Работа нефтяных станков - качалок

Бе пул монданд: сармоягузорӣ ба нафти шил ба таври назаррас коҳиш ёфт

111
(Таҷдидшуда 00:11 17.10.2020)
Поинравии арзиши нафт, қарзҳои бузург ва норасоии маблағгузорӣ бахши истихроҷи нафти шил (слансӣ)-и Амрикоро ба варшикастагӣ рӯ ба рӯ кардааст

ДУШАНБЕ, 16 окт — Sputnik. Аз пандемия бузургтарин ширкатҳои Амрико бардошт карда натавонистанд. Аммо вазъи боз ҳам бадтар аз пеш аст. Ба назар мерасад, ки сармоягузорӣ ба ин соҳа дар соли равон боз ҳам ду баробар коҳиш хоҳад ёфт. Ин маънии онро дорад, ки аксарияти корхонаҳои тавони фаъолиятро дар ин бахш дигар надоранд. Чаро бахши нафти шил дар Амрико, ки қаблан пешқадам буданд, ҳоло зиндагии чандон хуб надоранд. Ин мавзӯъро РИА Новости таҳлил кардааст.

Нархи арзон

Поин омадани нархҳо дар бозорҳо дар фасли баҳор итихроҷи нафти шил дар Амрикоро коҳиш дод. Арзиши нафт тақрибан 50 дарсад коҳиш ёфт. Техас ба ин раванд комилан омода набуд. Дар натиҷа ширкати Parsley Energy фаъолияти беш аз 150 чоҳи истихроҷи нафтро масдуд кард. Ширкати Continental Resources истихроҷи нафтро ду баробар коҳиш дод. Аммо ширкаӣти Texland Petroleum комилан истихроҷи нафтро қатъ кард.

Моҳи апрели соли равон яке аз бузургтарин ширкатии амрикоӣ  Whiting Petroleum, ки ба истихроҷи нафти шил машғул буд, худро варшикаста эълон кард. Сипас  ширкати Нornbeck Offshore Services ва дар моҳи ширкатҳои California Resources ва Chesapeake Enеrgy низ худро варшикаста эълон намуданд. Коршиносон ҳушдор доданд, ки ин танҳо қадамҳои аввал аст ва дар давраи наздик раванди варшикастагии ширкатҳо идома хоҳад ёфт. Тибқи дурнамои ширкати Рickering Energy Partners соли равон беш аз 40 дарсади ширкатҳо, ки дар ин бахш фаъолият доранд аз варшикастагии худ эълон хоҳанд кард.    

“Нархҳои имрӯза имкон намедиҳанд ба ширкатҳои,е ки ба истихроҷи нафти шил машғуланд даромад бигиранд. Барои фоида овардан 50-60 доллар барои як бушка лозим аст. 40 доллар хеле кам аст. Ин соҳа барои сармоягузорон чандон ҷолиб нест. Ҳоло барои он, ки дар бозор бимонӣ бояд пул дошта бошӣ, аммо ҳоло ба кумаки касе умед бастан ғайри имкон аст”.

Тибқи иттилои Ожонсии байналмилалии энергетикӣ сармогузорӣ ба бахши истихроҷи нафти шил дар соли равон ду баробар то 45 миллиард доллар коҳиш хоҳад ёфт. Дар соли 2019 коҳишёби тақрибан 100 миллиардро ташкил дода буд.

Дар гузориши World Energy Outlook гуфта шудааст, ки дар даҳсолаҳои наздик даромад дар ин соҳа 85 миллиард ё 30 дарсад коҳиш хоҳад ёфт.

Аммо дар дурнамои ширкати машваратии Rystad Energy гуфта шудааст, ки ин бахш дар соли равон 67 миллард долларзарар мебинад.   

Ноумедии талх

Бояд қайд кард, ки имрӯз сармоягузорон ба бахши истихроҷи нафти шил чандон боварӣ надоранд. Дар охири соли 2018 аксарияти ширкатҳо ба сабаб коҳиши сармоягузориҳо бюҷеташонро ба миллиардҳо доллар коҳиш доданд. Ҳама одист – даромад нест.

Амрико маҳз бо шаровати ширкатҳои истихроҷи нафти шил ба яке аз бузургтарин кишварҳои содиркунандаи нафт табдил ёфт. Аммо онҳо бояд ҳамеша чоҳ бикананд чунки захираҳо дар чоҳҳои қабли зуд тамом мешаванд. Ба ҳамин хотир қарзҳои ширкатҳо низ афзоиш меёбад.

“Сармогузорон дарк карданд, ки ин намуди тиҷорат чандон фоиданок нест, чунки норасоии маблағро бо қарзҳо рӯйпӯш мешаванд. Дар дас сол 40 ширкати бузург дар ин бахш беш аз 200 миллиард маблағ масраф карданд, ки ин маблағ бештар аз даромади гирифтаашон аст”

Танҳо баъзе ширкатҳо дар ин самт муваффақ шуданд. Ҳазорҳо чоҳҳо нафти кам истихроҷ мекунанд. Дар натиҷа арзиши саҳмияҳои ширкатҳо поин меояд ва онҳо фурухта мешаванд. “Ин бахш дар соли равон комилан боварии сармоягузоронро аз даст доданд”, таъкид доштааст Ли Тилман раиси ширкати нафту гази Marathon Oil.    

Ҳарчи дуртар -ҳарчи бештар

тАвре рӯзномаи Financial Times навиштааст дар семоҳаи аввали соли равон ширкатҳои бузургтарини нафти шил дар ҳаҷми 26 миллард доллар зарар диданд, ки ин барои онҳо бесобиқа аст. Ин рӯзнома навиштааст, ки бояд ба варшикастагии ширкатҳо омода бошем.

Гуфта шудааст, ки ин раванд бадтар аз соли 2016 хоҳад буд, дар он сол буҳрони нафтӣ ба назар мерасид. Он давра 70 ширкат худро варшикаста эълон карда буданд. Он замон ширкатҳо кучак буданд ва баъд аз худ 56 миллиард қарзро боқӣ монданд. Аммо ҳоло мо шоҳиди варшикаста шудани ширкатҳои бузург мешавем. Дар моҳи июни соли равон боз як ширкати бузурги истихроҷи нафти шил Extraction Oil & Gas аз варшикастагии худ эълон кард.

Тибқи иттилои ширкати Haynes and Boone дар ҳашт моҳи соли равон 36 ширкат бо қарзи беш аз 51 миллиард доллар аризаи варшикастагӣ доданд. Дар маҷмӯъ қарзи 25 ширкат ба 150 миллиард расидааст.

Тибқи дурнамои коршиносон агар нархи нафт боло наравад, интизор меравад 250 ширкати нафтӣ худро варшикаста эълон намоянд. Ҳоло пандеми боз авҷ мегирад ва ба назар мерасад боз арзиши нафт поин хоҳад рафт. Тибқи ширкати Deloitte дар ҳоли ҳозир бахши азими ширкатҳои нафтии Амрико алакай пардохтпазир нестанд. 

111
Барчаспҳо:
ширкат, маблағгузорӣ, нафт, Амрико
Здание энергохолдинга Барки точик, архивное фото

Қарзи "Барқи тоҷик" ба 154 миллион доллар расид

161
(Таҷдидшуда 12:20 27.10.2020)
Нерӯгоҳи Сангтӯда-1 аз аввали соли 2020 ба бозори энержии Тоҷикистон аз ҳаҷми пешбинишуда камтар интиқол додааст. Сабаб ба коҳиши хариди нерӯи барқ ​​аз Барқи Тоҷик иртибот дорад.

ДУШАНБЕ, 27 окт — Sputnik. Қарзи Ширкати Саҳомии Холдингии Кушодаи “Барқи Тоҷик” аз НБО нерӯгоҳи "Сангтӯда-1"  қариб ба 154 миллион доллар расидааст, хабар медиҳад хадамоти матбуоти нерӯгоҳ.

Тибқи иттилои расмӣ, аз аввали соли 2020 нерӯгоҳ ба бозори энержии Тоҷикистон 1,6 миллиард кВт/соат нерӯи барқ ​​додаасӣ. Ин нишондиҳанда нисбат ба ҳаҷми пешбинишуда 76,6 миллион кВт/соат ва нисбат ба ҳамин давраи соли 2019 114,6 миллион кВт/соат камтар шудааст.

Хадамоти матбуоти нерӯгоҳ гуфтааст, ки сатҳи миёнаи истифодаи иқтидори насбшудаи НБО Сангтӯда-37,8% -ро ташкил додааст.

Гуфта мешавад, дуршавии нишондиҳандаи воқеӣ аз нишондиҳандаи пешбинишуда ба кам шудани ҳаҷми харидории нерӯи барқ ​​аз “Барқи Тоҷик” вобаста аст.

Дар давраи ҳисоботӣ, арзиши умумии нерӯи барқ, ки аз ҷониби холдинг дода мешавад, ба 49,7 миллион доллар расид. Аммо сатҳи миёнаи пардохт аз оғози соли 2020 аз 44% зиёд нест, ки ин афзоиши минбаъдаи қарзи Барқи Тоҷикро аз НБО Сангтӯда-1 бармеангезад.

Хатзании қарзҳо: қарори Ҳукумат барои дастгирии “Барқи тоҷик”

Манбаъ мегӯяд, дар давраи ҳисоботӣ, нерӯгоҳ ба  ШХСК “Барқи Тоҷик” ба арзиши умумии 49,7 миллион доллар барқ додааст.

Аммо ба таъкиди котиботи нерӯгоҳ “Барқи Тоҷик”  танҳо 44%-и маблағи онро додаасту халос, ки қарздорияшол боз дар назди НБО "Сангтӯда-1" зиёд кардааст.

Дар нӯҳ моҳи соли равон қарзи ширкати "Барқи Тоҷик"  27,8 миллион доллар афзуда, то 30 сентябри соли ҷорӣ ба 154 миллиард доллар баробар шудааст.

ҶСК "НБО Сангтӯда-1" — муассисаи муштараки Русия ва Тоҷикистон аст, ки моҳи феврали соли 2005  дар дарёи Вахши Ҷумҳурии Тоҷикистон бунёд гардид. Иқтидори муқарраршудаи  "Сангтуда-1" 670 МВт аст.

Аввалин гидроагрегати нерӯгоҳ 20 январи соли 2008 ба кор оғоз кард.

“Барқи тоҷик” шумори ҳолати истифодаи ғайриқонунии нерӯи барқро эълон кард

Чаҳор гидроагрегати нерӯгоҳи барқии обӣ 31 июли соли 2009 расман ба кор шурӯъ кард. Саҳми умумии коркарди нерӯи барқи НБО Сангтӯда-1 12% тавлиди кулли нерӯи барқи Тоҷикистонро ташкил медиҳад.

161
Барчаспҳо:
қарз, "Барқи Тоҷик", Тоҷикистон
Нурекская ГЭС

Бе барқ намемонем: НБО "Норак" ва "Бойғозӣ" ба фасли зимистон комилан омодаанд

384
(Таҷдидшуда 00:18 17.10.2020)
Мақомоти Тоҷикистон эълон карданд, ки Неругоҳҳои барқи обии “Норак” ва “Бойғозӣ” комилан барои фаъолияти мунтазам ва самарабахш дар давраи тирамоҳу зимистони солҳои 2020-2021 омода мебошанд

ДУШАНБЕ, 16 окт — Sputnik. Ба нақл аз хабаргузории АМИТ “Ховар”, мутахассисони  НБО “Норак” барои фаъолияти мунтазам ва самарабахш дар давраи тирамоҳу зимистони солҳои 2020-2021  ва  дар давраи  зимистон таъмин намудани хоҷагии халқи мамлакат бо барқ корҳои омодагӣ ва таъмири  ҷорӣ, миёна  ва асосии  гидроагрегатҳо ва таҷҳизоти ёрирасонро  мувофиқи нақша гузарониданд.

Гуфта шудааст, ки айни замон дар гидроагрегати рақами 1-и неругоҳ корҳои навсозӣ ҷараён дошта, гидроагрегатҳои рақамҳои 2,3,4,5,6, 7,8,9  баҳри истеҳсоли қувваи барқ дар ҳолати корӣ қарор доранд. 

Сармуҳандиси НБО-и “Норак” Рустам Фозилов, таъкид доштааст, ки то имрӯз мутахассисони ин корхона тибқи нақша  барои омода намудани неругоҳ ба кори муътадил ва устувор дар мавсими тирамоҳу зимистони солҳои 2020-2021 як зумра корҳои муҳим, аз ҷумла, захира намудани равғани Т–1500, Тп-30, таъмири дегхонаи системаи гармидиҳӣ ва таъмини оби гарм, дар ҳолати омодабош нигоҳ доштани  дизел-генераторҳо, баровардани селовардҳо аз барражи №1-2-и сойи Сафедоб ва ҳавзи сойи лагерро пурра иҷро намудаанд.

Ин ҳам дар ҳолест, ки ба гуфтаи масъулин  НБО “Бойғозӣ” низ барои истеҳсоли барқ дар давраи тирамоҳу зимистони солҳои 2020-2021 омодагии ҷиддӣ гирифтаанд.

Муовини сардори Хадамоти истифодаи техникии неругоҳи “Бойғозӣ” Фахриддин  Ятимов зикр кардааст, ки барои бо оби гарм ва низоми гармидиҳӣ таъмин намудани бинои маъмурии неругоҳ дар дегҳои барқии обии 1,2,3 таъмир гузаронида шуда,  қисмҳои корношоями онҳо аз нав барқарор ва айни замон дар ҳолати корӣ қарор доранд. 

“Ҳамчунин барои таъмини бехатарии кормандон дар  роҳи нақлиётгарди Чашма-Бойғозӣ ва Бойғозӣ-Оби туғ  30 метри кубӣ маводи зидди лағжиш, 5 тонна сӯзишвории дизелӣ, 2 тонна сӯзишвории бензин ва миқдори зарурии намак захира карда, техника ва механизмҳои неругоҳ аз таъмирҳои ТО-1 ва ТО-2 гузаронида шудаанд”, - қайд кардааст Фахриддин  Ятимов.

Ҳамин тавр ба гуфтаи масъулин ин техникаҳо барои дар фасли зимистон ба кормандони нуругоҳ хизмат расонидан пурра омода мебошанд.

Дар ҳамин ҳол, сармуҳандиси НБО-и “Бойғозӣ” Ҷамшед Маҳмадхонов иброз доштааст, ки дар асоси нақшаи таъмири неругоҳ  генераторҳо аз таъмири ҷорӣ бароварда шуда,  айни замон дар ҳолати корӣ қарор доранд.

Сармуҳандиси НБО-и “Норак” Рустам Фозилов гуфт, ки оби обанбори НБО-и “Норак”  айни замон дар сатҳи максималӣ қарор дошта, дар фасли зимистони солҳои 2020-2021 сокинони мамлакатро бо барқ пурра таъмин менамояд.

384
Барчаспҳо:
мақомот, зимистон, фаъолият, НБО Норак, НБО, Тоҷикистон
День 31 октября

Ҷашнҳои рӯзи 31 октябр дар Тоҷикистон ва ҷаҳон

0
(Таҷдидшуда 17:57 30.10.2020)
Рӯзи 31 октябр ҳамчун Рӯзи ҷаҳонии шаҳрҳо ва Рӯзи байналмилалии сарфакорӣ мебошад. Ҳамзамон ин рӯз дар таърих ҳамчун Рӯзи байналмиллалии Баҳри сиёҳ ҳисобида мешавад

Рӯзи 31 октябр дар ҷаҳон чӣ рух дод.

Соли 1932 дар Иттиҳоди Шӯравӣ аввалин Кодекси гражданӣ мавриди амал қарор гирифт.

