӯ таъкид кард, ки чунин вазъият ба миқдор ва сифати захираҳои оби тоза, ҳамчунин, соҳаҳои марбут ба об, бахусус кишоварзӣ ва энергетика, таъсири манфӣ мерасонад.

Раҳмон зикр кард, ки Тоҷикистон 99 фоизи қувваи барқи худро дар нерӯгоҳҳои барқи обӣ, яъне аз манбаъҳои таҷдидшавандаи энергияи “сабз” истеҳсол мекунад.

Ӯ дар ин робита дастгирии истифодаи васеи манбаъҳои таҷдидшавандаи энергия, ки барои рушди иқтисоди “сабз” заминаи мусоид мегузорад, пешниҳод намуда буд.

327
Барчаспҳо:
ҷаласа, Ҳукумат, нерӯи барқ, Тоҷикистон
Работа нефтяных станков - качалок

Бе пул монданд: сармоягузорӣ ба нафти шил ба таври назаррас коҳиш ёфт

110
(Таҷдидшуда 00:11 17.10.2020)
Поинравии арзиши нафт, қарзҳои бузург ва норасоии маблағгузорӣ бахши истихроҷи нафти шил (слансӣ)-и Амрикоро ба варшикастагӣ рӯ ба рӯ кардааст

ДУШАНБЕ, 16 окт — Sputnik. Аз пандемия бузургтарин ширкатҳои Амрико бардошт карда натавонистанд. Аммо вазъи боз ҳам бадтар аз пеш аст. Ба назар мерасад, ки сармоягузорӣ ба ин соҳа дар соли равон боз ҳам ду баробар коҳиш хоҳад ёфт. Ин маънии онро дорад, ки аксарияти корхонаҳои тавони фаъолиятро дар ин бахш дигар надоранд. Чаро бахши нафти шил дар Амрико, ки қаблан пешқадам буданд, ҳоло зиндагии чандон хуб надоранд. Ин мавзӯъро РИА Новости таҳлил кардааст.

Нархи арзон

Поин омадани нархҳо дар бозорҳо дар фасли баҳор итихроҷи нафти шил дар Амрикоро коҳиш дод. Арзиши нафт тақрибан 50 дарсад коҳиш ёфт. Техас ба ин раванд комилан омода набуд. Дар натиҷа ширкати Parsley Energy фаъолияти беш аз 150 чоҳи истихроҷи нафтро масдуд кард. Ширкати Continental Resources истихроҷи нафтро ду баробар коҳиш дод. Аммо ширкаӣти Texland Petroleum комилан истихроҷи нафтро қатъ кард.

Моҳи апрели соли равон яке аз бузургтарин ширкатии амрикоӣ  Whiting Petroleum, ки ба истихроҷи нафти шил машғул буд, худро варшикаста эълон кард. Сипас  ширкати Нornbeck Offshore Services ва дар моҳи ширкатҳои California Resources ва Chesapeake Enеrgy низ худро варшикаста эълон намуданд. Коршиносон ҳушдор доданд, ки ин танҳо қадамҳои аввал аст ва дар давраи наздик раванди варшикастагии ширкатҳо идома хоҳад ёфт. Тибқи дурнамои ширкати Рickering Energy Partners соли равон беш аз 40 дарсади ширкатҳо, ки дар ин бахш фаъолият доранд аз варшикастагии худ эълон хоҳанд кард.    

“Нархҳои имрӯза имкон намедиҳанд ба ширкатҳои,е ки ба истихроҷи нафти шил машғуланд даромад бигиранд. Барои фоида овардан 50-60 доллар барои як бушка лозим аст. 40 доллар хеле кам аст. Ин соҳа барои сармоягузорон чандон ҷолиб нест. Ҳоло барои он, ки дар бозор бимонӣ бояд пул дошта бошӣ, аммо ҳоло ба кумаки касе умед бастан ғайри имкон аст”.

Тибқи иттилои Ожонсии байналмилалии энергетикӣ сармогузорӣ ба бахши истихроҷи нафти шил дар соли равон ду баробар то 45 миллиард доллар коҳиш хоҳад ёфт. Дар соли 2019 коҳишёби тақрибан 100 миллиардро ташкил дода буд.

Дар гузориши World Energy Outlook гуфта шудааст, ки дар даҳсолаҳои наздик даромад дар ин соҳа 85 миллиард ё 30 дарсад коҳиш хоҳад ёфт.

Аммо дар дурнамои ширкати машваратии Rystad Energy гуфта шудааст, ки ин бахш дар соли равон 67 миллард долларзарар мебинад.   

Ноумедии талх

Бояд қайд кард, ки имрӯз сармоягузорон ба бахши истихроҷи нафти шил чандон боварӣ надоранд. Дар охири соли 2018 аксарияти ширкатҳо ба сабаб коҳиши сармоягузориҳо бюҷеташонро ба миллиардҳо доллар коҳиш доданд. Ҳама одист – даромад нест.

Амрико маҳз бо шаровати ширкатҳои истихроҷи нафти шил ба яке аз бузургтарин кишварҳои содиркунандаи нафт табдил ёфт. Аммо онҳо бояд ҳамеша чоҳ бикананд чунки захираҳо дар чоҳҳои қабли зуд тамом мешаванд. Ба ҳамин хотир қарзҳои ширкатҳо низ афзоиш меёбад.

“Сармогузорон дарк карданд, ки ин намуди тиҷорат чандон фоиданок нест, чунки норасоии маблағро бо қарзҳо рӯйпӯш мешаванд. Дар дас сол 40 ширкати бузург дар ин бахш беш аз 200 миллиард маблағ масраф карданд, ки ин маблағ бештар аз даромади гирифтаашон аст”

Танҳо баъзе ширкатҳо дар ин самт муваффақ шуданд. Ҳазорҳо чоҳҳо нафти кам истихроҷ мекунанд. Дар натиҷа арзиши саҳмияҳои ширкатҳо поин меояд ва онҳо фурухта мешаванд. “Ин бахш дар соли равон комилан боварии сармоягузоронро аз даст доданд”, таъкид доштааст Ли Тилман раиси ширкати нафту гази Marathon Oil.    

Ҳарчи дуртар -ҳарчи бештар

тАвре рӯзномаи Financial Times навиштааст дар семоҳаи аввали соли равон ширкатҳои бузургтарини нафти шил дар ҳаҷми 26 миллард доллар зарар диданд, ки ин барои онҳо бесобиқа аст. Ин рӯзнома навиштааст, ки бояд ба варшикастагии ширкатҳо омода бошем.

Гуфта шудааст, ки ин раванд бадтар аз соли 2016 хоҳад буд, дар он сол буҳрони нафтӣ ба назар мерасид. Он давра 70 ширкат худро варшикаста эълон карда буданд. Он замон ширкатҳо кучак буданд ва баъд аз худ 56 миллиард қарзро боқӣ монданд. Аммо ҳоло мо шоҳиди варшикаста шудани ширкатҳои бузург мешавем. Дар моҳи июни соли равон боз як ширкати бузурги истихроҷи нафти шил Extraction Oil & Gas аз варшикастагии худ эълон кард.

Тибқи иттилои ширкати Haynes and Boone дар ҳашт моҳи соли равон 36 ширкат бо қарзи беш аз 51 миллиард доллар аризаи варшикастагӣ доданд. Дар маҷмӯъ қарзи 25 ширкат ба 150 миллиард расидааст.

Тибқи дурнамои коршиносон агар нархи нафт боло наравад, интизор меравад 250 ширкати нафтӣ худро варшикаста эълон намоянд. Ҳоло пандеми боз авҷ мегирад ва ба назар мерасад боз арзиши нафт поин хоҳад рафт. Тибқи ширкати Deloitte дар ҳоли ҳозир бахши азими ширкатҳои нафтии Амрико алакай пардохтпазир нестанд. 

110
Барчаспҳо:
ширкат, маблағгузорӣ, нафт, Амрико
Нурекская ГЭС

Бе барқ намемонем: НБО "Норак" ва "Бойғозӣ" ба фасли зимистон комилан омодаанд

378
(Таҷдидшуда 00:18 17.10.2020)
Мақомоти Тоҷикистон эълон карданд, ки Неругоҳҳои барқи обии “Норак” ва “Бойғозӣ” комилан барои фаъолияти мунтазам ва самарабахш дар давраи тирамоҳу зимистони солҳои 2020-2021 омода мебошанд

ДУШАНБЕ, 16 окт — Sputnik. Ба нақл аз хабаргузории АМИТ “Ховар”, мутахассисони  НБО “Норак” барои фаъолияти мунтазам ва самарабахш дар давраи тирамоҳу зимистони солҳои 2020-2021  ва  дар давраи  зимистон таъмин намудани хоҷагии халқи мамлакат бо барқ корҳои омодагӣ ва таъмири  ҷорӣ, миёна  ва асосии  гидроагрегатҳо ва таҷҳизоти ёрирасонро  мувофиқи нақша гузарониданд.

Гуфта шудааст, ки айни замон дар гидроагрегати рақами 1-и неругоҳ корҳои навсозӣ ҷараён дошта, гидроагрегатҳои рақамҳои 2,3,4,5,6, 7,8,9  баҳри истеҳсоли қувваи барқ дар ҳолати корӣ қарор доранд. 

Сармуҳандиси НБО-и “Норак” Рустам Фозилов, таъкид доштааст, ки то имрӯз мутахассисони ин корхона тибқи нақша  барои омода намудани неругоҳ ба кори муътадил ва устувор дар мавсими тирамоҳу зимистони солҳои 2020-2021 як зумра корҳои муҳим, аз ҷумла, захира намудани равғани Т–1500, Тп-30, таъмири дегхонаи системаи гармидиҳӣ ва таъмини оби гарм, дар ҳолати омодабош нигоҳ доштани  дизел-генераторҳо, баровардани селовардҳо аз барражи №1-2-и сойи Сафедоб ва ҳавзи сойи лагерро пурра иҷро намудаанд.

Ин ҳам дар ҳолест, ки ба гуфтаи масъулин  НБО “Бойғозӣ” низ барои истеҳсоли барқ дар давраи тирамоҳу зимистони солҳои 2020-2021 омодагии ҷиддӣ гирифтаанд.

Муовини сардори Хадамоти истифодаи техникии неругоҳи “Бойғозӣ” Фахриддин  Ятимов зикр кардааст, ки барои бо оби гарм ва низоми гармидиҳӣ таъмин намудани бинои маъмурии неругоҳ дар дегҳои барқии обии 1,2,3 таъмир гузаронида шуда,  қисмҳои корношоями онҳо аз нав барқарор ва айни замон дар ҳолати корӣ қарор доранд. 

“Ҳамчунин барои таъмини бехатарии кормандон дар  роҳи нақлиётгарди Чашма-Бойғозӣ ва Бойғозӣ-Оби туғ  30 метри кубӣ маводи зидди лағжиш, 5 тонна сӯзишвории дизелӣ, 2 тонна сӯзишвории бензин ва миқдори зарурии намак захира карда, техника ва механизмҳои неругоҳ аз таъмирҳои ТО-1 ва ТО-2 гузаронида шудаанд”, - қайд кардааст Фахриддин  Ятимов.

Ҳамин тавр ба гуфтаи масъулин ин техникаҳо барои дар фасли зимистон ба кормандони нуругоҳ хизмат расонидан пурра омода мебошанд.

Дар ҳамин ҳол, сармуҳандиси НБО-и “Бойғозӣ” Ҷамшед Маҳмадхонов иброз доштааст, ки дар асоси нақшаи таъмири неругоҳ  генераторҳо аз таъмири ҷорӣ бароварда шуда,  айни замон дар ҳолати корӣ қарор доранд.

Сармуҳандиси НБО-и “Норак” Рустам Фозилов гуфт, ки оби обанбори НБО-и “Норак”  айни замон дар сатҳи максималӣ қарор дошта, дар фасли зимистони солҳои 2020-2021 сокинони мамлакатро бо барқ пурра таъмин менамояд.

378
Барчаспҳо:
мақомот, зимистон, фаъолият, НБО Норак, НБО, Тоҷикистон

Ҷашнҳои рӯзи 24 октябр дар Тоҷикистон ва ҷаҳон

0
(Таҷдидшуда 19:46 22.10.2020)
Рӯзи 24 октябр Рӯзи Созмони Милали Муттаҳид, Рӯзи байналмилалии иттилоот оид ба рушд ва Рӯзи байналмилалии мубориза алайҳи фалаҷ мебошад

Рӯзи 24 октябр дар ҷаҳон чӣ рух дод

Соли 1897 - дар шаҳри Санкт- Петербург нахустин бозии футбол баргузор гардид.

Футбол. Кубок конфедераций-2017. Матч Россия – Новая Зеландия
© Sputnik / Григорий Сысоев
Футбол. Кубок конфедераций-2017. Матч Россия – Новая Зеландия

Соли 1945 - оинномаи Созмони Милали Муттаҳид қабул гардид.

Соли 2005 -  дар ҷаҳон нахустин қаторае ба фаъолият оғоз намуд, ки бо гази табиӣ кор мекард.

© Sputnik / Стрингер
Вокзал, архивное фото

 Соли 1857 -  хатмкунандагони Донишгоҳи Кембриҷ дар шаҳри Шеффилди Англия аввалин шуда, дар ҷаҳон дастаи футбол таъсис доданд.

Соли 1996 - дар ҷануби Ветнам бар асари омадани сел 118 нафар ҷони худро аз даст доданд.

Соли 1986 - дар Лондон нахустин мағозаи фурӯши пластинаҳои мусиқие, ки дар он садо сабт менамуданд, ба фаъолият оғоз намуд.

Виниловые пластинки
Виниловые пластинки

Соли 2000 - дар осорхонаи мисрии Берлин ягона соядасти Клеопатра дар ҷаҳон пайдо карда шуд.

Рӯзи 24 октябр дар Тоҷикистон чӣ рух дод

Соли 2012 дар шаҳри Хелсинки раисҷумҳури Тоҷикистон Эмомалӣ Раҳмон бо Ваколатдори парлумони Финландия оид ба ҳуқуқи инсон Петри Яааскела мулоқот намуд.

День 22 октября
© Sputnik / Стас Этвеш / Вишнякова Мария

Соли 2013 дар шаҳри Минск  Эмомалӣ Раҳмон дар маросими ифтитоҳи бинои нави Сафорати Тоҷикистон дар Ҷумҳурии Беларус иштирок карда, дар ҳудуди он бо тоҷикон ва ҳамватанони муқими Беларус мулоқот намуд.

Соли 2016 вазъ ва дурнамои ҳамкории байнидавлатӣ ва байни ниҳодҳои амниятии Тоҷикистону Қазоқистон баррасӣ гардид.

Соли 2012 вазъи вақт ва дурнамои ҳамкории Тоҷикистону Финландия баррасӣ шуданд.

Соли 2015 Изҳороти муштарак оид ба шарикӣ миёни Ҷумҳурии Тоҷикистон ва Ҷопон ба имзо расид.

Ҷашнҳои рӯзи 24 октябр

  • Рӯзи Созмони Милали Муттаҳид.
  • Рӯзи байналмилалии иттилоот оид ба рушд.
  • Рӯзи кормандони дипломатии Қирғизистон.

Рӯзи 24 октябр дар Тоҷикистон кӣ ба дунё омадааст

Солҳои (1914 - 1989)  - Ҳунарманди хизматнишондодаи Тоҷикистон Ҳалим Тоҳиров.

Соли 1957 - бостоншинос Набиҷон Раҳимов.

Соли 1973 - раққосаи машҳури тоҷик Дилором Сатторова.

0
Барчаспҳо:
Ҷаҳон, ҷашн, Тоҷикистон
Мавзуъ
Ҷашнҳои рӯзи 17 октябр дар Тоҷикистон ва ҷаҳон
Ҷашнҳои рӯзи 18 октябр дар Тоҷикистон ва ҷаҳон
Ҷашнҳои рӯзи 20 октябр дар Тоҷикистон ва ҷаҳон
Ҷашнҳои рӯзи 22 октябр дар Тоҷикистон ва ҷаҳон
Ҷашнҳои рӯзи 19 октябр дар Тоҷикистон ва ҷаҳон