Санҷиши хонаю корхона барои ошкори "барқдуздон": вазир гуфт, кормандони барқ даст доранд
(Таҷдидшуда 12:45 20.12.2020)
Вазири корҳои дохилии Тоҷикистон Раҳимзода Рамазон зимни як ҷаласа бо намояндагони ин ниҳод ва масъулони соҳаи энергетика ва ширкати “Барқи Тоҷик” дар минтақаи Хатлон дастур додааст, ки барои ошкорсозии “барқдуздҳо” санҷишҳо гузаронида шавадДУШАНБЕ, 20 дек - Sputnik. Тибқи иттилои дафтари матбуотии ин ниҳод, Рамазон Раҳимзода таъкид кардааст, ки аз ҷониби гурӯҳҳои кории таъсисдодашуда низоми истифодабарии қувваи барқ аз тарафи ҳар як шаҳрванд, корхонаю ташкилотҳо новобаста аз шакли моликияташон санҷида шаванд.
©
Sputnik / Сергей Субботин
“Чунки дар баъзе минтақаҳо кормандони барқ барои исрофкорӣ ва ғайриқонунӣ истифода бурдани барқ беҳисобкунаки барқӣ даст доранд ва баъзе муштариён аз барқ қарздоранд”,-афзудааст, номбурда.
Ба иттилои манбаъ, баъди таъсис додани гурӯҳҳои корӣ истифодабарии қувваи барқ аз ҳисоби сарфакорӣ 10-20% коҳиш ёфтааст.
Вазири корҳои дохилӣ ҷиҳати риояи низоми истифодаи оқилонаю сарфакоронаи неруи барқ, ошкор намудани истифодаи ғайриқонунии неруи барқ, ки зарараш ба тамоми ҷомеа мерасад ва сабабгори вайрон шудани танзими таъминот бо неруи барқ мегардад ва пардохти саривақтии маблағи барқ ба масъулини соҳа як қатор даструр супоришҳои мушаххас додааст.
Раҳмон аз таъмини барқ гуфту ба сокинон ҳушдор дод: "лимит" ҷорӣ мешавад, агар...
Ёдовар мешавем, дар пайи дастури президенти кишвар Эмомалӣ Раҳмон гуруҳи корӣ оид ба фаҳмондадиҳӣ барои истифодаи оқилонаи барқ ва ошкорсозии дуздии он ташкил шуд, ки роҳбарии онро Вазири корҳои дохила ба зима дорад.
Шоимзода гуфт, бунёди қисмати тоҷикистонии CASA имсол анҷом меёбад: чанд пул сарф шуд?
ДУШАНБЕ, 24 фев – Sputnik. Шоимзода гуфт, тибқи асоснокии техникию иқтисодии лоиҳаи CASA – 1000 дар маҷмуъ барои татбиқи он 1 миллиарду 86 миллион доллар зарур мебошад, ки аз ин ба қисмати тоҷикистонӣ 314 миллион доллар рост меояд.
©
Официальная страница пресс-службы президента РТ в Facebook
Ӯ афзуд, то кунун аз ҷониби Бонки ҷаҳонӣ, Бонки исломии рушд, Бонки аврупоии сармоягузорӣ, Бонки аврупоии таҷдид ва рушд маблағҳои зарурӣ ҷудо шуда, созишномаҳои молиявӣ ба имзо расидаанд.
Суҳбати телефонии Раҳмон ва Ашраф Ғанӣ: аз баррасии масоили иқтисодӣ то фарҳангӣ
Ба иттилои ноиби вазири энержӣ, то ҳол дар қисмати тоҷикистонии CASA – 1000 ҳудуди 111 миллион доллар аз худ карда шудаанд. Ӯ афзуд, корҳои амалан анҷомдода ба андозаи то 180 миллион доллар мерасанд, ки пули қисмате аз он баъди санҷиш пардохт хоҳад шуд.
Дар доираи лоиҳаи CASA – 1000 бунёди иншооти зерин пешбинӣ гардидааст:
- Сохтмони хати интиқоли барқи 500 кВ – и “Датка – Суғд 500” ба дарозии 477 километр, ки аз ин 28 километр хат ба қаламрави Тоҷикистон рост меояд. Инчунин васеъсозии зеристгоҳи барқии “Суғд – 500” дар назар аст.
- Сохтмони хати интиқоли барқи 500 кВ “Регар – Сангтӯда” бо дарозии 115 километр ва васеъсозии зеристгоҳи “Регар – 500”.
- Сохтмони зеристгоҳи конверторӣ дар минтақаи Сангтӯдаи Тоҷикистон бо иқтидори 1300 МВт барои табдили ҷараёни тағйирёбанда ба ҷараёни доимӣ ва сохтмони зеристгоҳ бо иқтидори 1300 МВт дар минтақаи Новшераи Покистон барои табдили ҷараёни доимӣ ба тағйирёбанда.
- Сохтмони хати интиқоли Сангтӯда – Новшераи Покистон ба дарозии зиёда аз 750 километр, ки аз он ба ҳудуди Тоҷикистон 117 километр рост меояд.
Ҷамшед Шоимзода тавзеҳ дод, ки дар татбиқи лоиҳа асосан сементу арматура ва ноқилҳои истеҳсоли Тоҷикистон истифода мешавад, ки аз ҷониби татбиқгарони лоиҳа санҷидаю тасдиқ шудаанд. Ӯ афзуд, дар баробари 314 миллион доллар арзиши лоиҳавии қисмати тоҷикистонӣ инчунин хароҷоти пешбининашаванда мавҷуданд ва арзиши ниҳоии лоиҳа дар анҷоми сохтмон маълум карда мешавад.