Соли 2011 бинобар ҳисоботи Фонди нуфузи аҳолии СММ 7-миллиардумин сокини Замин ба дунё омад.

Люди в защитных масках на улице
© REUTERS / CARLOS GARCIA RAWLINS
Люди в защитных масках на улице

Соли 1892 Артур Конан Дойл китоби худ "Воқеаҳои ногаҳонии Шерлок Хомс"-ро ба нашр расонд.

Соли 1906 Намоиши ҷаҳонии "Экспо-1906" дар шаҳри Милани Италия кори худро ба анҷом расонид.

Соли 2012 тартиби таъсис ва тасдиқи шӯроҳои диссертатсионии ҳимояи рисолаҳо барои дарёфт ва додани дараҷаи илмии доктори фалсафа (PhD), доктор аз рӯи ихтисос тасдиқ карда шуд.

День 30 октября
© Sputnik / Стас Этвеш / Вишнякова Мария

Рӯзи 31 октябр дар Тоҷикистон чӣ рух дод.

Соли  2011 дар шаҳри Порис масоили ҳамкории дуҷонибаи Тоҷикистону ЮНЕСКО баррасӣ шуданд.

Соли 2011 раисҷумҳури Тоҷикистон Эмомалӣ Раҳмон ва пешвои исмоилиёни ҷаҳон Оқохони 4 ва вазири вақти фавоиди оммаи Ҷумҳурии Исломии Афғонистон Абдулқуддус Ҳамидӣ бо гузоштани санги асос ва нома ба наслҳои оянда ба бунёди пули 6 – ум миёни Тоҷикистону Афғонистон оғоз бахшиданд.

Ага-хан и президент Таджикистана Рахмон посетили место будущего Шуробадского моста, где состоялась церемония закладки фундамента, архивное фото
Ага-хан и президент Таджикистана Рахмон посетили место будущего Шуробадского моста, где состоялась церемония закладки фундамента, архивное фото

Соли 2013 Эмомалӣ Раҳмон марҳилаи якуми лоиҳаи инноватсионии "Шаҳри бехатар" ё худ низоми худкори идоракунӣ дар соҳаи нақлиётро барои шаҳри Душанбе расман ба кор дароварданд.

День 29 октября
© Sputnik / Стас Этвеш / Вишнякова Мария

Соли 2015 Эмомалӣ Раҳмон барои тамошои сабқати финалии Ҷоми Конфедератсияи футболи Осиё — 2015 байни дастаҳои "Истиқлол"-и Тоҷикистон ва "Ҷоҳор Дарул Такзим"-и Малайзия ба майдони марказии варзишии пойтахт ташриф овард.

Соли 2013 Консепсияи сиёсати ҳуқуқи ҷиноятии Ҷумҳурии Тоҷикистон тасдиқ карда шуд.

Ҷашнҳои рӯзи 31 октябр.

  • Рӯзи байналмилалии Баҳри сиёҳ.
  • Рӯзи ҷаҳонии шаҳрҳо.
  • Рӯзи байналмилалии сарфакорӣ.

     

Рӯзи 31октябр дар Тоҷикистон кӣ ба дунё омадааст.

Соли 1941 – Сарояндаи халқии Тоҷикистон Гулчеҳра Содиқова.

Соли 1953 – ҳофиз ва мусиқачӣ Азизулло Шариф.

0
Барчаспҳо:
ҷашн, Ҷаҳон, Тоҷикистон
Мавзуъ
Ҷашнҳои рӯзи 25 октябр дар Тоҷикистон ва ҷаҳон
Ҷашнҳои рӯзи 26 октябр дар Тоҷикистон ва ҷаҳон
Ҷашнҳои рӯзи 27 октябр дар Тоҷикистон ва ҷаҳон
Ҷашнҳои рӯзи 28 октябр дар Тоҷикистон ва ҷаҳон
Ҷашнҳои рӯзи 29 октябр дар Тоҷикистон ва ҷаҳон
Ҷашнҳои рӯзи 30 октябр дар Тоҷикистон ва ҷаҳон