Барчаспҳо:
Узрхоҳии раиси ВМКБ аз мардуми вилоят
(Таҷдидшуда 13:53 24.02.2021)
Ёдгор Файзов, раиси Вилояти мухтори куҳистони Бадахшон, мегӯяд, пешравиҳое, ки дар соли 2020 ба даст омадаанд, дар қиёс бо мушкилот ва имкониятҳои вилоят нокифоя мебошандДУШАНБЕ, 24 фев – Sputnik. Файзов зимни ҷамъбасти фаъолияти яксолаи ҳукумати ВМКБ аз сокинони вилоят узрхоҳӣ кард.
“Узр мехоҳам аз сокинони ВМКБ, ки зимистони имсол аҳолии деҳотро мо натавонистем бо қувваи барқ таъмин кунем. Ин вазъ ба мо нишон дод, ки мо ҳанӯз дар ин соҳа мушкилоту камчиниҳои зиёд дорем”, - изҳор дошт раиси ВМКБ.
Ӯ афзуд, ҳозир се нақшаи бузург рӯи дастанд, ки татбиқи онҳо барои як муддат имкон медиҳад аҳолӣ бо барқ таъмин бошанд, аммо дар оянда боз камӣ хоҳад кард. Аз ҷумла тайи солҳои 2021 - 2023 сохтмони 19 нерӯгоҳи офтобӣ, пайваст намудани шабакаи “Помир энержӣ” ба шабакаи ягонаи миллӣ ва сохтмони нерӯгоҳи “Себзор” дар назар аст, ки ба гуфтаи Файзов имкон медиҳанд, мардум тайи ду-се сол пурра бо барқ таъмин бошанд.
Файзов таъкид намуд, ки бо рушди саноат ин иқтидорҳо низ боз камӣ хоҳанд кард. Ӯ иттилоъ дод, ки феълан дар талоши пайдо кардани манобеи дигар барои сохтмони нерӯгоҳи “Санобод”, “Чартем” ва ғайра мебошанд.
Узрхоҳии раиси ВМКБ дар ҳолест, ки дар фасли сармои ҷорӣ дар вилоят камбуди барқ ҷой дошт ва дар бархе аз навоҳӣ маҳдудияти таъминоти барқ ҷорӣ гардид.
Барчаспҳо:
Зодрӯзи Дона Баҳромов ва ифтитоҳи Маҷмааи тандурустии "Истиқлол": имрӯзи таърих
(Таҷдидшуда 14:58 02.03.2021)
Рӯзи 4 - уми март дар Белорус - Рӯзи милитсия таҷлил мешавад. Дар ин рӯз дар шаҳри Душанбе маҷмааи тандурустии "Истиқлол" ифтитоҳ шудРӯзи 4 март дар ҷаҳон чӣ рух дод
Соли 1789 аввалин Конститутсия ИМА ба ҳукми амал даромад.
Рӯзи 4 март дар Тоҷикистон чӣ рух дод
Соли 2010 дар ҷаласаи Мачлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистон «Дар бораи ворид намудани тағйирот ба Қонуни ҶТ «Дар бораи санадҳои меъёрӣ-ҳуқуқӣ» баррасӣ карда шуд.
Соли 2012 дастаи мунтахаби Тоҷикистон оид ба футбол барои иштирок дар даври ниҳоии Ҷоми КФО-2012 ба пойтахти Непал- шаҳри Катманду сафар кард.
Соли 2013 палатаи поёнии Парлумони Тоҷикистон қарор кард, ки ба лоиҳаи Қонуни ҶТ «Дар бораи мубориза бо терроризм» тағйирот ворид намояд.
Соли 2014 дар Маҷмааи давлатии «Кохи Борбад» маросими кушодашавии 16-умин намоиш-ярмаркаи армуғон ва сайёҳии «Тоҷикистон-2014» баргузор гардид.
Соли 2015 дар шаҳри Маскав ҷаласаи навбатии комиссияи байниҳукуматии Тоҷикистону Россия оид ба ҳамкории иқтисодӣ-тиҷоратӣ баргузор гардид.
Соли 2016 Президент Эмомалӣ Раҳмон дар ноҳияи Фирдавсии шаҳри Душанбе дар маросими ботантана Маҷмааи тандурустии "Истиқлол"- ро ифтитоҳ намуд.
Соли 2017 дар Маркази исмоилияи шаҳри Душанбе маросими ифтитоҳи Рӯзҳои фарҳанги Ҷопон баргузор гардид, ки ду рӯз идома ёфт.
Соли 2019 дар бо қарори Ҳукумати Ҷопон собиқ Вазири корҳои хориҷии Ҷумҳурии Тоҷикистон Талбак Назаров барои саҳми арзандааш дар рушду таҳкими муносибатҳои дуҷониба байни Тоҷикистон ва Ҷопон бо мукофоти давлатии ин кишвар – Ордени Тулӯи офтоб дараҷаи I сарфароз гардонида шуд.
Соли 2020 Президенти Федератсияи футболи Тоҷикистон Рустами Эмомалӣ узви Кумитаи иҷроияи Шӯрои Олимпии Осиё (Olympic Council of Asia) интихоб гардид.
Ҷашнҳои рӯзи 4 март
- Дар Белорус — Рӯзи милитсия.
Рӯзи 4 март кӣ ба дунё омадааст
Соли 1875 -нависандаи тоҷик, равшанфикр ва рӯзноманигор Маҳмудхоҷа Беҳбудӣ.
Соли 1936 - рӯзноманигор Тулфор Қадамов.
Соли 1947 - доктори илмҳои биологӣ Сафарбек Раҳимов.
Соли 1949 - ҳофиз, ҳунарманди халқии Тоҷикистон Дона Баҳромов.
Соли 1957 – рӯзноманигор Ҳуринисо Ализода.
Барчаспҳо: